إهداء للقراء والزملاء الافاضل الذين مروا وعلقوا في بوست البرومو، وإهداء خاص للأصدقاء : عمر ابوعاقلة، والموسيقار الموصلي، وسيف اليزل سعد عمر، وحيدر حسن ميرغني، وعلي عبد الوهاب عثمان، على الإهتمام والمتابعة والتحفيز.
و
محبتي
01-27-2017, 04:58 PM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
Quote: متابعة وشغف لما ياتي في هذا اللقاء المشوق فعلا السرقدور مبدع جدا في كتابة الشعر ومتحدث لبق ومفوه لكما الود
حبيبنا الموصلي على قدر الشوق ما يمد مديت فعلا السر قدور شاعر مطبوع وحكّاء بصورة درامية مدهشة ويتمتع بذاكرة من عيار 2 تيرابايت. استمتعت جداً بعوالمه السردية البديعة. وزي ما بيقولوا اهلكم اليانكي: He is so much fun to be with
محبتي
01-28-2017, 03:35 AM
ملهم كردفان
ملهم كردفان
تاريخ التسجيل: 02-16-2013
مجموع المشاركات: 4742
يا سلالالالالالام ياخ .. هسة الواحد يقول شنو بالله المهم صدقني يالفاتح لو صدق حدسي فإن هذا اللقاء سيجد حظه من النقاش بشكل لا يصدق .. فالضيف رجل (حكاء) من العيار الثقيل ولطالما شغفنا بالحكايات منذ كنا صغاراً في حجور (حبوباتنا)
سأعود (أفضى وأديها نفضة) يا قول حبيب نوره رد الله غربته
مودتي العارفها ديك
01-28-2017, 01:54 PM
سيف اليزل سعد عمر
سيف اليزل سعد عمر
تاريخ التسجيل: 01-11-2013
مجموع المشاركات: 9476
ده لقاء بمواصفات عالية وعالمية جدا وحوار يغوص الي أعماق السر قدور فيجعله ينداح في الشرح والتفصيل ليظهر لنا جوانب ليست كانت معروفة لدي عن الاستاذ السر قدور.السر قدور في هذا اللقاء يعلو كثير علي السر قدور مقدم أغانى وأغانى. ربما تكون طبيعة البرنامج لا تسمح له بالطبع ان يكون كما هو في برنامج اغانى او غانى والسر قدور في هذا اللقاء. إستمتعت بشرح السر لمسألة تلاءم الإيقاع مع الغناء السودانى حسب البيئة الجغرافية...دق الفندق...المديح والنوبة...مشية الجمل...مشي البقر..والمقداف..وانه لو شيلت الايقاع بتكون شلت اي حاجة وبكون مافي غناء. هياخي دي كلام ممكن يكون مشروع بحث كامل لإظهار درر الغناء السوانى وكيفية نشأته وتتطوره. ابقوا عشرة علي السر قدور ووثقوا له مثل هذا التوثيق المحترف الجميل...
في نقطة سارجع ليها لاحقا لاجد نفسي متفقا معه فيها وهي مسالة الموسيقي تتبع البحار وليس الأنهار....
ياخي عندك مصور عنده تصوير عجيييب...بلغه التحايا... إدخال محمد ميرغنى باغنية قصيرة حاجة روعة...
شكرا للإهداء الجميل يا الفاتح..
01-28-2017, 03:50 PM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
الجزء الثاني: تناول هذا الجزء محطات في مسيرة بعض عمالقة الغناء السوداني ، وظاهرة غناء البنات، ونسج الأساطير حول الأغاني، وتشييع الفنان مارسيل خليفة لمحمود درويش بالغناء، بمثلما فعل الراحل صديق الكحلاوي في تشييع عبقري الغناء السوداني ابراهيم الكاشف.
