|
Re: الكهرباء تخرج من حياتنا (Re: عبدالحفيظ ابوسن)
|
اهم فايدة للكهرباء عندنا نحن الشعب السوداني الساي ! الناس الزينا الماعندها علاقة مع السلطة سوي انها تحكمنا .. فلا ندخل في مجالسها النيابية والشعبية وانشطتها السياسية والجماهيرية . ولا علاقة لنا بمسؤوليها ولا نعرفهم ولا يعرفوننا اهم فايدة لينا وقد تكون الوحيدة هي حوجتنا للكهرباء لتشغيل التلاجات وما ادراك ما التلاجة لنا !!
| |
|
|
|
|
|
|
Re: الكهرباء تخرج من حياتنا (Re: عبدالحفيظ ابوسن)
|
الكلس الخلوق .. ود ابو سن ..
لك التحية والاشواق .. ولضيوفك الكرام ..
غايتو حكومة غضب الله قومة ليكم القيامة واسه بتحاسب فيكم !
***************** صهيل خيلِك وَرَا الضَهَرَاتْ، وفارْسِكْ حَىْ، قَدِحْة الضَّىْ، مَجَرْتَقْ بالنِّضَالْ مُـــــــــو نَىْ، ولا فَتَــــــــرْ إِتْفَـــــــزَرْ لا مَــاتْ .
| |
|
|
|
|
|
|
Re: الكهرباء تخرج من حياتنا (Re: د.محمد حسن)
|
ربع الكيلو البسوي ملاح واحد بسوي ملاحين وحلتين والغاز البنجض حلة .. الحلتين ما بكونن جمع استهلاك الحلتين في نفس الوقت اها التلاجة مخزن للملاح . المدام تطبخ اليوم وتاكلو كم يوم بدون طبيخ .. تطبخ وتدخل التلاجة الخضار جملة ارخص من قطاعي وبعض الخصروات ينخفض سعرها بشكل كبير جدا جدا . تشتري وتخت في التلاجة حتي اللبن مرات ناس اللبن سوقهم بكون كعب . والواطة تمغرب عليهم . ورطل اللبن ينقص 2 ج وسعر الرطل يجيب رطلين . اها تشتري وتخزن ولكن الكهربا بقت تقطع ساعات تقرب لليوم . تقطع كم وعشرين ساعة او تنقص عنها قليلا . ولامن تجي زاتو . تشتغل وتقطع غير كدة القطع المتكرر ببوظ التلاجات ف شنو لغينا نخزن فيها وتلج التلاجة ريحتو مقززة وقفنا التلاجة ودخلنا بند نشتري تلج يوماتي . ما يبقن علينا اتنين سخانة جو وسخانة موية
| |
|
|
|
|
|
|
Re: الكهرباء تخرج من حياتنا (Re: عبدالحفيظ ابوسن)
|
الرسول صلي الله عليه وسلم قال لا يكذب المؤمن ! يعني ممكن يسرق يزني.. يشرب الخمر لكن ما بكضب ! ونحن مؤمنين ما بنكضب تب بنقول ليك يا نافع الكهربا كان بتقطع زمان قبل قدومكم المشؤوم .. بتقطع لكن بحساب .. وما بتفوت ال 8 ساعات في اليوم .. وزمن قطعها معروف . الناس بتعمل حسابها . بنكون عارفين الليلة القطع عندنا من الساعة كدة لي كدة هسة بتقطع ساي بدون تنظيم ولساعات تجعلها معدومة !! اها نسعي الجنريتر لي شنو !!؟ هو زاتو وانت الصادق مافي جنريترات .. سوقها كاسد وهسة ما بنعرفها !! هو نحن لاقين ناكل ونشرب كويس لامن نسعي لينا جنريتر ونقنب نشتري ليهو في البنزين الغالي دة
| |
|
|
|
|
|
|
Re: الكهرباء تخرج من حياتنا (Re: عبدالحفيظ ابوسن)
|
يا دفعه ... سلام
في خبر حايم في الواتس : ( نرجو ان يكون صحيحا ً)
