08:32 PM April, 06 2016 سودانيز اون لاين عمر دفع الله- مكتبتى رابط مختصراذا كان الشيخ جادا في رد اعتباره وفي اتخاذ موقف معادى للانقاذ فإنني على استعداد لتزكيته في الحصول على عضوية المنبر الديمقراطى في هولندا اما اذا رفض التعاطي مع السياسة فإننا سنحترم خياره بشرط ان يبتعد عن السفارة وفريقها الامني وإلا سيكون قد جنى على نفسه .اللهم هل بلغت .........................
(عدل بواسطة عمر دفع الله on 04-17-2016, 02:04 PM) (عدل بواسطة عمر دفع الله on 04-17-2016, 02:04 PM)
04-06-2016, 09:43 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
الى سعادة السفيرة رحمة عبيد العاقل من اتعظ بغيرة فلا تثقي في من حولكم بما فيهم رجل الامن الجديد - قريب الارهابي المقبور ابراهيم شمس الدين - وما تجربة القنصل ورجل الامن السابق - الرشيد - ببعيدة عن الاذهان فهولندا تختلف عن دول اوروبا واني لكم من الناصحين .
04-06-2016, 09:46 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
Quote: اذا كان الشيخ جادا في رد اعتباره وفي اتخاذ موقف معادى للانقاذ فإنني على استعداد لتزكيته في الحصول على عضوية المنبر الديمقراطى في هولندا اما اذا رفض التعاطي مع السياسة فإننا سنحترم خياره بشرط ان يبتعد عن السفارة وفريقها الامني وإلا سيكون قد جنى على نفسه . اللهم هل بلغت
الأخ متحدث بإسم الإتحاد الأوروبي؟ ,,,,, ياخي أقول ليك ,,,, الإتحاد الأوربي زاتو ما ممكن يبذل كمية التهديد دا.
Quote: الى سعادة السفيرة رحمة عبيد العاقل من اتعظ بغيرة فلا تثقي في من حولكم بما فيهم رجل الامن الجديد - قريب الارهابي المقبور ابراهيم شمس الدين - وما تجربة القنصل ورجل الامن السابق - الرشيد - ببعيدة عن الاذهان فهولندا تختلف عن دول اوروبا واني لكم من الناصحين .
مبالغة ,,,,, إنتو يا معارضين هولندا حتي سفير الإنقاذ مهنضبنو ,,, دا توجيه يعادل الأمر في كيفية تعامل السفير مع أحد موظفيه ,,,,,, إنتا جادي يا زول ,,,,
04-06-2016, 10:42 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
Quote: مبالغة ,,,,, إنتو يا معارضين هولندا حتي سفير الإنقاذ مهنضبنو ,,, دا توجيه يعادل الأمر في كيفية تعامل السفير مع أحد موظفيه ,,,,,, إنتا جادي يا زول ,,,,
والله جادى ونص كمان رايك شنو !
تعال يا صلاح عيش معانا وسترى العجب .... انا المسكين دا اديك اسرار تشيّب ليك راسك .
اهمية هولندا تنبع من وجود اعلى محاكم دولية في العالم على اراضيها وبالتوازى يوجد ايضا فريق امنى سوداني رفيع المستوى يبحث عن الشهود والضحايا من اهل دارفور وبين هؤلاء يوجد سودانيون تراه فتحسبهم من غمار الناس وما هم كذلك . هذا الوضع المعّقد يميز هولندا عن بقية دول الاتحاد الاوروبي .
انشاء الله تكون فهمت حاجة !
04-06-2016, 10:48 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
Quote: بغض النظر عن من ينضم ... وهل ناس المنبر الديمقراطي بلاهاي قد غفر لهم ما تقدم من ذنوبهم وما تأخر ؟
العلم عند الله يا شيخ قصي ولكن حسب علمي انني لم اسمع ان احدهم امتدت يده الى المال العام او وجهت اليه تهمة قتل او تعذيب او لوّث نفسه في مراحله الدراسية وما بعدها بالانتماء الى الحركة الاسلامية و( اخواتها ) . فهل توجد صحائف بيضاء اكثر من تلك !
04-07-2016, 08:54 AM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
Quote: Quote: اما اذا رفض التعاطي مع السياسة فإننا سنحترم خياره بشرط ان يبتعد عن السفارة وفريقها الامني وإلا سيكون قد جنى على نفسه .
الان بدأنا نتخوف من كثير المهاجرين اكثر من حاملي السلاح انفسهم و يجب ان تعمل الحكومة على معاملتهم مثلما تعامل حاملي السلاح لانهم لا يقلون عنهم خطورة بل هم اشد خطرا منهم في الغالب حامل السلاح يتلقى نظير عمله عمولات ضئيلة جدا و اقل اغراءا من المهاجرين ولا تشجعه على فعل الكثير بعكس ما يجده المهاجرون اعداء الوطن من مزايا و اغراءات اهمها اللجوء لدول بني الابيض الامر الذي يجعلهم يبدون اكثر خطورة و حدة و يضطرهم لبيع ذممهم للمنظمات الدولية التي تتاجر بالحروب و دماء المواطنين الابرياء
انا شخصيا لا استغرب مما يصدر منهم من فاحش القول و بذاءات و تهديدات لان المقابل مغري جدا بالنسبة لمن باعوا ضمائرهم و ذممهم دونكم المدعو دينق صاحب التهديدات الاكبر و الاشهر و كأنه ينطلق من قاعدة مؤمنة و ثقة مفرطة ان دلت فانما تدل على السند و الاغراءات التي تقدمها المنظمات التي تتاجر في الحروب و النزاعات و الا فما هي دواعي هذا العداء السافر للشرعية في البلاد من قبل شخص اجنبي كان اولى له ان يتابع اخبار وطنه الذي يحتضر و يدفن الناس فيه موتاهم داخل اسوار منازلهم من الخوف
ان لم تستح فاصنع ما شئت ، هذا هو ديدن من نزع من قلبه الحياء و باع ضميره و كرامته و وطنه و اهله بحفنة دولارات و اقامة في بلد الاعداء
04-07-2016, 09:19 AM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
Quote: يا عمر، ما هي شروط التوبة عندك للإنقاذي الحابي يتحلل من الإنقاذ والإنضمام للمنبر الديمقراطي بلاهاي؟
ان كنت تقصد بالانقاذى - الكوز الاصيل - منذ ايام الدراسة فهذا من جهتي لن اقبل توبته واعتبره شخصا يعانى من عاهة روحية ولا يمكن اصلاحه بأي حال بل غير جدير بالحياة نفسها إن كان هناك عدل واعتدال في الدنيا لانه آفة من الآفات الخطرة فإن تركته سيقتل ويسرق ويغتصب ويفسد في الارض وتجربة الانقاذ خير شاهد على ما اقول .
