|
Re: قرار بترحل كافة كليات جامعة الخرطوم من وس� (Re: صبري طه)
|
**بصراحة .. شارع النيل ليس مكاناً للجامعات والوزارات والدوائر الحكومية .. فمن المفترض أن يُستفاد منه سياحياً ...**
السوتو الإنقاذ في الشعب السودانى ما بمرق ليوم القيامة.
رسخت قيم الدولار في أذهان الشعب، فصاروا لا ينظرون الى اى قيمة سوى قيمة الدولار.. والإنجليز كانوا غلطانين لما خططوا لكلية غردون التذكارية او جامعة الخرطوم حالياً ليأتى اخانا صبرى الان ويقرر بجرة قلم أماكن الجامعات النموذجية.
يا صبرى كلامك ورأيك المعمارى دا كان يمكن ينظر فيه قبل 110 سنة، اما الان فإن مبانى الجامعة صارت معلم وميراث قومى وتأريخ بلد.. لا يحق لأى حكومة ان تتلاعب فيه. هذه المباني ذاكرة شعب وجيل.. هي احمد القرشى و كفاح الخريجين، وثورة اكتوبر، وقبلة العالم العربى والافريقى.. لو الحكومة عندها صداع واللا اسهال تمشى تتعالج.
| |
|
|
|
|
|
|
Re: قرار بترحل كافة كليات جامعة الخرطوم من وس� (Re: عمر دهب)
|
القرار أكيد غير صائب ، كلما مررنا بشارع الجامعة ، تذكرنا صولات الميدان الشرقي ، و جهابذة الفكر الرصين ، حتي صارت عبارات ، أصلب الرجال لأصلب المواقع ، العبارات النارية ، التي تشد الهمم ، و تبث روح الحماس ، لكن جامعة الخرطوم ، ليست بالصنم الذي يعبد ، و تسكب علي مدرجاته القرابين ، الكون يتغير ، حتي المناخ أصابه فيروس ، ثقب الاوزون ، كل شئ إلي زوال ، و لا يبقي إلا ، الواحد الأحد ، ،،،،، ،،،،،
عزالدين عباس الفحل ابوظبي
| |
|
|
|
|
|
|
Re: قرار بترحل كافة كليات جامعة الخرطوم من وس� (Re: صبري طه)
|
Quote: جامعة للتحصيل العلمي تمّ بناءها في المكان الغلط وبس ... |
هلا صبري وسلام للجميع
والمكان الصاح او المكان الغلط لموقع من المواقع بتحدد كيف وبايتو مرجعية علمية. ومهنية..؟؟ وهل اي زول من طرف ما عجبو محل موقع ممكن يقيف وسط الاسافير دي ويقول المحل ده غلط ولا المكان داااااك صاااح ادينا اخي صبري لمحة علي خفيف كده عن المعطيات العلميةوالهندسية والجغرافية والتخطيط مدنية الاستندت عليها في كلامك الفوووق ده وهل خططت قبل كده موقع جامعة من الجامعات وختيتهافي موقعها السليم وعلي شنو استندت وعلي اي مدرسة من مدارس هندسة تخطيط المدن اعتمدت
وتحياتي
| |
|
|
|
|
|
|
Re: قرار بترحل كافة كليات جامعة الخرطوم من وس� (Re: عبدالكريم الامين احمد)
|
هلا عبدالكريم ...
Quote: والمكان الصاح او المكان الغلط لموقع من المواقع بتحدد كيف وبايتو مرجعية علمية. ومهنية..؟؟ وهل اي زول من طرف ما عجبو محل موقع ممكن يقيف وسط الاسافير دي ويقول المحل ده غلط ولا المكان داااااك صاااح ادينا اخي صبري لمحة علي خفيف كده عن المعطيات العلميةوالهندسية والجغرافية والتخطيط مدنية الاستندت عليها في كلامك الفوووق ده وهل خططت قبل كده موقع جامعة من الجامعات وختيتهافي موقعها السليم وعلي شنو استندت وعلي اي مدرسة من مدارس هندسة تخطيط المدن اعتمدت
|
واستفساراتك تجدها في أول رد لي على هذا البوست ...
Quote: بصراحة .. شارع النيل ليس مكاناً للجامعات والوزارات والدوائر الحكومية .. فمن المفترض أن يُستفاد منه سياحياً ...
لو كُنت المسؤول كل المنطقة ابتداءاً من مقرن النيلين حتى السوق العربي ومطار الخرطوم وبري لجعلتها منطقة سياحية ...
|
فما عارف إنت شايت وين .. المسألة عندي ما جيولوجيا أو مناخ أو خطوط طول وعرض لمكان الجامعة .. القصة عندي أنّ المنطقة بأكملها ابتداءاً من مقرن النيلين والسوق العربي ومطار الخرطوم والقياد العامة وبري .. المنطقة دي كلها مفروض تكون منطقة سياحية .. لأنّ مقرن النيلين من المعالم الجميلة في البلد والتي يجب أن تستغل بالشكل الصحيح ...
أيضاً جامعة السودان (الغربي) .. بس ما تقولوا لي بنوها الإنجليز وما غلطانين :) وبرضو جامعة النيلين (القاهرة الفرع سابقاً ...
