|
Re: رسالة الي مدير مطار الخرطوم (Re: علي عبدالوهاب عثمان)
|
حبيبنا واستاذنا علي عبدالوهاب
غايتو الناس ديل البيعملوا فيهو ده ما معروف شنو؟!
صراحة الناس الكتلو الخروف جوه المطار ديل عايزين يعملوا شنو؟ استكمالا للمشروع الحضاري البشرونا بيهو وذلك باتباع الشعوذه ولا ده شئ جديد.
هسي الناس تقول شنو عن الزول الشايل الكيس وغلبو يلم ويحبس الدم السايل؟؟ والموية الطبنجة الفجة الجنب الطيارة، وهل مدير سودانطير دي كان مع الجوقة دي ولا هو الزول الكسر رقبة الخروف ولا بتفرج مع الجماعة الوسخانين الوقفين تحت الطيارة؟!
غايتو يا استاذنا علي انا لي زي (ازبوع) ما قادر اعرف الناس دايرة تسوي شنو دم وكيس نايلون وبدل كغنغولية وسخانة وعراريق وسخانة وشرزمة من الناس وبوكس مهلهل وخرفان وطيارة واقفة وارض مليانة ومطبنجة موية ومطار فيهو جملونات وناس شيلين وكي تولكي
ده شنو سحر شعوذه كهانه ؟!!
| |
|
|
|
|
|
|
Re: رسالة الي مدير مطار الخرطوم (Re: مني عمسيب)
|
سلام الاخ الفاضل السنوسى بدر...
مدير المطار لن يقرأ رسالتك.. و أن قرأها فهو سوف يسخر منك ويضحك عليك.. لآن الانقاذ الان تخطت مرحلة الفساد.. و اصبحت فى مرحلة الفخر بالفساد.. ألم تشاهد فى شريط الفيديو الفضيحة حول الخروف.. أن أحد ( الضباحين ) كان يطلب من المصور أن ينشر تلك الحادثة فى جميع مواقع التواصل الاجتماعى, وخاصة الواتساب ؟ البلد الان لا يحكمها ناس.. ولكن كائنات لا يعلمها الا الله.. فقط فكر معنا فى كيف تتم ازالتهم..
| |
|
|
|
|
|
|
Re: رسالة الي مدير مطار الخرطوم (Re: nour tawir)
|
هلا بالعزيزة نورQuote: مدير المطار لن يقرأ رسالتك.. و أن قرأها فهو سوف يسخر منك ويضحك عليك.. لآن الانقاذ الان تخطت مرحلة الفساد.. و اصبحت فى مرحلة الفخر بالفساد.. ألم تشاهد فى شريط الفيديو الفضيحة حول الخروف.. أن أحد ( الضباحين ) كان يطلب من المصور أن ينشر تلك الحادثة فى جميع مواقع التواصل الاجتماعى, وخاصة الواتساب ؟ البلد الان لا يحكمها ناس.. ولكن كائنات لا يعلمها الا الله.. فقط فكر معنا فى كيف تتم ازالتهم.. |
عارفو يا نور ما بقراها وان قراها زاتو بيغلبو يسوي شنو! لكن نعمل شنو ياخي والله فشفاشنا اتهرد من الحاجات البيعملوا فيها الناس ديل!
شفتا الفيديو والجوقة بتاعة الناس الحايمين حول جثة الخروف الميت والدم السايل.
شفت المرض ده كلو ناس وسخانة بدل كنغولية وعراريق!! ده شنو ده ؟!! الناس دي جت من وين ودخلوا المطار ده كيف، والزول الكسر قبة الخروف ده مدير سودانير ولا ده منو؟ والبتحاوم حول جثة الخروف الكابسين راسو في كيس بلاستيك ده منو هل ده مدير مطار الخرطوم؟!!
