أعلان غير مدفوع الأجر بالغياب الي أجل قريب ..

سودانيز اون لاين
محمد حيدر المشرف-دولة قطر
مكتبتى
رابط مختصر

وسبب الإعلان هو الزام الذات بالغياب ..

والأجل المضروب هو الاسبوع الثاني من مايو لو مد الله في الأجال..

والهدف محاولة اجتياز امتحان البورد الامريكي في تخصص الاورام ...

ليضاف لتخصصي الاول في الفارماكوثيرابي من ذات البورد.

اها انتم اهلي وقبيلتي ..

فدعواتكم معانا ..

كان نجحت من اول مرة خير وبركة ..

وكان ما نجحت بعيدو في شهر 10 ..

وبعداك برضو ما بخلي ..

جدير بالقول انو القراية حااااره .. نار منقد بس .. ولقد وهن العظم مني واشتعل الرأس باكثير من الفارغة ..

وما توفيقي الا بالله ..

اها مع السلامة ..

الدكتور محمد حيدر مشرف

(بسم الله الفاتح اللهم لا سهل الا ما جعلته سهلاا و انت تجعل الصعب اذا شئت سهلا)

النفوس العاقلة تجتهد وتعمل للأشياء المثمرة دائما ربنا يوفقك فى مذاكرتك ويجعل تعبك خير لك ولاسرتك ولنا جميعا

ونتمني لك التوفيق اخي العزيز وربنا يوفقك

الدودة ما بتخيك

يعني اتّا في مذاكرتك دي ومباري في السايتس، معقول ما تاكلك انو تشوف المستنير غرد استناريا بشنو؟

هسع بهناك أنا شت مداخلة انو عاطف خيري سرق "جواي" من الدوش واياك كنت أعني.

موفــق يا دكتـرة

ولك التحيات الطيبة

" سبحانك لا علم إلا ما علمتنا إنك أنت العليم الحكيم "

أرجو أن تجد ( البورد ) إذ تعود

وأن نكون أحياء وتجدنا بين رواده

وقتها سوف نهنئك بما أنت حقيق به

اسالك ان تبسط كل سهل في طريق ود المشرف وكل من يسعى مثله حتى ينالوا غايتهم ..

وغايتهم فيها مشيئة فرجك على من خلقتهم يا أكرم الأكرمين ..

صحيح يا ود المشرف القراية نار غير أنها نور بمشيئة الله و إرادتك وعزيمتك الحقة ..

توكل على الله فهو حسبك .

ان توفق وتنجح اخونا الدكتور محمد المشرف وان يكون