القاهرة ..مصر القديمة. .صور فقط

سودانيز اون لاين
اسامة الامام-
مكتبتى
رابط مختصر

الصورة تقريبيا

1888

لعيبة فريق البيسبول الامريكي

اعلي ابوالهول

1962

1910

1882

1900

1860..1890

1924

1860..1890

قبل بنا السد العالي

1900

وعلي فرسه

صور جميلة جدا ومصر

مازالت تحتفظ برونقها القديم

خارج النص

اليوم كان مفروض اكون في القاهرة

في رحلة علاجية لكن الحجز فيه مشكلة

تلفونك معاي باذن الله بتصل بيك عند وصولي

تسلم

او العكس

أيهما السابق

1960--1890

القاهرة دي قرينا عنها كتير ..وانها مشهورة بان فيها

الف مئذنة..ولي هسع نحن ما مصدقين ان

فيها الف مسجد...وما شفنا القاهرة قبل كده

لكن الناس الزاروها قالوا فيها زحمة اكثر من نيويورك

وطوكيو....بس نحن شفنا الدوحة..وفعلا

هي دوحة وسط الصحراء..واحة خضراء.

واجمل منطقة في العالم هي اللؤلؤه في الدوحة

...وعاوزين نعرف اجمل منطقة في القاهرة شنو؟؟

الله يجازي شيطان عقلك...الراجل واضح بيعزف لزوجته

..وبعدين الاله الموسيقية البيعزف عليها ارمسترونغ عندنا

زيها في شقتنا وبتعزف عليها الانيقة دائما امتثال...

وهلا بها الطلّة

شرفتينا يا اخية

وأسعدنا مروركم الجميل

وبهذا المناسبة

نرجع للزمن الحالي ونلبي ليك طلبك

علشان تقارني بس

هههههههههههههه

اطرف صورة الاخيرة دي

عربات متعارضة وعربات مش عارف آيه

سياسة البوز

يعني تدخل مقدمة العربية وبعداك اليحصل يحصل

في القاهرة

ياعمي قفل علي القدامك

هنا السنتيمتر بفرق معانا ياعم انت فاكر نفسك فين

في القاهرة سياسة الكلكس

يدك علي البوري من باب البيت لحين الرجوع بعد حين

وما حدش احسن من حد

1970

ميدان التحرير

1900

تم نشرها حديثا من قبل

وزارة ومصلحة الاثار المصرية

صورة رائعة

لسيد ة تعتلي اعلي الهرم

اسفل الصورة يظهر احدي الفنادق كعلبة الكبريت

طائرة امريكية

تحلق اعلي الأهرامات

1943

قوات من الجيش البريطاني

اثناء الحرب العالمية الثانية

بين الأهرام

9 ديسمبر 1940

للإحاطة بأحدي أعمدة. المعابد الضخمة

ولكن هيهات

صورة اخري من اعلي الهرم

وبعض السياح

مصري اعلي الهرم

1940

1884

كبري قصر النيل

ثلاثينيات القرن الماضي

اسوان 1911

ماني قدر نابليون أو لويس ارمسترونغ ، ولكن..!!

او: عن الصورة بالكلمات..!!

ول ابا اسامة..حبابك يا صديق

وامنياتنا الصادقة بعاجل الشفاء لصديقنا سليمان القرشي..

وبعد..

كتر خيرك على الصور الجميلة..وتحية خاصة لصورة لويس وهو يعزف لزوجته..بالمناسبة هي الزوجة الرابعة لوسي ارمسترونغ وكانت مغنية في نادي القطن في حي هارلم (وصديقتنا بسمات اقرب زولة للحتة دي يا ريتها تبرنا بصورة لأحد الشوارع هناك)..لويس اتزوج اربعة مرات.. المرة الأولانية اتزوج ديسي باركر واتطالقوا 1923 ، ثم اتزوج ليل (ليليان هاردن ، وكانت عازفة بيانو) واتطالقوا 1938 ، ثم اتزوج الفا اسمث واتطالقوا 1942 ، ثم اتزوج لوسي ويليامسون والتي بقيت معه حتى فراقه للحياة 1971 ، وهي اكثر زوجة قعدت معاهو لغاية وفاتو..!!

