|
Re: الشيوعيين تطير عيشتهم ..... (Re: حيدر حسن ميرغني)
|
تحية يا علي
بشكل عام ناس كتيرين جدا من المعارضين ممكن يكون في رأيهم إنو ممكن التعايش مع النظام دا ولو جزئيا الشيوعيين رأيهم مبدئي وواقفين ألف أحمر وبيكشفوا أي محاولة تقارب مع النظام بل وبيهاجموها بقوة
دا غير ناس لسة ماسكين في خلافات انتخابات الجامعة واتحاداتها وما قادرين يتخلصوا من المشكلة دي
على العموم الله يعينكم
| |
|
|
|
|
|
|
Re: الشيوعيين تطير عيشتهم ..... (Re: علي دفع الله)
|
ياعلي دفع الله. سلام ياخي.
اني في غاية القلق عليك. فمن الواضح اني قد تسببت في احباطك بمكتوب التبس عليك فاخطات في تاويله وضللت السبيل الى معناه. ولاادري كيف اعالج هذا الامر الذي حدث لي من قبل مع خالد العبيد الذي لايرى ولايريد ان يرى في كتابتي الا صورة لكراهية يظن اني اضمرها للشيوعيين .وهذا غير صحيح.
ان جاء نقدي حادا فهو ليس موجها ضد الشيوعيين في انفسهم، بل هو ضد النهج الذي تدار به المؤسسة الحزبية مما لايغيب عنك.
ليس بيني وبين عامة الشيوعيين غضاضة، ناهيك عن الكراهية التي لا اعرفها في حياتي لامع الشيوعيين ولامع غيرهم..لا اعرف كيف اكره. حتى الذين يقهرون شعبنا ويسومونه سوء العذاب لا اكره سوى افعالهم الشريرة . هكذا خلقت وهكذا سأموت عندما يحين أجلي. وبين البداية والنهاية ، بين المهد واللحد اضع راسي على الوسادة واغمض عيني خالي الصدر من البغضاء.
| |
|
|
|
|
|
|
Re: الشيوعيين تطير عيشتهم ..... (Re: محمد حيدر المشرف)
|
لا يخلو مجال اجتماعي او سياسي سوداني من النبل .. يصادفك النبلاء والنبيلات في كل زقاق وطني/اجتماعي .. كما قد يصادفك المبدعون والفنانون والشعراء كذلك .. في كل ملف أعني .. الا أن وجودهم في الحيز الشيوعي الرحيم ليس مصادفة على الاطلاق .. هو وجود معتاد ومكرر و عادي جدا .. تصور !!
| |
|
|
|
|
|
|
Re: الشيوعيين تطير عيشتهم ..... (Re: كمال عباس)
|
سلامات ياعلى مكابر من ينكر دور الحزب الشيوعى في السودان منذ نشأته قبل قرابة السبعين عام. ومثلما كانت للحزب نجاحات بارزة , كانت له اخفاقات كبيرة. رغم اننى لااتفق معك في تحديدك لبعض الافراد كنماذج للمعادين للشيوعيين والشيوعية ومنهم الاديب عثمان محمد صالح , وهو شخص علمانى ووطنى وله رؤية مستقلة, الا اننى اعتقد بوجود لوثة العداء للشيوعية,والعلمانية , والفكر التقدمى بشكل عام في السودان وغير السودان مع ودى
| |
|
|
|
|
|
|
Re: الشيوعيين تطير عيشتهم ..... (Re: علي دفع الله)
|
ياعلي.
لو الموضوع عندو صلة ببوست طه جعفر زي ما أشار اخونا حيدر حسن مرغني ولمح اخونا محمد حيدر المشرف فمن المهم ان تعرف تعرف اني لما اتخذ موقف حيال اي قضية فيها نزاع بتخذو بغض النظر عن لون المتنازعين السياسي . الحق هو مايعنيني . يعني لو اتعكست القضية في بوست طه جعفر حتلقاني واقف الى صف طه جعفر وقس على ذلك.
| |
|
|
|
|
|
|
Re: الشيوعيين تطير عيشتهم ..... (Re: اخلاص عبدالرحمن المشرف)
|
ياعلي الاشكال في الرفاق انهم يجملون اخطائهم ولايدينون اي فعل فبيح طالما كان صادر من رفاق المعتقد الواحد اتحدى اي واحد فيهم يكون ماطالع بوست طه عن حيدر قاسم .. لما كل هذا العناء والمراوغة غير المجدية في امر واضح تجيبوا الهوا لنفسكم وتلوموا من يدينكم
| |
|
|
|
|
|
|
Re: الشيوعيين تطير عيشتهم ..... (Re: حيدر حسن ميرغني)
|
ياعلي ياخوي ياهو دا درب الحق القليل سلاكه في زمانا السجمان دا كل البلاوي بيرموها علي المستضعفين ، ومافي حته هشه و (بج) غير الشوعيين والجمهوريين والمهمشيين ، فيا اخوي التقع من السماء بتتلاقها الواطة ، فلاتبتأس
| |
|
|
|
|
|
|
Re: الشيوعيين تطير عيشتهم ..... (Re: حيدر حسن ميرغني)
|
يا حيدر جمعتك مباركة انا ما عارف ليه الناس مصرة انو يكون هدف البوست بوست طه بالتحديد مع انو صاحب البوست ما حدد طيب يا حبيب وسع الدائرة شوية وجيب معاك رابط بوست المكوجن محمد سليمان إلاخ الصادق إسماعيل برضه خته في حساباتك
| |
|
|
|
|
|
|
Re: الشيوعيين تطير عيشتهم ..... (Re: فرح الطاهر ابو روضة)
|
Quote: مالكم يا اصدقاء ما تبقوا علينا انتوا والزمن الكعب .... انتقدونا اعملوا كل ما يعدل مسارنا ولكن لا تكسروا ضهرنا ... |
المشكلة يا ابو علوة ليست في الشيوعيين كحزب أو فكرة, المشكلة في بعض الافراد المنتمين والذين لا يتورعون عن اغتيال شخصية من يخالفنوهم و يحسبون ان ذواتهم هي معيار الوطنية و مقياسها الأوحد, شكّرتهم انت وطني , خالفتهم انت ملعون والدين طبعا هذه الظاهرة ليست حكرا على الشيوعيين لكّنها أعلى صوتًا عندكم. لكن معك كل الحق في ان لا يحسب سلوك هؤلاء السلبي على الحزب فهم في النهاية افراد مسؤولين عن تصرفاتهم سلبا و ايجابا فالحزب ما علّم احد أو وجه يوما ما بمباراة القوالات او التجسس وتتبع عورات الناس و بهتانهم بالباطل.
| |
|
|
|
|
|
|
Re: الشيوعيين تطير عيشتهم ..... (Re: عبدالمنعم الطيب حسن)
|
Quote: لكن معك كل الحق في ان لا يحسب سلوك هؤلاء السلبي على الحزب فهم في النهاية افراد مسؤولين عن تصرفاتهم سلبا و ايجابا فالحزب ما علّم احد أو وجه يوما ما بمباراة القوالات او التجسس وتتبع عورات الناس و بهتانهم بالباطل. |
سلام علي و ضيوفه كبسور حق شنو يا زول ... ؟؟؟؟ عضوية الحزب هي اللي بتديك الحقيقة ... خط الحزب دستور الحزب دا كلام مكتوب في ورق .... العمل بيه و الالتزام بيه دا فعل بتقوم بيه العضوية ... الشعارات الجوفاء بتظهر بالافعال اللي بقومو بيها اعضاء الحزب ... و الاحزاب صاحبة السمعة الجيدة عملو السمعة الجيدة من التزام اعضائها بالاخلاق الجيدة ... بعدين تكرار الافعال الشينة من عدة اعضاء و بي صورة مكررة و واضحة بتخلي الناس ياخدو فكرة سيئة عن الحزب ككل ...