ــــ يا أحباب العندو ذكريات جميلة في جامعة الخرطوم أو غيرها من الجامعات فحنينو دا ما بيمنع نقل هذه الجامعات إلى مناطق أخرى :)
| |
|
|
|
|
|
|
Re: قرار بترحل كافة كليات جامعة الخرطوم من وس� (Re: صبري طه)
|
Quote: المسألة عندي ما جيولوجيا أو مناخ أو خطوط طول وعرض لمكان الجامعة .. القصة عندي أنّ المنطقة بأكملها ابتداءاً من مقرن النيلين والسوق العربي ومطار الخرطوم والقياد العامة وبري .. المنطقة دي كلها مفروض تكون منطقة سياحية .. لأنّ مقرن النيلين من المعالم الجميلة في البلد والتي يجب أن تستغل بالشكل الصحيح ... |
هلا صبري وحياك الغمام كيف يا صبري القصة عندك ما خطوط طول وعرض وانت بتقول (المنطقة) .؟؟؟ لانو طالما انت بتتكلم عن توصيف منطقة فالتعريف والتوصيف لاي منطقة من المناطق في اي حتة في العالم يتم عبر (الاحداثيات) التي هي خطوط الطول والعرض الما بيها انتي دي فعشان كده وطالما احنا بتكلم عن موقع صرح عظيم زي جامعة الخرطوم فحقو نملي يمين كلامنا ونضبط المصطلح ولاشنو..؟؟
ثانيا بتقول المحل ده (مفروض) يكون حتة للسياحة طيب مافي اعتراض علي ابداء رايك لكن ماهي المعطيات التي استندت عليها في هذه الفرضية وهل عندك دراسة او رؤية تعمق كلامك ده وتضعه في اطار علمي وعملي ولا القصة ورجغة ساااااااااكت... وطالما ماعندك انجليزي بتاع مناخ وخطوط طول وعرض مالك ومال موقع حتة من الحتات
مش ممكن الاقتراح السياحة القلتو ده يتهردم من تحت ارجل السياح في تلك المنطقة طالما المقترح لا يعباء بجيلوجيا الارض والجيو فيزك بتاع التربة..؟؟
| |
|
|
|
|
|
|
Re: قرار بترحل كافة كليات جامعة الخرطوم من وس� (Re: عبدالكريم الامين احمد)
|
Quote: ثانيا بتقول المحل ده (مفروض) يكون حتة للسياحة طيب مافي اعتراض علي ابداء رايك لكن ماهي المعطيات التي استندت عليها في هذه الفرضية وهل عندك دراسة او رؤية تعمق كلامك ده وتضعه في اطار علمي وعملي ولا القصة ورجغة ساااااااااكت... وطالما ماعندك انجليزي بتاع مناخ وخطوط طول وعرض مالك ومال موقع حتة من الحتات |
نعم المنطقة بأكلمها على ضفاف النيل وبين ملتقى النيلين تصلح للحدائق والمنتجعات والفنادق السياحية .. وكلامي دا أصلاً مثبت أمشي شارع النيل ابتداءاً من برج الفاتح وحتى كبري أم درمان ستجد المنطقة كما ذكرت .. بس أنا أضفت نتوسع شوية لأنّ طبيعة المنطقة حتى جامعة الخرطوم ما بتفرق .. ولا رأيك شنو ؟
Quote: مش ممكن الاقتراح السياحة القلتو ده يتهردم من تحت ارجل السياح في تلك المنطقة طالما المقترح لا يعباء بجيلوجيا الارض والجيو فيزك بتاع التربة..؟؟ |
إيه اللي حيهدموا .. شفت ليك حديقة عامة كدا ساي بتنهدم .. غايتو إلا ّينهدم الشجر .. ثمّ لا تتذاكى يا عزيزي وتحوّل الموضوع لنقاش لا أقصده ...
ــــ جامعة - مدرسة - مصلحة حكومية = دي كلها ممكن تنهد مكان ما بنيت ويتم بناؤها في مناطق تانية .. فا شنو ما تكبرو الكوم ساي
| |
|
|
|
|
|
|
Re: قرار بترحل كافة كليات جامعة الخرطوم من وس� (Re: عبدالكريم الامين احمد)
|
**جامعة الخرطوم التي بنيت على ضفاف النيل ليست متحف أثري ليزوره السوّاح حتى يتم حساب ذلك اقتصادياً ...**
تانى اقتصاد وقروش؟
يا اخ صبرى انت ما عندك معايير وقيم تانية غير المادة والدولارات.. ونحن قلنا شنو طيب.. هذه يا صبرى نفس طريقة تفكير الاخوان المسلمين الحاكمين السودان اليوم. أي شيء يعاينوا ليه من خلال قيمته المادية. بعدين انا ما عاوز استعمل طريقة كيكى في اخنق فطس.. لكن ياخى أولا انا لا اعرف ما إذا كنت انت مهندس معمارى لأن قرار أماكن انشاءات المباني الهامة يتخذه مهندس معمارى وليس اى شخص، ولكن حتى لو كنت مهندس معمارى فإن الوقت الان قد فات، لأن اى طوبة في بناء الجامعة اليوم هي تراث قومى.. ما في زول بيعبدها ولكنها تراث، لا تخلطوا الأمور..
| |
|
|
|
|
|
|
Re: قرار بترحل كافة كليات جامعة الخرطوم من وس� (Re: صبري طه)
|
Quote: إيه دخل المهندس المعماري في أهمية وجود جامعة على ضفاف النيل ..
|
يا صبري المهندس المعماري في منهجه الدرسو في حاجة اسمها تخطيط المدن وموقع الجامعة اي حتة من هذه الخرطوم البراجعو وبدرس علي كل الاشياء بما فيها الخرطة التنموية والتطويرية علي المدينة هو المعماري المخطط وفي المدن في حاجة اسمها الماستر بلان وهي الخرطة الاستراتجية للمدينة ودي خرطة بتكون متكاملة وناظرة لكل التطورات المتوقعة في المدنية في كل جوانبها الاقتصادية الصناعية حركة المرور والخدمات صرف صحي وعيييييييييك ومواقع السكن والمرافق الحكومية الخرطة دي بعملها تيم متكامل ولكن يظل المعماري هو راس الرمح لانه هو المخطط والمشرع الهندسي....!!!
فعشان كده البقول شيلو او ما تشيلو لو طلع ما معماري وعندو اسانيد و حجج هندسة وبدايل مقنعة ومواكبه حيكون زول بتونس سااااااااااكت وممكن اقول بصراحة كده بووووورجغ
| |
|
|
|
|
|
|
Re: قرار بترحل كافة كليات جامعة الخرطوم من وس� (Re: عبدالكريم الامين احمد)
|
يا حليل زمن الورجغة الكتيرة يا كيكي يا حبيب ...