اما القاهرة فهي مدينة جميلة وحميمة..واتذكر بعض من تفاصيلها التي اتيحيت لي رؤيتها..خصوصا مصر الجديدة ..ناس ميدان المحكمة ، وكنا فيه نزور اسرة استاذنا ازرق زكريا ، والذي يقيم في شقة مقابلة للكاتب الكبير صنع الله ابراهيم.. كان بيعدي بيها مترو الميرغني الماشي على المطار، ومترو المطرية..!

وميدان النصر (تريامف) والكان بيعدي بيهو مترو الف مسكن..وليتك يا صديقي تزور هذا الميدان وتشرب لي كباية عصير قصب في أي كورنر وتتصور معاها..!

ومنطقة روكسي ، ودي حتة عالقة بخيالي.. وثقت جزء من ذكرياتي عنها في رواية نشرت في هذا المنتدى..(بطلة الرواية الخيالية ، نزلت في شقة ، هي شقة استاذنا ازرق زكريا..)..!!!!!!!

ولو مشيت مدينة نصر..الحي السابع ، قدام الشبراوي ، في مقابلته بالتحديد ، شقة صغيرة كنا سكنا فيها بعض الوقت ، وكنا بنضرب سندويتشات الشبراوي زي الترتيب..هي صحيح سمحة لكن ما بتلحق سندوتشات فول (ابو العباس) جوار مستشفى الخرتوم.. ياخي عمك ده عندو فول لغاية الليلة الواحد ما قادر ينساهو..!!

برضك لو مشيت شوية في نفس المربوع الفيهو الشبراوي..ح تلاقي موقع كان فيهو مكتب الحركة الشعبية لتحرير السودان (ده المكتب الكان اول رئيس فيهو استاذنا دانيال كودي..!!)..

بعد مربوع من الشبراوي ، غربا تقريبا، شارع مقفول يفصل بين الحي السادس والسابع ، والحي السادس اول نقطة قعدت فيها (اربعة ايام) لمن وصلت القاهرة ، بعد ما تهت في اسوان وفاتني القطر القشاش ، وكتها كانت الدنيا عصرية وبراي ، الله وشنطتي الوحيدة، وقابلني واحد اخونا سوداني ومعاهو عروسو ، ، شكلهم متلي اول مرة جايين مصر ، وصرجت بيهم وكتها ، والراجل كان في حال تحنن (اول مرة اشوف لي راجل بيبكي قدام ام عيالو)..المهم طمنتو وقلت ليهو نحن في الهوا سوا ياعم..وبعد شوية لمينا في شباب سوداني زي الورد..كانوا تلاتة شبان ، واحد فيهم طلع قريب علي تميم فرتاك..ودرس في مصر ، يعني عارف البير وغطاها ، وقاموا الشباب ديل لمونا انا وصاحبي العريس وعروستو..وبتنا الليلة في اسوان وتاني يوم سافرنا جميعا..طبعا مغامرات القطر القشاش ما ح نحكيها ليك الآن..!

واحد من الشباب التلاتة ديل اسمو على الطاهر ، من عيال الصحافة في الخرتوم..وسبحان الله ، افترقنا ، منذ وصولنا العتبة التي بيتنا في احد فنادقها المتوسطة الحال ، ولم التقيه والإ قبل ساعات من ذهابي للمطار وانا مغادر الى كندا ، واتلاقينا في ميدان المحكمة وكنا في مترو المطرية..انا نزلت وهو واصل.. الإتنين الباقيين كانوا تجار شنطة بيجوا وبيرجعوا..!!

قبل ثلاثة ايام من سفري الى كندا ، في منطقة عباس العقاد ، لاقيت شباب سودانيين ..صدفة لا يصدقها العقل ، وكانوا بيسألوا عن مواطن سوداني اسمو محمد النور كبر ، وكان معي الأصدقاء مهندس صلاح كباشي واخونا احمد كومي مكي ، وصلاح درس بمصر لغاية اكمال الماجستير في الهندسة ، يعني عارف الدروب .. وقام مسك يدي علامة ما تفتح خشمك..و سأل الشباب : مالو..؟..قالوا ليهو عندو جوابات معانا من الخرتوم ، فقال ليهم : ايوه الزول ده من الدلنج وولدنا وبنعرفوا كويس ، وساكن في الحي العاشر ووممكن نوصلكم ليهو..!!

والشباب يبدو انهم كانوا مستعجلين وما صدقوا يلموا في زول بيعرف الزول ده وقالوا لي صلاح: ممكن تمشي معانا شقتنا وتشيل الجوابات وتوصلها ليهو..!!

