|
Re: عودة تراجى مصطفى ابوطالب و البوردابى تحتل (Re: عبدالعزيز الفاضلابى)
|
اتمنى ان تكون احتاطت للوضع الامني في بلدنا المليانة بالمتطرفينهناك مليشيات وكتائب تنشط خارج عباءة الحكومة التي ابتدعت الاغتيالات والمؤامرات الخسيسة هؤلاء لا امان لهم ابداسيخرح عدد من المنسوبين لاعلام المؤتمر الوطني ليدبجوا مقالات محرضة للقتل كما فعلوا من قبل الحذر واجب
| |
|
|
|
|
|
|
Re: عودة تراجى مصطفى ابوطالب و البوردابى تحتل (Re: عبد المنعم موسى)
|
العزيز بكري..حبابك يا صديقيفليكن رهط ، يا صاحب..!!عارف با بكري ، من كل الجوطة دي عندي سؤال واحد حايم لي في راسي: ماهو شعورك ، وانت تقف على راس مؤسسة ضخمة اسمها سودانيز اونلاين، والمؤسسة دي بتصنع في الناس؟..شعار وطن من لا وطن له ، وصوت من لا صوت له..هو شعار المنبر من ايامه الأولى..فما هو شعورك؟..طبعا ، حكاية وفد تراجي دي اخر حاجة ، والمحزن الناس بتنسى اعداد من الناس حايمة في المشهد السوداني ، فهل يذكر عضو/ة في هذا المنبر كم هم اعضاء المنبر الحايمين في عرصات المفاوضات بين الحكومة والحركات المسلحة؟..كم من اعضاء هذا المنبر عملوا كوزراء؟ كم من اعضاء هذا المنبر حايمين في عرصات المفاوضات بين قطيع الشمال والحيكومة؟..كم عضو/ة من هذا المنبر يقودون مفاوضات بين الحيكومة وقوى الإجماع الوطني ؟..كم من اعضاء هذا المنبر شاركوا كمرشحين في انتخابات رئاسية في امسودان؟..حاجات كتيرة والمنبر يساهم في صناعتها..حاجات كتيرة يا صاحب ..من وضع قضية دارفور في المشهد الدولي لغاية اخر التطورات التي امامنا..من جانبي ، افرح كثير ا على الحرية الممنوحة هنا ، وافرح كثيرا أن زملاء وزميلات لم تفسح لهم كل تقاليد امسودان بان يعبروا عن ذواتهم مثلما يفعل سودانيز اونلاين..شفت العظمة دي كيف يا حبيب؟..في الحقيقة ، الوفد المعلن ، فيهو ست شخصيات ، قايل شنو يا بكري: اربعة منهم اعضاء في هذا المنبر..!!..والشخصية الخامسة.. لها حضور في المنبر سواءا ناس بتنتقد تلك الشخصية أو بتشير ليها تلميحا ، ايجابا او سلبا..يعني شخصية برضك مهمة لمن يريد أن يعرف عنها اكثر..!الشخصيات دي من بعض مقاطعات كندا ، يعني مش من حتة واحدة.. بعضهم دخل كندا سنة 1988 ، بعضهم سنة 1989 ، بعضهم نهاية النصف الثاني من التسعينات.. احدثها حضورا (قصدي الشخصيات دي) ، حضر في الألفية الثالثة (وانا كنت المنتور بتاعو لمن جا يدوبك كندا ، وهذا ليس من ولا اذى ولا شوفونية )..هم يعرفون واقع السودانيين في كندا وواقع السودانيين في اوربا وواقع السودانيين في استراليا وواقع السودانيين في السودان ، وواقع السودانيين في دولة جنوب السودان..!هم لهم قراءتهم للواقع ده ، واول ما لفت نظرهم نقطتين بسيطتين: اولا: الحرب التي تدور في السودان يجب أن تقف ، وانها حرب اصبحت عبثية باجندة غامضة وغير محددة ، وثانيا ، ان هناك تيار كبير ومغيب تماما من المشهد السوداني وقاعد يقول حكم اكثر موضوعية واكثر واقعية عن الواقع السوداني ، فما كان منهم الإ ان دقوا صدورهم وقالوا: كلام زي ده حرام المشهد الرسمي في امسودان ما يسمع بيهو..!بعضهم ، كان وسيط في ادخال وتوطين صناعة البترول في السودان.. بعضهم له علاقات جيدة بالواقع الكندي (علاقات على مستوى رؤساء الوزراء وووزراء الخارجية في كندا ، وبيتكلموا معاهم مباشرة في كل حاجة بتتعلق بالسودان ، لدرجة التأثير في القرارات الكندية تجاه السودان..