اما في حالة شيخ الامين فإننى اراه شخصا طيبا وبسيطا وليس شرا مستطيرا كما يراه الاخ قصي او إن شئت كما تراه الجماعة السلفية ان ما نريده من شيخ الامين - ان صح الخبر - ألا يكونا عونا للسفارة وذراعا اخرى تُضاف الى الاذرع الخفية والمرئية فهذه سفارة يقوم على امرها السفهاء وشذاذ الآفاق من من اغتصبوا هذه المناصب الرفيعة من مستحقيها ولي تجربة خاصة معهم يعلمها السفير السابق محمد الحسن تمام العلم ولو لا اننى وعدته بطي تلك الصفحة كان سيكون لي شأن آخر معهم على الاسافير وسعادة السفير السابق يعلم انني استطيع ان افعل الكثير والمثير وليس عندى ما اخسره
04-07-2016, 09:59 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
Quote: اذا كان الشيخ جادا في رد اعتباره وفي اتخاذ موقف معادى للانقاذ فإنني على استعداد لتزكيته في الحصول على عضوية المنبر الديمقراطى في هولندا
أها فالنفترض إنت زكيتهم وحصل على عضوية المنبر الديمقراطي في هولندا, البحصل شنو بعد داك, هل ذلك شرف يبحث عنه شيخ الأمين وهل هاجر إلي هولندا من أجل الانضمام إلي هذا المنبر؟
أنا أول مرة أسمع بي منبر زي ده
04-07-2016, 12:20 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
Quote: أها فالنفترض إنت زكيتهم وحصل على عضوية المنبر الديمقراطي في هولندا, البحصل شنو بعد داك, هل ذلك شرف يبحث عنه شيخ الأمين وهل هاجر إلي هولندا من أجل الانضمام إلي هذا المنبر؟
يا وزل قول بسم الله شيخ الامين ليس كأزرق طيبة حتى تحتفي به اية جهة سياسية وشيخ الامين لا يهمني امره ان كان صوفيا او بوذيا او يهوديا . فأزرق طيبة يجمع من حوله كل مزارعي الجزيرة والكيانات السياسية في مواجهة الحكومة لمنعها بيع المشروع الزارعي وتشريد اهله وثانيا فهذا الخيط برمته مقصود به سفارة لاهاي لانه لا انت ولا غيرك يعرف حجم التخريب الذى تمارسه السفارة السودانية في هولندا وسط المهاجرين الذى قد يصل احيانا الى الحد الذى يقود فيه المستشار الزراعى الحملات العنصرية - بهاء الدين والذى اصبح لاحقا وكيل دولة بوزارة الزراعة - فبهاء الدين كان قد شنّ حملة عنصرية واسعة ضد ابناء دارفور بعد دخول العدل والمساواة الى ام درمان وكان القصد من الحملة هو اقامة جدار عنصري بين ابناء دارفور وباقي السودانيين ومن ثم التسلل والسيطرة على الجالية السودانية وتحويلها الى ذراع للسفارة في مواجهة المحكمة الجنائية الدولية . فتكون الجالية اداة طيعة في يدها تحركها السفارة متى ما احتاجت اليها في التظاهرات وتنظيم الفعاليات التى يودون من خلالها بثّ رسائلهم للهولندين . ولو اردت ان تعرف اهمية حديثى فأنظر عندما طُرد مهدى ابراهيم من بروكلن وجد من يقف معه في نيويورك بل ويصفه بالرمز الوطني والاسلامي كمان
لو استمعت الى حديث شيخ الامين جيدا لوجدته يقول بالحرف الواحد ان السفير السابق كان يترك اي شغلة في يده ويركض لمقابلته وحديث شيخ الامين صحيح مائة بالمئة وهو يوضح لك الدرك الذى انحدرت اليه وزارة الخارجية لان هؤلاء السفراء لا علاقة لهم بالدبلوماسية وكانوا خارج السلك الدبلوماسي ودخلوا الوزارة عندما اشرعت مصاريع ابوابها الى اهل الحظوة من الاسلاميين واهلهم وزويهم بعد الانقلاب . واذا رجعت لارشيف المنبر ستجد الصور الى نشرناها لشيخ الامين مع كل سفراء السودان في هولندا حتى تسلل الينا الشّك وقتها من ان للرجل منصب مهم في الدولة ربما تكتنفه السرية لاسباب تعلمها الحكومة وحدها ... ياخى حتى الشاعر الدكتور الدبلوماسى خالد فتح الرحمن تجده في مجلسه وكأنه من صغار المريدين .
لا تزعج نفسك يا عثمان بما نقوله فالمستهدفون من الخيط وصلتهم الرسالة ونحن مطمئنون للنسخة الجديدة للبلد الى نعيش فيه بعد هجمات باريس وبروكسل حتى لوكان مطرف صديق موجودا في بروكسل وسنفشل كل مخططاتهم ونحن لسنا بأقل من رصفائنا في امريكا .
04-07-2016, 12:34 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
يا ود الباوقة لو انت شايف في كلامي دا تهديد المشكلة وين ؟ ما شاء الله عليك وانت ناسي التهديد البيعمل فيهو رئيسكم المنحط الجبان دا كل يوم !
رئيس لا يختشى يذهب الى دارفور ليفتتح صهريا للمياه ويدعي ان الضحايا يحبونه ...ما شاء الله . هو لو رجل شجاع عليه ان يقدم نفسه للمحكمة كما فعل الرئيس الكينى لكن الجبناء واللصوص والقتلة يا ودالباوقة يحبون انفسهم ويسهرون على حمايتها اكثر من غيرهم .
اوصيك بمشاهدة الفيلم التاريخي الكبير : ( الايام الاخيرة من حياة هتلر ) وستكتشف في الواقع ان الرجل الذى احتل اوروبا وقتل الملايين كان اجبن من الفأر وهذا حال رئيسكم المطارد .
04-07-2016, 12:37 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
Quote: الان بدأنا نتخوف من كثير المهاجرين اكثر من حاملي السلاح انفسهم و يجب ان تعمل الحكومة على معاملتهم مثلما تعامل حاملي السلاح لانهم لا يقلون عنهم خطورة بل هم اشد خطرا منهم في الغالب حامل السلاح يتلقى نظير عمله عمولات ضئيلة جدا و اقل اغراءا من المهاجرين ولا تشجعه على فعل الكثير بعكس ما يجده المهاجرون اعداء الوطن من مزايا و اغراءات اهمها اللجوء لدول بني الابيض الامر الذي يجعلهم يبدون اكثر خطورة و حدة و يضطرهم لبيع ذممهم للمنظمات
انت ما عندك موضوع ولا تستحق الرد بس ابقا مارق من البوست لو سمحت .
