مخطط جوهرة العوده السكني .. شقق - مشطبة وغير مشطبة ..

Quote: خصوصا ً كل البناء في الخرطوم اصبح شقق

Quote: صحي؟! مزيد من المعلومات يا الطيب عباس لو سمحت

Quote: اش مهندس ايمن خانتني العبارات بس كنت بقصد انو الاستثمار اصبح شقق ..

Quote: فعلا نسبة لغلاء اسعار الاراضي ...لو تلاحظ حتي الاحياء الشعبية تلقي الاخوان في البيت بشتركو يحولو البيت لي عمارة وكل واحد يطلع بشقة ززافضل من شرا ارض ومن ثم البناء عليها ......

Quote: الموقع : يقع غرب الحاويات سوبا - الخرطوم شرق مدينة الازهري يحده من الشرق السكة حديد وجنوباً أرض جامعة الخرطوم يبعد جنوب غرب مستشفي سوبا ب 2 كيلو ويبعد من طريق مدني بنصف كيلو ويلاصقه شرقاً الطريق الجديد للميناء البري المكونات : يتكون المشروع من ثلاث نماذج من البنايات A , B , C ويحتوي كل مبني علي طابق أرضي بالإضافة الي 3 طوابق ، وكل طابق يحتوي علي 4 شقق

Quote: مساحة الشقة 120 متر مربع تحتوي علي 3 غرف نوم - صالون - صالة - مطبخ - 2حمام - بلكونة

باشمهندس أيمن رأيك شنو في المساحة وتوزيعها ؟

Quote: كم سعر الشقة بدون تقسيط ؟؟؟؟

الجدول في الصورة الاولي في البوست مشطبه

تشطيب كاش دورارضي سداد فوري 660.000

دور اول 670.000

دور ثاني 660.000

دور تالت 650.0000

غير مشطبه ارخص ..

والبيع متاح للجمهور في مباني الصندوق بس الاسعار دي ما عارفا اكيده ولا ملتوخة

Quote: المغتربين مفروض يعملوا ليهم استثناء من القرعه وكلهم يدوهم طابق أرضى طوالى او دور اول لانو اى مغترب قدر يجمع 650 مليون بالقديم ما بيكون فاضل ليهو ركب يطلع بيها الطابق التالت ههههههههههه تحيه لصاحب البوست وضيوفه

عاطر التحايا اخونا علي واضحك الله سنك ههههههه

Quote: ان تورط فى مثل تلك الشقة, فتاكد انك ستعانى كثيرا طيلة حياتك فيها من فاتورة الكهرباء مستقبلا.

Quote: سلام .....ما عندي خبرة ... لكن ما عارف الناس البيتكلموا عن (القرعة) جابوها من وين .... هل المشروع فيهو كلام عن قرعة؟يخيل لي كمشروع استثماري، إنت تختار الشقة العايزها وتدفع السعر حسب اختيارك

(عدل بواسطة الطيب عباس on 03-14-2016, 05:59 AM)

Quote: 660 ألف تعمل تبني بيها في بيت ابوك 6 شقق .. تشيل وحده و تدي اخواتك البنات كل وحده مفتاح شقتها .. بلاش نربح الكيزان

سنه كم ؟ الكلام دا هسه انت متاكد ؟ طن الاسمنت بي 1200 مع الرافه والطوب بي 500 اللوري والرمله قول 500 حسابات ساي غير الكنجر والخرصانه والتشطيبات والمصنعيه هاهاهاها والله احتمال كبير تطلع ملوص من شقة واحده دا كان قضتك ..

Quote: سنه كم ؟ الكلام دا هسه انت متاكد ؟ طن الاسمنت بي 1200 مع الرافه والطوب بي 500 اللوري والرمله قول 500 حسابات ساي غير الكنجر والخرصانه والتشطيبات والمصنعيه هاهاهاها والله احتمال كبير تطلع ملوص من شقة واحده دا كان قضتك ..

يعني الشقق دي ح يبيعوها بالخسارة؟؟؟؟؟

لابد يكون في هامش ربح وهامش ربح جيد جداً لتنفيذ مثل هذه الشقق

عليه في بيت أبيك في تكاليف بتقل نسبة لامتلاك الأرض

Quote: سنه كم ؟ الكلام دا هسه انت متاكد ؟ طن الاسمنت بي 1200 مع الرافه والطوب بي 500 اللوري والرمله قول 500 حسابات ساي غير الكنجر والخرصانه والتشطيبات والمصنعيه هاهاهاها والله احتمال كبير تطلع ملوص من شقة واحده دا كان قضتك .. تحياتي

يا الطيب أنت زاتك سنة كم ؟؟؟ طن الأسمنت 1500 مطروح ،، لورى الطوب 4000 حبة ب 1500 ،، لورى الرملة 1200 ما تنزل مليمة ،، أما الباقى داك أنسااااااااااااه

مبدائيا كده :

- السقف 130 مليون

- البناء مع لوازمها ( بدون طوب ) 40 ميلون

- السيراميك الغرف والمطبخ والحمامات 80 مليون

- اللياسة الخارجة والداخلية 40 مليون

- الأبواب والشبابيك 40 مليون

- الأدوات الصحية 30 مليون

- الكهرباء والتوصيلات والفيش واللمبات 40 مليون

- دولاب المطبخ 20 مليون

- المواسير والتمديدات 20 مليون

- ده طبعا غير البير والسبتبتانك ووالمانهولات وأعمال الجبس وخلافه

Quote: - البناء مع لوازمها ( بدون طوب ) 40 ميلون

يا ماهر .. سكرفي ..