تحياتي و احترامي
| |
|
|
|
|
|
|
Re: الشيوعيين تطير عيشتهم ..... (Re: ABUHUSSEIN)
|
يا ابوحسين صلي على رسول الله.. معكوس كلامك دا Quote: الشعارات الجوفاء بتظهر بالافعال اللي بقومو بيها اعضاء الحزب ... و الاحزاب صاحبة السمعة الجيدة عملو السمعة الجيدة من التزام اعضائها بالاخلاق الجيدة ... |
يعني عدم التزام بعض الاعضاء بالخلاق الحميدة يؤثر على سمعة الحزب بالتالي ينطبق على كل الحزاب و الجماعات و الهيئات و الجمعيات و المبادرات و الروابط و الاتحادات بل وحتى شلليات الكوتشينة في السودان !! يا خوي كل انسان عاقل مسؤول عن تصرفاته الأخلاقية ولا يلام - أو يشكر - بها او عليها أحد غيره, دي نفس القاعدة الغبية التي تم بها توجيه اللوم لمجمل هيئة علماء السودان على تصرفات عضوها سعد احمد سعد الشخصية!! مش كدا؟
| |
|
|
|
|
|
|
Re: الشيوعيين تطير عيشتهم ..... (Re: فرح الطاهر ابو روضة)
|
حباب صاحبنا ابو روضة
Quote: وانا ما عارف انت فهمت شنو من مداخلتي واخليك حسب فهمك المهم جدا وعدك بالحضور |
يا فرح فهمي انا خلو وريني بي هناك انت فهمك القاصدو شنهو عموما دي شهادة عضو انتو الآن متكتلين معاهو وداقين فتاشة للغير اهة ورونا فهمك معاهو وما بعيد شغالين معاهو بي لغة خلوها مستورة ومقولة لا اكشف ولا تكشف
طبعا البوست محذوف بصورة حرفية حتي من النسخ المخبأة مع العلم صاحبو عندو مكتبة لو لا هناك ترضيات خلف الكواليس المفروض يترحل لمكتبة صاحبه حسب العرف ورغبة صاحبه
Quote: 06-08-2015, 03:15 AM
طه جعفر
تاريخ التسجيل: 09-14-2009 مجموع المشاركات: 5659
Re: الحزب الشيوعي السوداني و فِقْه المؤتمرات! (Re: طه جعفر)
تحول الحزب الشيوعي السوداني لنادي اجتماعي عند البعض يجد فيه عدد كبير من العاطلين عن المواهب فرصة للممارسة علاقات اجتماعية سيفشلون في انجازها دون غطاء الحزب الستّار للعيوب و النواقص. هؤلاء الفاشلون هم من أهم اسباب قعوده ببساطة لأنهم عاجزون و عاطلون عادة ما يكون الفاشلون من منعدمي المآثر ليس في رصيدهم نضالات و لا تزين سيرتهم التضحيات هم مجرد لموم فاسد يستفيد من البريق الاجتماعي للحزب الشيوعي الناتج عن مجموع نضالات المبادرين من عضويته و الغريب في الأمر أنهم يعلمون أنهم ليسو من ذلك النفر فساد الحزب الشيوعي السوداني يتجلي في أن الفاشلين القاعدين هم من أكبر أفواهه و يحوزون أصغر العقول بين عضويته الصابرة دؤوبة المناجزة في احترامي للحزب لا احترم القيادات الراكعة و لا احترم من إتخذوا الانتماء للحزب الشيوعي كواحد من مواريث العائلة حاله حال دكان في احد اسواق المدن او البلدات احترم نضالات الشرفاء من أهل الصُفّة الحزبية أولئك أولئك الذين ذبحت كرامتهم بدم بارد في المعتقلات و أهدرت حياتهم الخاصة التضحيات المنسيون الذين لا يذكرهم أي صاحب فم كبير من المتشدقين بانتمائهم للحزب كزينة اجتماعية زائفة زيف جمال الحناء في قدم إمرأة لا تعرف قيمتها في مسيرتي في العمل الحزبي عرفت الكثيرين من الفئتين و عرفت بألم ممض أن أن من يذهبون بعيداً في قيادة الحزب هم الذين لا تزين سيرتهم التضحيات و ليس في رصيدهم الخاص نضالات أولئك الدارسون في اوربا الشرقية من راسبي امتحان الشهادة السودانية او المتمرغون في وحل النزوات الخاصة
طه جعفر |
دي بي مثابة وشهد شاهد من اهلها
| |
|
|
|
|
|
|
Re: الشيوعيين تطير عيشتهم ..... (Re: فرح الطاهر ابو روضة)
|
تحياتي للجميع لم اطلع علي بوست العزيز طه . ولكن اطلعت علي مقتيسه هنا وهي حسب ظني رسالة مشفق ونقد يستوجب التوقف عنده اللغة بنظرة متعجلة لي عليها بعض الملاحظات . فمثلا اتخذه البعض ناديا ثم يقفز لاكثرهم .. وفرق حسابي في اللغة بين البعض والاكثر عموما تطور الحزب جماهيريا بعد اكتوبر .. وبعد ابريل ثم تراجع مده . حتي مواقف الحزب من تكتيكات النضال لم تكن واضحة لي كمتابع . موقف قيادته متنزلا للقواعد ولكن لا يمنع ذلك من اخذ الاعتبار في ملاحظة العزيز وددفع .. مع اخذ الاذن بإستبدال الكراهية بالسخرية ! وهي ملاحظة في مكانها . فكثيرا ما اقرأ السخرية مبتدأة بتعبير .. والرفاق يفعلون كذا او يظنون كذا وايضا دون حرف للبوست .. السخرية من قيم الشعب السوداني وتراثه الجميل والسخرية من العادات السودانية الغيظ لا يحل القضية . بل حلها في إلتزام جانب الجماهير والاحتكاك معها في قضاياها اليومية الملحة . كشة ناس المحلية ولا انعدام مياه الشرب ولا انقطاع الكهربا او او تلك هي القضايا التي تهم الناس حقيقة وليس علاقتنا مع ايران او السعودية .. او تصريحات مهدي او او لا تتحرك الجماهير من اجل القيم الراقية التي يتحدث بها المثقغين . بل تتحرك من اجل ما يمس حياتها والشكر للجميع
| |
|
|
|
|
|
|
Re: الشيوعيين تطير عيشتهم ..... (Re: عبدالحفيظ ابوسن)
|
Quote: يا ابوحسين صلي على رسول الله.. معكوس كلامك دا
Quote: الشعارات الجوفاء بتظهر بالافعال اللي بقومو بيها اعضاء الحزب ... و الاحزاب صاحبة السمعة الجيدة عملو السمعة الجيدة من التزام اعضائها بالاخلاق الجيدة ... يعني عدم التزام بعض الاعضاء بالخلاق الحميدة يؤثر على سمعة الحزب بالتالي ينطبق على كل الحزاب و الجماعات و الهيئات و الجمعيات و المبادرات و الروابط و الاتحادات بل وحتى شلليات الكوتشينة في السودان !! يا خوي كل انسان عاقل مسؤول عن تصرفاته الأخلاقية ولا يلام - أو يشكر - بها او عليها أحد غيره, دي نفس القاعدة الغبية التي تم بها توجيه اللوم لمجمل هيئة علماء السودان على تصرفات عضوها سعد احمد سعد الشخصية!! مش كدا؟ |
اللهم صلي و سلم و بارك على سيدنا محمد و على اله و صحبه و سلم تسليما كثيرا ... يا كبسور تصرفات العضوية بتنعكس سلبا او ايجابا على الحزب ... كثيرين بنضموا لي احزاب لأنهم اعجبوا بي احد اعضاء الحزب و دي واضحة وضوح الشمس و كثيرين كرهو احزاب بسبب تصرفات بعض اعضاءه ... دي ما حاجة بتحسب على الحزب لكن بيدفع تمنها الحزب ككل ....
| |
|
|
|
|
|
|
Re: الشيوعيين تطير عيشتهم ..... (Re: ABUHUSSEIN)
|
السلوك الفردي مهم جدا ولكنه لا يرتقي لتعريف السلوك الجمعي او ان يقف دالا عليه.. وبالتأكيد لا يرتقي لمرحلة أن يكون منصة مجانية لاطلاق حملات الكراهية ضد الحزب الشيوعي السوداني ..
فالذي يشتم أحدهم بنعت "شيوعي" مثلا يا ابا حسين .. والذي ينفق وقته الغالي في تتبع عثرات الشيوعيين الفردية .. أو يمارس الالتصاق اللزج ببوستات الكراهية وبحيث يعود وجوده في اي بوست يتناول بصورة سلبية هذا الحزب وجودا متوقعا ومرجحا .. لا يكون منطلقا من ردود افعال تجاه سلوك خاطيء لاحد منتسبي الحزب الشيوعي .. بل هو منطلق من فكرة كراهية مزروعة كنبت شيطاني في المجتمع بواسطة كيانات شيطانية وبذيئة جدا .. وأعني تيارات الاسلام السياسي بالتحديد.
| |
|
|
|
|
|
|
Re: الشيوعيين تطير عيشتهم ..... (Re: محمد حيدر المشرف)
|
Quote: السلوك الفردي مهم جدا ولكنه لا يرتقي لتعريف السلوك الجمعي او ان يقف دالا عليه.. وبالتأكيد لا يرتقي لمرحلة أن يكون منصة مجانية لاطلاق حملات الكراهية ضد الحزب الشيوعي السوداني ..
فالذي يشتم أحدهم بنعت "شيوعي" مثلا يا ابا حسين .. والذي ينفق وقته الغالي في تتبع عثرات الشيوعيين الفردية .. أو يمارس الالتصاق اللزج ببوستات الكراهية وبحيث يعود وجوده في اي بوست يتناول بصورة سلبية هذا الحزب وجودا متوقعا ومرجحا .. لا يكون منطلقا من ردود افعال تجاه سلوك خاطيء لاحد منتسبي الحزب الشيوعي .. بل هو منطلق من فكرة كراهية مزروعة كنبت شيطاني في المجتمع بواسطة كيانات شيطانية وبذيئة جدا .. وأعني تيارات الاسلام السياسي بالتحديد.
|
لو كان فرد لما كان له تأثير و لكن سلوك مجموعة هو المؤثر خاصة لو كانت هذه المجموعة هي الاكثر نشاطا و اعلى صوتا ... كلمة شيوعية تصبح شتيمة عندما يكون الامثلة الظاهرة لهم هي السيئة كما اصبحت كلمة كوز مسبة عندما طغت فعائل الكيزان السيئة ....
| |
|
|
|
|
|
|
Re: الشيوعيين تطير عيشتهم ..... (Re: ABUHUSSEIN)
|
حسنا ..
انت تتحدث الآن عن سلوك شيوعي جماعي ..
اولا انت فارقت فكرتك الاولى حول اعتبار السلوك الفردي لبعض الشيوعيين كفيل باسقاط سلوكهم الفردي هذا على المجموع .. وده مثار النقاش البناقشوك فوقو .. فارقتو وبتتكلم عن سلوك جماعي الآن .. ولا اعلم ان كان في ذلك اعتراف ضمني بخطأ سحب او تعميم السلوك الفردي ولكن وبالاستدلال المباشر هو كذلك ..
ثانيا وفي اطار السلوك الجماعي انت مطالب باثبات ذلك .. هذه مسألة بديهية أن تدلل على ما تقول .. اين وجدت بالتحديد هذا السلوك الجماعي وفي اي المجالات التي يتواجد فيها الشيوعيين السودانيين .. سياسية او اجتماعية او ثقافية .. في الحي أو في محيط العمل .. اين بالتحديد؟!! اين وما هي فعايل الشيوعيين السيئة والتي طغت وجرى عليها مثال "فعايل الكيزان السيئة" ..