ومشينا ثلاثتنا الى شقتهم في حوافي الحي السابع ، واستلم منهم صلاح كباشي الجوابات ، ولمن مرقنا..صلاح قال لي: بتعرف الخط ده؟..عاينت للظرف وقلت ليهو بالحيل..قال لي: ده خط منو؟.. قلت ليهو خط واحد صديقة وزميلة عزيزة..!

صلاح كباشي دخل الجواب في جيب بنطلون الجينز الخلفي ، وقال لي: تسمك ، بصرتها ح اوديها لأختي (يقصد الحيكومة/ المدام)..!!

في الجوابات عرفت حاجة غريبة للغاية ، انو صديقي الجميل دكتور ابكر ادم اسماعيل متواجد في القاهرة..!!

وبعد سنوات ، حينما التقيت ابكر في كندا (في نفس المدينة التي اقيم فيها الآن) حكي لي انه كان يقيم بالحي العاشر (السويس) وهو ثلاث مربوعات من مكان سكني بالحي العاشر (مساكن صقر قريش)..وما اتلاقينا تب..!!!

الناس القرت رواية ابكر ادم الثانية (الطريق الى المدن المستحيلة) صورة الغلاف هي من تصوير صديقنا المصوراتي الفنان عبد الكريم سعيد رجب..ونفس الزول عمل لي صورة في استديو صغير في الحي السابع ، ووكتها كنت قايلو نوبي من ناس مصر ، وبعد سنين وريتو الصورة في كندا ، واتعرف عليها ، وفعلا عبد الكريم طلع نوبي ، لكن من ناس بحري وواو واويل..التحية ليهو اينما كان وكيفما كان (طبعا ح تستغربوا انو نحن الإتنين ساكنين في نفس المدينة الآن ، والمسافة بيناتنا متل المسافة الكانت بين سكننا في القاهرة..!!)..

اجمل مكان روائي ، يصلح لرواية امها بت ابوها.. بص في القاهرة اسمو (اتوبيس 939)..ياخي ده بص لذيذ بشكل..ما عارف كيف فات على عاطف الطيب واسامة انور عكاشة..!!!!

اخر نقطة ، وانا مغادر القاهرة ، كانت جنب المطار ، منطقة جسر العرب والقراش..تحديدا القراش.. في الإسطبل المقابل ليهو..ومنها ياها الهجة اياها..!!

دخلت القاهرة يوم الخميس 28 يناير 1999 ومرقت منها يوم الخميس 21 اكتوبر 1999....!!!!

ما تجي تعمل ليك كتاب يا اسامة وتستكتب فيهو عشرة انفار يحكوا عن تجربتهم مع القاهرة..!!!..غايتو انا متبرع..شوف التسعة الباقيين..!!!!

كتر خيرك يا اسامة ..ونأسف على النقة الطويلة ..!!!

ودمت..

كبر

لك التحية وكل الاشواق

صور اكثر من رائعة

كتر خيرك على التوقف امام تلك الهواجس السايبة..!!

يا اخوي هو نحن ديل عالم عواجيز، عيال حبوبات ساكت يا عم..!!!

وكتر خيرك على التوقف في هذه الكلمات البسيطة...!

القاهرة يا صديقي هي ، او في بعض من تفاصيلها ، مدار حكي كنا نظنه ملامح فن الرواية التي تخصنا، ناس المنبر زهجوا مننا وكذا ناسنا ، اصدقاءنا صديقاتنا ، ممن يحلفونا بالله ورسولو ان ننشر اعمالنا ، وهم يظنونها بناتهم ، عيالهم ، احلامهم ، احزانهم ، امنياتهم ، خيباتهم ، التي يتمنون رؤيتها تمشي بينهم قبل ذهابهم (انتا قايل الترابي براهو هو البيموت يا اسامة..؟!!)..ونحن كل مرة نتزاوغ..!!