04-07-2016, 12:56 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12484
حبيبنا .. عمر .. الشيخ الامين ده زول مخو نضيف يعرف يلعب صح ويخطف الاضواء إتفقنا أو اختلفنا زول عندو مقدرات .. وقادر على توظيف الخط المعرفي العادي أستطاع يصنع هالة حوله ويجذب الناس واصبح مؤثر حتى على رأس الدولة .. حبيبنا عمر .. أنا بيعجبني الزول العندو مقدرات يقنع الآخرين بفكرته .. هذه المقدرات مطلوبة في الخليج وخاصة في السعودية هنا .. آلاف بالشهادات الجامعية والعليا وخاصة من السودانيين .. تشوف اللبناني والسوري وبعض المصريين يجمعوا ثروات بإقناع كفلاؤهم بمشاريعهم الخاصة وبالباطن مع الشركات الكبرى .. نحن نقعد عشرات السنين هم سنين معدودة شيخ الامين ده لو جاء السعودية بمقدراته دي زمان كان مليادير ..
هل ترى أن الشيخ الامين بدون مقدرات ومواهب .. وهو اليوم يعتلي القمة في الظهور ؟؟؟؟
حبيبنا عمر غايتو ده رأي ونظرتي لشيخ الامين ..
في هولندا طبعاً المحاية حتتغير من بيبسي .... إلى و............... كي
حكا لي اخ كريم احترمه واجله في بيت عزاء قبل فترة قليلة في امستردام عن واقعة غريبة ومعيبة حدثت في النادى النوبي في لاهاي لكنني لم استغرب لتك الواقعة لانني اعلم اكثر من محدثي عن وقائع اشد هولا سمعتها في القاهرة في 2013 حدثت في مبنى وزارة الخارجية نفسها ومن دبلوماسي لا يزال يعمل في الوزارة . ثم نسيت تلك الواقعة إلا انه قبل اسبوعين على وجه التحديد اتصل بي شخص اعرفه يسألني عن شئ ما وامتد حبل الحديث بيننا حتى اكتشفت انه من من كانوا بالنادى النوبى في ذاك اليوم وحكا لي القصة بتفاصيلها وما دار داخل مقر النادى النوبي وخارجه .
وسأكتفي بهذا المختصر :
قال صاحبنا : ان سيدة سودانية متزوجة من هولندى كانت تحضر طفلها في كل يوم احد الى النادى النوبي لمتابعة دروس في الدين واللغة العربية وفي هذه المرة علمت ان السفير السودانى بين الحضور فتقدمت في اتجاهه حيث يجلس وبعد ان حيّته قالت له ( اننى اريد يا سعادة السفير ان اشتكى اليك احد موظفيك واقصد القنصل . لقد ذهبت اليه وكان شخصا متعاونا وكريما ولم يقصر معى ولكننى عندما عدت الى منزلي كان يصل بي ليلا وفي اوقات متأخرة واحيانا اكون في غرفة نومي مع زوجي ... انني اسألك يا سعادة السفير يعنى عشان انا متزوجة من هولندى انا عندكم مستباحة ؟ ) سكت السيد السفير لبرهة من هول الصدمة ثم عاد ووعدها بأنه سينظر في الموضوع . ثم اضاف محدثى انه سمع اثنين من شلة القنصل وبطانته من الغوغاء يقول احدهم للآخر ( ياخى تعال نكلم المهووس جنسيا دا عن فضيحته ام جلاجل وبعدها نفاتحه في الموضوع بتاعنا )
هذه الواقعة تسرّبت في نطاق محدود في لاهاي وامستردام ولم تحظى بالانتشار الواسع والسبب هو ان طرائف ونوادر ذاك القنصل كانت لا تحصى ولا تعد حتى بعد ان اُنتزعت عنه صلاحياته ووضع في مكتب في الطابق العلوى من السفارة لمنع احتكاكه بزوار السفارة من السودانيين .
انني اضع هذه الواقعة بين يدي الاخوة والاخوات من السودانيين في هولندا وادعوهم الى نشر المضايقات والمعاكسات التى تحدث لهم داخل السفارة السودنية لان النشر وحده هو الذى يلجم قلة ادب هذه الذئاب التى ابتلتنا بها الانقاذ ووضعتها في مواقع لا يستحقونها وليس لديهم المؤهلات المهنية والاخلاقية ليعتلوها فيعبثون بأعراض الناس ويذلوهم ويدوسون على كرامتهم وهو عين ما عناه الحاج عبدالباقى والد الشهيدة سارة في الفيديو اعلاه .
04-07-2016, 02:06 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
خلينا يا عمر من قصّة صوفي وسلفي دي والدغمسة بتاعتك دي! شيخ الأمين إلى وقت قريب كان سياسيا مع الإنقاذ ورافقهم في كثير من سفرياتهم السياسية للخليج، وله بزنيس كبير جدا في مجال التنقيب عن الذهب مرتبط بالحكومة. أنا داير أختبر معايّرك في منح صكوك الغفران دي شنو؟ أها قلت: الطِيّبة والبساطة، نقول واحد واتنين أ ها، تاني شنو؟
04-07-2016, 09:30 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
Quote: شيخ الأمين إلى وقت قريب كان سياسيا مع الإنقاذ
انت بتجيب الكلام دا من وين يا ابوبكر ؟ هو شيخ الامين بيفهم في السياسة او حتى في الدين عشان يكون كبير وللا صغير !
ظاهرة شيخ الامين كرجل بيسنز متكررة عبر سنوات الانقاذ من ايام جارالنبى بتاع البترول في بداية التسعينات والى اليوم وقد طفحت للسطح شخصيات بأوزان مختلفة واختفت ودا كلو شغل جهاز الامن والمخابرات .
Quote: نا داير أختبر معايّرك في منح صكوك الغفران دي شنو؟
ومتين انا قلت بمنح صكوك الغفران ! انت سألت عن معايير التوبة بالنسبة للانقاذى وشرحت ليك موقفي بالتحديد من جماعة الاخوان المسلمين الحقيقيين الذين يؤمنون - بالفكرة - وشيخ الامين ليس من بينهم فهو شخص يبحث عن مصالحه الشخصية بالشروط التى تمليها الانقاذ . واعتقد ان شيخ الامين يمكن ان يتعاون مع اي دكتاتوري يحكم السودان حتى ولو كان من عبدة الشيطان مادام هذا الدكتاتور يحفظ له مصالحه ويجد حتى التبرير الدينى لموقفه شأنه شأن كل المتسلقين . ولو انت خلاس مسكتا في قصة المنبر الديمقراطى فدا كلام من باب الطرافة فشيخ الامين لن يذهب الى اية جهة سياسية معارضة ولا توجد جهة سياسية معارضة تقبله وكما قلت فالبوست اصلا اردت به الهجوم على سفارة لاهاي لاسباب تخص الجالية السودانية في هولندا .
