|
|
|
 Re: الربة الربة حي انا (Re: عبدالحفيظ ابوسن)
|
ياخي من أول أمس داير أقولك ,,,,,,, النيولوك شرط بس ,,,, يلا روبها
| |
 
|
|
|
|
|
|
|
|
Re: الربة الربة حي انا (Re: Salah Zubeir)
|
ههههها
و البوست الفى السلك ده عشان النيولوك يا صاحب ______ يا سلام يا ابسن ياااااخ السوط السوط يا جنا احرّ من الموت يا جنا و برجاك برجاك يا جنا فى محل يوم داك يا جنا
| |
|
|
|
|
|
|
|
|
|
Re: الربة الربة حي انا (Re: جلالدونا)
|
يا صلاح ودى برضو اغنية النيولوك جا صدفة .. معزوم فطور الجمعة الفاتت ونحن تلاتة ورابعنا العازمنا ..وهم من الذين يجيدون صناعة الشربوت .. اها كان الشربوت يداعب خيالي ومرق في لساني ليهم ودقسنا شبعنا شية ولحمة صاج ومرارة وغاب الشربوت .. اها كنت بفكر هل يجوز استبداله بالسفن اب مع الزبادي تقرأ اللبن الرايب .. شفت التحديث كيف .. علي بالطلاق نحن شعب اوسطا وشكلي منهمك في حل هذه المعضلة العويصة .. صديقي شال مني صورة وما عرفتها الا جاتني في الواتس عاينت ليها لقيت نفسي فوتوجينك .. صورة كيفتني .. شكلي جنباوي كدة وجيهة .. وبعدينك الصورة تعبر عن شخص مفكر وذو باع !! زي حقت ناس كتاب الصحف والمفكرين .. الواحد ماخد وضعية وعامل ماشايف انو بياخدو ليهو صورة .. مع انو قاعد مخصوص ومكلم سيد الكمرة واخدو ليهو كم واحدة كنت اتمني لو كنت ماسك سجارة وانفث دخانها في فضاء الغرفة .. وحلقات الدخان تخلق اشكالا سريالية اتأملها ساهما لكن ما بسجر المهم الصورة عجبتني وقديما كان في الناس العجب قوم يا عبدالحفيظ خمها جيبها هنا ..والقديمة ما عاجباني هذا بخصوص النيولوك تشكر للملاحظة الدقيقة والذكية الذكية دي هامة جدا اهم من الملاحظة عن البوست النقدة ... النقدة
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
يا جلاالقدال قال كلامها ضنين وسلامها حنين يطمن الهمباتي والمجلوبة مخلوف كتافها اها غناوي البنوت زمان لا يحمل لنا مشاعر ايروتيكية ابدا .. نكون يا ربي لسة ما شمينا صناحنا ولا كيف لكنه غنا حنين ودافئ .. والاداء زاتو تحس بالبراءة ناطه منو ومارقة لي برة اولئك البنيات الصغيرات يغازلن محبوبا في الخيال غزلا عفيفا
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
زمااان كنا بنتعلم التنظير والتحليل في اغاني البنات وانها تعبر عن شنو وشنو وهي انعكاس للواقع المابعرفو داك ..والشوشيواكنمك استركشا وايييييك .. ومقارانات تاريخية لاكتشاف حراك الفئات الاجتماعية اها بعد الزمن دة كلو الواحد اكتشف انو غنا البنات داك ما دة كان لذيذ ياخ وعذب وبنريدو ساي وضيعنا لحظات استمتاعنا به جعلت الحياة لنعيشها مش نملاها فقر
| |
|
|
|
|
|
|
|
|
|
Re: الربة الربة حي انا (Re: جمال ود القوز)
|
الغريبة كانو بهبشو السياسة فى غناهمو فى غنوة قلابة بقولن نميرى و السادات استلمو الدبابات قالو القذافى مات ان شالله و الغريبة برضو نميرى و السادات ماتو قبل القذافى
| |
|
|
|
|
|
|
|
|
|
Re: الربة الربة حي انا (Re: محمد جبره)
|
ود ابوسنموش لو علمت نيولوكِِِِ...... أو حوار وطنى مشفر.......مافى ليك طريقة ياهو السودان القديم.......السودان القديم . بعدين تاخد هدية ولاتشوف الصورة.