Quote: يا صبري المهندس المعماري في منهجه الدرسو في حاجة اسمها تخطيط المدن وموقع الجامعة اي حتة من هذه الخرطوم البراجعو وبدرس علي كل الاشياء بما فيها الخرطة التنموية والتطويرية علي المدينة هو المعماري المخطط وفي المدن في حاجة اسمها الماستر بلان وهي الخرطة الاستراتجية للمدينة ودي خرطة بتكون متكاملة وناظرة لكل التطورات المتوقعة في المدنية في كل جوانبها الاقتصادية الصناعية حركة المرور والخدمات صرف صحي وعيييييييييك ومواقع السكن والمرافق الحكومية الخرطة دي بعملها تيم متكامل ولكن يظل المعماري هو راس الرمح لانه هو المخطط والمشرع الهندسي....!!!
فعشان كده البقول شيلو او ما تشيلو لو طلع ما معماري وعندو اسانيد و حجج هندسة وبدايل مقنعة ومواكبه حيكون زول بتونس سااااااااااكت وممكن اقول بصراحة كده بووووورجغ |
خلاص الليلة حدي معاك الحول ...
أصدر فلان قراراً بنقل مباني جامعة الخرطوم من مكانها الحالي إلى مكان آخر (قول الواغ الواغ مثلاً) ...
القرار دا علاقتو شنو بي إنو يجي مهندس معماري يقول الكلام دا غلط ؟
يعني لما نهد مباني الجامعة حيحصل مثلاً زلزال ولا النيل حيفيض ؟
وزي ما قلت ليك .. عليك الله ما تكبروا اللفة وتكتبوا كلام كبار كبار ياخ :)
| |
|
|
|
|
|
|
Re: قرار بترحل كافة كليات جامعة الخرطوم من وس� (Re: عبدالكريم الامين احمد)
|
Quote: وكلامي دا أصلاً مثبت أمشي شارع النيل ابتداءاً من برج الفاتح وحتى كبري أم درمان ستجد المنطقة كما ذكرت |
نواصل قليلا في الاخنق فطس علي قولة ابو الريش واصلا انا جاي جية خطافي كده عشان الموضوع كركب ضقلي شوية فاتخيل لي خنق وفطيس لصبري صحبي ده ما بطال معاكم ريثما اعود الي بياتي الجيو صيفي مرة اخري....!!!
يعني يا صبري ادقها مشوار من برج الفاتح لحدي كبري امدرمان واعمل يوتيرن واااجي وسط البلد واقووووول طوالي جامعة خرطوم لوكيشن فننننششششششش وهنا لازم ولابد سياحة...؟؟ WHATA شنو شنو كده علي قولة الخواجات ....!!!
علي العموم حياكم الغمام ياااخ واي رست ماااي كيس وكونو بالف خير وعافية
| |
|
|
|
|
|
|
Re: قرار بترحل كافة كليات جامعة الخرطوم من وس� (Re: عبدالكريم الامين احمد)
|
Quote: نواصل قليلا في الاخنق فطس علي قولة ابو الريش واصلا انا جاي جية خطافي كده عشان الموضوع كركب ضقلي شوية فاتخيل لي خنق وفطيس لصبري صحبي ده ما بطال معاكم ريثما اعود الي بياتي الجيو صيفي مرة اخري....!!!
يعني يا صبري ادقها مشوار من برج الفاتح لحدي كبري امدرمان واعمل يوتيرن واااجي وسط البلد واقووووول طوالي جامعة خرطوم لوكيشن فننننششششششش وهنا لازم ولابد سياحة...؟؟ WHATA شنو شنو كده علي قولة الخواجات ....!!!
علي العموم حياكم الغمام ياااخ واي رست ماااي كيس وكونو بالف خير وعافية |
حيّاك الله يا كيكي ...
أولاً يا عزيزي خبر نقل الجامعة صحتو من عدمو ما أظن فينا واحد متأكد منو ...
ثانياً: لو صحّ خبر النقل .. الهدف من ذلك شنو ما أظن حتى تاريخه فينا واحد متأكّد منو ...
ثالثاً: ما طرحته أنا مجرد رأي بخصوص سياحية المنطقة ...
رابعاً: دا كلو عشان ما تقولوا الزول دا كوز :)
خامساً: جامعة الخرطوم يقابلها في الجانب الآخر من النيل تقريباً كدا كازينو النيل الأزرق :)
| |
|
|
|
|
|
|
Re: قرار بترحل كافة كليات جامعة الخرطوم من وس� (Re: صبري طه)
|
كامل تضامني مع العزيز الباشمهندس عبدالكريم الأمين وهو يسعى لترسيخ قيم ( المهنية ) و ( ضبط المصطلحات ) و ( دراسات الجدوى ) في سوق أم دفسو
إتفاق مع رؤية الأخ أبو الريش في ما يختص برمزية وقومية وتراثية مباني جامعة الخرطوم .
القرار خاطئ
| |
|
|
|
|
|
|
Re: قرار بترحل كافة كليات جامعة الخرطوم من وس� (Re: صبري طه)
|
** إيه دخل المهندس المعماري في أهمية وجود جامعة على ضفاف النيل .. **
والطالب الذى صمم مسجد النيلين في الضفة الغربية للنيل كان ريس مركب؟
وظيفة المهندس المعمارى هي اختيار الموقع اولاً، كان على ضفاف النيل او فوق جبل او على جانب وادى.. لأن المعمار فن قبل كل شيء..