الناس دي دايرة تعمل شنو؟! كرامة .. وكرامة لشنو ؟!! ولييه في المطار وجمب الموية الراكضة، والناس دي مالها وسخانة كده، البحر الشاقي البلد ما يتنضفوا ! ام ان الوساخة والبدل الكنغولية جزء من عدة الشغل لانزال المردة والشياطين لتسيير عمليات الشحن وخدمات المسافرين؟!! بصراحة قدر ما قلبتها في راسي يا نور اصلها ما وقعت لي،
وقصة البلد دي حاكمنها كائنات تانية دي مصدقك فيها، البلد دي لو حاكمها قرد كان بتكون احسن من كده! البشير من اليوم الاول جايبنو وكان سيدو الترابي مشي الترابي بقي سيدو بتاع ايران داك اسمو مين كده خامنئي و هسي عندو سيدو سلمان، الزول ده يا كافي البلاء عامل زي حمار القش بدون سيد اصلو ما بتحرك! غايتو ربنا يكون في عونا.
| |
|
|
|
|
|
|
Re: رسالة الي مدير مطار الخرطوم (Re: جمال ود القوز)
|
سلام صاحب البوست والمتداخلين،
مواقع التواصل خلت فضايحنا دولية ...... حكاية نلمّها بقت مستحيلة.
لما يقولوا الدولة الفلانية إفتتحت مطار جديد أو دشّنت خط طيران جديد أو إحتفلت بدخول طيارة حديثة إلى (أسطولها) .... ردّنا الجاهز إنو نحن (إمكانياتنا) لا تسمح لنا بمثل هذا الترف.
زي الفضيحة دي نرد عليها نقول شنو؟
| |
|
|
|
|
|
|
Re: رسالة الي مدير مطار الخرطوم (Re: محمد أبوالعزائم أبوالريش)
|
شكرا ليك يا السنوسي والله عبرت عننا وعن كمية الزعل والهم والغم الشايلنو بسبب ما يحدث فى مرافق الدولة
قبيل رسلت رسالة للمنظمة العالمية للطيران المدنى للمقر الرئيسي فى كندا عسي ولعل يوقفوا المهازل البتحصل فى مطار الخرطوم ده..ورسلت ليهم الفديو.
وياريت الناس تراسلهم وتحتج على ما يحدث فى مطار الخرطوم
تحياتى..
| |
|
|
|
|
|
|
Re: رسالة الي مدير مطار الخرطوم (Re: محمد أبوالعزائم أبوالريش)
|
هلا ابوالعزائم يا عزيزQuote: مواقع التواصل خلت فضايحنا دولية ...... حكاية نلمّها بقت مستحيلة.
لما يقولوا الدولة الفلانية إفتتحت مطار جديد أو دشّنت خط طيران جديد أو إحتفلت بدخول طيارة حديثة إلى (أسطولها) .... ردّنا الجاهز إنو نحن (إمكانياتنا) لا تسمح لنا بمثل هذا الترف.
زي الفضيحة دي نرد عليها نقول شنو؟ |
تعرف يا ابوالريش مواقع التواصل دي جعلت من كل زول صحفي وصحفي محترف ... يستطيع الاتيان بدليل الادانة مصور، وسائط التواصل نقلت بلدان افريقية كتيرة الي مصاف دول التقدم وجعلت محاربة الفساد ممكنة، المسئولين السودانيين بالاضافة الي السبهللية والعقل الرعوي عندهم افة تانية وهي التبلد الحسي يعني الواحد تلقاهو ام رخم الله في ادارته للاشياء.
حالة الفقر هي حالة نفسية في المقام الاول، اتلبسها المسؤلين وابتلوا بها المواطنين، الحكومة خلقت جيش جرار من المسئولين وجعلتهم منهم جراثيم وبراسايتس تتغذي علي جسد الشعب السوداني دون اي منفعة متبادلة. الجيش الجرار من ضباط اداريين وعاملي محليات ومحافظين ومتحصلي ضرائب وناس وسخانة لابسه بدل كنغولية لا تعرف لهم وظائف محددة ومرتزقة هنا وهناك، كل هؤلاء هم ترس ومحبس لعجلة التنمية، يعيشون ويقتاتون علي جيب المواطن العادي. الامر برمته اشبه بالحكم التركي او الاستعمار مع ان الفارق الوحيد هو اخذ الاموال في العهد التركي لبناء الدولة العثمانية في اسنطبول اما ديل فبياخدو القروش دي بيتفسحوا بيها وياكلوها هم وتستمر حالة الفقر.
ما يجعل الدهشة اكبر هو لماذا السودان بلد فقير وفيهو عشرات الانهار والارض الصالحة للزراعة والمعادن جوة الارض وبره الارض ، بطبيعة الحال الامر بيعود للزول السوداني ده وطبيعته النفسية. تجد السوداني بره البلد شغال زي عقرب الساعة وجوة البلد ما بيشتغل ومخ بيتصلب، وده لسببين هو حالة التلبس النفسي بالفقر والعامل التاني هو الادارة، ولجيوش الجرارة من الجراثيم الذين طالقاهم الحكومة عشان يتغذو من الزول السوداني ده.
شاهدت دول كثيرة افريقية بدأت تحارب الفساد والجراثيم المطلوقة دي كانت النتيجة مذهلة في بناء البني التحتية،
كل المطلوب من الحكومة سياسات ضريبية واضحة وبناء الطرق وشرطة لحفظ النظام وانفورسمنت للقانون، والناس براها بتحرك اقتصاد البلد، لكن الجيش الجرار وعقلية تعامل الاخوان المسلمين بعقلية ان البلد غنيمة ليهم اصلها ما بتمشي لقدام
| |
|
|
|
|
|
|
Re: رسالة الي مدير مطار الخرطوم (Re: جمال ود القوز)
|
يا هلا يا جمال ياعزيز Quote: المعضلة في نظام بي حاله ده فساد كالسوس نخر بدن المنظومة التي تحكم كلها ولا سبيل البتة لازالته وأي محاولة لازالة الفساد تعني تماما ازالة النظام واجتثاثه واقتلاعه عشان كده مافي زول حيفكر ولو للحظة في انه يحاسب احد أو يقدم أحد لمحاكمة او يرفده عشان تقصير أو لأي سبب آخر كل الناس الفي الحكم الآن ماسكين على بعض كروت ضغط توديهم السجن وأي صاحب وظيفة مرموقة ما جاها ساكت ابدا جاها لانه مسنود من جناح معين أو لوبي بيقيف خلفه وبيسنده |
تعرف يا جمال واحدة من افات الاخوان المسلمين انهم اصلا ليسوا حزب سياسي ولن يستطيعوا انهم يبقوا حزب سياسي، ومما مكن اصلا تلقاهم بيفكروا في تنمية او في حلول للاقتصاد او الحديث عن البطالة او المشاريع التنموية لنهضة البلد، الناس دي بتتعامل مع البلد كانها غنيمة، يقسموا الوظائف ويستولوا علي مقدراتها لمنفعتهم الشخصية، والادهي والامر اعتقادهم ان محاسبة الفساد والمفسدين هو انتهاك لحقوق الجماعة الدينية، واي حديث عن مسئول عام هو خطيئة تستوجب الجهاد ضد القائل.Quote: فلو زول فقط حاول يحاسب مدير المطار لتحركت كل اللوبيات التي تدعمه والأسندت له هذا المنصب لانه يقع ضمن كوته معينة وهو ينتمي لها والكلام ده مش في الوظائف المرموقة فقط بل يتعداها للوظائف الادنى وصولا للجان الأحياء الشعبية الى أسفل السلم الوظيفي عشان كده مافي زول بيتعين الا بتزكيات من أناس معينين ومعروفين والشغلة دي تتم وفق فقه التمكين الأنبني عليه حكم النظام طوال سنين مضت وده هو سبب بقاء النظام |
والله جمال الحال الماثل امامنا زي المافيا وما اظن علي مر العصور لم يمر نظام زي ده علي السودانيين! المصريين عندما فاز الاخوان اصابهم الرعب واستحضروا التجربة السودانية، فخرج اكثر من تلاتين مليون لازالة هذا الورم الخبيث، وعلي الرغم من الاوجاع التي سببها السيسي بانتهاك حقوق الانسان الا ان وضع حد لتغلغل الاخوان هو اشبه بوضع الحد للنازية. ما حدث لشعبنا من جراء الاخوان هو بمثابة انذار لكل الشعوب في المنطقة من وعثاء الاسلام السياسي.
ما يدعو للحيره اخي جمال هو عدم وجود محاسبة لكل الجرائم التي كانت ضحيتها اموال الدولة، وحتي القوانين التي تحفظ انتهاك حقوق الاطفال مثل جرائم الاغتصاب لم يتم تنظيمها او وضع قوانين رادعة تجاه منتهكيها ومرتكبيها. والان بكل قوة عين تاتي الكوزة بدرية سليمان تناور بيها للحصول علي عضة في جهة ما من المال السايب.
ما يدعو للحنق والاحباط يا جمال هو معرفتنا سلفا بهؤلاء الناس وانهم يفوقون سوء الظن العريض، ومحاولات اقتلاعهم مكلفة للحد البعيد وهل هذا هو جزاء السودانيين لصبرهم علي هذا البلاء حتي استفحاله
| |
|
|
|
|
|
|
Re: رسالة الي مدير مطار الخرطوم (Re: مني عمسيب)
|
يا هلا يا بت عمسيب
فوق عسي ولعل النايم يصحي!