ثالثا .. نقول ان فعايل الكيزان السيئة هي حقيقة .. لا نقول ذلك لانو في نماذج فردية منهم قدمت نموذجا سيئا في العمل الوطني العام على مستوى الوطن ..نقول ذلك لان الكيزان وبقياداتهم ومنتسبيهم وموالييهم عاثوا في ذلك الوطن فسادا كبيرا وكبيرا جدا ... وباستطاعة اي زول أن يسرد عليك قائمة طويلة جدا من القيادات الكيزانية الفاسدة من عاثت في ذلك الوطن من الفساد الكثير .. هل تستطيع انت ان تقدم لنا مثل هذه القائمة الشيوعية البتخليك وانت مطمئن جدا ومتسق مع ذاتك وافكارك وكتابتك في وضعها ازاء قوائم الكيزان و"فعائلهم" ؟!!
| |
|
|
|
|
|
|
Re: الشيوعيين تطير عيشتهم ..... (Re: محمد حيدر المشرف)
|
فكرة اسقاط السلوك الشخصي علي مجمل الحزب . دون التيقن حتي من عضوية الفرد او عدمها . ابتدعها الترابي والصادق المهدي في حادثة معهد المعلمين . وتم تجاوز الدستور بها . وتلك قضية اخذت حقها من النقاش والادانة . ومن المخجل نقاش ذات الفكرة بعد مضي نص قرن . متجاوزين كل التراكمات المعرفية والتجريبية لا احد يمثل كامل الحزب من الاعضاء . الا الرأي المعلن من خلال ادوات الحزب ولو كان السلوك الشخصي مقياسا للاحزاب . لكان الشيوعيون في ذيل القائمة من حيث السلوك المنفلت والخيانة والفساد
| |
|
|
|
|
|
|
Re: الشيوعيين تطير عيشتهم ..... (Re: محمد حيدر المشرف)
|
فكرة اسقاط السلوك الشخصي علي مجمل الحزب . دون التيقن حتي من عضوية الفرد او عدمها . ابتدعها الترابي والصادق المهدي في حادثة معهد المعلمين . وتم تجاوز الدستور بها . وتلك قضية اخذت حقها من النقاش والادانة . ومن المخجل نقاش ذات الفكرة بعد مضي نص قرن . متجاوزين كل التراكمات المعرفية والتجريبية لا احد يمثل كامل الحزب من الاعضاء . الا الرأي المعلن من خلال ادوات الحزب ولو كان السلوك الشخصي مقياسا للاحزاب . لكان الشيوعيون في ذيل القائمة من حيث السلوك المنفلت والخيانة والفساد
| |
|
|
|
|
|
|
Re: الشيوعيين تطير عيشتهم ..... (Re: محمد حيدر المشرف)
|
سلامات علي دفع الله
الحزب الشيوعي ليس فوق النقد وممارسته السياسية ليست مقدسة لدي بعض المحلاحظات حول سلوك الشيوعين في العمل الجبهوي التحالفاتي:
فرض الوصاية علي أي تحالف يضم الحزب الشيوعي سلوك مؤامراتي لا تخطئه العيـن إختراق الأحزاب الأخري عدم الثقة في الأخريـن تمرير خطاب الحزب الفكري عبر التحالف وإختطاف التحالف التخويـن والأغتيال المعنوي للمخالفين
هذه بعض من سلوك السيوعين لم عمل معهم أطار أي تحالف سياسي
هذا ليس تعميما ولكن التجارب في العمل مع الشيوعين تقول ذلك
يعني يا علي دفع الله الحزب الشيوعي ومنسوبيه ليسوا فوق النقد
| |
|
|
|
|
|
|
Re: الشيوعيين تطير عيشتهم ..... (Re: عبدالعظيم عثمان)
|
Quote: ولو كان السلوك الشخصي مقياسا للاحزاب . لكان الشيوعيون في ذيل القائمة من حيث السلوك المنفلت والخيانة والفساد |
تحياتي ود اب سن دي برضو من نوع التصريحات القائمة على فرضيات نظرية من الصعب إن لم يكن المستحيل التدليل عليها واثباتها في ظل غياب دراسات أو احصاءات من جهة محايدة ونظريا و حساب عرب ساي امسك في عينة صغيرة زي مجتمع البورد دا, قارن بين عضويات الأحزاب المختلفة على ضوء السلوكيات الجبتهن ديل أو شبيهات بيهن يستحيل ان تأتي عضوية الشيوعي في ذيل قائمة تحتوي عضوية المؤتمر السوداني, الأمة, الإتحادي و بعض حركات حق
الموضوع ببساطة من وجهة نظري أن الشيوعيين لم ياتوا من جهنم وكذلك لم ياتوا من السماء, هم ناس عاديين زيّهم وزي اي سوداني نشا في كنف أهله و تربى على القيم السودانية المعروفة فمحاولات الصاق مثالب و مساوئ بهم لأنهم شيوعيين مسالة خاطئة و متعسفة خطا وتعسف فرضية انهم نبلاء وشرفاء و مناضلين فقط لإنتمائهم للحزب الكويس وود الناس كويس من يومه و من أهله قبل انتمائه للحزب كذلك السيئ و الساقط و قليل الأدب يبقى السؤال هل الإنتماء للحزب يربي و يغيّر في أخلاقيات الشخص - الإنتماء لأي حزب وليس الشيوعي فقط. اعتقد الإجابة بلا و نعم في آن, برامج الأحزاب و ادبياتها نظريا لا تشمل المخازي و السرقة و الفساد, و اغلبها يتحدث عن الديمقراطية و قبول الآخر و دي البرامج البتقنع العضو للإنتماء للحزب لكن توافق هذه البرامج او تخالفها الممارسة و التطبيق أو مدى اتساق القيادة مع البرنامج. وكما ان الإتساق و الإنضباط و الإلتزام معد, كذلك الفساد و التسيب و مخالفة المبادئ لكن في النهاية تبقى طينة وشخصية الإنسان, هي التي إمّا تحميه من العدوى او ينجرف مع التيّار.
| |
|
|
|
|
|
|
Re: الشيوعيين تطير عيشتهم ..... (Re: محمد حيدر المشرف)
|
Quote: الا يحاول حزب الامة على سبيل المثال فرض وصايته على تحالفاته .. الا يفعل الاتحادي الديمقراطي ذلك ؟!! الا تجد ذات هذه الممارسة داخل هذه الاحزاب بين تياراتها المتصارعة داخليا؟!! ثم وهل هناك اغتال معنوي أكبر من الذي تعرض له الحزب الشيوعي السوداني من القوى اليمينية الرجعية في السودان ؟!! |
سلامات يا دكتور المشرف
هذه واحدة من علات العمل المشترك مع الحزب الشيوعي العمل مع الشيوعين شاق جدا ويحتاج الي الي حذر كبير يعني بتكون بتحارب في الجبهة الإسلامية وبتحارب في الشيوعين جوة التحالف ( تطير عيشتهم زي ما قال علي دفع الله) سلوك المؤامرة والمكر من مسالب العمل المشترك مع الشيوعين ...
بعدين في إستعلاء كبير من قبل الشيوعين تجاه المكونات الأخري يعني هسي يا مشرف بي جرة قلم كدا طلعت كل الأحزاب السودانية القديمة رجعية شفت دا الإستعلاء زاتوا بالبيحرك كثير من الشيوعين ..ز يعني يخشوا التحالف وفي ذهنهم خم الدراويش وناس الفتة ديل لغاية ما نحقق غاياتنا وبعدين كلهم في سلة واحدة مع الجبهة الإسلامية
تحياتي
| |
|
|
|
|
|
|
Re: الشيوعيين تطير عيشتهم ..... (Re: عبدالعظيم عثمان)
|
عبدالعظيم سلامات ..
رؤية الامور قد تتم بصورة غريبة جدا وغير متوقعة .. يعني ان تدرج سلسلة من المساويء والمسالب حول منهجية التخوين والاغتيال المعنوي والنهج المؤامراتي .. ولما نكتب جملة واحد "كالأحزاب الرجعية" تكون ممارسة متعالية ؟!!
لم تجب أسئلتي حول محاولات فرض الوصاية والرؤى ؟!!
| |
|
|
|
|
|
|
Re: الشيوعيين تطير عيشتهم ..... (Re: محمد حيدر المشرف)
|
تحياتي كمال عباس لا اظن ان قولك يختلف عن قولي كثيرا . تصريحات الحزب من خلال قنوات الحزب المعين . هي العمل السياسي الذي يجب نقده مربوطا بالحزب . الحياة السياسية والاجتماعية متجددة .سياسات خارجية وداخلية تستوجب رأيا للحزب يجب ان يؤخذ من الحزب نفسه . وحتي عدم تفاعله مع قضية حيوية وهامة وصمته تجاهها هو في حد ذاته رأي يمكن نقده ود البشري تحياتي يا صاحب للحزب الشيوعي مثلا علي ما اذكر ضوابط لنيل العضوية . ويأحذ العضو فترة ترشيح يتم اختباره وتدريسه . من ضمن المنهج وثيقة العمل وسط الجماهير ويتم النقاش حولها والاستفاضة . مع التذكير يمكن لاي عضو الطعن في مرشح الحزب . الطعن في سلوكه الشخصي ذلك السلوك الموغل في الخصوصية . هذا ما اعلمه قديما للحقيقة . وحتي العضو من حق اي عضو تقديم بلاغ عن سلوكه الشخصي الذي يسئ للمجموع . والعقوبة ان ثبت الاتهام قد يكون الفصل لذا انا اتحدث عن ما اعرفهم من شيوعيين طيلة حياتي الواعية . منذ الثمانينات . والله وجدتهم مع غيرهم هم الافضل طهار يد .. ونكران للذات وحب للناس .. فأنا قطعا اتحدث من منطلق تجربتي الشخصية ولا احصائيات عندي وعلمت من الشيوعيين ان كثيرا وكثيرا هذه اقصدها حرفيا . ان من يظنهم الناس شويعيين لا ينتمون للحزب كأعضاء .وكانت هذه مفاجاة لي حينها عن المنبر والله لا اعلم احدا انه عضوا بالحزب الشيوعي وان تث عنه ودافع بل اقرأ قولهم دون تصنيف . الوالريش يا صاحب .. وتلك مشكلة عامة . انتقاد الحزب ليس عداؤه . من حقي انتقاد اي حزب دون سخرية او تهاتر . لذا تجدني لا اقول ابدا الدعول او ابوريالة او غيرها من المسميات . ذلك يشخصن الصراع . سأقول السيد عمر البشير رئيس السودان . وانتقد سلوك من يفترض انه رئيس
| |
|
|
|
|
|
|
Re: الشيوعيين تطير عيشتهم ..... (Re: عبدالحفيظ ابوسن)
|
Quote: عبدالعظيم سلامات ..
رؤية الامور قد تتم بصورة غريبة جدا وغير متوقعة .. يعني ان تدرج سلسلة من المساويء والمسالب حول منهجية التخوين والاغتيال المعنوي والنهج المؤامراتي .. ولما نكتب جملة واحد "كالأحزاب الرجعية" تكون ممارسة متعالية ؟!!