بعد دا يا خوى ديارلك واحد رباطابى يرد عليك.
| |
|
|
|
|
|
|
Re: قرار بترحل كافة كليات جامعة الخرطوم من وس� (Re: Abureesh)
|
Quote: والطالب الذى صمم مسجد النيلين في الضفة الغربية للنيل كان ريس مركب؟ |
الله يفتح عليك
ومسجد النيلين ما زي جامعة للتحصيل العلمي .. نعم فهو رمز لديانة غالبية السكان وتم بناؤه بشكل جمالي في مساحة جميلة .. أنا ما مهندس معماري لكن في مسجد النيلين التمست الجمال وروعة الفكرة .. وهو يدعم السياحة الدينية ...
لكن الجامعة زيها وزيها وزي المدرسة وزيها وزي المصلحة الحكومية لا ضرورة لوجودها في مساحة يمكن أن تستغل سياحياً بشكل أفضل ...
يعني إيه طالب داخل وطالب خارج :)
| |
|
|
|
|
|
|
Re: قرار بترحل كافة كليات جامعة الخرطوم من وس� (Re: Abureesh)
|
سلام وبعد
هم انسان البلد غيرو تغلبم جامعة ولا مدرسة ولا ميدان٫ التراث لا قيمة له في افكارهم اصلا هم وافكارهم اقدم من التراث
سياحة في الخرتوم مكتظة السكان ومناخنا الحار دا ما اظن فكرة ناجحة٫ انا لو فكرت اسيح اي اصبح مسواح فبقصد خلاء الله الواسع ووقت ما نشوف زول في البكان البتسيح فيهو فتاني لي قدام نظام سفاري وصيد قمري
ياخ بتاعين الحكومة دي ونظامم دا لو ما عصلجتم دي السودان دا كان بقي قبلة ونقطة ارتكاز الله يجازي الكان سبب
ياخ بلد كامل الدسم بشر ومساحة وخيرات فوق وتحت الارض ومن السماء يغلبنا بس يجي بني ادمين الحكمة تكون هاديهم !!!!!!!!١ ودوورد
| |
|
|
|
|
|
|
Re: قرار بترحل كافة كليات جامعة الخرطوم من وس� (Re: زهير عثمان حمد)
|
سلام لصاحب البوست والمتداخلين ..
وصلتني هذه الرسالة من احد الاصدقاء .. والتي تنفي خبر الترحيل ...
Quote: سلام للشباب بروف احمد سليمان استاذي بكلية الأسنان ومدير جامعة الخرطوم. اتصلت به وده رده : [05/04 23:16] Dr ahmed Suliman: يا اخوة نحن نتكلم عن نقل كليات المجمع الطبي. هذا الكلام ليس بجديد وكان يفترض ان يتم قبل مدة منذ عهد بروفيسور عبدالله الطيب.في عهد بروفيسور محمد أحمد الشيخ انتقلت كلية المختبرات الطبية ونتمنى أن تتبعها كلية طب الأسنان ومن بعدها كلية الطب وباقي الكليات الطبية. الإعلام لم يكن دقيقا في نقله للخبر. جامعة الخرطوم لن تفرط في أراضيها ومبانيها فالبعض من هذه المباني اضحى تراثا ومزارا لكثير من الناس وملكا للجميع وسنعمل على حفظه وصيانته أن شاءالله [05/04 23:20] Dr ahmed Suliman: ما تخاف ياحاتم نحن احرص ما نكون على جامعة الخرطوم.
|
| |
|
|
|
|
|
|
Re: قرار بترحل كافة كليات جامعة الخرطوم من وس� (Re: محمد مجيدو)
|
سلام محمد هذا ليس اعلام عادى، وإنما سونا.. وكالة الاخبار الرسمية التي تنقل عنها الوكالات المحلية والدولية، لذلك الخطأ الذى ترتكبه لا يعالج برسالة على الواتساب وغيرها، وغنما تقوم الوكالة وتعتذر للعالم وتصحح الخبر، وتحقق مع المراسل.. والسيد مدير الجامعة كان عليه الاحتجاج على سونا وطلب التصحيح في نفس مكان نشر الخبر.
| |
|
|
|
|
|
|
Re: قرار بترحل كافة كليات جامعة الخرطوم من وس� (Re: صبري طه)
|
Quote: والي الخرطوم: قرار مرتقب بنقل الوزارات من شارع النيل
07-08-2013 06:50 AM
قال والي الخرطوم "عبد الرحمن الخضر" إن حكومته ترتب لنقل الوزارات من مواقع حرم النيل إلى مواقع بديلة، وستبدأ بنقل مقر حكومة الولاية ووزارة الشباب والرياضة وديوان المراجع العام. وقال لدى افتتاح حدائق (6) أبريل بتشريف النائب الأول لرئيس الجمهورية "علي عثمان محمد طه" وحضور معتمد الخرطوم اللواء "عمر نمر"، قال إن النيل ليس ملكاً للحكومة وإنما للمواطن باعتباره محلاً للتنزه، وأكد اهتمام حكومته برعاية الأيتام.
المصدر: alrakoba.net/news-action-show-id-106489.htm
|
| |
|
|
|
|
|
|
Re: قرار بترحل كافة كليات جامعة الخرطوم من وس� (Re: صبري طه)
|
Quote: نقل مواقع حكومية من شارع النيل
الثلاثاء, 27 مارس 2012 23:55 التحديث الأخير ( الأربعاء, 28 مارس 2012 00:04 )
أعلن والي ولاية الخرطوم عن نقل مواقع حكومية من شارع النيل إلى مواقع أخرى، وتشمل وزارة الشباب والرياضة، وديوان المراجع العام، إضافة إلى مكتب الوالي، وتم توقيع اتفاق بين محلية الخرطوم ولجنة تأهيل وتطوير وسط الخرطوم.
وقال والي الخرطوم؛ عبدالرحمن الخضر، خلال مخاطبته حفل التوقيع، إن مخطط الخرطوم الهيكلي يلزم الحكومة ووزاراتها المطلة على شارع النيل بالانتقال وترك المساحات للاستثمار والسياحة.
وكشف الوالي عن تأجيل افتتاح أبراج الواحة إلى حين اكتمال العمل في وسط الخرطوم، وطلب من البنوك توزيع فروعها على الولاية بدلاً من وسط الخرطوم.