Quote: بداء تركيب المكنات الغازيه في محطة الشهيد محمود شريف الحرارية بطاقة 150 ميقا واط وتعتبر هذى اضافه كبيره للشبكة تساهم في الاستقرار للتيار الكهربائي في جميع السودان |
| |
|
|
|
|
|
|
Re: الكهرباء تخرج من حياتنا (Re: محمد مجيدو)
|
قال بضمنا ليكم مالم يحصل قدر من الله يا ايمن رحم الله حميد يا مسمي محنتنا امتحان ف شنو قدر الله ما عندنا فيهو كلام . لكن الفيهم معروفة تعرف زمان التحكم في كهربا السودان كان في سنار . ومن سنار يتم التحكم في التوزيع بمهنية عالية .اها ناس الانقاذ شالوا التحكم ودوهو الخرطوم !! والانقاذ تهمها العاصمة فلا يهمها ان تظلم كل المدن وتنير شارع النيل
| |
|
|
|
|
|
|
Re: الكهرباء تخرج من حياتنا (Re: أيمن محمود)
|
يا دكتور محمد حسن هل تصدق عندي مشلعيب .. مشلعيب دوا كلب وعندي عدد 2 زير .. موية النقاع حقو بنعملها تلج او شاي احمر ها شنو ليك جاهز ولا ما جاهز واها ونسيت عندي عنقريب هبابي بنوم بيهو في الشارع بعد المغرب من سخانة البيت مع قطعة الكهربا .. برقد والعيال الصغار بفرحو بي مرقتي ويقعدو يلعبو في الشارع مرات لي واحدة صباحا اخش واقج ناموسيتي وانوم
| |
|
|
|
|
|
|
Re: الكهرباء تخرج من حياتنا (Re: عبدالحفيظ ابوسن)
|
Gamal Aboshma موظف اداري في النيل الابيض شيخ العرب ود اب سن جيتو البنادر ولقيتو المويه البارده دي تاني ما ظنيت بترجعو البطانه أعجبني · رد · التحديد كبريد إلكتروني غير هام دقسنا يا جمال وفتنا الشرق .. شرق الله البارد الذي صار ينافس المدن الفخيمة
| |
|
|
|
|
|
|
Re: الكهرباء تخرج من حياتنا (Re: عبدالحفيظ ابوسن)
|
ههههه امهاتنا بقولن لو ما قالن قبلكم ووحدكم المصيبة بتجيهم لكن ما ظنيتو في دولة في الوقت الراهن بتعاني من صعوبات الكهربا زينا انخفض سقف احلامنا وصار ان لا تقطع الكهربا فترة طويلة يومين عندنا بتقطع من 8 ص وتجي قريبة7 م وتشتغل دقايق لتقطع ثانية وتجي انصاص الليالي
| |
|
|
|
|
|
|
Re: الكهرباء تخرج من حياتنا (Re: عبدالحفيظ ابوسن)
|
ابو سن احتسبو احتسبو اصو الدنيا دي زايلة .. ما منها فايدة
عندنا في الشمالية قاطعة اكتر من جييتا .. الملاح تحت الزير .. والموية من الزير .. ورجعنا للابيار فـ شنو الحاجة اممممممممم الانقاذ .. اقصد ام الاقتراع
| |
|
|
|
|
|
|
Re: الكهرباء تخرج من حياتنا (Re: عبدالحفيظ ابوسن)
|
يا منتصر تقهقروا بنا حتي وصلنا ما قبل اديسون الحاجة ام الاختراع دة كان زمان هسة بقينا من نسي قديمو تاه
قال القدال جنا في كج وتادو والجمبي معيد ما جنا تجيب سلسل جنازر وتقيد بلا غيبوبة البلد النصيح ومصيد اها نحن طافين وناس القصر العالي منورين بالجنيرتر الشهير والاظرط من كدة حمونا النوم بصوتو العالي .. طواحين بس بلد فيهو ما فيهو ولكن
| |
|
|
|
|
|
|
|