لم تجب أسئلتي حول محاولات فرض الوصاية والرؤى ؟!! |
سلامات يا مشرف
فرض الوصاية والرؤي أمر غير مشروع في العمل الجبهوي والتحالفاتي لان العمل المرحلي يجب أن يضبط برامج وخطط يتم الإتفاق حولها مسبقا
داخل الأحزاب صراع الرؤي والبرامج والأفكار أمر مشروع ويتم ضمن الأطر الفكريه داخل المنظومة الواحدة ..
بعدين الإستعلاء دا ما جديد علي الشيوعين يا مشرف ومحاولة التمييز علي أساس ( التقدم والرجعية) دا خطاب قديم يعني ما جديده علي الشيوعين الإستعلاء علي الأحزاب الأخري
بعدين ليه الشيوعين ديل ما بقبلوا النقد وأن تجربتهم مقدسة أي نقد للحزب الشيوعي وتاريخه وممارسه منسوبيه ليست بالضرورة عدا او إستهداف للحزب روقوا شوية يا شيوعين واقعدوا في الواطة .. حزبكم دا زيوا وزي باقي خموم الأحزاب السودانية يعني عندكم نفس الأمراض الموجودة في الأحزاب الأخري .. ومافي أي ميزة او تفوق يمكن أن تجعلكم تستعلون علي الأحزاب الأخري ....
تحياتي
وروقوا المنقة شوية
| |
|
|
|
|
|
|
Re: الشيوعيين تطير عيشتهم ..... (Re: محمد حيدر المشرف)
|
Quote: انت تتحدث الآن عن سلوك شيوعي جماعي |
جماعي دي جبتها من وين يا دكتور .. ؟؟؟؟ انا قلت :-
Quote: لو كان فرد لما كان له تأثير و لكن سلوك مجموعة هو المؤثر خاصة لو كانت هذه المجموعة هي الاكثر نشاطا و اعلى صوتا ... |
و الفرق واضح افتكر .....
| |
|
|
|
|
|
|
Re: الشيوعيين تطير عيشتهم ..... (Re: محمد حيدر المشرف)
|
Quote: عادل سلامات ..
ما هي هذه المجموعة ومن هم افرادها وعددهم ومجالهم عشان نحدد مقياس الجماعي والفردي في النقاش ونربطو بي مثالك عن سوء الكيزان بصورة عملية وواضحة ؟!! |
اهلا يا دكتور الامثلة دي المنبر كلو عارفها و انت نفسك عارفها ..... و فوق الناس اتكلمو ليك عن نفس الموضوع يعني دا ما رأيي انا بس .... الغلط واضح قدامكم و دا ما غلط بتعالج بي اجتماع لي سكرتارية الحزب دا بتعالج في نفس المكان اللي حدث فيه ... الصراع قائم دائما بين الخير و الشر فاذا سكت الخير عم الشر و العكس برضو صحيح ... و دي ما خاصة بالحزب الشيوعي فقط لكن واضحة اكتر في الحزب الشيوعي ....
تحياتي و احترامي للجميع
| |
|
|
|
|
|
|
Re: الشيوعيين تطير عيشتهم ..... (Re: ABUHUSSEIN)
|
كتب عبد العظيم عثمان:
Quote: لدي بعض المحلاحظات حول سلوك الشيوعين في العمل الجبهوي التحالفاتي:
فرض الوصاية علي أي تحالف يضم الحزب الشيوعي سلوك مؤامراتي لا تخطئه العيـن إختراق الأحزاب الأخري عدم الثقة في الأخريـن تمرير خطاب الحزب الفكري عبر التحالف وإختطاف التحالف التخويـن والأغتيال المعنوي للمخالفين
|
واضاف ، موضحا:
Quote: هذه واحدة من علات العمل المشترك مع الحزب الشيوعي العمل مع الشيوعين شاق جدا ويحتاج الي الي حذر كبير يعني بتكون بتحارب في الجبهة الإسلامية وبتحارب في الشيوعين جوة التحالف ( تطير عيشتهم زي ما قال علي دفع الله) سلوك المؤامرة والمكر من مسالب العمل المشترك مع الشيوعين ...
بعدين في إستعلاء كبير من قبل الشيوعين تجاه المكونات الأخري
|
كتر خيرك يا عبد العظيم والتحية ليك..و شكرا على حرصك على وضع صورة علم الإستقلال في البروفايل بتاعك.. لخصت كتير من العتب والمحاذير تجاه اصدقاءنا ناس الحزب الشيوعي السوداني.
ودمت.. كبر
| |
|
|
|
|
|
|
Re: الشيوعيين تطير عيشتهم ..... (Re: Kabar)
|
كتب حمد عبد الغفار:
Quote: بشكل عام ناس كتيرين جدا من المعارضين ممكن يكون في رأيهم إنو ممكن التعايش مع النظام دا ولو جزئيا الشيوعيين رأيهم مبدئي وواقفين ألف أحمر وبيكشفوا أي محاولة تقارب مع النظام بل وبيهاجموها بقوة
|
حمد..حبابك يا صديقي هبي نيو اير.. وبعد..
حكاية الحزب الشيوعي السوداني واقف الف احمر..دي قولها لزول ما عندو حديدة..!
امبارح القريبة دي الحزب اتساكن مع النظام ، وقرر المشاركة على المستوى التشريع وقبض نصيبو في كوتة عضوية البرلمان..ولا نسيتهم؟..ومش مهم..!
المهم حكاية كشف المؤامرات (المهمة شديد) مثل التقارب مع النظام..ست وعشرين سنة ونحن تحت حكم الجبهة الإسلامية ولم يقدم الحزب الشيوعي كشف عن مؤامرة حقيقية ضد السودان..كل البيقدروا عليه مطاردة الأفراد واعتبار ذلك نضال وكشف عن مؤامرات..وقلت لصديقنا طه جعفر ناس الحزب الشيوعي السودان قاعدين يهدروا الطاقات في المعارك الغلط والأهداف الغلط..!
في الوقت الذي يتحدث فيهو ماركسيين غير سودانيين عن تكييف الصراع في دارفور بانو صراع مصالح وانو امريكا وبقية جوقة الأمبرالية بتستهدف بترول السودان ، في نفس الوكت ناس الحزب الشيوعي بيطاردوا مواطنيهم وبيسومونه العذاب واغتيال الشخصية..
وحينما يتحدث الماركسيين الأفارقة ، والتنبيه عن مثلث الرعب (حدود السودان وتشاد وافريقيا الوسطى) وعلاقتو بتكالب القوى الدولية على السيطرة على موارد الدول دي بخلق الفوضى والحروب..، وكتها ناس الحزب الشيوعي شغالين كشف عن مؤامرات التقارب مع النظام.. ودي امثلة بسيطة يا صديقي..
بعضهم يا صديقي ، بيخليني اجزم بانو الماركسية عندهم مجرد قشرة وبس..عشان كده ما بيقدروا عليها وتطبيقها في طريقة التفكير والنقاش والنضال على المستوى اليومي..ناهيك على المستوى على البعدي (مستوى استراتيجي)..!
الغلط موجود يا صاحب.. وزمان كنا فينا رقشة انو الناس ديل يسمعوا الجماهير الما عندها علاقة بالحزب..لكنهم كان يمدون السنتهم بان ديل مغفلين نافعين..عشان كده ما عندهم سالفة..وكلما مارسوا الدغمسة والخبث..سنمارس عليهم دغمسة وخبث لمن يعرفوا حاجة..!
ودمت.. كبر
| |
|
|
|
|
|
|
Re: الشيوعيين تطير عيشتهم ..... (Re: Kabar)
|
صديقي محمد حيدر المشرف..حبابك يا صديقي
نعم يا صديقي نفهم دفاعك المستميت ونحفظ ليك حقك في الدفاع..ولكن..!
ابدا يا محمد..الموضوع ما عندو أي تراكم بخصوص طول عمر حكم الجبهة الإسلامية..ولو كنت امين معظم الناس ديل عندهم موقف من نظام الجبهة ومن كل سلوك القوى السياسية المعارضة.. فشنو شوف ليك حجة تانية..!
الحزب الشيوعي فيهو ظاهرة تسرب عضوية بصورة كبيرة..يبقى السؤال ليه العضوية بتتسرب؟..يعني عاجبهم الإرتماء في احضان النظام كما تزعم بروباقندا الحزب وبعض من الأوباش من عضوية الحزب الذين يستسهلون التخوين والتسفيه واغتيال الشخصية؟..
الحاجة التانية.. المثل بيقول يا صديقي ، اتنين لو قالوا ليك راسك مافي ، أهبشو..
الخطر في الناس الجات تتكلم هنا دي..انها ناس في بلاد ومواقع مختلفة وعلى كافة انحاء العالم (السودان ، الخليج ، اوربا ، نورث امريكا) وكلهم من غير ترتيب متفقين في نقطة الحاجات الغلط في سلوك ناس الحزب الشيوعي.. فهنا يا صديقي يصعب الكلام عن افراد..
لو كان كبر مثلا جا وقال ليك الشيوعيين المعاي في نفس المدينة عندهم كيت وكيت.. كان ممكن تتقبل عقليا وموضوعيا بانو دي حتة معزولة ولا تصلح للحكم على الجماعة ، لكن الواقع هنا..بيقول انو اصوات عديدة ومن جهات مختلفة وبتقدم افاداتها..!
ودمت..
كبر
| |
|
|
|
|
|
|
Re: الشيوعيين تطير عيشتهم ..... (Re: Kabar)
|
كبر سلامات ..
ودعنا نتفق على مسلمات محددة ..
أولا هناك حالة من الكراهية للحزب الشيوعي على مستويات متعددة ذات طابع سياسي /اسلاموي .. ودي ذاتها خشم بيوت فيها الاخواني والداعشي والوهابي والطائفي .. ولكنهم يلتقون جميعا في حدها الادني والمتمثل في التماهي "على اقل تقدير" مع الدعاية الدينية السوداء والبذيئة أو صناعتها .. لهذه الكراهية اسبابها الجوهرية باعتبار أن الصراع الأساسي للحزب الشيوعي يكون بالضرورة في الضد من هذه القوى الرجعية ..
