|
|
|
 Re: المعارضه الهايفه لماذا قلبت الهوبه في زي� (Re: فرح الطاهر ابو روضة)
|
سلام
وبعد
Re: المعارضه الهايفه لماذا قلبت الهوبه في زي�
قبل الزيارة العنوان دا كان بمر من دون مشاكل ومعاه دعم من الكل اسع المعارضة الضد الحوار حتنسحب من دعم عنوان ذي دا حتنفتح العيون اكبر واكتر فعليك اولا التدقيق قبل الكتابة في اللغة والاسلوب (هايفة) ما اظن مسألة حتمر بنفس الطريقة قبل الزيارة او المشاركة.
اعتقدت اقل شي من الوفد بعد الرجوع الجلوس وتقيم المسالة بصورة عميقة شوية وبعد داك الكتابة والتبرير، اثبتو صحة موقفكم وادو الآخرين حق لاختلاف بل حق إثبات خطاءكم الفكرة ( الوطن) وذي ما بقولو كلو من اجلو يهون
| |
 
|
|
|
|
|
|
|
|
Re: المعارضه الهايفه لماذا قلبت الهوبه في زي� (Re: فرح الطاهر ابو روضة)
|
| Quote: وبالله ......المعارضه المدعيه اخير لها تختي بوستاتي نهايي. |
سلام تراجى
على العكس مفترض كشخصية مشارك فى الحوار وترين ان جلسات الحوار هذه هو الحل ان تتقبلى الاخر مهما كان رايك فيه لاقناع الجميع بضرورة الحوار
الا اذا كنتى لا تملكين ما يقنع فهذا شئ اخر .. ثم اذا كنت تتهمين من يعارضك بانه مجرد مدعى ولا تقبلينه فمالفرق بينك وبين الحكومة التى ذهبت لمحاورتها ؟؟
هو نفس تفكير الحكومة على مدار 27 سنة اتهام المعارضين بالعمالة وان لا وزن لهم ورفض الحوار والاستماع لهم حتى وصلنا للقاع .
| Quote: المعارضه الهايفه لماذا قلبت الهوبه في زيارتي لل (الخرطوم) ......طالما مدعين انني .....لاشيء ؟؟؟ |
اما فى هذه فمعك الحق انا شخصيا كنت فى غاية الاستغراب لكمية البوستات التى تخصك ولم اجد سببا منطقيا لهذا الاهتمام
تابعنا من قبل حركات مسلحة لها وزنها العسكرى وتاثيرها حاورت واتفقت لم يعرها احد اهتماما وتابعنا احزاب كبيرة وقيادات مهمة حاورت واجتمعت ولم يلقى كل هذا الاهتمام
ولم افهم حتى الان رغم احترامى الشديد لك كل هذا الاهتمام رغم انك لا تملكين اى اثر حقيقى فى الواقع لا كتلة حزبية ولا جماهيرية ولا افكار تستحق ان نقول انها ستنقذ السودان
تحياتى
| |
|
|
|
|
|
|
|
|
Re: المعارضه الهايفه لماذا قلبت الهوبه في زي� (Re: هشام عباس)
|
| Quote: لم افهم حتى الان رغم احترامى الشديد لك كل هذا الاهتمام رغم انك لا تملكين اى اثر حقيقى فى الواقع لا كتلة حزبية ولا جماهيرية ولا افكار تستحق ان نقول انها ستنقذ السودان |
لأنها بوردابية يا هشام - لو ما كانت بوردابية مافي زول كان هبب ليها في البورد!
اما كونها تخاطب "بورداب سودانيزاونلاين" باعتبار انهم المعارضة السودانية فدي حاجة مضحكة - وتضخيم العدو يهدف لتضخيم الذات 
تراجي مصطفى - مشاركتك في حوار يهدف لحلحلة مشاكل السودان يعد شكل من اشكال انحطاط الدولة السودانية وهوانها - فأنت غير مؤهلة بأي شكل من الاشكال للمساهمة بشكل فاعل في حلحلة مشاكل السودان ولو بشكل جزئي.
