|
Re: قاضي يرفض إغلاق جلسات قضية فنانة تشكيلية � (Re: عبد الباقي الجيلي)
|
يا استاذنا وحبيبنا ابو الزهور الناس ليه تلوم المحلية ؟ ففاقد الشئ لا يعطيه ولا يعيه مع احترامي المقدم لكل أصحاب المهن الهامشية اسا اي واحد عندو موقع بايع البطيخ عندو موقع البغسل عربات عندو موقع الببيع الشاي عندو موقع بس قلاري؟ قلاري دي زاتا يعني شنو؟ نحن نقتل كل الجمال في بلادنا ونحوله لمستنقع اوساخ اسا فيكم واحد بقدر يشوف النيل الازرق في الخرطوم؟ والله إلا تدخل مقهي وترى امتار من شاطئه اسا عندنا ملاعب للاطفال في الاحياء؟ ما كلها تحولت لاصحاب السكن الراقي مرة قلت لوزير دوعنا للاتقاء به في المدينة التي اقيم فيها قلت ليهو ارجوك تنقل رسالتي لمجلس الوزراء قال لي رسالتك شنو؟ قلتا ليهو أنا عشتا في الحتانة والأن في المنشية والله لم اجد أي ميزة لاطفالي والحال يا هو الحال في الحتانة وفي المنشية قال لي ما فهمتك تقصد شنو قلتا ليهو اولادي في الحتانة بلعبو في الشارع مع الاطفال الاخرين وكذا الامر في المنشية برضو اللعب في الشارع يعني لا توجد مساحات خالية في الاحياء للاطفال والشباب للعب فيها سوى كانت احياء شعبية أو احياء درجة أولى طيب كيف ينمو الانسان بدون قلاري بدون مكتبات عامة وبدون ساحات خالية للعب؟
|
|
![Edit](https://sudaneseonline.com/db/icon_edit.gif)
|
|
|
|
|
|
|