شدَّد الرئيس عبدالفتاح السيسى على أن الدولة المصرية لاتزال تتعرض لمحاولات إسقاطها، وأن جميع التحديات ليس لها أى قيمة أمام الحفاظ على وحدة الشعب. وقال الرئيس، فى كلمته خلال فعاليات إطلاق استراتيجية مصر للتنمية المستدامة (رؤية مصر ٢٠٣٠)، أمس: «إحنا بنتعاير بفقرنا، بس أنا مش هسكت، ولو إحنا مصريين بجد ما ننامشى إلا لما نبنيها، ولما حد يوجعنا كمصريين مانردش عليه، إحنا نشتغل، نبنى، نعمّر بلادنا، وهو ده الرد». وأضاف: «هدفنا الحفاظ على الدولة المصرية، ووالله العظيم أنا لو ينفع أتباع لاتباع، وعارف مصر زى ما أنا شايفكم قدامى كده، وعارف علاجها، وأنا بوجه حديثى لكل من يسمعنى فى مصر، لو سمحتم متسمعوش كلام حد غيرى، أنا بتكلم بمنتهى الجدية، أنا مش راجل بكذب ولا بلف وأدور ولا ليا مصلحة غير بلدى، ومش بس ليا مصلحة غيرها، وفاهم أنا بقول إيه». وتابع السيسى: «لن أسمح بتمزيق مصر، خلى بالكو أنا مش هسمح بكده، محدش يفكر إن طولة بالى وخلقى الحسن معناه إن البلد دى تقع، قسماً بالله اللى هيقربلها هشيله من فوق وش الأرض، أنا بقول لكل مصرى بيسمعنى، انتو فاكرين الحكاية إيه؟». وقال: «أنا مسؤول أمام الله عن ٩٠ مليون، وسأقف أمام ربى يوم القيامة أقوله أنا خليت بالى منهم، عايزين تخلوا بالكم منهم معايا أهلاً وسهلاً مش عايزين لو سمحتوا اسكتوا». وأضاف السيسى: «أنا على علم ودراية بالأشياء التى تم إنجازها على الأرض وتكلفة كل مشروع وأدخل فى تفاصيل التعاقد، وقناة السويس الجديدة كان يمكن تنفيذها خلال ٣ سنوات، وكثير من السياسيين فضلوا أن يتم إنشاؤها فى ٣ سنوات، ونحن نستطيع القيام بها فى سنة وقمنا بذلك لنعطى الأمل للمواطنين». وفيما يخص العشوائيات قال إن «مصر تمتلك ٤٥٠٠ قرية فى مصر، معها ٢٧ ألف تابع لو مخدناش بالنا وتصدينا للمشكلة بجدية ستتحول مع الوقت إلى ٣٥ ألف قرية عشوائية». وتابع السيسى: «احنا بنعمل سكن يليق بالبنى آدمين، وهما بيعرضوا علينا الموضوع قالوا نعمل ٦٠ متر، قلت يعنى الأولاد والبنات يكونوا فى غرفة واحدة، ينفع أنا أكلمكم كلام حقيقى، مش إنتو بتحبوا بلدكم يا مصريين، وخايفين على عرض أولادكم، طيب إزاى هتعملوا ده، سايبينهم كده، مانشغلتوش بيهم، بس انشغلنا وخلاص طيب عملت إيه ودفعت كام طيب أعطيت إيه؟». وقال: «لو كل يوم ١٠ ملايين من ٩٠ مليون تليفون موبايل الموجود مع الناس صبَّح على مصر بجنيه من موبايله بعشرة ملايين جنيه يعنى فى الشهر ٣٠٠ مليون جنيه وفى العام ٤ مليارات جنيه، إحنا بنتكلم كتير». من جانبه، قال طارق عامر، محافظ البنك المركزى، إن الفترة الماضية شهدت إعادة تقييم لتوجهات القطاع المصرفى بالكامل، بما يتناسب مع مبادرة الرئيس عبدالفتاح السيسى لتمويل المشروعات الصغيرة للشباب. وأوضح «عامر»، خلال كلمته، أن شباب مصر هم قلبها النابض، قائلا: «اليوم يومكم، والموارد لكم، وكل جهدنا يخصص لكم»، لافتا إلى أن الناتج القومى سيزيد من خلال الاهتمام بالمشروعات الصغيرة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة