|
|
|
 Re: يحي قباني مطلوب لحوار عاجل..جيب معاك وفد. (Re: معاوية المدير)
|
تحية الي دكتور سيف وسلام كتير..
باعتباري أحد اعضاء وفد المقدمة للعزيز قباني ووفق ابدجيات التذوق والذي يختلف من شخص لأخر عدا في الموقف المبدئي لوفدنا المرفوع الي قوة الجمال نتفق في(ظرافة) الفيديو ونختلف في الطاقية ولعل المقصود منها الفرق بين الشعبي وحداثة المضمون القديم المتجدد بمثل هذه المحاولات...
لك وللمتداخلين الاحترام..
| |
 
|
|
|
|
|
|
|
|
Re: يحي قباني مطلوب لحوار عاجل..جيب معاك وفد. (Re: محمد الكامل عبد الحليم)
|
سلامات و صباحات يا دكتور ... و التحية للجميع ...
الشاب صوته حلو و مقعد ... الا الطاقية الحمرا ماليها داعي ...
اما الشيال القاعد قدام الطشت وكفكف جلابيته لغاية حلقو ... هو الخلّى شكل الحكاية مجوبك شوية ...
لو سمعته من دون فيديو ..صوت بس ... الشاب غناي ...
لكن لولا الكليب العمل الجوطة دي ما كان انت ذاتك جبته هنا ... فجايز دي شطارة منو للفت النظر ...
الود ظريف بس طاقيته مع القميص الأخضر ما ياهم ...
و الشيال إياه هو السبب الخلّى الناس تفكر غير ...
اها في شيكات و لا وفدنا ده ملح ساكت ؟
_____________________________
نكت الواتساب ...
البت ركبت يا عم ...
قام عمك قسم ليها عيشها ... و قال ليها عشان نكون اكلنا عيش و ملح مع بعض ...
قرمت العيشة و قالت ليهو و الملح وينو يا عمو ؟
قال ليها وينو ؟ ... و العربية الراكباها دي عربية ابوك ؟؟؟
| |
|
|
|
|
|
|
|
 Re: يحي قباني مطلوب لحوار عاجل..جيب معاك وفد. (Re: يحي قباني)
|
دكتور سيف
كيفك
نحن لا في العير ولا في النفير
لكن النديك دي
من أمس
حوّلت الفيديو لي أم بي سري
ودي أكدها ليك قباني
وكمشاهد عادي
الفنان إلي حد كبير دمو خفيف وحركاتو في الفيديو كليب لها دلالات لا بأس بها
والكورس أصواتهم منسجمة تماماً واعطت الأغنية بعداً جيداً -لي كمستمع عادي -
أما دورهم في الفيديو كليب كان - في تقديري - خصماً علي الأغنية
فكرة وكلمات الأغنية معبرة خالص
وختام الأغنية يعطي أنطباعاً بأنها لم تكتمل بعد كمضمون وفكرة
والتي كان ممكن تكون معبرة وذات بعد فني هادف و مؤثر
مشكور علي إشراكنا لهذا الفيديو - بي جاه الملوك - طبعاً
تحية لك ولزوارك الأكارم
___
الحليلة
| |
|
|
|
|
|
|
|
|
|
Re: يحي قباني مطلوب لحوار عاجل..جيب معاك وفد. (Re: سيف النصر محي الدين)
|
قباني يا هندسة شكرا على الاستجابة لدعوة الحوار ابو من غير شيكات هههههه
هو في حوار بشيكات و نحن ما عارفين ؟
شايفك ركزت على الكليب و تجاهلت الاغنية و اللحن و ما علقت على الكواليتي حقتهم
و الغريبة انك و صديقنا محمد الكامل اتفقتوا في كراهة طاقية الفنان الحمرا و ما عارف
هل ده وفاء للطاقية الكلاسيكية البيضا ام موقف من اللون الاحمر :)؟
ود المدير الكليب ذكروا بالشارع السوداني القديم الفيهو الجيران متعارفين و بربوا مع بعض
من زمن الجهل مش زي شارع اليوم المتحرك بحسب الظروف الاقتصادية و الاجتماعية.
| |
|
|
|
|
|
|
|
|
|
Re: يحي قباني مطلوب لحوار عاجل..جيب معاك وفد. (Re: سيف النصر محي الدين)
|
Quote: ود المدير الكليب ذكروا بالشارع السوداني القديم الفيهو الجيران متعارفين و بربوا مع بعض
من زمن الجهل مش زي شارع اليوم المتحرك بحسب الظروف الاقتصادية و الاجتماعية. |
ايّ والله صدق، نظرتي كانت من هذه الزآوية، ؤُ برضو البِت دي بتكون
موجودة والزول المكسّر دا ممكن يكون انا أو إنت . كنا في ذلك الزمان
نكتب اشعار ساخرة في هذا النوع من الحُب الوn وaي، يا ريت لو
الوآحد إحتفظ بيها ...
| |
|
|
|
|
|
|
|
|
|
Re: يحي قباني مطلوب لحوار عاجل..جيب معاك وفد. (Re: معاوية المدير)
|
عزيزنا الدكتور سيف النصر... تحياتي
رأيت الفيديو حايم في الفيسبوك وبصرحة عجبني فناً ولحناً وأداءً.. وتصويراً وإخراجاً.
الإيقاع حفيف وطريف ويتماشى مع كلمات الغنية.. والشاب صوتو جميل ومعالمو واضحة..
أما التصوير والمونتاج والإخراج ففيهم حداثة ورؤية فنية ساخرة... والتقنية الفنية عالية!
تبقى بعض الملحوظات البسيطة.. متل الإكسسوارات ومناطق التصوير ودي ممكن تحسينها
في حالة وجود مدير تصوير ومسؤول ملابس وإكسسوارات ماهرين.. فقط علينا أن نضع في
الحسبان ميزانية هذا الفريق الإنتاجية... أي مطلوب بعض الجودة الطفيفة!
هذا مع إعتذاراتي للأخ قباني... والذي سخرت نفسي طوعاً لأكون ضمن وفده الحواري....
مع كامل الود والتقدير،،،،
| |
|
|
|
|
|
|
| |
سيف النصر محي الدين
Ridhaa
معاوية المدير
Abureesh
محمد الكامل عبد الحليم
يحي قباني
elhilayla
Hani Arabi Mohamed
Ahmed Yassin
Mohamed Yassin Khalifa
فيس بوك
تويتر
انستقرام
يوتيوب
بنتيريست