رغم ذلك نؤيد حقك في فعل ما ترينه مناسبا لنصرة قضاياك طالما انه لم يضر بقضايا السودان
| |
|
|
|
|
|
|
|
|
|
Re: المعارضه الهايفه لماذا قلبت الهوبه في زي� (Re: Kabar)
|
| Quote: وبالله ......المعارضه المدعيه اخير لها تختي بوستاتي نهايي. |
مرحبا بام النضال
اتي موش جنحتي للسلم اتوكلي على الله بدون تقليل من شان المعارضة الاتي للان بتناضلي باسمم ولا الحكاية قلبت كن قلبت ورينا بالدرب عديل
| |
|
|
|
|
|
|
|
|
|
Re: المعارضه الهايفه لماذا قلبت الهوبه في زي� (Re: حامد بدري)
|
| Quote: اما كونها تخاطب "بورداب سودانيزاونلاين" باعتبار انهم المعارضة السودانية فدي حاجة مضحكة - وتضخيم العدو يهدف لتضخيم الذات |
ايمن ازيك
صراحة لاحظت حتة تضخيم الذات دى فى تسجيلات واتس اب انتشرت لتراجى مؤخرا
تقريبا كل التسجلات (انا )
انا ح اوريكم يا كذا كذا كذا
انا ح اعمل يا كذا كذا كذا
انا لما عملت كذا وكذا وكذا
كل كلامها انا ويتبعها اوصاف لاشخاص وكيانات بشتائم وسب
| |
|
|
|
|
|
|
|
|
|
Re: المعارضه الهايفه لماذا قلبت الهوبه في زي� (Re: هشام عباس)
|
Quote: صراحة لاحظت حتة تضخيم الذات دى فى تسجيلات واتس اب انتشرت لتراجى مؤخرا
تقريبا كل التسجلات (انا )
انا ح اوريكم يا كذا كذا كذا
انا ح اعمل يا كذا كذا كذا
انا لما عملت كذا وكذا وكذا
كل كلامها انا ويتبعها اوصاف لاشخاص وكيانات بشتائم وسب |
قالت بعضمة لسانها انو ده اسمه "التسويق" للذات والحاجة دي علم حديث - علينا جاي .. علينا جاي .. او كما يقال!
| |
|
|
|
|
|
|
|
|
|
Re: المعارضه الهايفه لماذا قلبت الهوبه في زي� (Re: حامد بدري)
|
العزيزة تراجي
سلامات وعوافي وحمداً لله على سلامة الرجوع
عندي طلب صغير جداً وهو عايزك تحكي لينا عن هذه التجربة وتورينا انطباعك عن هذا الحوار
والنتائج المتوقعة منو
واهم شيئ ورينا إنجازات مشاركتك بس رجاءً موضوع نفخ الروح وبث الامل دا مافي داعي ليهو
انا متمني تورينا منجز محسوس تم بواسطة وفدكم المبجل
ولك الود والاحترام
| |
|
|
|
|
|
|
|
|
|
Re: المعارضه الهايفه لماذا قلبت الهوبه في زي� (Re: محمد عمر الفكي)
|
تحياتي أستاذه تراجي
الحصل معاك نفس الحصل مع إسماعيل حسن
الإتنين لسانكم أطول منكم وفي أقرب فرصة رقدتو خيت وإنبرشتو إنبراشه عجيبه
وأساساً الحكومه جابتكم عشان توري الناس الضدها إنو هديل الناس البنبزونا أول ماسمعو شخللة القروش نكروكم حطب
وإنتي ماقصرتي مشيتي ونفذتي أجندة الحكومة بي ضبانتها
حسي لو سألوك ماهي المخرجات اللي طلعتي بيها من الحوار والزيارة غير العزومات والصور والرحلات النيليه
ماذا إستفاد الشعب السوداني الذي دفع ثمن تذاكرك ورحلاتك وأكلك وشرابك
ولاشي
مجرد ديكور وإكسسوار لزينة الإنقاذ
ــــــــــــــــــــــــــــــــــــــــــ
كوني أفضل أو لاتكوني
| |
|
|
|
|
|
|
|
|
|
Re: المعارضه الهايفه لماذا قلبت الهوبه في زي� (Re: معاوية المدير)
|
الاخت تراجي عودا حميدا
حري بك ان تحدثيننا عن الحوار الرؤية والمستقبل بعيدا عن وصف المعارضة بهذه بالعبارات
وعليك ان تقفي في مسافات متساوية من الجميع معارضة وحكومة اذا كنتي تبغين الاصلاح حقا
وانت تعلمين جيدا ان صلاح البلاد والعباد في اتفاق الجميع فلا احد يستطيع الاصلاح في غياب لاخر شئنا ام ابينا
فهي دعوة لتقيمي لنا زيارتك للسودان ومايجري هناك حتي ندير حوارا حولها نتفق او نختلف عليه غير ذلك هو اعادة لانتاج الازمة
| |
|
|
|
|
|
|
|
|
|
Re: المعارضه الهايفه لماذا قلبت الهوبه في زي� (Re: Mohammed Abuzaid)
|
الأخت تراجي..حمدا بالرجوع..