| |
|
|
|
|
|
|
|
|
|
Re: الربة الربة حي انا (Re: أيمن نواى على)
|
دايما يا ود ابو سن تجينا ببيت الكلاوي...(وانا نا عارفة ليه بيقولوا بيت الكلاوي للحاجة السمحة) والمهم ان النيولووك ...صورة وجيهة ..وزي ما قلت انت بتدي فكرة ان الزول صاحب الصورة مفكر واديب كبير...لكن كان ممكن تخت اصبعك السبابة في فوق خدك اليمين ..زي ناس البير كامو وهمنجواي والعقاد ..وتكون الصورة ما احلاها.(وجه باسم) ودمت دائما بالف خير ..وتحياتنا لاهل كوستي بسمات
| |
|
|
|
|
|
|
|
|
|
Re: الربة الربة حي انا (Re: أيمن نواى على)
|
السيد المحترم أيمن نواي علي.سلام وبعد. المرجو مخاطبة أخينا الكريم عبد الحفيظ ابوسن بمايستحقه من احترام، وعدم المساس به، وعدم التعدي عليه بلفظ ليس في موضعه، ذلك انه من ملائكة هذا المكان .
| |
|
|
|
|
|
|
|
|
Re: الربة الربة حي انا (Re: Osman M Salih)
|
ود ابو سن الحبيب كيفك يا زول وكيف اهلنا وحبايبنا ناس كوستى ( الليلة الظاهر عليك معلّق البيرق الابيض وحاجز ) ههههههههههههههههههه جاييييك يا ود ابو سن محبتى
| |
|
|
|
|
|
|
|
|
 Re: الربة الربة حي انا (Re: أيمن نواى على)
|
عذرا للرد الراتباشكرك اخي عثمان و ممتنا لك جدا اخي نواي عجزت عن مرمي حديثك اولا .. ولم استطع فك طلاسمه حتي ألحقته بما زاد ارتباكي عموما هذا بوستا لا يخف شيئا اكثر مما هو مصرح به ولا يكون الحنين للماضي إلا لسوء الحاضر وقتامة المستقبل ذلك الزمان الذي اطنب الناس في حمده .. الناس الذين صنعوا تاريخ قيم السودان .. اولئك الرجال والنساء العاديين .. من تغنين غناءا نسائيا ساذجا حلوا يدخل القلب دون استئذان .. واولئك الرجال الذين يهزون ضرعاتهم ويطيرون كوثبة النمر من اجل شبال ..في حياتهم العادية هذه خلقوا شخصية السوداني الاصيل بشجاعتها وكرمها ورجولتها وغيرتها علي العرض وفزعة المحتاج هم و هن وليس هؤلاء المنب لا ارضا قطع ولا اظهرا ابقي واغني لقلبي اذا لوعني اكيد الاحترام وحسن الظن
| |
|
|
|
|
|
|
|
|
|
Re: الربة الربة حي انا (Re: عبدالحفيظ ابوسن)
|
غايتو يا جلة انا لا سمعت ولا حجوني بيهو .. ممكن يكون صاح تتذكر غنية الفلاتية الله لي والليمون سقايتو علي اها برضو غنا بنات الموسيقي الخفيفة المرحة والكلمات البسيطة المباشرة
| |
|
|
|
|
|
|
| |
عبدالحفيظ ابوسن
Salah Zubeir
جلالدونا
جمال ود القوز
عفاف أبو حريرة
محمد جبره
أيمن نواى على
Osman M Salih
ANWAR SAYED IBRAHIM
أحمد الشايقي
محمد البشرى الخضر
عمر عثمان
فيس بوك
تويتر
انستقرام
يوتيوب
بنتيريست