وبالمناسبة فأنا ضد ان تقفل الحكومة السودانية زاوية شيخ الامين بدون ان تدعم قرارها بحجة قانونية بالتأكيد فإننى لا اساوي بين زاوية الشيخ ومركز الدراسات السودانية واتحاد الكتاب السودانيين وغيرهم ولكن شيخ الامين كظاهرة هي من صنائع الانقاذ ونتيجة طبيعية للتردي في جميع مناحي الحياة في السودان والتخريب المنظم الذى مارسته الانقاذ في البلاد .
04-07-2016, 11:33 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
سلامات أخي عمر وزواره الأفاضل .. بالنسبة لمن يتساءلون عن دور هولندا وسبب اهتمام النظام ..
Quote: فاز الصحفى كلاس فان ديكن بجائزة أفضل صحفى فى هولندا لعام 2015 من بين 365 صحافيا تقدموا لنيل الجائزة وذلك عن قصة كتبها ونشرها عن حياة مواطنى جبل مرة. وقال كلاس فى لقاء مع راديو دبنقا إنه قضى ثلاثة اسابيع بدارفور شاهد خلالها فظائع مروعة ومأسوية لمئات المدنيين العزل الذين يعيشون فى داخل الكهوف وحواف الجبال بجبل مرة هربا من هجمات القوات والمليشيات الحكومية والقصف الجوى الحكومى. وقال كلاس إن الفارين الذين اختبأوا بالجبال غالبيتهم من النساء والأطفال وكشف بأنه أجرى لقاءات مع عدد من الضحايا كشفوا خلالها عن أعمال القتل والاغتصاب والنهب والحرق التي تعرضوا لها من قبل القوات والمليشيات الحكومية والقصف من سلاح الجوى الحكومى. وأوضح كلاس بأنه لم يشاهد من فظائع ومآس فى حياته وفى العالم مثل ما تعرض له مدنيين عزل بجبل مرة دون أى سبب جنوه أو ذنب اغترفوه. من جهة أخرى قال الصحفى كلاس فان ديكن الذى فاز بجائزة أفضل صحفى فى هولندا لعام 2015 بأنه عقب نشره لقصة حياة مواطنى جبل مرة العام الماضى قامت كل من منظمة هيومن رايت وتش الامم المتحدة بإجراء تحقيق حول ما حدث بجبل مرة خاصة حول مزاعم الاغتصاب الجماعي للنساء والفتيات فى منطقة قولو على يد القوات والمليشيات الحكومية. الى ذلك قال كلاس إنه وعلى الرغم ما حدث من جرائم فى دارفور والتى لا زالت مستمرة حتى الآن إلا أنه ليس هناك حتى الآن إرادة سياسة دولية لتغيير الوضع فى الإقليم والضغط على نظام الخرطوم لوقف الهجمات والقصف الجوى على المدنيين العزل. وقال كلاس إنه يعتقد أن هناك مصالح سياسية لدول مختلفة أدى الى عدم وقف الانتهاكات الحكومية معربا عن شكره لاهالى جبل مرة.
منقول عن الراكوبة . الخبر في المواقع الهولندية :
Quote: Trouw-journalist Klaas van Dijken was de beste in de categorie Nieuwsverslaggeving met het verhaal Darfur, oorlog zonder einde. Het lijkt een onderwerp dat bijna vergeten is. "Wij waren de eerste in 5 jaar die het gebied überhaupt inkwamen. [ Dus in die zin is het zeker vergeten", zegt de winnaar. De reis was niet zonder gevaar. "Af en toe was het zitten met samengeknepen billen."[/QUOTE
التحقيق الفائز هنا http://www.detegel.info/wp-content/uploads/2015/10/Klaas-van-Dijken_In-een-grot-in-Darfur_11.04.2015.pdfhttp://www.detegel.info/wp-content/uploads/2015/10/Klaas-van-Dijken_In-een-grot-in-Darfur_11.04.2015.pdf
04-08-2016, 07:58 AM
محمد مختار جعفر محمد مختار جعفر
تاريخ التسجيل: 11-15-2005
مجموع المشاركات: 4927
ود دفع الله الفنان وشركاه تهديدك شديد اللهجة يمكن ان يخوف (باول) سفاح هولندا الشهير وهو يقبع في سجن (سيتارد) الاشهر شيخ اللمين دا (فارة) وكان ابلد طالب في المنطقة التعليمية .. عشان كدة اتخرج .. شيخ سيبك منو عملت لينا شنو في موضوع الدكتور (يوسف الكودة) ؟ عندك خبر انو في هولندا؟
شيخ الامين مع المُخرب الاكبر للنظام التعليمي في السودان
آآآآآآآآآآآآآآآآآآآآآآآآآآآآآآآآآآآآه يا بلادا كلما عانقتها فرّت من الاضلاع روحي وكلما صافحتها شقّ يدينا سافل للنيل عادات وإنّي راحل
الآن يا سادتي هل فهمتم لماذا يذهب ابناؤكم الى داعش ! عندما يصبح امثال هؤلاء هم سادة المجتمع والدولة فأي افق سيلمع بالامل والمستقبل الموعود امام الجيل الصاعد ! إن لم يكن هذا هو الفساد بعينه يمشي على ساقين مطمئنين فكيف يكون الفساد والافساد !
04-08-2016, 04:45 PM
عمر عثمان عمر عثمان
تاريخ التسجيل: 08-04-2008
مجموع المشاركات: 1583
شيخ الامين كرت تم استخدامه وأدى مهمته والمطلوب منه في مختلف المشارب والقضايا في اعتقادي تم استغلال الرجل وهو ساعد الانقاذ على استغلاله لو كان حصيف شويه كان فهم الحاصل لكن نقول شنو تم تسويقه بصورة واضحة وهو صدق وركب الموجه كامل تعاطفي مع شيخ الامين وهنيئا له ببلاد الزهور وهنيئا لبلاد الزهور به
04-08-2016, 08:39 PM
Ahmed Yassin Ahmed Yassin
تاريخ التسجيل: 01-31-2013
مجموع المشاركات: 5507
محمد الجميل بلا فلسفة فارغة وقلة حياء وادب معاك ورينا نقاشك الهادف في الموضوع دا اذا بتقدر اصلا تناقش يامغفل ... عينك في البظور تجي توجه قرفك دا لي انا وتاني بقولها ليك شيخ اللمين دا اكبر فارة وجاهل زيك
04-08-2016, 09:29 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
انت سيد العارفين ولكن اكثر الناس لا يعلمون اهمية لاهاي التى تفوق اهمية مدينة نورمبيرغ الالمانية حيث جرت محاكمة اقطاب النازين اضعاف اضعاف فمنذ نهاية الحرب العالمية الثانية تطور القوانين ووسائل البحث الجنائي .