ثانيا هناك حالة كراهية ومواقف معادية للحزب منطلقة ومتمركزة قريبا أو داخل حدود اليسار السوداني .. والمتامل في خصائص قادة هذه الحملات يجد بينهم الكثير من المشتركات .. الخلفية الشيوعية أو القرب الشديد من الدائرة الثقافية والسياسية والفكرية للحزب الشيوعي .. واقع الهجرة للغرب .. مراجعات وتراجعات فكرية حادة "ليبرالية متأخرة ألمت ببعضهم" .. استغراق في نشاطات ذات طابع دفاعي منغلق على الذات الشخصية او العامة "كالقبيلة" مثلا ومن ثم مقاربة الاحزاب في عمومها بنفس جهوي حاد وحار..
ثالثا وتحت هاتين الفئتين .. يقع سواد من الناس الخاضعين لسطوة الدعاية الدينية السوداء والمجيشين دينيا والمستثارين سلبا تجاه الحزب لاسباب دعوتها بالتراكمية .. تراكم افرازات الاسلام السياسي المتعفنة على العقل السوداني ,,, وتراكم أجيال من الجهل واللامبالاة والغياب عن تفاصيل الوطن الحميم الذي بالبال .. ..
هذه هي البيئية التي ينمو فيها الحزب الشيوعي السوداني .. بيئة شمولية قابضة ومهيمنة وذات طابع ديني بذيء جدا ومنذ عقود .. والادهى والامر أنها معززة بكراهية ذوي القربى الفكرية والثقافية .. حالة أشبة ما تكون بكتيبة إعدام معبأة بالكراهية العميقة والرصاص الموجه لصدر حزب سياسي مختلف ..
ما أود أن أقوله ... فرضت العديد من الظروف أدوارا أضافية للحزب الشيوعي في الساحة السياسية السودانية .. أن يكون "درقه" لصد جائحة التطرف عمن يليه من الاحزاب اليسارية والعلمانية .. وأن يكون حائطا لالقاء جميع اشكال التهم و "النرفزات" و"الزفرات" و"الخيبات الشخصية" في تحقيق حلم الوطن الجميل من مهاجرهم.
برأيي أن يترك أمر هذا الحزب لأهله .. هم أدرى بشعابه وقصوره ومكامن الخلل الرؤيوي والتنظيمي .. لا يحتاج الحزب لممارسة البكائيات الطويلة على ابوابه بينما تغوص السكاكين الصدئة في الخاصرة .. فليتركه الناس ويمضوا لفضاءاتهم الخاصة .. ليبراليتهم .. قبيلتهم .. دواعشهم .. كيزانهم .. كندتهم .. أعمالهم وأحلامهم وخيباتهم الوطنية الشاهقة .. هذا التكالب بذيئ جدا يا كبر. . بذيء وبكل المقاييس .. وانت زول عادة ما تدعو لعافية الاشياء .. لماذا إذن لا تمضي نحوها الآن بدلا عن احتقاب المواجد القديمة ؟!!
| |
|
|
|
|
|
|
Re: الشيوعيين تطير عيشتهم ..... (Re: ABUHUSSEIN)
|
شكرا لكاتب البوست على افتراع مثل هذا النقاش الذي يصب ايجابا في مسيرة الحزب الشيوعي بكل ما حفلت به من سلبيات لا زالت تؤخر مسيرته في ان يتحول الى حزب جماهيري ، وايجابيات نحسب ان اولها صموده الاسطوري امام اعتى اجهزة المخابرات الغربية . اضافة الى الهجوم المتواصل والذي لن يتوقف من قوى الاسلام السياسي ممثلة في حكومة الفساد الحالية . على المستوى الشخصي انا صدمت في بعض رفاق الامس وبعض الاصدقاء في هذا المنبر وهم يصطفون وراء قوى بغيضة كارهة لنا لا يهمها إلا ان ترى الحزب معزولا مضعضعا .. تفرح وتقيم سرادق الفرح متى علمت او استشعرت ببوادر أي مشكلة في تنظيم الحزب تهدد بانقسامه .. وعلى سبيل المثال في ايام الازمة الاخيرة التي ظهرت في اجهزة الاعلام عن توقيف د. الشفيع وآخرين سرعان ما اصطادها ذوي الخبرة في مثل هذه الاحداث وبدأوا في الكيل وتقريع الحزب ونبش كل سلبيات الحزب واستحضارها كان هذه السلبيات والنواقص التي لا ننكرها بطريقة كأنها اصبحت برنامج وخط الحزب والأغرب من كل هذا ان ما يكتبه البعض ليلا ينمحي عن ذاكرتهم نهارا . اود هنا ان ارد على صديقي العزيز عثمان م صالح في اول مداخلة له هنا فقد ذكر : " ولا ادري كيف اعالج هذا الامر الذي حدث لي من قبل مع خالد العبيد الذي لا يرى ولا يريد ان يرى في كتابتي الا صورة لكراهية يظن اني اضمرها للشيوعيين .وهذا غير صحيح . ولان الحب كما قال " ايبا ازرا " يلهينا عن الاخطاء ، والكراهية تعمينا عن الحقائق ، نجد صديقنا عثمان هو نفسه من كتب قبل اسابيع قليلة : " يبلغ حزب الشيوعيين السودانيين خاتمة المطاف وهو خائر القوى متقطع الأوصال والأنفاس تتوزّع أمواهه برك متقطعة تنتظر أشعة الشمس لتجفّ وتتبخر. ثم " هي سكرات الموت ، اذن ، قد جاءت لحزب عظيم قد تكلّس ويبست في عروقه الدماء. ولاشيء يجدي لتخفيف آلام النهاية الرهيبة . ويتوصل الصديق عثمان اخيرا وفي نفس المقال الى ان الحزب الشيوعي " بوضعه الحالي فلا هو بالحزب الحيّ فينهض لمهمّته في حشد الكادحين ، ولا هو بالميّت فُيقبر. اولا اود ان اطمئن الاخ عثمان بأنني اكن له منذ زمن طويل كل الاحترام والتقدير ، وسؤالي لك يا عزيزي : كيف تقدر او تتوقع ان يستقبل الشيوعيين هذا الكلام الجارح الذي تظنه انت حقيقة ؟ هل نضع مثل هذا التجريح والكيل القاسي في نفس ميزان زملاء اخرين تركوا الحزب لكنهم لا زالوا على علاقة باي شكل مع الحزب وينتقدونه نقدا بناءا ولا زالوا يواصلون حتى دعمهم المالي للحزب بالرغم من ابتعادهم منذ سنوات طويلة. وأقول لك يا عثمان يا صديقي ان معظم ما تقدحون به الحزب نحن ايضا ومن داخل المؤسسة الحزبية نقوله ونؤكده ونسجله على محاضر الحزب و نرفعه لأعلى المستويات القيادية بأننا لسنا راضون على الاطلاق عن مستوى عمل الحزب ووجوده في قلب الجماهير وان هنالك ضعفا في اداء الحزب هنا وهناك . لكن الفرق بيننا وبينكم اننا لن نيأس من ايجاد الحلول ولن نرمي كلمتنا ونذهب متشفيين .. ابدا ... نحن نعلم بكل المشاكل ونقاط الضعف ونعمل مع قيادتنا مهما كان الرأي فيها ولن نترك الحزب على الاطلاق لأننا نؤمن ايمانا قاطعا ان هنالك تغيير سيحدث طال الزمن ام قصر . قيل لـ الربيع بن هيثم : لم نراك تعيب أحدا ! فقال : لست عن نفسي راضيا حتى أتفرغ لذم الناس ! احترامي الذي تعرف يا عثمان ولكم جميعا
| |
|
|
|
|
|
|
Re: الشيوعيين تطير عيشتهم ..... (Re: خالد العبيد)
|
ولاوضح لك المسألة انت وصفت الحزب بالتالي : - الحزب الشيوعي بلغ خاتمة المطاف - خائر القوى - متقطع الاوصال والانفاس - اصبح برك متقطعة تتنظر الشمس ليجف ويتبخر - سكرات الموت جاءت للحزب - تكلس ويبست في عروقه الدماء - لا شئ يجدي لتخفيف الام النهاية الرهيبة - الحزب ليس حيا لينهض .. ولا هو ميت فيقبر
------------------- ماذا ابقيت لنا يا عثمان ؟ !
| |
|
|
|
|
|
|
Re: الشيوعيين تطير عيشتهم ..... (Re: ABUHUSSEIN)
|
البوست ده عل دفع الله جدعه وفات لكن للأمانة استفدنا منه كثيرا وكانت فيه الكثير من المشاركات القيمة خاصة من لهم مصلحة حقيقية في أزالة هذا النظام والبوست مقصد ليهم تفصيد دقيق جدا في جزئية مهمة العنده رأي انو في مجموعة هنا بتقود أفعال مخالفة لسلوك هذا المنبر أو فعل نشاذ يطلع برا ويكتب بوست عديل بوش الباب بدل الغطغطة دي والمنبر وارشيفه موجود ما شي غائب بنقدر نحدد تاريخ العنف اللفظي في سودانيز ومن هي المجموعة التي تقوده بدون لف ودوران تحياتي للجميع
| |
|
|
|
|
|
|
Re: الشيوعيين تطير عيشتهم ..... (Re: فرح الطاهر ابو روضة)
|
امبارح القريبة دي الحزب اتساكن مع النظام ، وقرر المشاركة على المستوى التشريع وقبض نصيبو في كوتة عضوية البرلمان..ولا نسيتهم؟..ومش مهم..!
--------------- سلام يا صديقنا كبر الحزب الشيوعي لم يقرر المشاركة في البرلمان بقرار من قيادته .. المشاركة في تلك الفترة رغم اعتراضي عليها جاءت متسقة مع موقف سياسي جماعي من التجمع الوطني الديمقراطي، مسند بقرارات لها منطلقاتها وحيثياتها بناءً على اتفاق القاهرة الذي تم توقيعه مع حكومة السودان في 18 يونيو 2005.
| |
|
|
|
|
|
|
Re: الشيوعيين تطير عيشتهم ..... (Re: خالد العبيد)
|
تحياتي خالد العبيد نعم كلامك سليم مشاركة الحزب كانت نتاج موقف جماعي و بناء على اتفاق القاهرة مع الإنقاذ, وهو ما يناقض كلام حمد عبد الغفار عن وقوف الحزب ألف أحمر و مبدئية رفض التعايش و الاتفاق مع النظام إذن استشهاد كبر سليم هنا الشاهد في الأمر أن المشركة بناء على ذلك الاتفاق ليست خطآ بشكل مطلق ولا تحاكم خارج سياق الفترة و الظرف التاريخي, لكن كمان لا داع لإضفاء قدسية كاذبة وملائكية على مواقف الحزب ووصفه بصفات ليست حقيقية مثل ما ذكر حمد.