وسؤالي ما يزال قائم مدير مطار الخرطوم ده شغال شنو؟!
في اعتقادي المطار ده ماشي براهو بقوة دفع ذاتية واظنو ح يقيف علي ما اظن، زيو وزي مشروع الجزيرة والاقطان والسكة حديد . المؤسسات دي كانت متدحرجة لحدي ما ماتت!
لكن قصة يضبحوا ليهم خرفان في المطار دي ما سبقهم عليها زول!
| |
|
|
|
|
|
|
Re: رسالة الي مدير مطار الخرطوم (Re: عبدالعظيم عثمان)
|
صباح الخير اخى الفاضل السنوسى بدر...
الناس دي دايرة تعمل شنو؟! كرامة .. وكرامة لشنو ؟!! ...
الكرامة عملوها لى أير بص جديد.. وبعد الكرامة.. طار الاير بص.. وجا راجع فى اقل من نص ساعة.. ليييييه ؟ عشان قزاز كابينة الطيار أتكّسر..
شفت كيف ؟! انا فى رأيى انه شعب السودان دا (اللى هو نحنا ) اقوى مخاليق ربنا.. لييييه ؟ عشان مستحملين الحاصل رغم البموتوا بالمقسة.. ديل شوية (الاف) وبس ! أخخخخخخخخخخخخخخ.. يا زمن...
| |
|
|
|
|
|
|
Re: رسالة الي مدير مطار الخرطوم (Re: nour tawir)
|
هلا بعزيزنا سيفQuote:
قبيل رسلت رسالة للمنظمة العالمية للطيران المدنى للمقر الرئيسي فى كندا عسي ولعل يوقفوا المهازل البتحصل فى مطار الخرطوم ده..ورسلت ليهم الفديو
|
اولا ياخي شكرا ليك لاشراكنا في هذا الغبن ووجع الفشفاش وواحده من محاسن التواصل الاجتماعي انها بتمرق الامراض علي الرغم من الالام المصاحبة ليها الا انها ضرورية ، اولي عوامل العلاج هو التشخيص السليم واعتقد الصورة والفيديو هم اصدق انواع الاخبار والتشخيص.
خليني اختلف معاك في مراسلة الجهات الاجنبية دي، علي الرغم من الشئ الظاهر للعيان ان المنظمات دي معنية بالتنظيم الا انها في حقيقة الامر لا تستطيع تقديم العوان واقصي ما تفعله هو وقف مطار الخرطوم من المشاركة في الملاحة الجوية الدولية وزيادة معاناة الناس زيادة!! وهل يا سيف احنا عايزين كده، بالاضافة للحل العقيم ده بتدي ناس الحكومة فرصة انهم يعزفوا علي وتر التخوين وعدم الوطنية والاستعانة بالمنظمات الاجنبية في زيادة معاناة الناس وتقتات الحكومة يومين زيادة في عمرها.
عزيزنا سيف في مثل سوداني بيقول ما حك جلدك الا ظفرك، واعتقد اننا المفروض نواجه الناس، فالكيزان ديل حرامية وفيهم الموبقات كلها لكنهم سودانيين، نحاسبهم انحنا ونأهل احنا، او نفطمهم من السلطة احنا لا غير واي تغير بمساعدة اجانب هو جلب سيد جديد وانت تعرف حساسية السودانيين في الحته دي
مع الود ياسيف
| |
|
|
|
|
|
|
Re: رسالة الي مدير مطار الخرطوم (Re: Hassan Makkawi)
|
Quote: سلام صاحب البوست والمتداخلين، |
الأخ الفاضل السنوسي بدر، لك يا عزيزي عميق اعتذاري لعدم ذكر اسمك صراحةً في مداخلتي. قرأت الموضوع ... ضغطت على رد .. عندها استشكل علىّ من هو كاتب البوست (عادةً أرد على الموضوع غض النظر عن كاتبه، إلاّ في حالات قليلة). لذلك عبارة (سلام صاحب البوست) كانت عبارة عن زوغة حتى لا أخرج من نافذة الرد وأعود مرةً أخرى.
لك العُتبى
| |
|
|
|
|
|
|
|