أظن أننا يلزم أن نبني الوطن..بالوقوف في "ميس" واحد..وكل حسب ادوات فهمه ومعرفته..لكن من حقنا سؤالك..ومن حقك الإجابة..ماذا لمستي من أمل في تحقيق "أهداف الحوار" خلال وجودك في الخرتوم؟..الأهداف التي ترفع من كرامة الإنسان السوداني..ومن وجهة نظر الشعب..عشان نناقشك..يمكن تكوني "غبتي وجبتي"!!
| |
|
|
|
|
|
|
|
|
|
Re: المعارضه الهايفه لماذا قلبت الهوبه في زي� (Re: بريمة محمد)
|
حسبنا الله ونعم الوكيل ...
الصورة التى بالاعلي تذكرني بشاعة الحرب
ومدى جور وظلم الحكومه المدمره ضد اهلنا بجنوب كردفان
....
الضحيه الحقيقيه هى السودان وإنسان السودان
حسبنا الله ونعم الوكيل ...
حسبنا الله ونعم الوكيل ...
حسبنا الله ونعم الوكيل ...
| |
|
|
|
|
|
|
|
|
 Re: المعارضه الهايفه لماذا قلبت الهوبه في زي� (Re: بريمة محمد)
|
العزيزه تراجي
السلام والتحيه , احترم قناعاتك جدا وعندك الحق في اتخاد اي مواقف ترينها تخدم مشروعك
وسبق ان تناقشنا قبل سفرك للخرطوم واتفقت معك علي ضعف المعارضه وهوانها , لكن,,
ما فعله الكيزان في الشعب السوداني من تقتيل وتشريد ونهب للمقدرات ومكتسبات وموارد
الشعب وتشريد الناس من وظائفهم واستشراء الفساد الدي ازكم الانوف يجعلني اختلف معك
في شكر هده العصابه الفاسده النتنه , الكيزان يا اختي تراجي في ازمه حقيقيه والحوار هدا
مهزله وغش وتدليس للناس ومعظم رؤساء اللجان والمحاورين الاساسيين في لجان الحوار
هم من قدامي الاخوان المسلمين المتعصبين جدا .
نكتوهم من القبور واتوا بهم كي يفرملوا اي بارقه امل للتغيير ,,
سؤالي لك هل حسيتي او شعرتي انه الكيزان ديل جاديين في تنفيد مخرجات هدا الحوار
ادا افضي الي حكومه انتقاليه تتراسها شخصيه قوميه محايده ؟؟
اسمع الاجابه منك
| |
|
|
|
|
|
|
|
|
|
Re: المعارضه الهايفه لماذا قلبت الهوبه في زي� (Re: Ahmed aljabury)
|
ام حازم حمدلله علي سلامتك
المهم ماتتمتع به الأخت تراجي من قبول من عامة الشعب السوداني عجز عنه كل الطوائف الحزبية مجتمعة
سوف أقول لكم كلام واقع وحقيقي شاهدته بعيني في الحي الذي اسكن فيه عند بث اول حلقة معها في
برنامج الواجهة امتلات الدكاكين لمشاهدة العائدة تراجي كأنه توجد مباراة كرة قدم بين الهلال والمريخ
او مبارة من الدوري الأوربي فقمت بسؤالهم ياشباب الحاصل شنو قالو تراجي رجعت وعندها لقاء الان
ذهبت الي نادي مجاور كان الحضور كله في التلفزيون ينتظر تراجي تاني يوم في مكان العمل وسط
البسطاء هل تعرفون تراجي كلهم قالو نعم وتحدثوا عنها وعن قوة شخصيتها - وعن الأمل المنشود عليها
لإنقاذ ألبلد وإيقاف الحرب
--------
سوف اعود مرة اخري
تراجي الجماعة اديهم بالحتي الفيها الحديدة 😜😜😜😜
| |
|
|
|
|
|
|
|
|
|