وأكد أن ترتيبات تسير لنقل الجامعات خارج الخرطوم عدا جامعة الخرطوم، ودعا الحكومة والمعارضة إلى أن تركز على خدمات المواطنين وتحويل وسط الخرطوم للمتعة والتسوق.
من جهة أخرى أعلن معتمد محلية الخرطوم؛ عمر إبراهيم، عن بداية تنفيذ انتقال موقف جاكسون إلى موقعه الجديد بالقرب من مسجد شروني وأن موقف جاكسون سيكون محطة إضافية للمحطات التي ستكون على الطريق الدائري لمواصلات الخرطوم.
|
ليه عدا جامعة الخرطوم .. غايتو إلاّ يكون درس فيها وما قادر يفارق حنينا .. يا إمّا يكون غردون باشا جدّو
| |
|
|
|
|
|
|
Re: قرار بترحل كافة كليات جامعة الخرطوم من وس� (Re: صبري طه)
|
Quote: بصراحة .. شارع النيل ليس مكاناً للجامعات والوزارات والدوائر الحكومية .. فمن المفترض أن يُستفاد منه سياحياً ...
لو كُنت المسؤول كل المنطقة ابتداءاً من مقرن النيلين حتى السوق العربي ومطار الخرطوم وبري لجعلتها منطقة سياحية ... |
الأخ صبري طه لك التحية لو سلمنا جدلاً بصحة رائك
هل ترى أن هذه الحكومة وبما عايشنا من سوابق هى الجهة الصادقة على ما تقول والمؤتمنة على تنفيذ ما تعلن ؟ هل الفساد الذي سمة لكل مشروع في السودان سيجلعنا نصدق ما ذهبوا اليه ؟ ولو كنت ترى أن شارع النيل والأماكن المتاخمة له منطقة سياحية ، لا ترى أن جامعة الخرطوم يمكن أن تكون أثراء سياحياً هل الأماكن السياحية بالضرورة أن تكون فنادق ومطاعم ومتاحف فقط !! لو كنت ترى خلاف ذلك تكون مشكلة ، فالأمم الراقية تجعل من مؤسساتها التاريخية اثر سياحياً يرتاده الناس في أوقات مخصصة كما يحدث في كثير من جامعات الغرب العريقة اليوم بل كثير من الأماكن التاريخية التي أرتبطت بأحداث ، فربما تكون كنيسة أو مسجد أو مكتبة عامة أو خلافه
وفوق ذلك فوق ذلك ، من أهل الأنقاذ ـ أقول لك ما تعني قراراتهم
أرى أن رائك جانب الصواب كثيراً أخي صبري
| |
|
|
|
|
|
|
Re: قرار بترحل كافة كليات جامعة الخرطوم من وس� (Re: ود الباوقة)
|
Quote: يا صبري المهندس المعماري في منهجه الدرسو في حاجة اسمها تخطيط المدن وموقع الجامعة اي حتة من هذه الخرطوم البراجعو وبدرس علي كل الاشياء بما فيها الخرطة التنموية والتطويرية علي المدينة هو المعماري المخطط وفي المدن في حاجة اسمها الماستر بلان وهي الخرطة الاستراتجية للمدينة ودي خرطة بتكون متكاملة وناظرة لكل التطورات المتوقعة في المدنية في كل جوانبها الاقتصادية الصناعية حركة المرور والخدمات صرف صحي وعيييييييييك ومواقع السكن والمرافق الحكومية الخرطة دي بعملها تيم متكامل ولكن يظل المعماري هو راس الرمح لانه هو المخطط والمشرع الهندسي....!!! |
تخطيط المدن ليس حالة جامدة بمجرد من وضع الماستر بلان خلاص يبقى مية سنة
بل هو حاجة ديناميكية حسب حاجة كل زمان ومكان
كل مدن العالم ااغير معالمها يوماً بعد يوم من إزالة لمباني وإزالة أراضي زراعية وشق طرق وتوسيع طرق وإحلال وإبدال لا يتوقف
عليه الكلام بأن الماستر بلان الذي وضعه الإنجليز قبل مئة سنة يجب أن يظل كما هو, هو كلام غير علمي وغير دقيق وغير واقعي
مدينة مثل برلين تغيرت في العشر سنوات الأخيرة بصورة دراماتيكية بعد أن عادت برلين الشرقية لبرلين الغربية وتحولت عاصمة البلاد من بون إلى برلين الموحدة
جدير بالذكر أن هناك مخطط سابق للخرطوم عام 1974 لم ينفذ بالكامل .