صديقنا ابكر ادم اسماعيل ، يا اسامة ، اهدى روايتو الثالثة (الضفة الأخرى) الى دكتور محمد الإمام ، اها الزول ده كان سنيري في مدرسة كادقلي الثانوية.. محمد الإمام الشنقيطي..وبذكر عنو طرفة غريبة يا اسامة.. كنا في كادقلي الثانوية في زمان ما.. واصدقاءنا البعثيين تأبطوا بي شرا..ولغاية الليلة ما عارف ليه ، وانا الذي كنت اعرف عن هجايص البعثيين في كادقلي ما لم يعرفه الإ الله القدير ، اها ساقوني لحتة مضلمة ، في حوافي مدرسة كادقلي الثانوية ، المشهورة باسم (تلو الشرقية) ، ونقاش ونقة وحنفشة ومناتلة اسكت ساكت خليها..و محمد الإمام الشنقيطي (الدكتور فيما بعد ، الذي اهدي ليهو ابكر ادم رواية الضفة الأخرى..!!)..كل دقيقة والتانية يجي طابي على مجلس المؤامرة اياه ويكورك (يا كبر ياخي دايرك ، موضوعنا عملت فيهوشنو..!!..واشهد الله ، الشنقيطي كان يعلم انو ما عندو معاي التكتح..!!)..لمن البعثيين نسوا مؤامرتهم..!!

انقذني دكتور محمد الإمام الشنيقطي من سكاكين اللؤم الشبابى المتحمس..عشان كده كنت مستغرب وزعلان ككيف ابكر ادم يهدي رواية لمحمد الإمام الشنقيطي ( وهو الذي التقاه ايام الدراسة في الجامعة) وانا لا اهدي رواية لمحمد الإمام الشنقيطي، الذي انقذ حياتي ، وكان يتقاسم معي الحلم للدراسة في جامعة هارفارد..!!!

هي هواجس يا صديقي ، هي لؤم الحياة الذي يغبرنا ، ثم يصبح ذكريات جميلة ..نبكي العمر ان تعود..!!

اما عن القاهرة ، اهديك فصل في اخر رواية اكتبها الآن (بالطبع زيها وزي الأخريات ، ثلاث منهن تحتوي تفاصيل القاهرة، ستظل حبيسة الأضابير اياها..!!!)..وهو فصل بعد المراجعة ، قررت حذفه ، لأنو بيني بينك الظروف ما معروفة ، احتمال تهف علينا ونشارك بيها في مسابقة ما..المهم.. الفصل يجري هكذا ( والأهم استرجاع القاهرة/المدينة/الناس/ الأحلام/ الخيبة..الخ)..

Quote: لأ ادرى ، ان كان احدكم، رجلا أو أمراة أو ما بينهما، سيتجرأ ويسألني ، السؤال المعلوم الأول ، عمن اكون وكيف التقيت (....) في اللحظة الأولي من سنين حياتي ؟ اعرف ان فيكم الخبث و الجبن المتوراي خلف خنادق التخبئ اياها ، خنادق اللامبالاة المصطنعه، وربما ، خنادق الطيبة الفائضة المجانية، تلك التي تتواري خجلا من احراجي ،و سؤالي ، كيف التقيت (.....) في اول مرة؟... لم احزن مطلقا عن اختيار الخروج ، خروجي من السودان ، والذي اجتهدت كثيرا لتبريره ، ليس بحجة اقناع ذاتي ، ولكن بحجة اقناع ضمير مخاتل اخر، ضمير كنت اظنه انساني و حضاري ، وانا الحضارة الأولى في مهد تأسيسها ، ولكني لا ادري ، ضمير يعرف اني اكذب ، ويريدني ان اعلن كذبي عيانا بيانا ، يريدني ، بعد استيفاء الشروط المعلومة ، ان اغدو مجرد شغيلة في خلية النحل اياها ، مجرد ترس في ماكنة الرأسمال، ماكنة الإستهلاك وثقافة الدوت كوم ، ولأ يهم كيف اكذب ، وعماذا اكذب..يهم ان اثبت اني خريج من جامعة محترمة في بلادي ، يهم ان اثبت أني قد عملت بعد التخرج في بلادي ،مهم ان اكذب اني عانيت الأضطهاد في بلادي ، مهم ان اثبت اني ساكون عامل نظافة طيع في بلادهم..!! لا اريد ان احدثكم كيف اني تلقيت المكالمة الأولى من سفارة كندا ، واني كنت مجرد نقطة من غبار يسوح في زقاقات الحي العاشر من مدينة نصر بالقاهرة ، لا اريد ان احدثكم ، وانا ابحث عن انسانيتي وتحققي في مجالي مركز الثقافات السودانية بشارع مكرم عبيد ، بالحي الثامن ، من مدينة نصر بالقاهرة..لا اريد أن احدثكم عن مخاتلة زميلي في الدراسة ، بكلية القانون بجامعة الخرطوم ، ذاك الذي كان يظن أني فئ هامل ، يجب ضمه للعمل الثوري ودفعه للذهاب الى اسمرا ، عاصمة ارتريا ، ثم الذهاب الى معسكرات لا يدري احد مغبة نهاياتها..ولا اريد ان احدثكم عن غمامات الخوف التي كانت تجوب ملامح صديقي سلطان ، وهو من الجبال الشرقية في جنوب كردفان ، غرته البروباقندا اياها ، فذهب الى الجبهة ، جبهة القتال في اريتريا ، فعاد يحتقب الحكاوي / الظلم..الحكاوي المسغبة ، الحكاوي التيه ، تلك التي يسكبها في ترانيم اوتار مزهر غريب الملامح ، غريب الدهشة ، وغريب الأوتار، في شقة غريبة الملامح هي الأخرى ، ولحظات اكثر غرابة ، لحظات مسروقة من عنت الزمن النتن اياه..شقة بحي عباس العقاد في قاهرة ، غشونا بانها قاهرة المعز لدين الله..!! وقتها ، شهقت النساء ، من فضل فحولة مغيبة رأتها في جسدي المفتول ، جسد الشباب الغارب الذي لايعود. عيونهن كانت تشهق شهوة ، فتيات سمروات من بقعة الجبل الأصفر ، فتيات ، صابهن داء النسيان و التمازج ، يشهقن بلهجة مصرية ، وحينما التحدث اليهن في القاع الصحيح ، يتحدثن بحنين عن السودان ، حنين عن جذورهن السودانية المجهولة الملامح ، حنين عن عاداتهن وتقاليدهن السودانية ، حنين غارب المعاني والشهيق..ممتلئات سمرة وخدرة دقاقة تجنن وهبة ومليون روح تنطلق من شهقة وهبة الأولى..حينما دلف في الحفلة ، و (بمزيكتو عطرا )..!!!