Re: المعارضه الهايفه لماذا قلبت الهوبه في زي� (Re: محمد المسلمي)
|
سلامات ام حازم
وحمدا لله بعودتك سالمة الي مقر اقامتك
بعد ان اشعلتي الجو السياسي
ورفعتي من درجة حرارة الحوار الوطني
وارجو ان تسمحي بطلب وهو الاستمرار في نهج الحوار مع المعارضة
لانه الطريق الوحيد للم الشمل وتحقيق الوفاق الوطني
والوصول لمافيه خير البلاد واهلها
| |
|
|
|
|
|
|
|
|
|
Re: المعارضه الهايفه لماذا قلبت الهوبه في زي� (Re: محمد المسلمي)
|
Quote: ذهبت الي نادي مجاور كان الحضور كله في التلفزيون ينتظر تراجي تاني يوم في مكان العمل وسط
البسطاء هل تعرفون تراجي كلهم قالو نعم وتحدثوا عنها وعن قوة شخصيتها - وعن الأمل المنشود عليها
لإنقاذ ألبلد وإيقاف الحرب
|
انا سالت البسطاءء تبعي قالوا يطرشهم قالوا لي يازوله نحن جاريين في درب المعايش نجي ناشفين حطب ان لقينا لينا عقاب ملاح اتعشينا نكون حامدين شاكرين.
النوريك الصح يا ود المسلمي خزينتكم ما فيها التكتح فكروا كيف تملؤها خلونا من الكلام النئ والنئ مرجوع للنار.
تراجي تنقذ البلد لو قدرت تفك الحصار الامريكي لو قدرت تستقطب الاموال والقروض لمشاريع الاعمار غير كدي دا كله ونسه فارغه لا تغني ولا تسمن جوع
ربنا يلطف باهل السودان.
| |
|
|
|
|
|
|
|
|
|
Re: المعارضه الهايفه لماذا قلبت الهوبه في زي� (Re: doma)
|
من المؤكد أنه - إذا صحّت النوايا - فإن غاية الحوار شطب كل العداوات ،
وارتضاء سبيل جديد تسوده الحكمة تحاشيا لصنع عداوات جديدة .
هاهي الأخت تراجي تتخلى عن عداواتها القديمة ، لكنها تستبدلها بأخرى جديدة
عداوات استمرت - على الأقل - بعمر تراجي في هذا المنبر ، سددت فيها سهامها للحكومة ، وصبت عليها لعناتها
وقالت فيها ما لم يقله مالك في الخمر
ومنذ فترة استبدلت تراجي عدوها التقليدي بعدو جديد ، هو المعارضة المسلحة .. ثم هي بعد مشاركتها في الحوار
أضافت عدوا جديدا ، أسمته المعارضة الهايفة ..
ولا أعتقد أنها تقصد غير زملائها في المنبر الذين ظلوا يرشقونها بمداخلاتهم المستمرة ، ويبثون صورها في لقاءاتها في الخرطوم
وبالفعل قد امتلأ المنبر حتى فاض بأخبار تراجي ، وتصريحاتها ، وتحركاتها ..
أقول للأخت تراجي ، لا تستبدلي عداوات قديمة بجديدة ، ولا تستمري في صنع العداوات واستعداء الآخر مهما كان شأنه ..
هو نفس الخطأ الذي ارتكبه السياسيون في الخرطوم .. ظنوا أن الصراع السياسي قائم على العداء .
يمكن إقامة حياة سياسية متطورة يحميها الدستور المتوافق عليه من الجميع دونما عداء أو كراهية .. ويبقى التنافس فكريا وبرامجيا ..
| |
|
|
|
|
|
|
|
|
|
Re: المعارضه الهايفه لماذا قلبت الهوبه في زي� (Re: Tragie Mustafa)
|
يا تراجى ...سلام
ده واحد من الكتاب بقول ليك...
