|
Re: الطرحّة (Re: أبوبكر عباس)
|
يا ابا بكر
سلام عليك
دى على شاكلة غناء عمك عبيد الطيب و عبد المنعم عبد الحى
يا روحى سلام عليك
ملكة الطرحة غيرت بالتوب خلتنا فى حيره وفى هواها ندوب
دى بغنيها محمد احمد عوض
زى طرحة وردى
وفى سيرة الطرحة الاخرى
طرحة البرارى و ناصر بتلقاها عاملة صف جنب سور النادى العربى السموهو نادى ناصر فى شارع فيكتوريا السموهو شارع القصر
وطرحة امدرمان مصفوفة برضو غرب ميدان الامم المتحدة مقابل بنك باركليز وشركة مرسيدس ابو العلا
وجنوب منها شركة عبد المنعم محمد
بتعرف مطعم الهلال بتاع السمك ؟
يا حليل الطرحة ويا حليلين الطرحة
ههههههههه
طرحة توتل سويسرى وانجليزى بيضاء تسر العاشقين
وطرحة هيلمان و هنتر وبرلينا صفراء فاقع لونها
تسر الراكبين
الجايين من دور كولزيوم التانى
ولا المارقين منتشين من كوبا كوبانا واتينيه والسانت جيمس
حديقة الرويال وال جى بى
وااااا طرحتاه
يا زول اقول ليك
العيد مبارك عليك
سومبهار
ههههههههههههه
| |
|
|
|
|
|
|
Re: الطرحّة (Re: أبوذر بابكر)
|
و كما قال عكير الدامر في رائعته يامولاي اه من غلبي
لفة قلبي زي لف طرحتها اللافحاه
وكثير من شعراء الدوبيت تغنو للطرحه واللابسه الطرحه
| |
|
|
|
|
|
|
Re: الطرحّة (Re: أبوذر بابكر)
|
يا الله، كل المتداخلين شفيفين وشعراء لحيدر والمسلمي الشفيفان الشكر وللرقيق أبا ذَر التحية على هذه الطرح الجميلة.
قبل التمكين، قصّة الطرحة والتوب فوق الشعر كان حركة في شكل وردة يقعدن ويقعن علي الكتف بكيفن ليس الغرض منو كان تغطية شعر البنات بقدر ما كان موضة حتى بالإمارة جاكلين كنيدي هارسيلف كانت رابطة الوشاح أها جاء التمكين والبنات تحاربن مع جمالن وجمال شعرن
| |
|
|
|
|
|
|
Re: الطرحّة (Re: عبدالحفيظ ابوسن)
|
اااااخ ومليار اااااخ من جدعة الطرحة العاملةماتشنج مع الاسكيرت.. والله يا مستنير اشوف صور ما قبل المشروع الهراري دا الناس دي كانت جميلة ياخي . نحن غايتو قرينا في زمن الليت حق الداخليات بتاعت البنات ونسوان شكلهن زي الرجال اسمهن المشرفات علي الحلف تطرح ليك واحدة لحدت الداخلية تلم فيك المشرفة الا توريك الويل .. ----------------------------------------
واحد من اهلنا ناس البطانة اسمو بابكر ود ام دفرة مرة الخريف علق والبهايم جاعت قال ايييييه زمن الاندايات واللخ خريفنا بولد التبر مرتين وسعيتنا بتلد مرتين من ما جونا ناس الشريعة ديل علي الطلاق وقفوا المطر في سماهو ومحقو عيشتنا ..
| |
|
|
|
|
|
|
Re: الطرحّة (Re: علي دفع الله)
|
او كما قال أبو الزوز في التراثية الشهيرة :
منظركم ... الله ... للقليب يفرّح ...
و ابقى مكوة انا .. للطرح ...
لبنات المدرسة ... و ست بتول المدرسة ...
| |
|
|
|
|
|
|
Re: الطرحّة (Re: يحي قباني)
|
ههههههههه سيرة الطرحة بشتنت الناس كيف هيجًت القصص الزماااان غايتو الطرحة و التوب غنو ليهم يا ربي بجي زمن بيغنوا للعباية
| |
|
|
|
|
|
|
Re: الطرحّة (Re: Nasser Amin)
|
Quote: تشكي من الطرحة تقول تغيلة
|
لا يا مستنير، الطِريّحة وليس الطرحة . تفرق طبعاً تفرق كتيّر يا زوّل ...
| |
|
|
|
|
|
|
Re: الطرحّة (Re: معاوية المدير)
|
سلام وتحية للشاعر محمد عمر، والرقيق هاني عربي
يا ابسن، يا أخي، نحن صحي كبار، لكن في زمننا رجالة اولاد شمبات قلّت شوية وبناتنا كانن معانا في شمبات، كنت مسؤول منشط كرة الطائرة بالمجمع، عادي كان بمشي اركب ليهن الشبكة في الداخلية واحضر الميدان، كانن بتعاملن معاي زي نسوان أم درمان مع سيد اللبن.
وشاعرنا قال في واحدة موضة وبتاكل ليها في سندوتش تحت اللبخة: يا حلاتك وأنتي شايلة السندوتشي وانتي شايلاهو وبتمشي روحنا ما محشيّة فوقو
| |
|
|
|
|
|
|
Re: الطرحّة (Re: أبوبكر عباس)
|
بنات عطبرة يا علي دفع الله، أصلا ما كانن بختنها في راسن، دائما جادعاتنها في الكتوف، أو بالأصح كانن بختمها زي الشال بتاع الرجال. من زمان مستنيرات بنات مدني شويّة كانن رزينات مع الطرحة وبتقع منهن دون قصد أو بغنج
علي قول بابكر ود البطانة زولك؛ حليل زمن الطرحة الواقعة
| |
|
|
|
|
|
|
Re: الطرحّة (Re: أبوبكر عباس)
|
Quote: كانن بتعاملن معاي زي نسوان أم درمان مع سيد اللبن.
|
بالله شوفوا الوليد الفسل ده ...
و انت نسوان ام درمان شفتهم وين ؟
كنت بتبيع لبن و لا كنت حمار اللبن ؟
| |
|
|
|
|
|
|
Re: الطرحّة (Re: يحي قباني)
|
قباني .. بكور كان زول واجب ياخ مثل الخير عشا البايتات بتاع "كان طلعت القمرا" يربط ليهن شبكة يوصلن للداخلية بالليل دي كانت بدايات مشروعه الاستناري العريض موش كده يابكور
| |
|
|
|
|
|
|
Re: الطرحّة (Re: حيدر حسن ميرغني)
|
بدون لف أو دوران: أقصد يا أخوانا، إنّو نحن كمسلمين في الغرب، ومع الكراهية المتنامية تجاهنا، نعرض بناتنا وزوجاتنا لخطر تصفية الكراهية العبثي، على سبيل المثال يصعب على الأمريكان تميزنا نحن الرجال كسودانيين مسلمين بعيد عن المساجد،
| |
|
|
|
|
|
|
|