واكرر هذه الجزئية حذفت من الرواية التي نكبتها الآن ، وان كانت هي اول شهقة فيها..!!

كتر خيرك يا اسامة..

وهي القاهرة يا حبيب..لا تغضب منها ، واديها فرصة ياااااااخ..!!!

كبر

اعلي الهرم

ومن اعلي احدي الاهرامات

لوحة رائعة

يعتقد بأنها اول صورة فوتغرافية موثقة

تم التقاطها في مصر

1849

وابوالهول

تمثال ابراهيم باشا وسط القاهرة

1896

لموقعها الحالي

عند مدخل كبري قصر النيل عند إنشائه

رمسيس الثاني

في مكانه القديم

عند محطة حديد مصر

1957

مسجد السلطان حسين

1873

1885

تحت الانشاء

اكتمل إنشائه 1911

صورة حالية للقصر

وايه السعادة النحن فيها دي

اخواتنا الأميرات وكبر مرة واحدة

لااااااااااا

دا كدا كتير

قمة الجمال والروعة والاناقة والارتقاء بالذوق

،،،،،

حاضر يا الأميرة بت السيد

حا احاول انزل الصورة الفي الرابط اعلاه

،،،،

بت الشيخ،،الفديو اكتر من رائع كتر خيرك ع هذا الجمال

،،،،

الزول الرائع دوما ول أبا كبر

حا ارجع لمداخلتك بروااااااقة

لأنو ما ينفع أعدي عليها كدا بس

غايتو اي صورة مكتوب عليها

Harlem street 125 حا انزله

شوفوا لو صاح

يا أميرة ان شاء الله صورتك تكون بين ديل

معليش نرجع بيكم شوية لشارع 125 في هارلم... وفي الحقيقة الفيديو ده ما للشارع ولكن لمحطة 125 في هارلم وهي محطة يتوقف فيها

قطار اسمه مترو نورث.. وهو القطر الذي تستقله الاميرة اميرة يوميا من قريتها الى قلب مدينة نيويورك( طبعا انا عارفاها حتزعل لمن نقول

لمدينتها قرية .. وفي الحقيقة قريتها اكبر من الخرطوم، ولكن مقارنة بنيويورك عبارة عن قرية صغيرة جدا )...وعلى بعد بلوك واحد من هذه المحطة يقع شارع 125

الشهير في قلب هارلم...

ودمتم بالف خير وصحة وعافية

الأخ الأكرم اسامة الإمام

تحية عطرة وتمنياتي لك بالتوفيق وشكرا لهذه الاختيارات الاروع

ما تنكت لينا حاجة من الاسكندرية ياخ