|
|
|
 Re: بص شوف سمبرهم وسمبرنا ..................... (Re: عبد المنعم موسى)
|
الهجرة وهجرة السودانيين بصفة خاصة قطعاً لها هدف ويتبدل الهدف ويتحور ويتغير تبعاً للظروف المحيطة بالمهاجر وأرض المهجر إبتداء ، وبالتالي يروح ليك الدرب في المويه ، أها في الحته دي إنت بتكون بين نارين نار العودة ونار الإستمرار.سمبرنا يا أخوي مشكلتو مشكلة في كرعينو متشربك شعر مشاط منقوض وفي فمه دودة لإطعام آخرين وفي جناحيه خور ووهن وضعف لأنه يعمل أو يطير بسرعة تتجاوز مقدراته وتجيهو الريح والأنواء ومسكين سمبرنا لأنه حتى لمن يصل ما بلقى الشجرة الظليلة عشان يبني فيها العش ، ومع كده نغني ليهو وكان تعب منك جناح في السرعة زيد
| |
  
|
|
|
|
|
|
|
 Re: بص شوف سمبرهم وسمبرنا ..................... (Re: عبد المنعم موسى)
|
عبدالمنعم اخوي سلام عليك
عاين جاي
كندا البعيدة ديك ما عارف عنها حاجة
لكن في سعودية الله والرسول دي
احكي ليك الحكاية دي
واحد انصاري سنة جاي مغترب جديد لنج ودخل بيت العزابة لقى ليك البيت ملااااان فل
حدو باب الشبك ( باب الشبك دا باب اللوري الورا ) كناية عن المليان
اها تجاذب اطراف الحديث مع الجماعة عن الشغل والمستقبل وماهي اهدافهم
وعرف انه هناك أناس منذ فترة طويلة قاعدين ساااااهي لا شغل لا مشغلة ما لاقين شغل
قام قاليهم غايتو انا جاي مغترب لمدة سنتين بس وجاي لهدف معين اتم بيتي البديتو في السودان وخلاص
واحد من اعمامك الكبار منبطح هناك في اخر زاوية في الصالون
عدل من جلسته وجر لياقة العراقي وجبد جردل الزبالة ثم بصق سفته وقال له
سنتين ؟ سنتين ؟ وتتم بيتك ؟
على الطلاق سنتين جلابتك القصيرة دي ما تمها
وغفل راجعا والدقة دي قبل على الحيطة وتمتم بكلمات غير مفهومة ونادى ود اخوهو ياسر طالبا منه ان يطفي اللمبة الفوق راسو دي
.
.
في السودان كان معانا موظف من شمال البلاد وشغال معانا في الجزيرة
كان موظف صغير وكنت انا المراقب وبستاذن كتير عشان اسافر اهلو
ولاحظت انو قبل ان يطلب الاذن بتنحنح
فسالته لماذا دايما عندما تجي تستاذن بتتنحنح
قالي انا عادة لمن اجي أتكلم في موضوع خطير بتنحنح والحكاية دي نفسيات قديمة
كانت عندنا سنبرية فوق راس بيتنا ففكرت مرة اقبضا وطلعت بالليل براحة ولمن قربت اقبض كراعا قمت اتنحنحت وطارت السنبرية
وتركة لي حسرة صارت تلازمني كلما اردت ان أتكلم في موضوع جلل طوالي بتنحنح
قال سنبريتنا ما ذكية قال اها طارت
وهذا مع التحية مرفق طيها
| |
|
|
|
|
|
|
|
|
 Re: بص شوف سمبرهم وسمبرنا ..................... (Re: عبدالله ود البوش)
|
الأخ عبدالله ود البوش حبابك وشكرا على المرور
اتفق معك أن الغربة صعبة والأصعب انك تبدأ من جديد . ولاشك
هذه العملية عملية الابتداء من الصفر تحتاج إلى وقت .ولكن صدقني بالرغم
التعقيدات التي تواجهكم إلا أن وضعكم افضل بكثير. لان سمبركم خرج مباشرة
من المعمعة وعندوا هدف ومتطور باستمرار. فنتمنى من سمبرنا أن يحذوا حذوكم
سمبركم .