Quote: حزنك ياوطنى احزنى
الاخت تراجى الف مرحبا بيك وبعد الشفناه فى السودان بزيارتك دى استعدى لحرب كبيره من المغرضين وان شاءالله ربنا يوفق كل حد يساهم فى اطفاء نار الحرب المشتعله والمكوويين بيها البساط والغلابه فقط. المهم انا شايف بعد الزياره دى تبتعدى عن الماضى والمهاترات وتفتحى صفحه جديده للنقاش المثمر عسى وعل الناس تصل لقناعه جماعيه عن البحصل فى البلد والمفروض يحصل فى المستقبل فياريت الناس تلتزم المنطق والجديه حتى فى النقاشات . وكمان عندى بعض الاسئله ياريت تتكرمى باجابه:
1- شعورك العام عن الحوار وعن مستقبلو؟
2- عيوبو الحاليه وثغراتو؟
3-الاحساس العام بنهاياتو ونتائجو عند المتحاورين؟
4-انطباعات عن مقابلاتك العملتيها مع كبار الساسه والرئيس؟ |
| |
|
|
|
|
|
|
|
|
|
Re: المعارضه الهايفه لماذا قلبت الهوبه في زي� (Re: على تاج الدين على)
|
تحية طيبة
الفاضلة تراجي مصطفى . اسعد الله ايامك بكل خير
من حقك ان تختاري اي طريق يرضي نهجك وغلطان البقول ليك غير كده والسياسة زي مابقولوا ما فيها عدو دائم او صديق دائم
وظني معظم الناس الكتبت ضد المشاركة في الحوار من باب التجارب السابقة للنظام في العهود البوقع عليها وبعضهم
من باب الاجلال لمواقفكم السابقة .
عندي كمواطن ساي كم سؤال ياريت القى اجابة ليهم
تغيرت تراجي في تعاطيها للسياسة وانتقلت من محور الصدام الى الحوار فهل تغير النظام الحاكم
ام ما زال كما هو .
حسب افاداتكم كمجموعة القصد من وجودكم في الحوار والخرطوم دعم السلام ونشر ثقافته وبعث الامل في روح جسد الامة السودانية
فهل تم التواصل مع جميع اطراف اللعبة السياسة في السودان ام اكتفيتم بالنظام الحاكم فقط . بصورة
اوضح هل لكم كوفد منافي جهود مع قوى الجبهة الثورية والاحزاب الرافضة للمشاركة في الحوار .
في فترة وجودكم هل تم الاتفاق والتوقيع على ورقة في اي مجال ام لا زال الطريق طويل امام ذلك .
والسؤال الاخير ده اتهام صريح
حرقت تراجي كل مراكب العودة الى صفوف المعارضة فهل لديك قناعة بان الحوار مع النظام سيثمر ديمقراطية وعدلا وسلاما
| |
|
|
|
|
|
|
|
|
|
Re: المعارضه الهايفه لماذا قلبت الهوبه في زي� (Re: الجنيد حمد)
|
شكرا ... تراجي ... وحمدا لله على سلامة العودة
لم تعد الأشياء هي الأشياء, فحراك وفد المنافي ومبادرته
الشجاعة بقبول الحوار السوداني سوداني وفي داخل
السودان ورغم العوائق التاريخية والمخاطر الأمنية.
فهذا في حد ذاته إعادة لحمة بالوطن وبثراه وشعبه.