01-29-2017, 08:25 AM
عمر أبوعاقلة
عمر أبوعاقلة
تاريخ التسجيل: 04-11-2016
مجموع المشاركات: 1321
قبل ما ندخل في عمق الحوار .. وقبل ما يجوا عمالقة الموسيقى في المنبر ويطلعونا ناس سميعة ساكت حاب ارجع ليك للمقدمة (القصيرة) زي ما قال قدور هل تعتقد يالفاتح انها جزء من تخطيط الحوار بمعنى: لو جيت تقدم قدور ستعجز فهو فنان شامل أو (إنسان فنان): مسرحي، ناقد، كاتب، صحفي، شاعر، ممثل، مقدم برامج، حكاي، مؤرخ .... ألخ حسيت بيك زغت من التقديم باختيار قصر المقدمة والدخول في الحوار مباشرة
أو أن ظني ليس في محله !!
مودتي
01-29-2017, 02:21 PM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
Quote: يا سلالالالالالام ياخ .. هسة الواحد يقول شنو بالله المهم صدقني يالفاتح لو صدق حدسي فإن هذا اللقاء سيجد حظه من النقاش بشكل لا يصدق .. فالضيف رجل (حكاء) من العيار الثقيل ولطالما شغفنا بالحكايات منذ كنا صغاراً في حجور (حبوباتنا)
سأعود (أفضى وأديها نفضة) يا قول حبيب نوره رد الله غربته
مودتي العارفها ديك
سلام حبيبنا عمر فعلاً الضيف حكّاء شديد ويملك مخزونا من المعلومات في غاية الثراء والإدهاش، وربما كان ذلك واحد من الأسباب التي جعلتني لا اقاطعه، فاكتفيت بطرح السؤال وتركه ليسترسل. وأجمل الأشياء التي لمستها فيه هو القدرة على التصوير الدرامي وباسلوب ودود أقرب إلى السرد الشعبي أو حكي" الحبوبات " البسيط والمشبع بالخيال الجميل. عليك الله شوف توصيفه لعائشة الفلاتية وعبارة:"بعدين لفحت توبا وقامت ماشا"! في انتظار عودتك الميمونة وتحياتي عبرك لحبيب السمحة وسمرية. محبتي
01-30-2017, 03:13 PM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
ده لقاء بمواصفات عالية وعالمية جدا وحوار يغوص الي أعماق السر قدور فيجعله ينداح في الشرح والتفصيل ليظهر لنا جوانب ليست كانت معروفة لدي عن الاستاذ السر قدور.السر قدور في هذا اللقاء يعلو كثير علي السر قدور مقدم أغانى وأغانى. ربما تكون طبيعة البرنامج لا تسمح له بالطبع ان يكون كما هو في برنامج اغانى او غانى والسر قدور في هذا اللقاء. إستمتعت بشرح السر لمسألة تلاءم الإيقاع مع الغناء السودانى حسب البيئة الجغرافية...دق الفندق...المديح والنوبة...مشية الجمل...مشي البقر..والمقداف..وانه لو شيلت الايقاع بتكون شلت اي حاجة وبكون مافي غناء. هياخي دي كلام ممكن يكون مشروع بحث كامل لإظهار درر الغناء السوانى وكيفية نشأته وتتطوره. ابقوا عشرة علي السر قدور ووثقوا له مثل هذا التوثيق المحترف الجميل...
في نقطة سارجع ليها لاحقا لاجد نفسي متفقا معه فيها وهي مسالة الموسيقي تتبع البحار وليس الأنهار....
ياخي عندك مصور عنده تصوير عجيييب...بلغه التحايا... إدخال محمد ميرغنى باغنية قصيرة حاجة روعة...
شكرا للإهداء الجميل يا الفاتح..