اما عن سفارة لاهاي فهناك اشياء فهى من البشاعة والقبح بحيث انني اتردد في نشرها لانها اشياء لا تصدق وربما يرى البعض اننى اهذي كالمحموم او اُهترش كالمخمور ولا ادرى لماذا اختارت الانقاذ ان تضع في اهم وزاراتها السيادية حثالة الاسلاميين و( اشباه الاسلاميين ) وشذاذ الآفاق من كل حدب وصوب كأنها تريد ان تشوّه الداخل والخارج في آن واحد والحمدلله على كل حال .
04-08-2016, 09:34 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
Quote: اخونا عمر دفع الله كيفنك ووين زمن ما شفناكم فى دنهاق – ولا خلاص الشغل كله بقي فى النت؟؟ عارف عندي ليك فكرة كويسة ممكن توضح كتير من الحاجات العجيبة البتحصل هنا- لو ممكن تعملوا ليكم ندوة حول مشكلة التحرش انا بجيب ليكم سيدتين مستعدات يجو يحكوا قصه تعرضن للتحرش فى السفارة واحدة فى 2010 والتانيه فى آخر 2012
Quote: حبيبنا .. عمر .. الشيخ الامين ده زول مخو نضيف يعرف يلعب صح ويخطف الاضواء إتفقنا أو اختلفنا زول عندو مقدرات .. وقادر على توظيف الخط المعرفي العادي أستطاع يصنع هالة حوله ويجذب الناس واصبح مؤثر حتى على رأس الدولة .. حبيبنا عمر .. أنا بيعجبني الزول العندو مقدرات يقنع الآخرين بفكرته .. هذه المقدرات مطلوبة في الخليج وخاصة في السعودية هنا .. آلاف بالشهادات الجامعية والعليا وخاصة من السودانيين .. تشوف اللبناني والسوري وبعض المصريين يجمعوا ثروات بإقناع كفلاؤهم بمشاريعهم الخاصة وبالباطن مع الشركات الكبرى .. نحن نقعد عشرات السنين هم سنين معدودة شيخ الامين ده لو جاء السعودية بمقدراته دي زمان كان مليادير ..
حبيبنا على عبدالوهاب انا غايتو بختلف معاك في وجهة نظرك . ظاهرة شيخ الامين مرتبطة بظروف اقتصادية وسياسية واجتماعية سادت في فترة حكم الاخوان وما نتج عنه من تخريب ممنهج لكل مناحي الحياة في بلادنا وسترى قريبا بعد ان ضربت الحكومة السودانية صورة الرجل ، التى ساهمت في تلميعها ، ان شيخا آخر وقد لمع نجمه واصبح سيدا جديدا يزين مجلسه الرئيس ويضئ ليله جمال الوالى ويحلّي من طعمه مامو حميده. اما حديثك عن فهلوة الشوام والمصريين وغيرهم فدى حاجة مرتبطة بثقافة تلك الشعوب وموقعها الجغرافي واتصالها المبكر بمراكز الاستنارة والبيزنس في اوروبا . مُش زينا يا ابوخليل نعيش في قلب افريقيا وتقع عاصمتنا جنوب الصحراء الكبرى وكل ما نمتلكه من مميزات في ماضينا الجميل كان من ثمار المستعمر وعندما اسئنا ادارة التركة التى تركها المستعمر صار رئيسنا البشير وثرينا جمال الوالى ومربي اجيالنا مامون حميده فهل يوجد بؤس وانحطاط في الدنيا اكثر من هذا يا حبيبنا عبدالوهاب !
04-09-2016, 02:29 AM
Ridhaa Ridhaa
تاريخ التسجيل: 02-05-2002
مجموع المشاركات: 10057
محمد الجميل اسمع يا ردىء انت اذا بدأت الاساءة يجب ان تنتظر الرد المناسب وسيب حركات ادعاء الادب .. لانك بعيد عنه تماما وواضح جدا تطاولك على الناس .. وسوء خلقك وادبك دا .. انا حاعمل ليك حدود وماحتقدر تتخطاها .. بلا سفه معاك
...................................
للاستاذ عمر دفع الله وكل المشاركين الاخرين .... تقبلوا اعتذاري .. لان المفروض الواحد لا يجاري مثل هؤلاء .
السفيه / محمد الجميل عود شنو ياخ !!؟ هسي انت عود محروق وطيب ولا زول فشنك ساي وراسك فاضي بعدين حكاية قلة ادب دي هناك في بيتكم ما تجي تقولها للناس هنا .. بتكتبها والسلام شوف هبالتك وريالتك .. انت لو في زوي الدنيا دي رباك تربية كويسة او حتى اتعلمت كيف تتعامل وتعلق على كلام اي بشر .. ممكن ببساطة تجي تقول والله يا فلان تعليقك دا غلط وفيهو كدة وكذا وكذا .. بكل عقلانية .. لكن انت اهبل وعايز ليك مشكلة وجيت للعنوان الخطأ ياهم بيتين الشعر الاتنين ديل الجبتهم .. القالوم منو؟ و (فاكره) دي موقعها شنو من الاعراب ما قلت ليك انت زول جاهل ... وللاسف راسك فاضي والله ضيعت زمن مننا ساي يازول اختاني .. لعنة الله عليك
حكاية القوادة المصرية في لاهاي التى كانت لفترة طويلة على عهد ايام تدفق اموال البترول في ايدي الاسلاميين والذين كانوا يأتون زرافاتا ووحدانا الى هولندا في مهمات تجارية . القوادة التى كانت توفر لهم بائعات الهوى من العربيات والاجنبيات في شقق فاخرة . ماهي قصة هذه القوادة مع احد السفراء ؟ هل صحيح ان السفير الحرامى استدان منها اموالا ثم هرب ؟ لا جدال في انها حضرت الى السفارة بالتزامن مع وصول فريق المراجع العام وطالبت بأموالها فماذا حدث معها ! هناك ثلاتة من الدبلوماسيين السودانيين يعلمون قصتها من الالف للياء ويعرفونها تمام المعرفة بشكل شخصي حتى قبل وقوع الكارثة المالية بالسفارة بل وهناك احد موظفي ديوان المراجع العام الذى حضر مع زملائه اسر له في اذنه احد اعضاء البعثة الدبلوماسية بالقصة كاملة وإن لم تخني الذاكرة ان ذاك الدبلوماسي كان السيد على الصادق الناطق الرسمي للخارجية السودانية الحالي وكان يومها يعمل كقنصل واعتقد ان السفير السابق محمد الحسن عاصر تلك الفترة التى كانت فيها القوادة المصرية هي قبلة رجال الاعمال من الاسلاميين الذين يرتادون مجالسها ولياليها الحمراء والبنفسجية في لاهاي .