وهذه أقل المكاسب الوطنية وغض النظر عن مخرجات
الحوار, لكونه يمثل خطوة جبارة في كسر الحواجز النفسية,
وفي ترجيح كفة الحوار على الخيارات الأخرى. لحيث
الحوار هو نهجية حضارية تشرف كل من يتخذه سبيلا
لحل المشاكل. بل أعتقد أن الحوار ليس غريب أن تنهض
طلائعه من المهجر, فهذا مما يعكس أننا في الخارج نتعلم
ونختار ما يتلاءم مع شعبنا ونتقدم الطريق عمليا لوصل
أفكارنا المكتسبة بثرى الوطن
فليتصل الحوار الوطني ... حتى يحدث السلام وتتخذ الكرامة
ثم عجبني كلام أخونا عمر صديق ... أدناه:
Quote: سلامات ام حازم
وحمدا لله بعودتك سالمة الي مقر اقامتك
بعد ان اشعلتي الجو السياسي
ورفعتي من درجة حرارة الحوار الوطني
وارجو ان تسمحي بطلب وهو الاستمرار في نهج الحوار مع المعارضة
لانه الطريق الوحيد للم الشمل وتحقيق الوفاق الوطني
والوصول لمافيه خير البلاد واهلها |
| |
|
|
|
|
|
|
|
|
|
Re: المعارضه الهايفه لماذا قلبت الهوبه في زي� (Re: HAYDER GASIM)
|
Quote:
الاخت تراجى الف مرحبا بيك وبعد الشفناه فى السودان بزيارتك دى استعدى لحرب كبيره من المغرضين وان شاءالله ربنا يوفق كل حد يساهم فى اطفاء نار الحرب المشتعله والمكوويين بيها البساط والغلابه فقط. المهم انا شايف بعد الزياره دى تبتعدى عن الماضى والمهاترات وتفتحى صفحه جديده للنقاش المثمر عسى وعل الناس تصل لقناعه جماعيه عن البحصل فى البلد والمفروض يحصل فى المستقبل فياريت الناس تلتزم المنطق والجديه حتى فى النقاشات . وكمان عندى بعض الاسئله ياريت تتكرمى باجابه:
1- شعورك العام عن الحوار وعن مستقبلو؟
2- عيوبو الحاليه وثغراتو؟
3-الاحساس العام بنهاياتو ونتائجو عند المتحاورين؟
4-انطباعات عن مقابلاتك العملتيها مع كبار الساسه والرئيس؟
|
| |
|
|
|
|
|
|
|
|
|
Re: المعارضه الهايفه لماذا قلبت الهوبه في زي� (Re: Abdlaziz Eisa)
|
Quote:
انا سالت البسطاءء تبعي قالوا يطرشهم قالوا لي يازوله نحن جاريين في درب المعايش |
ماما دومة سلام انا البسطاء ساكن معاهم ومصابجهم ومماسيهم ومتحكر معاهم ومشاركهم في همومهم انت سالت بالبلوتوث ولا بالاسكاي ولا رسالة واتساب عشان تعرفيهم وكان عملت ذلك ديل انا ماقاصدهم انا قاصد عبده زول الكنتين من الصوفي وودالصادق الحادو بتاع الطبلية والريح بتاع البوش من الشاتاوي وسالت عمو بريمة شغال في النادي وسالت محمدأحمد الاغبش
-----
صحتك وأولادك كيف
| |
|
|
|
|
|
|
|
|
|
Re: المعارضه الهايفه لماذا قلبت الهوبه في زي� (Re: محمد المسلمي)
|
حقيقة استغرب جداً من حال البعض هنا
والذي ماذال ينتقد ويعيب علي وفد المنافي مشاركته في الحوار
مع ان ذلك يندرج تحت مفهوم الحرية الشخصية وعدم الوصاية علي احد
والكل حر في ابدأ رائه والعمل بما يراه مناسبا ...
ونفس الناس ديل اذا كان الموضوع جاء علي هواءهم لكانو "فلقونا" بالمفاهيم آعلاه
أشفق علي ناس كندا الكل يوم فاتحين بوستات عن وفد المنافي
مع ان الوفد ضارب طناش علي الاخر وما شغال بيهم الشغلة
| |
|
|
|
|
|
|
|
|
|
Re: المعارضه الهايفه لماذا قلبت الهوبه في زي� (Re: محمد المسلمي)
|
تحياتي
اتفق معك معظم المتداخلين في حرية خيارك في حوار مع الحكومة
أما اختلافهم معاك تقريبا انحصر في أمرين
الأول يتعلق عن الجدوى بمناقشة هذا النظام، لأنه كثيراً ما تخلى عن الاتفاقيات العهود والمواثيق ودونك إتفاقية نافع/ عقار التي كانت على الأقل ستجنب الوطن الكثير من الخسائر
أما النقطة الثنية ففي ظني تتعلق بمواقف وعداءات بينك وبين شريحة من أعضاء المنبر،
نصحك الناصحون بضرورة الميل إلى الحسنى ودفع هذا العداء الواضح من عنوان البوست واستفزازك لبعض مكونات المعارضة ووصفها بالـ(هايفة)
بل ذهب البعض إلى دفعك للحوار في هذا البوست أو ربما في بوست منفصل عن الفائدة من الحوار والانطباعات والجدوى منه.