صديقي الحكّاء الجميل سيف اليزل تحياتي التواضر سعدت جداً بتثمينك للحوار ومرورك الثر وملاحظاتك الثاقبة. وبالفعل كان السر قدور مدهشاً في تفصيل الايقاع السوداني ودق الفندق ..إلخ. وخليني أحكي ليك حاجة حصلت لي أمس وعندها علاقة بالحوار، وتحديدا حديث السر قدور عن عبقرية الكاشف. هو قال إنو عبقرية الكاشف بتكمن في قدرته إنو " يرِك " في المعني، بمعني إنه يدي الكلمة شخصيتها التدليلية وموضعها، وطبعا لحدي هنا كانت اجابة ممكن تكون عادية جداً. أمس بتفرج في برنامج المواهب الأمريكية، جاء مشارك " متشرد" اسمه هوليوود أندرسون ،شايل جيتارو وقال إنو ألف أغنية في البت البيحبها. الزول ده أدى الاغنية بصورة جعلت بدن جينفر لوبيز يقشعر وإغرورقت عيناها بالدموع، وبعد ما انتهى من الأغنية.،عضو لجنة التحكيم الفنان كيث اوربان قال ليهو: " الشيء العملتو ده، يمكن تفسيره بعدة معاني، فكل كلمة كان لها لمستها الخاصة، ورونقها الخاص، وموضعها الخاص، ما يجعل الاستماع إليك مثيرأ للشجن..". .
قلت يا إلهي: الحاجة دي عملها الكاشف قبل أكثر من أربعة عقود تقريباً، وحدثنا عنها بالأمس القريب السر قدور بقوله:" الكاشف كان لديه إحساس جياش بالمعاني، وهو لا يكتب ولا يقرأ".! ياخ السودان ده بلد مدهش في إبداعاته ومدهش في كل حاجاته ! في انتظار عودتك الميمونة ، وأنت يا صديقي الجميل قاص لا يشق له غبار. تعليق الفنان كيث في الدقيقة: 2:35 محبتي
01-30-2017, 03:38 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12484
حبيبنا الفاتح .. الاعلامي الرائع .. أكثر ما أستغرب له تلفزيونات السودان شاب بكل هذه الكفاءة والابداع .. حرام والله .. تعجز الحروف الحبيب الفاتح .. عمنا قدور كنز وصاحب مواهب .. أطال الله في عمره وصحته ..
ننتظر بوستاتك بشوق ..
مودتي ..
01-30-2017, 03:45 PM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
قبل ما ندخل في عمق الحوار .. وقبل ما يجوا عمالقة الموسيقى في المنبر ويطلعونا ناس سميعة ساكت حاب ارجع ليك للمقدمة (القصيرة) زي ما قال قدور هل تعتقد يالفاتح انها جزء من تخطيط الحوار بمعنى: لو جيت تقدم قدور ستعجز فهو فنان شامل أو (إنسان فنان): مسرحي، ناقد، كاتب، صحفي، شاعر، ممثل، مقدم برامج، حكاي، مؤرخ .... ألخ حسيت بيك زغت من التقديم باختيار قصر المقدمة والدخول في الحوار مباشرة
أو أن ظني ليس في محله !!
مودتي
صديقي الودود عمر ابوعاقلة تحياتي النواضر ومشكور على الملاحظة العميقة ولمّاحة. أبدا يا حبيب ما زغت من التقديم لأنه ما ممكن تحاور شخصية في قامة السر قدور وما تديها حقها من حسن التقديم. وكل الحصل هو أنني في اللحظة التي أوشكت فيها على الدخول في المقدمة، خطر لي أن أبدأ بسؤال " حنيني اليك"، وهو في حد ذاته يصلح كمدخل للتعريف بجانب واحد من الجوانب الإبداعية المتعددة في شخصية السر قدور، والتي تفضلت بذكرها، وأن اترك للمشاهد التعرف على تلك الجوانب أو بعضها من خلال ردوده، بالرغم من أن السر قدور علم على رأسه نار! وطبعا دي حاجة محفوفة بالمغامرة، لأنها قد تترك إحساساً لدى الضيف بالضيق. ولكن لحسن الحظ أن السر قدور قد ألِف الكاميرا والأضواء والحوارات،وبصورة لم يعد يكترث معها كثيرا لهذا الأمر، لذا كان متجلياً ومبهراً وأكثر تفاعلا ً واشراقاً مما قدرت.! وطبعا في نهاية الحوار قدمته بما تيسر لي من معرفة بالجوانب الإبداعية في شخصيته، يعني ممكن نقول كل الحصل هو تبديل أولويات أو قلب للقاعدة التقليدية في الحوار: التعريف بالضيف أولا والدخول في الحوار. والمسألة كلها جاءت بمحض الصدفة ولم يكن مخططاً لها. وحلوة الصدفة البيك جمعتنا. تحياتي للكتاكيت والأسرة الكريمة.