هذه هي وزارة الخارجية السودانية ، الصورة والملمح والواجهة الخارجية لبوابة المشروع الحضارى الاسلامى الذى قتل تحت رايته عشرات الالوف من شباب الحركة الاسلامية وملايين السودانيين ولا يزال القتل مستمرا .
اننى سأكتفي بهذا القدر لان حكاية القوادة المصرية يمتلك غيرى اسرارها وتفاصيلها الكبيرة والصغيرة ويحتفظ بها لشئ في نفسه وربما يؤجل مادتها لثأر عظيم فله ما يريد .....
04-09-2016, 05:49 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
يا عمر دفع الله ,,,,, تحية وسلام بوستيك دا إبتدا يطلع منو حاجات ممكن تفهمنا مداخلاتك الأولي ,,, غايتو بعد لولوتك دي كلها فهمنا الآتي :- 1 :-إنتا ومنبر هولندا الديمقراطي المعارض (!) عندكم معركة مدورا من زمان مع السفارة وكيزان السفارة وخجلانين أو خايفين تعلنو عنها. 2 :- قصص الفضايح الفي السفارة دي مصدرا الوحيد سعادتك ,,, ما لم تحدد الطرف التاني منو ويجي يدافع عن نفسو هنا تبقي قصصك وإتهاماتك دي ونسة قهاوي ساكت 3 :- شيخ اللمين دا لا ناقة لهو ولا جمل في البوست دا وتهديداتك له واضح إنها بندق في بحر وواضح إنك مضاري فيهو عشان تروي قصصك الما جايبا تمنا دي.. غايتو جهجهت باكات حيرانو بالكلكات الكتيرة في البوست. 4 :- إذا البتعملو فيهو دا نضال لإزاحة الإنقاذ فابشرو يا أهل الإنقاذ و دلدلو رجليكم الخمسين سنة الجاية. تحياتي
04-10-2016, 02:05 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
Quote: يا عمر دفع الله ,,,,, تحية وسلام بوستيك دا إبتدا يطلع منو حاجات ممكن تفهمنا مداخلاتك الأولي ,,, غايتو بعد لولوتك دي كلها فهمنا الآتي :- 1 :-إنتا ومنبر هولندا الديمقراطي المعارض (!) عندكم معركة مدورا من زمان مع السفارة وكيزان السفارة وخجلانين أو خايفين تعلنو عنها. 2 :- قصص الفضايح الفي السفارة دي مصدرا الوحيد سعادتك ,,, ما لم تحدد الطرف التاني منو ويجي يدافع عن نفسو هنا تبقي قصصك وإتهاماتك دي ونسة قهاوي ساكت 3 :- شيخ اللمين دا لا ناقة لهو ولا جمل في البوست دا وتهديداتك له واضح إنها بندق في بحر وواضح إنك مضاري فيهو عشان تروي قصصك الما جايبا تمنا دي.. غايتو جهجهت باكات حيرانو بالكلكات الكتيرة في البوست. 4 :- إذا البتعملو فيهو دا نضال لإزاحة الإنقاذ فابشرو يا أهل الإنقاذ و دلدلو رجليكم الخمسين سنة الجاية. تحياتي
غايتو اهتمامك بالوست دا صلاح غريب
وبعدين يا الحبيب وقت قصصي دي ما جايبا تمنا مالك حايم حول البوست مرة تسبلو ومرات تمشي وتجيهو راجع زي ودابرق من الحيطة لي تحت الزير . يا الحبيب دا ما نضال ولا عمل لازاحة الانقاذ دي قلة شغلة منيّ ساكت وانا لا اتحدث بإسم السودانيين في هولندا انا اتحدث عن نفسي وامثل نفسي واعمل وفق وعي السياسي المحدود ومعلوماتي المحدودة احيانا بالرسم وفي احايين كثيرة بالكلمة المكتوبة وسمي ذلك ما شئت فلن تغير من الواقع المثال امام الناس .
سفارات فاسدة ووزارات فاسدة ورئيس فاسد ومن جهتي لن اتردد في نشر ما يقع في يدي ومن يريد ان يرد على ( ترهاتي ) فليفعل فليس بمقدوري ان احجر على الطرف الآخر الدفاع عن نفسه . الاخ ابوبكر يستقبل الرسائل وينشرها .
انني لم و لن افقد الامل في التغيير وزوال حكم الاخوان ونهاية الاستبداد والمظالم فمن بصدق ان سيف الاسلام القذافى يقبع الآن في ذات المعتقلات التى بناها والده وهو يرسف في الاغلال امام الرجال الذين كان يذلهم بالامس ويدوس على كرامتهم فهو الآن معلق بين السماء والارض لا هو ميت ولا حي .
يا صلاح لو عندك شغلة غير البوست امشي اقضيها وسيبنا نعوس عواستنا زي ما الكيزان عايسين عواستن
04-11-2016, 01:23 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
اول دبلوماسي سودانى تقوم الخارجية الهولندية بطرده قبل عدة سنوات .جاء هذا الدبلوماسي الى وزارة الخاجية من جهاز الامن والمخابرات الوطني وكان في شخصه تجسيدا حيا للجهل وبلادة الحس كأنه مخلوق من الرماد المعجون بالماء الآسن وكان يرف حول مجلسه لفيف من ذباب لاهاي بينهم لاجئون وقدامى المهاجرين وكان ذلك في السنوات الملتهبة حين كشّرت المحكمة الجنائية عن انيابها في وجه سفاح الخرطوم ورهطه .
Quote: ود دفع الله الفنان وشركاه تهديدك شديد اللهجة يمكن ان يخوف (باول) سفاح هولندا الشهير وهو يقبع في سجن (سيتارد) الاشهر شيخ اللمين دا (فارة) وكان ابلد طالب في المنطقة التعليمية .. عشان كدة اتخرج .. شيخ سيبك منو عملت لينا شنو في موضوع الدكتور (يوسف الكودة) ؟ عندك خبر انو في هولندا؟
سلام يا ابو حميد ...