سواءا كانت اغاثة ، بناء قدرات وسلام ، تدريب ..الخ!!)..بعضهم مهموم بقضايا السودان من قضية الإفراج عن القائد تلفون كوكو من سجون الحركة الشعبية لغاية الأثر البيئي لصناعة البترول في السودان ، ناهيك عن فلسفة التأمين الصحي في السودان وضرورة أن يكون العلاج متاح للفئات الفقيرة والمعدمة في السودان..!بعضهم كان يتجشم الصعاب والمخاطر ، ويبذل الروح رخيصة ويزور جوبا ومناطق المواجهة المباشرة بحثا عن سجناء لدي الحركات المسلحة ، ويفعلون هذا لأن اسر سودانية وثقت فيهم وكلفتهم بالبحث عن ابناءها ممن انقطعت بهم السبل..ويذهبون ويبحثون وينقبون..و يملكون الحقائق لتلك الأسر..عن المقتول ، المفقود ، المسجون ..!!,,حصل اتعاملت مع الواقع ده يا صديقي؟..واقع اسرة مسكينة تكلفك بالذهاب بحثا عن ابناءها وتجي تقول ليهم :اتصفوا..!!وبعضهم يعرف لؤم ياسر عرمان وقطيع الشمال الذي حاول اكثر من مرة عرقلة رحلات بحثهم التي تمت بلا اجندة سوى الإنتصار للضمير الإنساني ومحاولة مساعدة البسطاء الذين نفدت امامهم الوسائل لمعرفة مصير فلذات اكبادهم ، وهي فلذات يحدثنا عنها دهاقنة النضال بانهم ترس في ماكينة التغيير ، ولكن حينما يتم تدمير هذه الماكينة بواسطة اهلها ، وتصفية جنودها ، يلجأ اهل الساس والرأس فيها الى المرواغة ، لأن الأمر عندهم هم مجرد عسكر ، مجرد ترسات صغيرة لا يهم غيابها..!!بعضهم ، يستشار وتطلب مشورته من بعض الفئات التي ذهبت فعلا للحوار الوطني السوداني قبلهم..تفاصيل.. ياخي حتى بعض الجهات بتطلب منهم كتابة اوراق للمشاركة..أو تفاصيل عن شرح فكرة الحوار ده هو شنو ومفروض يمشي علي وين بالضبط..!ولهم حساسية عالية للغاية ، بفكرتنا التي جوعرنا بها هنا الى حد ان الواحد قرب يشوطن ، فكرة (المواطنة الفعالة) أن القضايا العامة يجب ألأ تترك فقط للنخبة السياسية ..!..وان السودان ليس هو فقط المستوى السياسي..!هم يتحدثون عن قضايا المواطن التي لا تهم النخبة السياسية (سواءا حاكمة أو معارضة) ، فمثل هذه القضايا تستغلها النخبة بصورة مرحلية ، اما اصحابنا وصاحباتنا ديل الأمر عندهم مختلف.. لا يهمهم من يحكم ، من يسيطر على الأمور في السودان ، بقدر ما يهمهم اعتبار لقضايا الناس التحت ومحاولة وضعها في سياسات يومية لها اثرها المباشر..!اعرف خمسة منهم بصورة مباشرة وشخصية ، وقبل ذهابهم حاورني بعضهم فيما يخص هذا الأمر ورؤيتهم تجاه الحاجات ..و الأطرف مافي واحد عندو رغبة في وزارة ولا سلطة ولا الذي منو..!همهم جميعا ، أن يحدث سلام في البلد ، همهم جميعا ..أن يكون السودان في حجم التصور الذي يتصوره عنه الآخر الحضاري: سوادن الثروات والموارد والخيرات والتأريخ العريق الجميل..!!هم يا صديقي ، افضل من غيرهم ، فلقد ذهبوا الى بلدهم ، عبر مطار الخرطوم..بغية أن يقولوا رؤاهم لأهلهم في السودان ، عبر قنوات الخرطوم الأعلامية..بيانا عينا على وجه الملأ..وهذا في وجهة نظري افضل من المفاوضات في عواصم اجنبية..تكون مفتوحة للإعلام اولا، ثم تتم دغمستها لتكون في الغرف المغلقة..!!..يا ترى لماذا يخوض قطيع الشمال مفاوضات في غرف مغلقة مع وفد الحكومة المفاوض في اديس ابابا؟..وما الذي يخجل منه قطيع الشمال ليعرضه على الملأ من مواطنيه وجماهيره وقواته العسكرية في الميدان؟..هل هم ثنك تانك؟..فليكن..!!هل هم مواطنين ومواطنات يريدون التخاطب مباشرة مع السلطة الحاكمة في السودان؟..فليكن..!هل هم ، بشر سودانيين مهمومين بقضايا السودان وفق افق بعيد؟..نعم..!ودمت طيبا..يا بكرى يا زول يا اصيل..!كبر