والآن هناك مخطط هيكلي جديد لمدينة الخرطوم تم إجازته ينفذ في خلال 25 عاماً يغير معالم الخرطوم بصورة جذرية
وربما بعد 25 سنة ستم اعتماد مخطط هيكلي جديد وهكذا
| |
|
|
|
|
|
|
قرار تحويل كليات جامعة الخرطوم الي سوبا (Re: زهير عثمان حمد)
|
سلام لكل الاخوة المتداخلين بالنسبة لي موقع الجامعة وانوا مطل علي النيل فا دا ماحنك لانوا النيل شاقي السودان من اقصاه الي اقصاه مابقت علي الكيلومترات بتاعة جامعة الخرطوم. بعدين بالنسبة لي تحويل الوزارات دا حنك عشان الناس ماتمسك نار في حتة الجامعه باعتبار كلنا ماشين. بعدين الاراضي دي بايعنها لي منو وبي كم وعشان شنو والقروش ماشة وين وليه ماشاورتوا الناس بعدين دا منو المستثر الرضي يشتري ارض الجامعة ويكسرا ويجي يبني فوقها شنو مثلا فندق الفندق دا وينوا ناسوا ودولاروا وسياحتوا وقوانينو وشوارعوا وتخطيطوا انتوا عملتوا الوادي الاخضر ووزعتوا القطع المطرة جات كسرت البيوت وغرقت الناس يا صبري طه وطلعوا الناس غلتانين هنا بجي دور المهندسين والمساحين البعرفوا انوا دا مجري سيل ولا ممكن الناس تسكن عادي. ياخ مامشكلة يشيلوا من اراضي سوبا ديك ويدوها المستثمرين ولا الا جامعة الخرطوم بعدين انتوا ماقلتوا تنقلوا العاصمة من مكانها . احسن امشوا اي مكان وخلوا مباني الجامعة وليه ما اتمسك بيها اذا الحكومة حتبيع من سكات وتقبض من سكات وفجأة حيقوم مشروع انا ماعندي فيهو لاناقة ولا جمل . انا ما البقرة البتحلب للحكومة وبس. دي نهاية العقد الاجتماعي البيناتنا في البلد بدل الحكومة تخدم الشعب بقي الشعب يخدم في الحكومة ويدفع فواتيرا وعلاجها وسفرها وصعلقتا كمان علي العموم حقوا يصرفوا النظر عن الموضوع ولو مزنوقين يبيعوا وزارة الدفاع باعتبار العسكرية اوامر وخلاص يمشوا يشوفوا قطعة زابطة وباقي القروش يشغلوها ولا يختوها شهامة. اوعي من السدود واوعي من جامعة الخرطوم. انت لو ماقادر تشيل الجامعة في ناس ومؤسسات وشركات ممكن تشيل الجامعة ويادوب حتتحول لي صرح عالي الكفاءة وحيرجع زي زمان اقع المقرن حدايق الشهيد الاسكلا بري الجروف المحس المهم اختى الجامعة احسن.
| |
|
|
|
|
|
|
Re: قرار تحويل كليات جامعة الخرطوم الي سوبا (Re: Abureesh)
|
يا أبو الزهور شتان ما بين صورة خبر سونا أعلاه وبين كلامك في بداية البوست Quote: # نقل كليات #جامعة_الخرطوم السنتر إلى سوبا للإستفادة من أراضي الجامعة في الإستثمار!! الخبر من وكالة سونا للأنباء.. والقرار من البشير والنقبراي بتاع صندوف دعم الطلاب وسوف تباع كل مباني الصندةق التي شيدت قرب مباني الجامعة القديمة !! |
لم يصدر قرار أولا, وأين وردت سيرة البشير و النقرابي بتاع الصندوق, ما هو مصدرك يا أبو الزهور؟؟ الناس اللبست لبس خمسة واستعدت للمعارك دي ذنبها عليك :)
| |
|
|
|
|
|
|
Re: قرار تحويل كليات جامعة الخرطوم الي سوبا (Re: Abureesh)
|
كليات الجامعة يا أبو الريش و ليس الجامعة و الفرق واضح خاصة لمن يعلم ان كليات الجامعة موزعة من شمبات ببحري وإلى امدرمان و عدد من المعاهد و المراكز حول العاصمة الجوطة القامت تحديدا حول نقل مجمع الوسط العلى شارع النيل و هذا ما ذكره زهير في خبره ولم اجد له أثر في الخبر الأصلي على سونا بالإضافة لأنه لم يصدر قرار ايضا
| |
|
|
|
|
|
|
Re: قرار تحويل كليات جامعة الخرطوم الي سوبا (Re: محمد البشرى الخضر)
|
**كليات الجامعة يا أبو الريش و ليس الجامعة **
طبعا يا محمد كليات الجامعة وليس المبانى، والخبر لم يستثنى أي كلية. ولم يحدد كليات بعينها خارج الموقع الذى نتحدث عنه.. ثم لماذا سحبت سونا الخبر ولم تجد الشجاعة بل المسؤولية الصحافية والشفافيـة لتصحيحه والإعتذار عنه..
افتكروا قوقل مرات يدقس..
| |
|
|
|
|
|
|
Re: قرار تحويل كليات جامعة الخرطوم الي سوبا (Re: أيمن محمود)
|
Quote: كمال فرانكي كتب: تخطيط المدن ليس حالة جامدة بمجرد من وضع الماستر بلان خلاص يبقى مية سنة
بل هو حاجة ديناميكية حسب حاجة كل زمان ومكان
كل مدن العالم ااغير معالمها يوماً بعد يوم من إزالة لمباني وإزالة أراضي زراعية وشق طرق وتوسيع طرق وإحلال وإبدال لا يتوقف
عليه الكلام بأن الماستر بلان الذي وضعه الإنجليز قبل مئة سنة يجب أن يظل كما هو, هو كلام غير علمي وغير دقيق وغير واقعي
مدينة مثل برلين تغيرت في العشر سنوات الأخيرة بصورة دراماتيكية بعد أن عادت برلين الشرقية لبرلين الغربية وتحولت عاصمة البلاد من بون إلى برلين الموحدة
جدير بالذكر أن هناك مخطط سابق للخرطوم عام 1974 لم ينفذ بالكامل .
والآن هناك مخطط هيكلي جديد لمدينة الخرطوم تم إجازته ينفذ في خلال 25 عاماً يغير معالم الخرطوم بصورة جذرية
وربما بعد 25 سنة ستم اعتماد مخطط هيكلي جديد وهكذا |
Quote: أيمن محمود كتب: غلط 100% الماستر بلان مفروض يتم الالتزام به تماماً !! والغلط عدم الالتزام به ! |
غايتو أنا فهمت من كلام أيمن إنّو زقاقات أبو روف وود نوباوي وبيت المال دي ما عايزة ليها إعادة تخطيط ...
الله كريم ...
| |
|
|
|
|
|
|
Re: قرار تحويل كليات جامعة الخرطوم الي سوبا (Re: صبري طه)
|
صبري سلامات ،،،
1. ماستر بلان ترجمتها بالعربي (الخريطة الموجهه) يعني بتوجه المدينة "لاهداف" تم تحديدها بعد دراسات مستفيضة - تحدد استخدامات الأرض للحاضر والمستقبل.