ود أب سن بالتأكيد إذا قدّمت لحديثك بأنك تقصد محيطك و تجربتك الشخصية لكان اختلف فهمي للأمر, وإن كان لازال المبدأ سليم, لا يمكن التعميم هكذا فقط دون بيانات او مقارانات احصائية في امر فردي مثل أخلاقيات و سلوكيات الناس
| |
|
|
|
|
|
|
Re: الشيوعيين تطير عيشتهم ..... (Re: فرح الطاهر ابو روضة)
|
Quote: العنده رأي انو في مجموعة هنا بتقود أفعال مخالفة لسلوك هذا المنبر أو فعل نشاذ يطلع برا ويكتب بوست عديل بوش الباب بدل الغطغطة دي والمنبر وارشيفه موجود ما شي غائب بنقدر نحدد تاريخ العنف اللفظي في سودانيز ومن هي المجموعة التي تقوده بدون لف ودوران |
الكلام دا يقولو صاحب البوست .... لو قالو بنطلع بي وشنا .....
| |
|
|
|
|
|
|
Re: الشيوعيين تطير عيشتهم ..... (Re: ABUHUSSEIN)
|
"أعدنا مناقشة الموقف وكيف يمكن تطويره لصالح نضالنا والتحول الديمقراطي.. هنالك تأييد كبير لنا من جماهير الانتفاضة. عندما يكون التجمع مشاركاً في الفترة الانتقالية فسيكون جزء من قوة التغيير (EVOLUTION). يمكننا أن نوظف نسبة الـ 48% لصالح حركة التغيير. لقد عملت الحركة مع التجمع في تعاون وثيق، ولذا لا تتوقعوا أن تخذل الحركة التجمع في تنفيذ هذه الاتفاقية.. لذا دعونا ندخل ونبدأ في التغيير".
الزعيم الراحل د. جون قرنق اجتماع مناقشة اتفاق القاهرة في هيئة قيادة التجمع قاعة اجتماعات فندق انتركونتينتال / القاهرة منتصف نهار يوم الجمعة الموافق الثاني من يونيو 2005
---------- اتفق معك يا ودالبشرى لا قدسية لحزب او اي شخصية سياسية .. هكذا نتعلم من السياسة
| |
|
|
|
|
|
|
Re: الشيوعيين تطير عيشتهم ..... (Re: فرح الطاهر ابو روضة)
|
Quote: البوست ده عل دفع الله جدعه وفات ل |
انت يا ابو روضة فاكر الكتابة من السودان زي ما عندك في المدينة المنورة تسلية وطق كيبورت السودان دا قعاد اي زول فيهو وبدون مبالغة ( حتي الحرامية البنحارب فيهم ديل ) تصدق يا ابو روضة نضال وجهاد يا زول بجيك الشحاد من اي قبيلة واي صنف واطق ليك اصبعو زي الراكب معاهو في حافلتو وهو الكمثاري وحقيقة اغلبهم الامور غلبتهم علي تلقاهو ضارباهو ملاريا زيي او عنو ولدو عيان او عندو كم نفر في المستشفي والله لا وراك المستشفيات التي لا تصلح لمعالجة البهايم دعك من الاوادم خليك من الفاتحات والقافلات دا غير سكو ورة لقمة عيش عيالو
Quote: العنده رأي انو في مجموعة هنا بتقود أفعال مخالفة لسلوك هذا المنبر أو فعل نشاذ يطلع برا ويكتب بوست عديل بوش الباب بدل الغطغطة دي والمنبر وارشيفه موجود ما شي غائب بنقدر نحدد تاريخ العنف اللفظي في سودانيز ومن هي المجموعة التي تقوده بدون لف ودوران تحياتي للجميع |
ثم يا ابو روضة البوست دا مو هيلك عشان تطلع الناس برا وتحدد منو الاقعد ومنو الامش وصاحبه قال كلام واضح
Quote: ------------ (البوست خاص للزملاء في البورد وما يجري من نقاشات ولا علاقة له بارض الواقع) --؛؛-----؛؛؛؛----- |
فقصة انا من غزية البتنكرو فيها دي ما كويسة وبتمشوا وتجوا لان السلوك الفردي للكادر الشيوعي هو امتداد لفكره الدكتاتوري الاقصائي ونفس كلام اخونا ود العبيد دا
Quote: كيف تقدر او تتوقع ان يستقبل الشيوعيين هذا الكلام الجارح الذي تظنه انت حقيقة ؟
|
اقلبوهو كيف تقدر او تتوقع ان يستقبل غيرالشيوعيين هذا الكلام الجارح الذي يظنه الشيوعيين هو الحقيقة ؟ بل ويحركوا غواساتهم المتكلمين او النشطين في الاحزاب او الافكار (الميتة ) الاخري في محاربتهم بشتي السبل وبكل الوسائل وخاصة الضرب تحت الحزام
الشي البحصل هنا رد فعل طبيعي يا علي لمواقف الشوعيين تجاه الآخر واصطفافهم الواضح واعاقة توصيل فكرة الآخر المخالف لهم بالاحتقار والتسفيه كثيرا وتارة بالتعالي واحتكار الفهم وانا لا يعلو صوتا فوق صوتهم والا الكوزنة والتخوين لك بالمرصاد
| |
|
|
|
|
|
|
Re: الشيوعيين تطير عيشتهم ..... (Re: الصادق الخالدى)
|
الصادق الخالدي حاولنا اخراج الموضوع من اطار الشخصنة لكن ما نفع زي ما حاول البعض ربطه باحداث معينة ذهب به البعض الاخر لاطار الهمز واللمز وانا دي اخر مداخلة اسطره هنا في البوست ده اولاً البوست ما انا الحددت منو البدخل فيه وفي رائي هو تفاكر مع من لهم مصلحة في ازالة هذا النظام وليس لتنفيس مغابن الاخرين على ما يحدث هنا من عنف وعنف متبادل
Quote: هذا هو دربنا ومسارنا وحتما سنصل ... ------------ (البوست خاص للزملاء في البورد وما يجري من نقاشات ولا علاقة له بارض الواقع) --؛؛-----؛؛؛؛----- |
راجع المداخلة المقتبسة اعلاه والبوست اصلاً ما رافض فكرة النقد الذي يدفع بالناس الي افاق ارحب ولكن محاولة البعض شيل توب قبح له وجود تاريخي هنا وموثق دي اساليب عاجزة انا بقول العنده ملاحظة على افراد بعينهم يتفضل يكتب بوست ولا باس من المواجهة والاعتذار لو ثبت بان هناك من الشيوعيين من يقودون عنف منظم مع مجموعات تسهم اسهام فعلي في طريق دولة الحريات والعدل الاجتماعي يا الصادق الخالدي يعني مثلاً انت يا الصادق الخالدي بالرغم من موالتك للنظام مافي زول عنده معاك عداء شخصي ولما جيت كتبت بوست الطراطيط كنت حديث عهد بالمنبر ومافي حد عنده معاك عداوة ولا اختلاف صحيح قد يكون في التقاء عبر منابر اخرى ونعرف بعض معرفة جيدة اما هنا لم يحدث اطلاقاَ قبل كتابة بوست الطراطير في تقديري كان البوست لمجرد القول انا حاضر هنا فلتباركني مجموعة ناس انادي ليك السلخ جلد النملة ونادوا فلان للزول ده وبكري ده بجيب لينا النوعية دي من وين ودي نماذج لا للحصر فقط لن يجد هؤلاء منا حكاية دقاني بكى وسبقني اشتكى يا الصادق انحنا ما عندنا شي بنخاف عليه او نقوله بالدس هسي اليد مدودة من غير اي تنازل في اي موقف ولسه بقول لو الناس عايزة تكتب بوست للتقصي والبحث عن حقيقة العنف اللفظي هنا وتاريحه تتفضل تلقونا حاضرين بغير ملل ولك التحية
| |
|
|
|
|
|
|
Re: الشيوعيين تطير عيشتهم ..... (Re: فرح الطاهر ابو روضة)
|
Quote: يعني مثلاً انت يا الصادق الخالدي بالرغم من موالتك للنظام مافي زول عنده معاك عداء شخصي |
()
بالله عليك الدغمسة وحرف الموضوع للشخصنة اسة القاعد يمارس فيها منو ياخي ما تخاف من الله موالي للنظام مرة واحدة كدا ان شاء الله يكون عندي بيت في كافوري وحديقة حيوانات وبطاحاتي مالية الطرقات يا بو روضة عليك البوست ماشي كويس ما تخربو بالرفسي وعموما انا مسامحك ويا ريت تلتزم بي كلامك
| |
|
|
|
|
|
|
Re: الشيوعيين تطير عيشتهم ..... (Re: علي دفع الله)
|
كبر سلامات ..
ودعنا نتفق على مسلمات محددة ..
أولا هناك حالة من الكراهية للحزب الشيوعي على مستويات متعددة ذات طابع سياسي /اسلاموي .. ودي ذاتها خشم بيوت فيها الاخواني والداعشي والوهابي والطائفي .. ولكنهم يلتقون جميعا في حدها الادني والمتمثل في التماهي "على اقل تقدير" مع الدعاية الدينية السوداء والبذيئة أو صناعتها .. لهذه الكراهية اسبابها الجوهرية باعتبار أن الصراع الأساسي للحزب الشيوعي يكون بالضرورة في الضد من هذه القوى الرجعية ..
ثانيا هناك حالة كراهية ومواقف معادية للحزب منطلقة ومتمركزة قريبا أو داخل حدود اليسار السوداني .. والمتامل في خصائص قادة هذه الحملات يجد بينهم الكثير من المشتركات .. الخلفية الشيوعية أو القرب الشديد من الدائرة الثقافية والسياسية والفكرية للحزب الشيوعي .. واقع الهجرة للغرب .. مراجعات وتراجعات فكرية حادة "ليبرالية متأخرة ألمت ببعضهم" .. استغراق في نشاطات ذات طابع دفاعي منغلق على الذات الشخصية او العامة "كالقبيلة" مثلا ومن ثم مقاربة الاحزاب في عمومها بنفس جهوي حاد وحار..