محبتي
02-01-2017, 04:11 PM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
Quote: حبيبنا الفاتح .. الاعلامي الرائع .. أكثر ما أستغرب له تلفزيونات السودان شاب بكل هذه الكفاءة والابداع .. حرام والله .. تعجز الحروف الحبيب الفاتح .. عمنا قدور كنز وصاحب مواهب .. أطال الله في عمره وصحته ..
ننتظر بوستاتك بشوق ..
مودتي ..
حبيبنا على عبد الوهاب عثمان تحياتي النواضر شاكر ليك شديد مرورك وتثمينك لحواراتي. فمرورك يا عزيزنا في أي بوست كفيل أن يشعر صاحبه بالزهو، فأنت حكاء لا يشق لع غبار، ومترجم فطحل، وإنسان رقيق ومهذب في تفاعله مع الأخرين. واتفق معك، يا عزيزنا بأن السر قدور شخصية آسرة بما وهبه الله من مواهب متعددة وذاكرة توثيقية متقدة.!
محبتي
02-01-2017, 06:35 PM
سيف اليزل سعد عمر
سيف اليزل سعد عمر
تاريخ التسجيل: 01-11-2013
مجموع المشاركات: 9476
سلام يا الفاتح... كان اتناقشنا في مقولة السر قدور ان الموسيقي تتبع البحار وليس الأنهار.. بعد سمعت شرحو للمقولة دي ما اقتنعت بيها كثير...انا كنت فاكر بيقصد ان الموسيقي تنتشر من ساحل لساحل ومن دولة لدولة مثلها ومثل ماء البحار..بعكس مياه الانهار والتى تجري من منبع لمصب... اتمنى تكون فكرتى وصلت....
عاطر التحايا...
02-02-2017, 09:17 AM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
Quote: سلام يا الفاتح... كان اتناقشنا في مقولة السر قدور ان الموسيقي تتبع البحار وليس الأنهار.. بعد سمعت شرحو للمقولة دي ما اقتنعت بيها كثير...انا كنت فاكر بيقصد ان الموسيقي تنتشر من ساحل لساحل ومن دولة لدولة مثلها ومثل ماء البحار..بعكس مياه الانهار والتى تجري من منبع لمصب... اتمنى تكون فكرتى وصلت....
عاطر التحايا...