2. المناطق العشوائية زي ابوروف بيحصل ليها "اعادة تخطيط" ضمن الخريطة الموجهه بما لا يضر بمصالح السكان وبما يسمح بدخول الخدمات المختلفة بأقل التكاليف.
3. كلام فرانكلي وعدم التزام المسؤولين/الحكومة بالماستر بلان هو ما سمح بالاستيلاء على الميادين وتحويلها لأراضي سكنية، وتحويل الاراضي الزراعية لسكنية او حتى تحويل منطقة السنط الى مباني ... الخ
| |
|
|
|
|
|
|
Re: قرار تحويل كليات جامعة الخرطوم الي سوبا (Re: أيمن محمود)
|
وعليكم السلام يا باشمهندس ...
Quote: 3. كلام فرانكلي وعدم التزام المسؤولين/الحكومة بالماستر بلان هو ما سمح بالاستيلاء على الميادين وتحويلها لأراضي سكنية، وتحويل الاراضي الزراعية لسكنية او حتى تحويل منطقة السنط الى مباني ... الخ |
يعني ناس برلين حاكماهم الإنقاذ مثلاً ؟
Quote: كل مدن العالم ااغير معالمها يوماً بعد يوم من إزالة لمباني وإزالة أراضي زراعية وشق طرق وتوسيع طرق وإحلال وإبدال لا يتوقف
عليه الكلام بأن الماستر بلان الذي وضعه الإنجليز قبل مئة سنة يجب أن يظل كما هو, هو كلام غير علمي وغير دقيق وغير واقعي
مدينة مثل برلين تغيرت في العشر سنوات الأخيرة بصورة دراماتيكية بعد أن عادت برلين الشرقية لبرلين الغربية وتحولت عاصمة البلاد من بون إلى برلين الموحدة |
ثمّ إنتو الهندسة دي يعني ما بتتطور ولاّ كيف .. عايزين تعتمدوا على مخططات وضعوها الإنجليز قبل مئة سنة ...
ثمّ يا أخي توجد مقولة تقول بأنّه تمّ تخطيط الخرطوم على شكل العلم البريطاني فتأمّل إن صحّت الرواية !!
| |
|
|
|
|
|
|
Re: قرار تحويل كليات جامعة الخرطوم الي سوبا (Re: صبري طه)
|
يا صبري
في ناس مفتكرين الماستر بلان دي فعلاً خريطة
بينما الماستر بلان خريطة هيكيلية هي موجهات وسياسات تساعد في اتخاذ القرار وهي متجددة وغير جامدة وتتغير حسب الحاجات الزمانية والمكانية والديموغرافية
ما في حاجة أسمها مساتر بلان لمئة سنة
والماستر بلان لا يعني بالمباني في حد ذاتها والشوارع بتفاصيلاها وأنما يعطي موجهات وسياسات عامة تساعد في اتخاذ قرار إزالة وأقامة وتوسعة أي رقعة جغرافية في المدينة
تحياتي وتقديري
| |
|
|
|
|
|
|
Re: قرار تحويل كليات جامعة الخرطوم الي سوبا (Re: Frankly)
|
Quote: في ناس مفتكرين الماستر بلان دي فعلاً خريطة |
اول خريطة موجهة "ماستر بلان" اتعمل للخرطوم بعد الاستقلال عملتها شركة (Dioxidais) سنة 1960م برضو في واحدة عملتها شركة هندسية ايطالية اسمها MEFFIT Consultants سنة 1975م
والي الخرطوم السابق المتعافي عمل ماستر بلان في الالفينات من خلال وزارة التخطيط العمراني بالاستعانة برضو بشركة MEFFIT Consultants العالمية و بذلو مجهود كبير جدا في الخريطة دي واستعانو بخبراء وكانو عايزين طبقوها نفسها في ولايات أخرى!
الشاهد انو كل الماستر بلانس الحكومات ما التزمت بيها والاساب كتيرة اهمها اقتصادية وخاصة فيما يتعلق بالتحكم بالهجرات من الارياف للخرطوم بسبب المجاعات والحروب وبالتالي حصل تغير كبير جدا في التركيبة والكثافة السكانية.
يا فرانكلي الماستربلان خريطة عديل كده - وفيها سهم الشمال كمان. الماستر بلانس حاليا بتكون معمولة بالاستعانة بدرجة كبيرة جدا بواسطة ال GIS
غايتو لو لقيت فرصة ممكن ارجع اشرح الماستر بلان واجيب نسخة من الماستر بلان بتاع الخرطوم لو ربنا سهل صبري وقع ليك يعني شنو ماستر بلان؟
| |
|
|
|
|
|
|
Re: قرار تحويل كليات جامعة الخرطوم الي سوبا (Re: أيمن محمود)
|
Quote: صبري وقع ليك يعني شنو ماستر بلان؟ |
أنا أصلاً استعنت بصديق يا أيمن .. والماستر بلان بتتغير وبتتعدّل عادي على حسب إفادته ...
Quote: غلط 100% الماستر بلان مفروض يتم الالتزام به تماماً !! والغلط عدم الالتزام به ! |
يعني الماستر بلان الليها مائة سنة دي بتتغير على حسب كلامو ...
| |
|
|
|
|
|
|
Re: قرار تحويل كليات جامعة الخرطوم الي سوبا (Re: صبري طه)
|
سلامات
خرطوم سنة 1900 ليست خرطوم 2016 ولن تكون خرطوم 2030 أغلب الجامعات والوزارات والمستشفيات المتكدسة في وسط الخرطوم يجب إعادة توزيعها حسب الشكل الحالي للمدينة وللاستفادة القصوي من المساحات والأراضي وتوزيع الخدمات وفك الإذدحام وده شئ بديهي ومعروف ولا يحتاج إلى تنظير وكثير كلام!!