| |
|
|
|
|
|
|
Re: عودة تراجى مصطفى ابوطالب و البوردابى تحتل (Re: Kabar)
|
ول ابا ..ابو حسين..حبابك يا صديقي..انت سألت ليه ول ابا الأستاذ الطيب قريمان ما عمل مؤتمر صحفي..!اوكي يا ابو حسين..مش جايز تكون الشغلانة منظمة وفيها ناطق رسمي والذي منو؟..ولا الإ الناطق الرسمي ده يكون عقيد اركان حرب ولا شنو كده ما عارف..!لو داير كده ، تراجي ، هسع دي بنعمل ليها صقر وكم نجمة..!!..المافي شنو..!!!الناس ديل يا ابوحسين ، لو بتثق فيني ، اضعف الحلقة فيهم هي تراجي..والله صحي..!!..وراجع كلامي الفوق لأخونا بكري ابوبكر..وعينك ما تشوف الإ النور..!ديل يا ابوحسين..خاطين راي في الحروب السودانية العبثية..اها انتا معانا ولا مع الخيانة؟..علي بالحلال ، فيهم ناس يا ابوحسين ، ما بتحب النقة ، لكن لو عصرنا عليهم و اديناهم مايكروفانات ، كل افريقيا تربع ايديها وتسمع للكلام المجيه..!!!طبعا ضحكت لحد الشماتة ، على غرار طريقة صديقنا الحبوب السناتور وليد الشفت ،..على ناس قطيع الشمال..اول ما شافوا ليك الجماعة ركوا في مطار الخرتوم.. طوالي قطيع الشمال قعد يجوعر: دخلنا مفاوضات مغلقة ..وقمنا بالتأمين على ضرورة السلام في السودان..!!!..شفت العصر ككيف بيجيب الزيت..!!كتر خيرك يا ابوحسين..!كبر
| |
|
|
|
|
|
|
Re: عودة تراجى مصطفى ابوطالب و البوردابى تحتل (Re: Kabar)
|
ول ابا محمود الدقم..حبابك يا صديقي ولينا طولة ياااااااااااااااخ..!!غايتو بشاشا ومحمد سليمان ، ما عارف عنهم حاجة..لكن الجوقة دي ، ماشة بفهم محدد: توصيل رؤى ومشاهد من الواقع ، وهي حاجات بتعبر عن تيار كبير في امسودان (داخل او خارج البلد)..واقع من الأثار البيئية لصناعة البترول في غرب كردفان ، لغاية مستقبل السودان كلو..!بعضهم مهموم بظاهرة انتشار السلاح في ولايات غرب السودان، الأثار البيئية لصناعة البترول ، كلهم يهتمون بقناعة ان الحروب السودانية ما عادت هي حروب تغيير وحروب ثورية ، وانما صارت هذه الحروب ذات اجندة غامضة ولا احد يعرف عنها غير اصحاب القرار في اعالي تلك المنظومات التي تدير هذه الحروب..!!بعضهم مهموم بفلسفة التأمين الصحي ، بعضهم مهموم بفكرة توطين الفيدرالية كأفضل اداة لإدارة التنوع في امسودان ، بعضهم مهموم بخلق علاقات اقتصادية ، تقوم على الندية ، للإستفادة من ثروات امسودان الضخمة..!!وحتى اللحظة يا محمود ، كلهم ، بما فيهم قرادة الخيل تراجي ، مافي واحد فيهم ساكي تسوية مع الحيكومة ومناصب ووزارات..على بالحلال يا محمود ، الناس ديل فيهم بعض عندو قدرات على مستوى افريقيا كلها ، وعندهم قدرات على تحديد البدايل لتسليك امورهم,.!!ودمت..كبر
| |
|
|
|
|
|
|
Re: عودة تراجى مصطفى ابوطالب و البوردابى تحتل (Re: محمد المسلمي)
|
اخونا كبر سلامأنا يا أخوي لا معاك و لا مع الخيانة .....أنا مع روحي دي ....و روحي دي مع سودان مستقر سياسياً يعمه السلام و الوئام بين كل أهلهسودان ينعم بالخير و المحبة ...بعدين شايفك اليومين ديل عندك نزعة إستعمارية .......تدخل بوستات الناس تستلمها بالطول و العرض .... تحياتي و إحترامي
