|
|
|
 Re: الحكومة عندما تتدعم!!! (Re: عبدالمنعم الطيب حسن)
|
الحكومة قالت انها سترفع الدعم؛عن المحروقات؛ والكهرباء؛ والقمح...ياجماعة بالله هي اصلا قاعدة تدعم؟ياخ البترول وصل اربعين دولار؛وكان في ذروته 120دولار...والقمح في ادنى اسعاره عالميا؛الحكومة تبيع للمواطن هذه السلع باعلى الاسعار؛وقالت قاعدة تدعم........................كضابين؛
| |
 
|
|
|
|
|
|
|
|
Re: الحكومة عندما تتدعم!!! (Re: عبدالمنعم الطيب حسن)
|
والبسمع الرد السد السد؛يقول خلاص بعد دا؛ الكهرباء دي يوزعوها مجانا للشعب الفضلاتاريهو السد بقى محتاج كهرباء بدلا عن اولدا...وقالوا مروي الضلام كتلا؛ والعطش....وزير الصناعة بشرنا ان البلد محتاج كذا واط؛وان القطوعات ستستمر؛سلعة غالية وغير متوفرة؛ انه الانهيار...
| |
|
|
|
|
|
|
|
|
|
Re: الحكومة عندما تتدعم!!! (Re: عبدالمنعم الطيب حسن)
|
الفكرة في ابسط كلمات؛الحكومة ما قاعدة تدعم ولا سلعة؛كلو بسعر السوق العالمي الاسود؛حكاية الغاء الدعم دي اذن كلامي اعتباطي؛الحكاية باختصار؛الحكومة عاوزة ترفع اسعار السلعة دي 100% كم قرأت اليوم؛عاوزة قروش زيادة؛ياخ مصاريفا كتيرة؛وحراميينها كتيرين؛ وجشعين؛ لا يشبعون؛العندوة بيت في المنشية عاوزة شقة في مجمع النصر؛واخرى في مجمع النخلة؛وتالتة في ماليزيا ...أُمال ايه؟ليس للجشع حدود؛والحكومة بتعرف تجيب من وين!!!المواطن يدفع للسلعة اضعاف؛وكمان مافي؛مافي غاز؛ مافي كهرباء؛ مافي بنزين...مافي تعليممافي صحة؛والمصيبة الاكبران مافي ضمير عند المسؤولين....................................
| |
|
|
|
|
|
|
|
|
|
Re: الحكومة عندما تتدعم!!! (Re: عبدالمنعم الطيب حسن)
|
وكمان البتسرب من الحرامية والمزاوقية؛والمتجنبين؛ويصل لخرينة الدولة؛في الف باب فاتح ليهو....الحرب مدورة في اجزاء عزيزة من الوطن العزيز...وهنالك الترضيات والمؤتمرات والمحاسيب؛وناس كراع في المركب وكراع في الطوف؛والصرف البذخي ساهي كدة شوفوني؛والمظاهر الكضابة؛وعربات برادو؛ وكمان فيها ومراكب سياحية نيلية؛ وواحدات بتغرق في النيل قبال اتفسحوا بيها؛ بركة؛وعجبني للمرقوت...وعندك الامن عاوز؛الدعم السريع عاوزوالدفاع الشعبي عاوزوبعض الصحافة عائزة؛عايزة وادوها سوط...الحكومة ولا يهمهاطوالي ترفع 100%وتقول بلا خجلة؛ حتى يتعافى الاقتصاد؛اقتصاد في عينا؛بالله هو دا اقتصاد عشان يتعافى؛ولَّ يغور في ستين نيلة...
| |
|
|
|
|
|
|
|
|
|
Re: الحكومة عندما تتدعم!!! (Re: عبدالمنعم الطيب حسن)
|
وكلام امام وزير ماليتهم امام برلمانهم الزيف؛اقل ما يقال عنه انه كلام استفزازي خارج حدود اللياقة والادب؛فكيف لمسؤول يقول ان شعبه كسلان وغير منتج؛ وكله عطالة...انتم السبب فقد اغلقتم المصانع؛ وحرقتم المزارع والقرى؛والحواكير؛ ضربتم الشعب الطائرات؛ واوقفتم دورة الحياة في اجزاء عزيزة من الوطن؛دمرتم مشروع الجزيرة واي قطاع منتج؛السكة حديد؛ وسودانير؛ واي قطاع زراعي منتج في دورة زراعية قصيرة؛باختصار كانت القرى تنتج في مزارع فردية وتبيع في المراكز الحضرية؛في قريتي فقط كانت تطلع كل يوم عشرات العربات محملة الطماطم والخضروات الشتوية؛الان الاراضي كلها بور؛والمزاعون المحترفون هجروا الزرع والضرع ؛ وتهمشوا؛وعملوا في الدهب واغتربوا؛ وعانوا ...وهكذا...
| |
|
|
|
|
|
|
|
|
|
Re: الحكومة عندما تتدعم!!! (Re: عبدالمنعم الطيب حسن)
|
وسيظلون اخى الطيب فى غيهم لن يرتعش لهم جفنولن ينقر فيهم ضميروسيظل المواطن وسيلتهم الوحيده لاستمرار رفاهيتهم وضرعهم الذى لاينضب لصرف رواتب محاسيبهمومتى كان المواطن او الوطن احدى اهتماماتهملقد جف الضرع والزرع ولم يتبقى لهم غير ه فقط فاتهم ان يدركواان الشعب قد نضج من عذاباتهموان ليلهم مهما طال زائلوطريق الثوره هدى الاحرار
| |
|
|
|
|
|
|
| |
عبدالمنعم الطيب حسن
عمر دهب
فيس بوك
تويتر
انستقرام
يوتيوب
بنتيريست