اشرح لي المقتبس اعلاه ...

كيف البناء مع لوازمها بدون طوب ؟؟

Quote: الطيب أنت زاتك سنة كم ؟؟؟ طن الأسمنت 1500 مطروح ،، لورى الطوب 4000 حبة ب 1500 ،، لورى الرملة 1200 ما تنزل مليمة ،، أما الباقى داك أنسااااااااااااه مبدائيا كده : - السقف 130 مليون - البناء مع لوازمها ( بدون طوب ) 40 ميلون - السيراميك الغرف والمطبخ والحمامات 80 مليون - اللياسة الخارجة والداخلية 40 مليون - الأبواب والشبابيك 40 مليون - الأدوات الصحية 30 مليون - الكهرباء والتوصيلات والفيش واللمبات 40 مليون - دولاب المطبخ 20 مليون - المواسير والتمديدات 20 مليون - ده طبعا غير البير والسبتبتانك ووالمانهولات وأعمال الجبس وخلافه فإنسى الأمر ،، وعليك بالشقة أن أمكن

سلامات مجيدكو .. واخونا ماهر

Quote: بحوزتي صور للاسعار وصلتني بالواتس لكني غير متاكد من صحتها .. مشطبة (600 الف الي 650 الف ج طبعا بالاقساط ).. المساحات 120م م كاش 550 الف .. تستلم طوالي ..

بالسعر دا ربحانين 300% ...

Quote: مخطط جوهرة العوده السكني

Quote: - السقف 130 مليون- البناء مع لوازمها ( بدون طوب ) 40 ميلون- السيراميك الغرف والمطبخ والحمامات 80 مليون- اللياسة الخارجة والداخلية 40 مليون- الأبواب والشبابيك 40 مليون- الأدوات الصحية 30 مليون- الكهرباء والتوصيلات والفيش واللمبات 40 مليون - دولاب المطبخ 20 مليون- المواسير والتمديدات 20 مليون- ده طبعا غير البير والسبتبتانك ووالمانهولات وأعمال الجبس وخلافهفإنسى الأمر ،، وعليك بالشقة أن أمكن

(عدل بواسطة ابوحراز on 03-15-2016, 06:59 AM)

Quote: الأسعار المذكورة اعلاه قريبة جدا للواقع وذلك من تجربة عشتها قبل 4 شهور مع احد الأصدقاء ويشرف على العمل وكالة حي الجامعة العقارية مع مهندس يسمى { الحبوب } عدا الأبواب فقد ذهبت برفقته الى السجانة وتم شراء الأبواب الصينية من هناك وكانت عبارة عن التالي بابين خارجيين عرض 120 سم 6 ابواب غرف داخلية ومطبخ عرض 100 سم طبعا الارتفاع متفق عليه 215 سم ابواب دورات مياه عرض 80 سم اجمالي الأبواب 12 باب المبلغ 21 مليون والأبواب بحالة جميلة جدا وحتى سالناهم من اللون وهم صينيون هل يتغير بالشمس بالنسبة للأبواب الخارجية فذكروا سيتغير ولكن اقل شيء 8 الى 10 سنوات وبالطبع ذهبنا للمتخصصين في الألمونيوم وكانت التكلفة في حدود 20 مليون نفس الموقع تم فيه حفر بير مع السيبتنك ونصيحة لوجه الله لابد ان يكون هناك مهندس مشرف على التنفيذ فبعض العمالة حينما يصلون لعمق 30 مترا يبداوون في تضييق البير لآجل انهاء العمل وزيادة عدد الأمتار وان لم يكن هناك شخص متخصص فلن يكتشف ذلك في ام درمان يحفرون حتى عمق 45 والتكلفة قبل 4 شهور 130 مليون بالطبع ترتفع بزيادة المواد ماعارف نوعية المطابخ ولكن سالنا احدهم عن دولاب مطبخ وكانت له عينات معروضة وقال السعر 9 مليون وسالت احدهم يوم امس بالسعودية هنا قام بارسال مطبخ للسودان فذكر لي ان سعر المتر 700 ريال

الابواب مع الرافه الباب بي 1500 -1600 قبل شهر صينيه ابو عين سحرية _ وتصنيع حديد اسود مزخرف جميل ب نفس التكلفة

الالمونيوم غالي جدا بالنسبة للمطابخ .. السراميك مترو 68- راس الخيمة - سالومي 92 اسعار شهر 2 الفات ..

شكرا للتنوير بس السوق محكوم بالدولار ماف شي بنرل كلو طالع