| |
|
|
|
|
|
|
Re: عودة تراجى مصطفى ابوطالب و البوردابى تحتل (Re: بكرى ابوبكر)
|
سلام باشمهندس والأخوة الأعزاءوإن كنت لم أستوعب أهو إحتفاء أم إستنكار أو دهشة!ناس الحوار قالوا انجزوا 70% من مخرجات الحوار والنهاية حددت بيوم 10\1\2016م وقدامنا أعياد الميلاد الذي مازالت الدولة الإسلامية تحتفي به! وقدامه عيد رأس السنة وأعياد الإستقلال ! يعني الباقي حرابيش زمن!!ناس تراجي وصلوا الخرطوم عشان يحدثوا إختراق في ال 30% الباقية!وبرضو ما نظن الزمن راح يسعفهم !!لو المؤتمر الوطني تنازل وحسب ليهم زمن إضافي يكون ما قصر.. ونكون نحنا في إنتظار أن تنقشع عنا الإندهاشة... ونفيق من كابوس دام ربع قرن ويزيد!البنعرفو مخرجات الحوار بصم عليها في مؤتمر المؤتمر الوطني ( ما يعني إن العقد تم في الجامع ) والمدعوين لحضور الحفل الراقص في الصالة ( اقصد الحوار الوطني ).هنيئاً لمن تلقى كرت دعوة فالحفل يقام في افخم قاعات الخرطوم.... و وجبة العشاء من أرقى مطاعم الخرطوم... وفنان الحفل يحمل رخصة مفتوحة من جهاز أمننا القومي.... وتم التصديق للحفل حتى تنجلي خطوط الفجر !!! فجرُ يؤسس لربع قرن آخر من القهر و الفساد وامتهان كرامة الإنسان... ربنا يكون في عون تراجي وأخواتها وكمان إخوانها ..!!!!!
| |
|
|
|
|
|
|
Re: عودة تراجى مصطفى ابوطالب و البوردابى تحتل (Re: Elawad Ahmed)
|
Quote: هم يا صديقي ، افضل من غيرهم ، فلقد ذهبوا الى بلدهم ، عبر مطار الخرطوم..بغية أن يقولوا رؤاهم لأهلهم في السودان ، عبر قنوات الخرطوم الأعلامية..بيانا عينا على وجه الملأ..وهذا في وجهة نظري افضل من المفاوضات في عواصم اجنبية..تكون مفتوحة للإعلام اولا، ثم تتم دغمستها لتكون في الغرف المغلقة..!!.. |
Like
| |
|
|
|
|
|
|
Re: عودة تراجى مصطفى ابوطالب و البوردابى تحتل (Re: أيوب خليل)
|
أسأل كل من يستجيب لدعوات الكيزان المتكررةللحوار: ماهي نتائج كل الحوارات التي تمت والإتفاقياتالتي أبرمت مع كافة مكونات المعادلة السياسية الحاكمةوالمشاركة صُوريّا أو القوي المعارضة لها ؟؟!في البال دوما إستعلائية المؤتمر الوطني وممارساته الإقصائيةثم أحادية التنفيذ لسياسات المؤتمر الوطني رغما عن إشراكه فيالحكم لأحزاب لها رؤاها السياسية المخالفة !لا أجد بُداً من الدهشة لمشاركة الأخ الطيب قريمان والأخت تراجيلمتابعتي لمواقفهما المعارضة بشدة لسياسات المؤتمر الوطني وكتاباتهماالمنشورة علي صفحات هذا المنبر وغيره حتي وقت قريب !!
| |
|
|
|
|
|
|
Re: عودة تراجى مصطفى ابوطالب و البوردابى تحتل (Re: Deng)
|
كتب بيت الأشباح دينق اخوان:Quote: الغريبة أنا كنت مخطط أسافر الخرطوم وجوبا في شهر واحد الجاي ده، من الدوحة!ولكن تغيرت الخطة و ح أسافر واشنطن. |
مافي مشكلة ، ممكن تمشوا الخرطوم ، وما ح نسوي ليكم سالفة..انتو قايلين الناس كلهم حاقدين زيكم ..!!بس عندنا شرط واحد: الخرطوم ما فيها غرف مغلقة عشان تحولوا الحوار الوطني الى حوار غرف مغلقة زي ما حصل في مفاوضات الحيكومة مع قطيع الشمال في اديس ابابا..!ولا انتو نسيتوا انكم قاعدين في اثيوبيا في تزامن مع تلك المفاوضات؟..كبر
| |
|
|
|
|
|
|
|