أمسكي في كلام الأخ كبر
ركــّزي
ركــّزي
ركــّزي
لا تعملي على قطع شعرة معاوية بينك وبين الاخرين ما أمكن ما دام هدفك هو الحوار من أجل حلحلة مشكلات البلد
| |
|
|
|
|
|
|
|
|
|
Re: المعارضه الهايفه لماذا قلبت الهوبه في زي� (Re: محمد ادريس زمراوي)
|
الاخت تراجي
لهذا المنبر دين عليك
فهو الوسيلة التي انطلقت خلالها في رحلتك من المعارضة الي عالم البشير ومراقصة القتلة الفاسدين
فعليك الان ان تفي بالدين
عليك الان ان تركزي (Focus) كما وصيت
وان تستجمعي قدراتك علي الطرح والاقناع
وتقديمي لنا كشف حساب وتقييم شامل للتجربة
Tell us if you are genuinely able to stand up to scrutiny
Show us if can articulate your case
أثبتي لنا ان لديك قضية فعلا وانك ليست مجرد أداة استخدمها النظام لغرض محدد
ولفترة محددة ثم لا يتواني في القائك في سلة القاذورات كما فعل بالكثيريين قبلك
نحن في الانتظار
Focus
| |
|
|
|
|
|
|
|
|
|
Re: المعارضه الهايفه لماذا قلبت الهوبه في زي� (Re: محمد ادريس زمراوي)
|
مشاهدات من رحلة تراجي في السودان
كل من التقي بها كلن سعيداً وكان حريص ان يتحدث معها في شان السودان
وكانت الاستاذة تراجي حريصة تلتقي بعامة الناس ومخاطبتهم ببساطة
حتي يظن ان الشخص مخاطب من تراجي لشي خاص به وكأنه يعرفها
معرفة من قديم الزمان
--------
وكان كل من التقي بها حريص علي التقاط صور خاصة معها
| |
|
|
|
|
|
|
|
|
|
Re: المعارضه الهايفه لماذا قلبت الهوبه في زي� (Re: محمد ادريس زمراوي)
|
الاخت تراجي
لهذا المنبر دين عليك
فهو الوسيلة التي انطلقت خلالها في رحلتك من المعارضة الي عالم البشير ومراقصة القتلة الفاسدين
فعليك الان ان تفي بالدين
عليك الان ان تركزي (Focus) كما وصيت
وان تستجمعي قدراتك علي الطرح والاقناع
وتقديمي لنا كشف حساب وتقييم شامل للتجربة
Tell us if you are genuinely able to stand up to scrutiny
Show us if can articulate your case
أثبتي لنا ان لديك قضية فعلا وانك ليست مجرد أداة استخدمها النظام لغرض محدد
ولفترة محددة ثم لا يتواني في القائك في سلة القاذورات كما فعل بالكثيريين قبلك
نحن في الانتظار
Focus
| |
|
|
|
|
|
|
| |
Tragie Mustafa
فرح الطاهر ابو روضة
MOHAMMED ELSHEIKH
ادريس خليفة علم الهدي
عفاف أبو حريرة
حامد عبدالله
هشام عباس
أيمن محمود
احمد الشيخ
Kabar
حامد بدري
محمد عمر الفكي
عمر عبد الكريم علي
ياسر منصور عثمان
محمد الامين محمد
معاوية المدير
Mohammed Abuzaid
Mirghani Taitawi
بريمة محمد
ملهم كردفان
Ahmed aljabury
محمد المسلمي
عمر صديق
عمر التاج
doma
ودقاسم
امجد الجميعابى
على تاج الدين على
الجنيد حمد
HAYDER GASIM
Abdlaziz Eisa
عماد كرار
فدوى الشريف
الوليد محمد
فيس بوك
تويتر
انستقرام
يوتيوب
بنتيريست