ثالثا وتحت هاتين الفئتين .. يقع سواد من الناس الخاضعين لسطوة الدعاية الدينية السوداء والمجيشين دينيا والمستثارين سلبا تجاه الحزب لاسباب دعوتها بالتراكمية .. تراكم افرازات الاسلام السياسي المتعفنة على العقل السوداني ,,, وتراكم أجيال من الجهل واللامبالاة والغياب عن تفاصيل الوطن الحميم الذي بالبال .. ..
هذه هي البيئية التي ينمو فيها الحزب الشيوعي السوداني .. بيئة شمولية قابضة ومهيمنة وذات طابع ديني بذيء جدا ومنذ عقود .. والادهى والامر أنها معززة بكراهية ذوي القربى الفكرية والثقافية .. حالة أشبة ما تكون بكتيبة إعدام معبأة بالكراهية العميقة والرصاص الموجه لصدر حزب سياسي مختلف ..
ما أود أن أقوله ... فرضت العديد من الظروف أدوارا أضافية للحزب الشيوعي في الساحة السياسية السودانية .. أن يكون "درقه" لصد جائحة التطرف عمن يليه من الاحزاب اليسارية والعلمانية .. وأن يكون حائطا لالقاء جميع اشكال التهم و "النرفزات" و"الزفرات" و"الخيبات الشخصية" في تحقيق حلم الوطن الجميل من مهاجرهم.
برأيي أن يترك أمر هذا الحزب لأهله .. هم أدرى بشعابه وقصوره ومكامن الخلل الرؤيوي والتنظيمي .. لا يحتاج الحزب لممارسة البكائيات الطويلة على ابوابه بينما تغوص السكاكين الصدئة في الخاصرة .. فليتركه الناس ويمضوا لفضاءاتهم الخاصة .. ليبراليتهم .. قبيلتهم .. دواعشهم .. كيزانهم .. كندتهم .. أعمالهم وأحلامهم وخيباتهم الوطنية الشاهقة .. هذا التكالب بذيئ جدا يا كبر. . بذيء وبكل المقاييس .. وانت زول عادة ما تدعو لعافية الاشياء .. لماذا إذن لا تمضي نحوها الآن بدلا عن احتقاب المواجد القديمة ؟!!
| |
|
|
|
|
|
|
Re: الشيوعيين تطير عيشتهم ..... (Re: محمد حيدر المشرف)
|
كتب محمد حيدر المشرف:
Quote: برأيي أن يترك أمر هذا الحزب لأهله
|
صديقي محمد حيدر..حبابك
معليش الوكت تأخر..وسوف نعود لاحقا..
استوقفتني مداخلتك الأخيرة..وانت تجتهد في جلب الأسباب ..يا صديقي ، موقفي ليس موقف كراهية ، لأن الكراهية موقف عاطفي ، واقف موقف عقلاني.. فلا يمكن يا محمد تسب الشمولية الدينية ، والشيوعية برمتها شمولية اكثر بؤسا من الشمولية الدينية..انتا بتغش في منو بالضبط: هل بتغش روحك ولا بتغش الناس هنا؟..
الفكر الشيوعي فكر شمولي مثله ومثل الجبهة الإسلامية وداعش وغيرها من الأفكار الشمولية..وتجارب التاريخ تشهد على ذلك ، والحاضر يشهد على ذلك (الصين ، كوريا الشمالية ، روسيا ، كوبا..وغيرها)..!
المقتبس..نعم يا صديقي يمكن ان يترك الحزب لأهله وهم احرار فيه ، ولا احد يعترض على ذلك ، ولكن الإعتراض في نقطة ان يترك اهل الحزب غمار الناس الأخرين في حالهم..اهل الحزب الشيوعي هم اكثر الناس استسهالا للتخوين والقمع والتسفية واغتيال الشخصية.. فليترك هذا الأمر ..ولا احد سيتطرق لهم..! اما حكاية تجينا بفكرة الوصاية وتقول لينا خلوهم في حالهم ، وهم خناجرهم الصدئة تنهش اجسامنا ليلا ونهارا.. فهذه قسمة ضيزى يا صاحب..ولن نرضى بها لو انطبقت السماء على الأرض..!
اتفرغوا لواجبكم كمواطنين وقوى تزعم انها حريصة على البلد..وشوفوا منو الح يعتب عليكم..!!
لكن ان كان سفهاءكم يمارس البؤس والإسفاف..فسوف نبادلهم الكيل باكبر منه..!..وليس لدينا ما نخسره لأننا افراد..وهم حزب..!!
ولسع ما جينا لحكاية نقد الفكرة كلها..فكرة ضرورة وجود حزب شيوعي في سودان الألفية الثالثة..!
فدعهم ينسنسون ويتقاولون ويكذبون ما شاء لهم الفراغ من سانحة ، وسوف نهدم الفكرة على رؤوسهم جميعا ..ولن يستطيعون لوم احد بعدها..!
ودمت..
كبر
| |
|
|
|
|
|
|
Re: الشيوعيين تطير عيشتهم ..... (Re: Kabar)
|
عزيزي كبر تحياتي اجد في مداخلتك الاخيرة مفارقة كبيرة بين سؤال زميلي حيدر وما تفضلت به من رد هنالك امور داخلية تخص الحزب في قضايا معالجة امر المؤسسة الحزبية يجب ان يترك امرها لاهل الحزب وفي هذا احترام لخصوصية الحزب ونظامه الداخلي لك تقديري
| |
|
|
|
|
|
|
Re: الشيوعيين تطير عيشتهم ..... (Re: خالد العبيد)
|
العزيز خالد العبيد..حبابك يا صديقي كل سنة وانت طيب.. معليش مثلما اعتذرت لصديقي محمد الوكت تأخرعندي..و سوف نعود..المهم..
ابدا يا خالد مافي زول بيتكلم عن امور الحزب الشيوعي السوداني الداخلية ..و مافي زول قاعد يملي على الحزب واهله كيف يديروا امر الحزب..ولو في حتة وحيدة في المجال ده..هي تنبيه الحزب لسلوك بعض من اهله وهو سلوك اصبح معروف وناس كتيرة اشتكت منو..وسلوك بيسبب ضرر للحزب ومسيرته وسط الناس..وتواتر الظاهرة اخرجها من طور الفردية الى طور السلوك شبه الجماعي..!
ادعاء الحزب ، مثل أي حزب سياسي اخر ، انو شغال للجماهير وبالجماهير..طيب لو الجماهير دي اتلمت مجموعة منها ومن غير سابق معرفة وقالت في خطأ في الحتة الفلانية..الحزب ح يتصرف كيف؟..هل يضع الحاجة دي في الإعتبار ويعمل على معالجتها ام يدافع عنها بمكابرة واضحة ويقعد يغالط في الناس بانو انتو غلط وانا الصاح؟..
قلتها لأخونا فرح ابورضة في بوست عن تعليقه عن حوار للأخت حواء جديد كباشي.. بان القوى السياسية السودانية مفروض بعد ده تعرف ياتو مواطن بتتعامل معاهو وياتو مواطن ستحكم..!
عندنا هنا يا خالد..واحدة من مرشحات الحزب الحاكم في الولاية (وياهو نفس الحزب الفاتح عنو الباقر موسى خيط بيفتخر بانو ده حكم اليسار)..الزولة دي دوبك عشرينات..و بروح الشباب عملت ليها سلوك ما عجب الناس..الحزب ، الإن دي بي ، عمل شنو؟..استجوبها ووقف نشاطها لمدة من الزمن ، وكلو منشور على الملأ!!..مش كان ممكن يكابر ويدافع عنها حتى وهي غلطانة؟..بالطبع لم يدافع ، لأنو حزب شغال برأي الجماهير..!
ظاهرة النسنسة والتخوين ومحاولة السيطرة على أي نشاط..و تسفيه الناس..دي حاجات السودانيين عانوا منها كثيرا..ومن مختلف الجهات.. طيب الحزب يعمل شنو؟..يكابر ويصر ويدافع عن ناسو ويدعمهم في الغلط خوفا من تسرب العضوية.. ام يصحح الحاجات؟..
ومافي مشكلة يا صديقي ، ممكن الحزب وناسو يجوا يحدثونا عن تاريخهم في الستين سنة ..ويفترضوا انو دي قدسية بتشفع ليهم..لكن نحن ناس الليلة والواقع بتاع الليلة وبكرة..وما عندنا قدسية.. تاريخ الحزب بنحترمووتضحيات ناسو على العين والراس..لكن سلوك بعض اهلو الليلة ممكن يفكرش الحزب من الألف للياء..!
أي فرد ارتكب جريمة من حق الحزب ان يكشف عن الجريمة بكل موضوعية وعقلانية.. اما اذا الناس مصرة على الإستمرار في مطاردة الأفراد بلا أي سند او حجة.. فهذا ليس عمل حزب يدعي أن له ارث في النضال يقارب الستين سنة..!
ودمتم.. كبر
| |
|
|
|
|
|
|
Re: الشيوعيين تطير عيشتهم ..... (Re: خالد العبيد)
|
Quote: اما حكاية تجينا بفكرة الوصاية وتقول لينا خلوهم في حالهم ، وهم خناجرهم الصدئة تنهش اجسامنا ليلا ونهارا.. فهذه قسمة ضيزى يا صاحب..ولن نرضى بها لو انطبقت السماء على الأرض..! |
هذه رؤية غير موضوعية يا كبر .. رد الغزوة بالغزوات .. وهي الى غير ذلك رؤية ضيقة جدا للمدى الوطني الشاسع وابتسارو في شخوص منبر اسفيري عابرين وعابر.. هو يا كبر أمسودانك دي ياها حدودها المنبر؟! .. يناتلك واحد من جملة مناتلينك ويطلع شيوعي تقوم تصب جام غضبك على الحزب الشيوعي جملة وتفصيلا ؟!! تلك هي القسمة الطيزى يا صاحب ولا تليق باصحاب الفكر المتجاوز هذا العسر والفقر السياسي المدفع اللي نحنا فيهو ده. الاحزاب يا صاحبي كيانات عامة لا تخص احدا بعينه وتخص الجميع كما تعلم .. الجميع بمن فيهم خصومها.
