|
Re: أين تذهب هذا المساء ( كلاكيت تاني مره ) .. (Re: يحي قباني)
|
بيرت لانكستر يا خال ياها دي الفضلت لينا ... المناحة و البكى على ايام لن تعود ... اياما قضيناها مرحا ... ايام شاي اللبن في يوسف الفكي و تشيل التسالي الأسود من عمك قدام الوطنية ام درمان و تدخل السينما تشرب البزيانوس افلام عالمية فرش يعني نفس الفلم يعرض في نيويورك و الوطنية ام درمان في وقت واحد ياخ مالك علينا .... كل سنة و انت طيب و عام سعيد تحياتي و احترامي
| |
![Edit](https://sudaneseonline.com/db/icon_edit.gif)
|
|
|
|
|
|
Re: أين تذهب هذا المساء ( كلاكيت تاني مره ) .. (Re: ABUHUSSEIN)
|
Quote: بيرت لانكستر يا خال ياها دي الفضلت لينا ... المناحة و البكى على ايام لن تعود ... اياما قضيناها مرحا ... ايام شاي اللبن في يوسف الفكي و تشيل التسالي الأسود من عمك قدام الوطنية ام درمان و تدخل السينما تشرب البزيانوس افلام عالمية فرش يعني نفس الفلم يعرض في نيويورك و الوطنية ام درمان في وقت واحد |
Cotton Comes to Harlem 1970 film
الوطنية غرب ... بالة قطن في هارلم قال ليك
يابو حسين انت اهلك ما قالوا ليك يوسف الفكي لمن تصلها تقطع الشارع ما تمش قدامها ؟ ههههه
و الله أيام يا عادل ...
بس الحصل لينا شنو .؟ السخت البلد شنو و خلى الناس بقت حساسة كده ...
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: أين تذهب هذا المساء ( كلاكيت تاني مره ) .. (Re: يحي قباني)
|
يا ابو الياء زي ما قال المرتضى الله يطراه بالخير نحن مستهدفين ... ياخ السينما دي بس كانت مكان للترفيه و التثقيف و اي حاجة كويسة .. الان ينعق فيها البوم و البلد كلها بقت بوم ... المصيبة انو كل العالم من حولنا ماشي لي قدام و نحن راجعين لي ورا ...
| |
![Edit](https://sudaneseonline.com/db/icon_edit.gif)
|
|
|
|
|
|
Re: أين تذهب هذا المساء ( كلاكيت تاني مره ) .. (Re: يحي قباني)
|
في الروض غنى العندليب ورددوا غناه الطيور ترتيل اناشيد الحبور وفتياتها يوم عيد الصليب **** دنت الثريا بقت قريب بين السلوك في تاني دور في ثانية كم سطعت بدور واهلة كان نوعن غريب
تعال يابو حسين نزيدك من الشعر بيتين ...
انت زمان فتحت بوست عن مداعب الغصن الرطيب ...
و ذكرت انو البنية كانت ماسكه ورده في ايدها او فرع شجرة ...
وقام عمك سيد كتب ما كتب ...
اها دايرك تركز معاي في الحتة القال فيها ( دنت الثريا بقت قريب ...بين السلوك في تاني دور )
اها الثريا دي يقال انها ( ثريا شاشاتي ) و كان بيتهم ( دورين )
و كانت واقفة في الشباك في تاني دور و ماسكه غصينها ده ...
و مع الاسلاك الفي الشباك قام اتخيلها ( ثُريا ) و نورها ساطع ...
و عيييييييييييك يا بو حسين ...
عمك سيد دخّــل دي في دي و القصة ( ولّعت ) ...
| |
![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
Re: أين تذهب هذا المساء ( كلاكيت تاني مره ) .. (Re: ABUHUSSEIN)
|
كل سنة وإنتا طيب يا عزيزنا القباني.. والقابلة تتحقق في وطن حر ومعافى من الظلاميين!
وتعرف في السبعينيات كان الخواجة مدير كلوزيوم بيقيف في باب درجة أولى واللوج.. ولو ما كنتا لابس رسمي (بالمفهوم الغربي) ما تدخل لو بكيت. أما الوطنية غرب فكانت عظيمة بعظمة أفلامها الغربية... ومرة واحد صاحبي قال لي خلاص غرب دي إنتهت مما بقت تعرض أفلام هندية وعربية. أما النيل الأرزق، المعروفة بالبلو نايل، والتي كانت ملتقى الأسر العريقة والتي كانت تعرض أفضل الأفلام العالمية... وكان الدور التاني فيها ذو طعم ومزاق خاص لأهل الليل... وكانت الأسر تخرج للعشاء في الأندية وكانت تنهي سهراتها بالنيل الأزرق والتي كانت تفرض حجوزات مسبقة بالهاتف.. ورغم عدم وجود كريدت كارتس في ذلك الوقت... كان الثقة كاملة في أن من يحجز لوج كامل سيدفع قيمته كاملة حتى ولو لم يتمكن من الحضور بالرغم من وجود إحتياطي يقف بشباك التذاكر حتى بداية مقدمة الأفلام!
وأنا بطبعي من محبي الأفلام، وكنت أتحصل على تذاكر إكرامية من مؤسسة السينما بصورة دائمة... وعليه كان إعلان أين تسهر هذا المساء أول ما أتصفحه بالجرائد اليومية. وكانت الخيارات تبدأ بما شاهدناه في المناظر (الثريله) ونوعية الفلم وأبطاله والمخرج وإن كان سكوب وبالألوان وطول الفيلم... وحتى الترجمة كان لنا رأي فيمن قام بها. كانت السينما مكاناً للترويح والمواعدة... وكانت هناك صرامة في الإلتزام بالمواعيد... وتعلمنا فيها الإلتزام بالصف وإحترام المواعيد والهدوء أثناء العرض.. لدرجة أن الكل كان يراعى النظافة وتقشير التسالي بأقل صوت ممكن... وويلٌ لمن سقطت منه زجاجة مشروب المرطبات الماكنة أثناء العرض!
وهل تصدق يا عزيزي الفنان أننا في أمريكا وبرغم التقنية والـ 3D والصوت الدائري وكثافة الأفلام لا نضوق طعماً لها لأننا تمتعنا بالمشاهدة تحت النجوم وفي البرد والسخانة وبالدخان الذي يصعد للسماء مباشرة... تمتعنا بالشعب عند الفلس وبالدرجة أولى عند الفشخرة وباللوج مع الأسرة. وما أجمل الدور الأول قبل حفلات الأعراس وما أجمل من قطع مقابر بري بعد الدور التاني بالبلو نايل!
وكانت لنا أيام....
| |
![Yahoo](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
|
|