عزيزنا سيف اليزل مشكور يا حبيب على الطلة والتوضيح. ويا ريت تبرّنا برؤيتك حول انتشار الموسيقي من ساحل لساحل في واحد من بوستاتك العجيبة ديك، بتاعت أدب الرحلات.! محبتي
02-02-2017, 10:06 AM
عمر أبوعاقلة
عمر أبوعاقلة
تاريخ التسجيل: 04-11-2016
مجموع المشاركات: 1321
أوافقك الرأي .. خالجني شعور للحظة بوهن الفكرة فكرة البحار والأنهار ربما لقدور مسوغاته التي جعلته يذهب لهذا الاتجاه وهو باحث وله مواعين معرفة كبيرة .. ربما يكون مصيباً ولكن في حد علمي أن انتقال الثقافات يؤثر فيه في المقام الأول الجوار ومن ثم تأتي العوامل الأخرى مثل الهجرات الطبيعية للبحث عن الاستقرار وغيرها ياريت باحثي سودانيز يمدونا بمعرفة أكثر فالموضوع شيق في نظري ويقبل الكثير من النظريات
مودتي
02-02-2017, 05:59 PM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
أوافقك الرأي .. خالجني شعور للحظة بوهن الفكرة فكرة البحار والأنهار ربما لقدور مسوغاته التي جعلته يذهب لهذا الاتجاه وهو باحث وله مواعين معرفة كبيرة .. ربما يكون مصيباً ولكن في حد علمي أن انتقال الثقافات يؤثر فيه في المقام الأول الجوار ومن ثم تأتي العوامل الأخرى مثل الهجرات الطبيعية للبحث عن الاستقرار وغيرها ياريت باحثي سودانيز يمدونا بمعرفة أكثر فالموضوع شيق في نظري ويقبل الكثير من النظريات
مودتي
عزيزنا عمر ابوعاقلة تحياتي النواضر،، اتفق معك أن الفكرة مثيرة للتأمل ومحفزة للنقاش.و طبعا السر قدور عضّد فكرته ببعض الأمثلة، ومن بينها عدم تشابه السلالم الموسيقية . وفكرتك حول أثر الجوار هي الأخرى محفزة للنقاش ومدعاة للتأمل، وممكن تصدق على الكثير من الدول، بما في ذلك أمريكا والمكسيك ، رغم حيطة ترامب ". وممكن يجي واحد ويقول:" الايقاعات تتبع الأنهار وليس البحار"، ويدلل بايقاع العشرة بلدي، على سبيل المثال،والذي استعرناه من المصريين في بعض الأغاني السودانية، وفي ذات الوقت ممكن يجي واحد تاني وينفي المسألة دي ويقول:|" المصريون لم يتأثروا بايقاعاتنا، الصاخبة أوالدافئة. المسألة فعلا معقدة ومحتاجة نقاش.ويمكن عشان كده ممكن نقول إنو مسألة تعريف الفنون الناعمة بصورة دقيقة امر سهل نسبياً، ولكن ايجاد تفسير لها بذات الدقة أمر دونه خرط القتاد. شاكر ليك مجددا يا حبيب إثراء البوست بهذه الملاحظات اللمّاحة.
محبتي
02-02-2017, 11:10 PM
Hamid Elsawi
Hamid Elsawi
تاريخ التسجيل: 09-22-2005
مجموع المشاركات: 3450
شكرا جزيلا عزيزنا الفاتح علي هذا الحِوار الشيق و الممتع دايماً تتحفنا بالجميل ... و ننتظر بوستاتك بلهفه و شوق ... متابعة و ان شاء الله نلقي وقت للتعقيب و الاضافة
----------------
02-03-2017, 06:14 AM
سيف اليزل سعد عمر
سيف اليزل سعد عمر
تاريخ التسجيل: 01-11-2013
مجموع المشاركات: 9476
هل هناك كتاب او كتابات للسر قدور عن تأريخ الغناء السودانى؟
كلامه مثلا عن الكاشف و أغانى الكاشف يجب ان يحفظ للبحث وللأجيال القادمة. ده إرث كبير رغم إنه جزء بسيط جدا من إرث وثقافات الشعب السودانى الغنائيه المتعددة والمختلفة... اعلم ان هناك كتاب في عدة أجزاء عن تاريخ الغناء السودانى لكن بسال عن توثيق من جانب السر القدور.....
يا الفاتح إن شاء الله يكون اللقاء ده في عشرة أجزاء او أكثر..