| |
|
|
|
|
|
|
|
|
|
Re: بص شوف سمبرهم وسمبرنا ..................... (Re: عبد المنعم موسى)
|
Quote: كانت عندنا سنبرية فوق راس بيتنا ففكرت مرة اقبضا وطلعت بالليل براحة ولمن قربت اقبض كراعا قمت اتنحنحت وطارت السنبرية
وتركة لي حسرة صارت تلازمني كلما اردت ان أتكلم في موضوع جلل طوالي بتنحنح
قال سنبريتنا ما ذكية قال اها طارت
وهذا مع التحية مرفق طيها
|
[B
نعم النضمي نضميكم؟
الصورة دي لسمبر البلد دي!
وفي الأصل كان زي سمبرنا أسود بأبيض!
بس نسبة للراحات وإعفائه من بناء أعشاشه بيديه الشريفتين
ولتوفّر الأمن التام حيث لم يتم تهجيره مطلقا من أرض أجداده الأرخبيلية ولم يتم (بالغلت) اغتصابه أو صيده مثل الزرزور لشويه أو تعذيبه وحرق أعشاشه أو إحالته للطالح العام،
فمدد أرجله وعقف منقاره على قدر ما يستطيع بل وغير تسريحة ريشه ومكياجه كما تشاهدون وغير اسمه من السمبرية ام قيدوم إلى الفلمنقو الفلهوم تلطفُا وحُق لمثله أن يُدلع.
الأعجب، يقوم على أمر إطعامه خبراء طهاة يحذرون المتفرجة من تقديم أي أطعمة له ولو كانت (هوتدوق)
هذا السمبر ، عندما سمع بقصصكم عن هجرة الطيور وتنظيركم في تقسيمها إلى هجرة مدروسة وعشواوية، أدى الدنيا عجب من هكذا حكي! لأن الظروف القاهرة التي اجتاحت سمبرنا (أبيض+ أسود) لم تترك لسوسيو عقل ليتخيّر بين الهجرة المدروسة والهجرة المؤدية إلى التهلكة.
| |
|
|
|
|
|
|
|
|
|
Re: بص شوف سمبرهم وسمبرنا ..................... (Re: آدم صيام)
|
الأخ ادم صيام لك التحية
صحيح بعض السمبر السوداني عان الكثير لا احد ينكر ذلك . وصحيح
أن السمبر السوداني عان الكثير والكثير في ظل حكم الكيزان البغيض. ولكن
عندما نتحدث عن السمبر أبو قمبور عندنا خيبته واضحة للغاصي والداني .
فالمعاناة هي سمة هذا العصر فالسمبر الرواندي عاني ويعاني حتي الساعة .
وكذلك السمبر العراقي والسوري وقبلهما السمبر الصومالي . كل هؤلاء من
نجاح إلى نجاح إلا سمبرنا أبو قمبور زكاة الطيور . نحن نتحدث لحث
سمبرنا ليحزو حذو الأخرين.
| |
|
|
|
|
|
|
|
|
|
Re: بص شوف سمبرهم وسمبرنا ..................... (Re: عبد المنعم موسى)
|
في موضة عندنا عندما نتحدث عن خيبة سمبرنا وفشله وهامشيته .
يبدا العويل والصياح والكلام غير المباح . ناس تقول أنها عاشت جميع الوان
العذاب والقمع الكيزاني وتعرضت للظلم والمهانة . وتعتبر هذه الشلة هذا
سبب كافي لان تعيش في هذا الانعزال. هذه الشلة ما فيها خير لنفسها والمافيهو
خير لنفسه ما حايكون فيه خير لضحايا الحرب والظلم والفساد من نهب وسلب.
| |
|
|
|
|
|
|
| |
عبد المنعم موسى
almulaomar
عبدالله ود البوش
آدم صيام
فيس بوك
تويتر
انستقرام
يوتيوب
بنتيريست