ماذا يفعل الكودة في هولندا ؟ حسب علمي انه طلب اللجوء السياسي في المانيا قبل فترة وسمعت نتفا من اخباره هنا وهناك وفي رأي مهما فعل فسيظل الفرق بين - الكودة - النسخة القديمة والنسخة الجديدة فرق مقدار لا اقل ولا اكثر .
04-11-2016, 10:56 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
وكان ايضاً معهم في لاهاي ... شاعر يستنطق الصخر العصيا .
كان امامه خياران : ان يخنق عنقه بالكرفتة ويجلس في مقعد السيارة الفارهة ذات اللوحة الدبلوماسية وراء سائقه الخاص ويكون ممثلا لسفاح الخرطوم في حله وترحاله بين الذئاب والوحوش والفاقد التربوي او ان يكون شاعرا يمسي ويصبح بين اثير الحروف وخيوط المعاني وينتمي - لسمائه الاولى وللفقراء في كل الازقة ينشدون صامدون وصامدون .
فالخير فيما اختار الله ولا مرد لامر الله .
قال محدثي انه التقاه في مدينة هارلم القريبة من امستردام ، بصحبة معالي السفير سراج الدين حامد ذهب ليهنئ في مناسبة زواج . ولم يلاحظ اي شئ يميزه عن بقية زملائه من الدبلوماسيين في هذا العهد الغيهب وان كان هنالك شئ فهو التواضع الذى يتصنعه ( الكوز ) بشكل عام عندما يضمر في نفسه غرضا يبتغيه منك .
قلت له هذا الرجل - صدق او لا تصدق - يعتبر واحدا من اكبر شعراء المشروع الحضارى الاسلامي 1- خالد فتح الرحمن 2- روضة الحاج 3- قيقم
والآن هو الشخص الوحيد الذى تستخدمه الانقاذ كواجهة في مناسباتها الثقافية ويبدو ان هذا الدور قد راق له وصادف هوى في نفسه فالقليل من ( الثقافة ) يكفي ويرضى طموحه (الباقي ) لانه في الاصل شاعر ، تغنى من قبل بأحلام واشواق الاسلاميين وبعودة صلاح الدين الايوبي وامجاد العرب والمسلمين في بلاد الشام والعراق وشمال افريقيا ، ثم تحقق الحلم وعاد صلاح الدين الايوبي في يونيو 1989 على ظهر دبابة مجاهدة قيل انها شاركت في حرب فلسطين في العام 1948 وقيل انها دبابة مباركة وانها جاءت لتملأ الارض عدلا بعد ان اغرقها الامام الصادق المهدى جورا وظلما .
تذكرته اليوم وانا اقلب - اوراق السفارة - بين يدي وسألت نفسي كيف لشاعر مرهف الحس وصافي المنبع كيف تثنى له ان ينسى عصافير الشعر في حجرات قلبه ويركض كالطيور الجوارح وراء الفطائس !
كيف لشاعر صاحب ملكة مميزة ان يبيع نفسه للشيطان مقابل مردود مادي بإستطاعه ان يحصل على اضعاف اضعافه لو عمل مثلا استاذا جامعيا في السعودية التى تترع ودرس فيها كل مراحله الدراسية .
اذا ما ذهبت الانقاذ آجلا ام عاجلا هل ستغرد بالشعر ثانية يا صديقي ! لا اعتقد ....
انسى يا رجل انك كنت شاعرا وانسى انه تناهت الى مسامعك يوما ما ( قعقعة سنابك خيل اللنبى وهي تطأ ارض القدس ) لان صلاح الدين هذا الفارس الكردى لو بُعث حيا من قبره اليوم ووجدك بين القتلة واللصوص لبصق على وجهك ....فهل يكفي هذا !
من حسن حظك اننى لم اعثر على الصورة التى يتوسط فيها شخصكم المرهف شيخ الامين ومعالي السفير سراج الدين حامد والتى نشرتها من قبل ولا ادرى اين هي الآن .
04-12-2016, 09:00 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
Quote: شيخ الامين كرت تم استخدامه وأدى مهمته والمطلوب منه في مختلف المشارب والقضايا في اعتقادي تم استغلال الرجل وهو ساعد الانقاذ على استغلاله لو كان حصيف شويه كان فهم الحاصل لكن نقول شنو تم تسويقه بصورة واضحة وهو صدق وركب الموجه كامل تعاطفي مع شيخ الامين وهنيئا له ببلاد الزهور وهنيئا لبلاد الزهور به
مرحب بيك يا ودالقوز
شيخ الامين اخذ من الانقاذ ما يريد والانقاذ اخذت منه ما تريد وفي النهاية طلعوا درون و ( الخاسر) من ظن الاشياء هي الاشياء ...........سلام
04-14-2016, 10:59 AM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
هذا المكان لا يدخله من السودانيين إلا اصحاب الايادي المتوضئة ولا يدخله إلا ذو حظ عظيم فليس للغوغاء والدهماء من غمار المهاجرين موضع في هذا المكان .
في الصورة اعلاه يُشاهد الاستاذ الجليل صديقنا فكرى كرور الذى يمثل بحسب تلفزيونات السودان والصحافة السودانية رئيس الجاليات في اوروبا الغربية وينوبه في منصبه هذا شيوعى سابق( كبار ) يعيش في بلجيكا ، انقلب عليه الكتاب فصار من اصحاب الحظوة . ان معظم الذين تشاهدونهم في الصورة قد جاؤا من المناطق التى تحرق الانقاذ فيها اشجار النخيل وتغمر بيوتهم بمياه السدود وتطلق على المتظاهرين من ابنائهم الرصاص الحي .
ان الذين يتقلدون المناصب الرفيعة في حكومة الانقاذ ليسوا بأفضل من السيد كرور في شئ فصديقنا كرور لسوء حظه قد تأخر كثيرا في الالتحاق بالانقاذ ، دخل عليها من البوابة الخلفية بعد ان طردت الانقاذ عرابها الراحل من قبة البرلمان ، يوم تشتت شمل الاسلاميين ، وبعد ان اندلع حريق دارفور ومن ثم ظهرت المحكمة الجنائية كمهدد خارجي للنظام فكانت مساعى الخارجية السودانية والامن الخارجي في خلق ( لوبى ) من المهاجرين ليكون ساعدها الايمن في اوروبا وكان ما كان .