في اعتقادي ان الحزب الشيوعي السوداني ليس حزبا شموليا .. هو حزب ينادي بالديمقراطية التعددية والتداول السلمي والطوعي والدستوي للسلطة .. هذه قناعتي الشخصية على اية حال .. لك كامل الحق في اعتبارو حزب شمولي وتقديم رؤيتك في هذا الصدد .. ما تحدثت عنه أنا في الواقع حول مسك الناس أنفسهم من ممارسة كراهية الحزب الشيوعي لا يدخل فيه النقد الفكري المسؤول والجاد وممارسة الحريات الفكرية في تناول اي منتج فلسفي/سياسي/اجتماعي/بشري كالشيوعية والماركسية الخ.
الناس مفروض تمشي لي قدام شوية من محطة الاحتقانات القديمة المتجددة ذاتيا دي .. هي وينها البلد ذاتها .. ما اتسرقت زمااااان يا كبر .. احتلبوها حتى آخر ضرع مافيش ذاتو .. ما فضل فوقوها شي .. شوية رقراق بعييييد ونحسبه من الظمأ ماء .. وعلى كل .. لا وصاية على الاطلاق .. من شاء ركوب طوطحانية الاحزان هذه فليركبها .. وليتأكد فقط من ارتداء سرواله الداخلي يا صديق.
اقول قولي هذا وأترجل .. ها قد وصلت المحطة .. قرصه اي معلم !!
| |
|
|
|
|
|
|
Re: الشيوعيين تطير عيشتهم ..... (Re: محمد حيدر المشرف)
|
تحياتي الجميلين الاصدقاء والزملاء شغلتتا اموالنا واهلونا عن الرد على ما كتبتموه من درر وكلام جميل مع فكرة الخيط او ناقدا لها.. -------- هي زفرات ساخنة اخرجتها عتبا على البعض لاننا نقاتل ضد مشروع مدمر للوطن والمواطن .لسنا وحدنا الشيلة تقيلة عشان كدة كان عتابنا ... وبالجد بنحتاج لنقد الاصدقاء اكتر واكتر لانكم في حل من اي التزام تنظيمي وربما لكم مقدرة على الرؤية اعمق واوسع واشمل محتاجين الى اراؤكم وخصوصا نحن على اعتاب مؤتمرنا السادس ... ساعود لكم جميعا ... ودي لكم
| |
|
|
|
|
|
|
Re: الشيوعيين تطير عيشتهم ..... (Re: أيمن نواى على)
|
عزيزي كبر ارجع ليك تاني وارجو ان يكون عندك وقت
قلت في مداخلتك : " ابدا يا خالد مافي زول بيتكلم عن امور الحزب الشيوعي السوداني الداخلية ..و مافي زول قاعد يملي على الحزب واهله كيف يديروا امر الحزب " ---------------------- وفي نفس الصفحة قلت : " الحزب الشيوعي فيهو ظاهرة تسرب عضوية بصورة كبيرة..يبقى السؤال ليه العضوية بتتسرب؟ " -------------------------- الا تعتقد ان بناء الحزب وشؤون عضويته امر داخلي يخص العمل التنظيمي للحزب ؟ وهل هنالك جهة غير الحزب عندها احصائية بعضوية الحزب الداخلين والخارجين من الحزب ؟
انت ذكرت في معرض حديثك بان : " الحزب اتساكن مع النظام ، وقرر المشاركة على المستوى التشريع وقبض نصيبو في كوتة عضوية البرلمان..ولا نسيتهم؟..ومش مهم..! " --------------------------------------- وانا اكدت لك ان الحزب لم يتساكن مع النظام وان التجمع هو الذي شارك بمختلف احزابه لتنفيذ اهداف اتفاق القاهرة . وكلي يقين ان العشرات الذين قراوا كلامك هم على علم بان كلامك جانبه الصواب من جميع الاتجاهات ان مثل هذه الاتهامات التي لا سند لها ولا تقوم على سوق تعودنا عليها واصبح عندنا مناعة طبيعية ضدها لقد انتهى يا عزيزي كبر زمن مثل الاتهامات والحرب التي كان ولا زال يشنها علينا الاخوان المسلمين في السبعينات والثمانينات ويروجون بان الشيوعيين يتزوجوون اخواتهم وقديما قالت العرب إذا أتاك أحد الخصمين وقد فُقِئَتْ عينه فلا تقض له حتى يأتيك خصمه فلعله قد فُقِئَتْ عيناه
لك الاحترام
| |
|
|
|
|
|
|
Re: الشيوعيين تطير عيشتهم ..... (Re: محمد علي عثمان)
|
سلام يا كبر
ظروف مشاركة الحزب الشيوعي كانت معروفة تمت كيف رغم رفض الكتير من عضوية الحزب ليها
لكن خلينا نتجاوز مسالة الصفات الشخصية لعضوية الحزب الشيوعي والشهادات المجروحة حولها
امسك برنامج الحزب الشيوعي
انت تعلم والكثيرين ايضا انو حكومة مايو من 69 لغاية 1975 كانت شغالة ببرنامج الحزب الشيوعي رغم إدعاءات نميري بالقضاء على الحزب الشيوعي
طيب شوف ما تحقق في ظل هذا البرنامج من ناحية الاقتصاد والسياسات والحضور الاقليمي والعالمي والانشطة الادبية والثقافية والفنية والرياضية والصحية وانفتاح العقل السوداني ومشاركاته العالمية
وقارنها من 1956 لغاية مايو ومن 1976 إلى تاريخه حتلقى التطور الفعلي للسودان حصل في الستة سنوات دي
| |
|
|
|
|
|
|
Re: الشيوعيين تطير عيشتهم ..... (Re: حمد عبد الغفار عمر)
|
Quote: انت تعلم والكثيرين ايضا انو حكومة مايو من 69 لغاية 1975 كانت شغالة ببرنامج الحزب الشيوعي رغم إدعاءات نميري بالقضاء على الحزب الشيوعي
طيب شوف ما تحقق في ظل هذا البرنامج من ناحية الاقتصاد والسياسات والحضور الاقليمي والعالمي والانشطة الادبية والثقافية والفنية والرياضية والصحية وانفتاح العقل السوداني ومشاركاته العالمية
وقارنها من 1956 لغاية مايو ومن 1976 إلى تاريخه حتلقى التطور الفعلي للسودان حصل في الستة سنوات دي |
يا حمدنا - بعد اذن كبر - للتقييم السليم لفترة حكم او سطوة فكرة او حزب ما لابد تاخذ في الحسبان كل الاحداث و المواقف على كل السياقات يعني ما ممكن تغفل في الفترة دي من تاريخ السودان اول نهج تمكين وصالح عام عرفته البلاد تحت شعار التطهير واجب وطني, أو تتناسى ودنوباوي و الجزيرة أبا و حصار الجامعة وأضرب أضرب يا ابو القاسم خلّي دا كلّو معقول تنسى الرياضة الجماهيرية
| |
|
|
|
|
|
|
Re: الشيوعيين تطير عيشتهم ..... (Re: حمد عبد الغفار عمر)
|
يا حمدنا دا تاريخ البنتكلم عنه, فيجب تناوله بحيادية وتجرد و دقة وذكر للاحداث كما جرت انت قيّمت فترة محددة من تاريخ السودان و عدّدت إيجابيّاتها باعتبارها نتيجة ميلان نميري لفكر و نهج الحزب الشيوعي انا فقط قلبت ليك الوجه الآخر للعملة و ذكرت احداث وقعت في نفس الفترة حتى تكتمل الصورة يا قول الطاهر توم أمّا لو المقام مقام نقاش حول هذه الاحداث و تبرير و تحليل فدا مبحث آخر وموضوع تاني بالمناسبة نسيت احداث واحد وسبعين و المجزرتين مجزرة بيت الضيافة و مجزرة قيادة الحزب الشيوعي القام بيها نميري المتأثر بالفكر الشيوعي يا قولك :)
اما دا Quote: ومن هو القادر فكريا ويحمل برنامج علمي لقيادة البلد وتطوير مواردها وتحقيق العدل الاجتماعي |
فلا زالت البلد منذ 56 في انتظار جودو حيث أن الباقين كلهم ... يخربهم :)
| |
|
|
|
|
|
|
Re: الشيوعيين تطير عيشتهم ..... (Re: محمد البشرى الخضر)
|
يا محمد
Quote: ا نميري المتأثر بالفكر الشيوعي |
نميري ما كان شيوعي وتصرفاته بمعزل عن مشاركة الحزب ليهو يتحاسب عليها بس هو تماما زي بعض العضوية البتخطا هنا والناس تقوم وتحاكم بيها الحزب كلو
نميري لقى بنامج جاهز بيعالج مشاكل البلد استخدموا لتثبيت حكموا لكن القتل والدمار دا قرار فردي بيتعلق بشخصيتو هو
| |
|
|
|
|
|
|
Re: الشيوعيين تطير عيشتهم ..... (Re: خالد العبيد)
|
الله يرحم اخونا وحبيبنا الصادق الخالدي ابكتني حروفه في هذا البوست ....
----------- ورفعت البوست عشان خاطر الصديق ناصر حسين ..لانو قال الشيوعيين هم من اطالوا عمر النظام ...شكرا لقرايتك العميقة يا عميق ... انا حا اتبرع ليك بخطة طريق يلا هيلا هوب اسقط الحزب الشيوعي وسيكون الباب الاول لسقوط النظام ..لكن خت في بالك الترسانة العسكرية والامنية والاقتصادية والمخابرات القوية وكل الدستوريين والتنفيذيين في الخزب الشيوعي الماسكين مقاليد السياسة والاقتصاد الخ الخ نا حا تقدر عليهم ..وبرضك ما تنسى قوات الدعم السريع الشيوعية حا تكون ليك بالمرصاد ... يلا يا ناصر ابداء طلع زيت الحزب الشيوعي وبعدها الكيزان ساهلين ....يا حرااااام مساكين الكيزان بتقووا بالشيوعيين ... قمة الحوص الفكري ... ابو البوليس لابو ام فتفت زاتو ... وحريقة تحرق اي شيوعي كلب .. ولا نامت اعين الشيوعيين اولاد ام زقدة ...
| |
|
|
|
|
|
|
|