وجود ديناصورات وتماسيح الإنقاذ في السلطة حاليا" هو المانع الأساسي لدعم هذه الخطوة لأنو لن تتم الإستفادة وسيتحول العائد الي جيوبهم وكروشهم لكن في ظل وجود حكومة محترمة ودراسات أكيد ستجد الخطوة الدعم من الجميع .
جامعة الخرطوم جامعة النيلين جامعة السودان الغربي جامعة الرباط القيادة العامة مستشفى الخرطوم مستشفي الشرطة السلاح الطبي قشلاقات الجيش والشرطة
وزارة الصحة والخارجية وكل الوزارات الشاغلة مناطق حيوية وحتي الاستادات
الخرطوم الآن تختلف عن خرطوم عام 2000 فما باللك بالخمسينيات وما قبلها!
قرار سليم لكن توقيته غير سليم في ظل الحكومة الحالية.
| |
|
|
|
|
|
|
Re: قرار تحويل كليات جامعة الخرطوم الي سوبا (Re: عثمان الأمام)
|
Quote: والماستر بلان لا يعني بالمباني في حد ذاتها والشوارع بتفاصيلاها وأنما يعطي موجهات وسياسات عامة تساعد في اتخاذ قرار إزالة وأقامة وتوسعة أي رقعة جغرافية في المدينة
|
فرانكلي تحياتي الكلام المتورجع ده عن الماستر بلان جبتو من ووووين يازول ما تتكلم من راسك ساااااااكت
وشكرا
| |
|
|
|
|
|
|
Re: قرار تحويل كليات جامعة الخرطوم الي سوبا (Re: Frankly)
|
وين كانت الماستر بلان لما المهووسين ديل شيدوا مسجد الشهيد
هل الموقع دا مناسب لي مسجد وللا في حوجة له
ديل عبارة عن سوس ينخر في عضم البلد وبحبو المناطق الاستراتيجية للفائدة المادية الشخصية جداً كمان
غايتو لو مفتكرين حكومة الإنقاذ ممكن تشتغل بي ماستر بلان او أي نوع من التخطيط
تكونو بالغتو لمن بهناك
| |
|
|
|
|
|
|
Re: قرار تحويل كليات جامعة الخرطوم الي سوبا (Re: Haytham Ghaly)
|
Quote: أنا أصلاً استعنت بصديق يا أيمن .. والماستر بلان بتتغير وبتتعدّل عادي على حسب إفادته |
لما تعمل "ماستر بلان" في الحقيقة انت عملت قانون ملزم للجميع - قانون عديل كده - ولا يمكن تعديله بالمزاج ! القاعدة انو الماستر لان ما بتعدل ولا يسمح بتعديله الا اذا حصلت كوارث او تغيرات لم يحسب حسابها عند عمل الماستر بلان.
ليه احنا بنعمل ماستر بلان اصلا؟ بنعملو عشان المدينة المنطقة تنمو بشكل مدروس ووفقاً لخطه معينه مبنية على معطيات معينة - من خلال الماستر بلان بنكون حددنا استخدامات الارض - بمعنى بنكون حددنا (علمياً) اماكن اي حاجة (السكن ، الزراعة، المطار، الجامعات، المستشفيات، ... الخ) مثلاً اماكن المناطق الصناعية بتكون اتبنت على عوامل اساسية بحيث انها مثلا ما تؤثر على صحة السكان من حيث الضوضاء، الروائح، تصريف المخلفات، حركة الشاحنات ...الخ . باختصار كل احتياجات المدينة من الاراض بكون اتحددت اماكنها بدقة وبعد دراسات مستفيضة وده كلو عشان المدينة ما تنمو عشوائيا مش كده وبس - بل حتى الامتدادات المستقبلية بتكون اتحددت.
مسألة انها تتعدل فبتتعدل ( العملية دي ما صح من حيث المبدأ) لكن طالما انو "السلطات" عايزه تكفر بالماستر بلان وتعدل على اساس مصالح حزبية او قبيلة او اقتصادية ضيقة فبرضو ممكن - وده فعلاً الحاصل وانتج لينا مثلاً مول الواحة في قلب السوق العربي بدلاً عن المكتبة والساحة الكانت مقامة فيهو !
| |
|
|
|
|
|
|
Re: قرار تحويل كليات جامعة الخرطوم الي سوبا (Re: صبري طه)
|
Quote: أمسك بس عرض الشوارع !!مش قبل فترة باشمهندس عاطف عمر فتح ليهو بوست تحت هذا العنوان (السودان... الأراضي الوااااسعة والشوارع الضيقة... والأرواح الرخيصة)
الرابط: http://sudaneseonline.com/board/376/msg/1356323160.html
أها رأيك شنو .. أهو سوء تخطيط أم ماستر بلان لا يجب تعديلها
|
لما ما تلتزم بالماستر بلان - الشوارع بتضيق والصرف الصحي بينفجر والمستشفيات بتتكدس بالناس ... الخ لما لتلتزم بيه كل حاجة بتكون ظابطة مع عدد السكان
اشرح ليك بصورة ابسط: لو حا تبني بيت مفروض تمشي لمصمم يعمل ليك خرطة "ماستر بلان" مبنية على رغبتك واحتياجاتك وامكانياتك - نفرض انك وحسب امكانياتك ومساحة ارضك عملت بيت يكفيك انت واسرتك من حيث عدد الغرف والحمامات ولحدي سعة السابتك تانك وكل حاجة. اها بعد تلاتين سنة الاولاد كبرت واتزوجت وجابت اولاد فالشي الطبيعي انهم يشوفو ليهم سكن في مكان تاني - لو جغمست ليك اوضة وحمام ومطبخ زيادة وسكنو معاك والبيت بقى ليكم ضيق ما تجي تتشكى من "الماستر بلان" وتقول انو البيت ضيق لأنو الخرطة كانت غلط وليه المصمم ما عملو طابقين مثلاً !!
اتمنى انو وقعت ليك المسألة
| |
|
|
|
|
|
|
|