ان صديقنا كرور اكثر ذكاءا من شيخ الامين وابلغ بيانا ، فهو خطيب مُفوّه ومتحدث لبق وايضا شاعر تجرى الاشعار على لسانه كالمياه العذبة ويتقاب معسول الكلام على شفتيه كالحور الحسان في اعلى الجنان عندما يبتسم في وجهك تحسبه طفلا في المهد وليس شيخا في السبعين ولكنه مع ذلك يفتقر الى اشياء كثيرة تحول دونه والمقام الذى صعد اليه شيخ الامين فكهذا الدنيا تعطي من لا يستحق وتحرم اصحاب المواهب الفّذة نقول ذلك إذا ما اخذنا الامر بميزان العقل والمنطق .
كلما انظر الى هذه الصورة اتذكر الزمن الجميل الذى مضى من تاريخ بلادنا عندما كان السودان سودانا والسفارات سفارتا والرجل المناسب في المكان المناسب وعندما كان ميزان الخدمة المدنية دقيقا وحساسا كميزان الذهب .
انني لا احسد السفارة وبعثتها الدبلوماسية من انها تتقلب في النعيم وتعيش في الابراج المخملية ولكنني اتحسر على اهلنا البسطاء من دافعي الضرائب الذين جاءت الانقاذ بإسمهم واعلنت رايات الجهاد من اجل عزتهم وكل هذا الخمج الماثل امامنا من عرق جهدهم وعلى حساب صحتهم وتعليم اولادهم وبناتهم ومسقبل البلد الفضل .
--------------------------------- حتى نعود الى سفيرة لاهاي الجديدة
04-14-2016, 09:35 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
العرفتو يا شباب من مصدر موثوق انه شيخ الامين كان في انجلترا وفي لندن بالتحديد قبل اسبوعين ولا ادري كيف تم ذلك اذا قدم لجوء في هولندا.. الا اذا حصل علي حق اللجوء ووثيقة السفر في وقت سريع جدا جدا.. وكمان كان حوالينه مريديه😀 سافروا ليه مخصوص وبالطبع كتير من انجلترا
تحياتي يا عمر والزوار
04-16-2016, 12:43 PM
عمر دفع الله عمر دفع الله
تاريخ التسجيل: 05-20-2005
مجموع المشاركات: 6353
بصراحة يا منى شيخ الامين من حقه ان يطلب اللجوء الى اوروبا ولديه بالتأكيد اسبابه وكما قلت سابقا انني ضد اغلاق زاويته او منعه من ممارسة ( الذّكر ) مع مريديه وحتى لو كان بوذيا او يهوديا فليس لأية جهة الحق في مصادرة نشاطه ما لم يلحق الاذى بالآخرين ويعتدي على حرياتهم . لي رأي في علاقته بالحكومة السودانية وبالسفارة السودانية وبالفعل تسربت لي الصور وقمت بنشرها وحتى الفيديوهات والتى كانت تتداول في نطاق ضيق وصلتنى وايضا نشرتها ولو جاء الى هولندا وعاود الاتصال بالسفارة اتوقع ان يصلني ذلك ايضا لأن وضع السفارة اصبح مهلهلا وانفض من حولها قدامى الاعوان ومن بقي منهم لا يبالي بأحوالها . إن شح الاموال هو الذى اضر بها وليس فيها مايغرى البعض ليقترب منها فالسفارة هي صورة مصغرة للحكومة السودانية . ما يحدث هناك ينعكس هنا وما يحدث هنا يخرج للهواء الطلق بكل سهولة ويسر .
04-16-2016, 03:47 PM
باسط المكي باسط المكي
تاريخ التسجيل: 01-14-2009
مجموع المشاركات: 5475
Quote: مهما تحدثنا عن هذا الاديب الاريب والدبلوماسي دكتور خالد فتح الرحمن لن نوفه حقه
يا ودالباوقة والله زولك دا فارق الشعر فراق الطريفي لي جملو يعنى حيقول شعر تاني في الوثبة وللا في الحوار الوطني وللا في سد مروي ! صلاح الدين الايوبي الكان فرمالتو صاحبك نسياه يا ودالباوقة لأنه فعلا مؤدب واستحى ان يضحك عليه الناس ولو انت بتعرفو بالله قول ليهو آخر مرة وقف فيها امام منصة في امسية شعرية وبث درره على مسامع الجمهور كان متين !
-----------------------
من قصيدة: عــــودة صــلاح الديــــن الأيـــوبــــي
هذا العدوُّ قد استطالَ.. وقد غدَا كلُّ العِدا يأتون من أذنَابِهِ فإلامَ تحنون الرؤوس لذلِّه والمجد فيكم منتهى أسبابه والنصر في ساحاتكم وربوعكم متوثب يهفو إلى طلاَّبه لن تبلغوه بالكلام ..يسوقه ذَرِب يبين السحر فصل خطابه كلا ولا بالشجْب واستنكار ما يَصِمُ الجبين بعاره وبعابه لكن بصنديد يضم فؤاده نِقَمًا, يذود بهن عن أحسابه من لي بسيفك يا (صلاح) يسلُّهُ بطلٌ شعار العزّ ملء إهابه ليرد غربتيَ المريرة ناهلا من صبره ..وإبائه ..ووِثَابه يا أيها الأقصى ..تحيةَ شاعر شادٍ يسوق إليك محض عُجابه ما زال يحبو نحو ساحك شعره حتى سما بالشعر في أترابه هو واحد من أمة مقهورة قد عضّها حُبُّ الهوان بنابه -------- يا له من زمن يا ودالباوقة لقد كان شاعركم بريئا في حلمه وفي اشواقه وكان يعتقد ان تحت القبة شيوخ اجلاء وان اصحاب الايادي المتوضئة لن يسرقوا ويغتصبوا ويقتلوا النفس التى حرم الله قتلها إلا بالحق . ان صاحبك يقف الآن في المنزلة بين المنزلتين لا هو يستنكر فاحش افعالهم واقوالهم ولا هو مُؤيد لترهاتهم وخبلهم . يبدو انه ينطوي على نفسه وعلى مصالحه الشخصية وتقاصرت قامته امام مسوؤلياته كمثقف وكإسلامي فصار مسخا بلا لون ولا طعم ولا رائحة ....... رحم الله شخصه المرهف واحسن اليه في بياته - الوظيفي - و " إِنَّا لِلّهِ وَإِنَّـا إِلَيْهِ رَاجِعونَ "
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عمر دفع الله
Salah Zubeir
آدم صيام
محمد البشرى الخضر
أبوبكر عباس
Ammar Makki
Sayed Ibrahim
خالد المبارك
aosman
علي عبدالوهاب عثمان
محمد على طه الملك
محمد مختار جعفر
Ahmed Yassin
أحمد عزالدين
عمر عثمان
جمال ود القوز
مني عمسيب
Muna Khugali
باسط المكي
فيس بوك
تويتر
انستقرام
يوتيوب
بنتيريست