02-03-2017, 06:45 AM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
Quote: شكرا جزيلا عزيزنا الفاتح علي هذا الحِوار الشيق و الممتع دايماً تتحفنا بالجميل ... و ننتظر بوستاتك بلهفه و شوق ... متابعة و ان شاء الله نلقي وقت للتعقيب و الاضافة
عزيزنا النبيل حامد الصاوي كل عام وانتم بخير، سٌعدت بمرورك البهي وتقريظك الذي أعتبره اوسكار من انسان جميل ومحاور ذكي. و" تعال فرّح ليالينا"
محبتي
02-03-2017, 10:32 AM
علاء سيداحمد
علاء سيداحمد
تاريخ التسجيل: 03-28-2013
مجموع المشاركات: 17162
هل هناك كتاب او كتابات للسر قدور عن تأريخ الغناء السودانى؟
كلامه مثلا عن الكاشف و أغانى الكاشف يجب ان يحفظ للبحث وللأجيال القادمة. ده إرث كبير رغم إنه جزء بسيط جدا من إرث وثقافات الشعب السودانى الغنائيه المتعددة والمختلفة... اعلم ان هناك كتاب في عدة أجزاء عن تاريخ الغناء السودانى لكن بسال عن توثيق من جانب السر القدور.....
تحياتى اخى / سيف اليزل سعد عمر
اذكر تماماً ان السر قدور كان يكتب ويوثق فى عموده اليومى اساتذة وتلاميد فى جريدة الخرطوم اثناء صدورها من القاهرة فى فترة التسعينات من القرن الماضى للفن السودانى وكان للفنان الهرم ابراهيم الكاشف نصيب كبير فى تلك التوثيق حيث اننى كنت اشترى الجريدة يوميا ..
وياريت السر قدور يقوم بتجميع تلك الاعمدة واصدارها فى كتاب بنفس العنوان او اى عنوان اخر ..
شكرا استاذ / الفاتح ميرغنى على البوست الشحمان ..
02-03-2017, 04:43 PM
باسط المكي
باسط المكي
تاريخ التسجيل: 01-14-2009
مجموع المشاركات: 5475
هل هناك كتاب او كتابات للسر قدور عن تأريخ الغناء السودانى؟
كلامه مثلا عن الكاشف و أغانى الكاشف يجب ان يحفظ للبحث وللأجيال القادمة. ده إرث كبير رغم إنه جزء بسيط جدا من إرث وثقافات الشعب السودانى الغنائيه المتعددة والمختلفة... اعلم ان هناك كتاب في عدة أجزاء عن تاريخ الغناء السودانى لكن بسال عن توثيق من جانب السر القدور.....
يا الفاتح إن شاء الله يكون اللقاء ده في عشرة أجزاء او أكثر. عزيزنا سيف اليزل تحياتي
عزيزنا سيف اليزل تحياتي مجدداً السر قدور كتب العديد من المقالات التوثيقية في العديد من شخصيات الزمن الجميل، ولديه العديد من المؤلفات وقد تيسر لي منها : ديوان الشوق والريد، وهو عبارة عن تجاربه الشعرية التي شكلت ثنائية مع العديد مع الفنانين، وكتاب "الكاشف ابو الفن" ، وكتاب" مقالات صحفية" والذي جمع فيه أطرف الحكاوي في تاريخ الصحافة السودانية، إضافة إلى كتاب مقالته في صحيفة الخرطوم التي كانت تصدر من القاهرة، كما أشار لذلك عزيزنا الأستاذ/ علاء سيد أحمد. هذا هو الجزء اليسير الذي اطلعت عليه عن منتوج الأستاذ السر قدور. ويمكن إذا نظرنا إلى عنواين مثل ديوان – الشوق والريد – وكتاب "الكاشف ابو الفن"، سنجد بأن هناك علاقة خاصة تتجاوز الثنائية الابداعية وتصل حد الإنصهار الروحي والإنساني مع الراحل العبقري ابراهيم الكاشف، وهي تجربة لا تقل ثراءً في تجلياتها وبعدها الابداعي والإنساني، عن ثنائية كاظم الساهر والشاعر كريم العراقي! وأظن أن السر قدور ، إن لم أكن مخطئاً، كان من الشعراء القلائل الذين خاضوا تجربة التعامل الثنائي الناجح، مع أكثر من عملاق في مسيرة الفن السوداني ، وهم على سبيل المثال لا الحصر: ابراهيم الكاشف، والعاقب محمد حسن، وكمال ترباس في اروع اغنياته: الريد يجمع ويفرق، ويا ريت، ونسيم شبال، ويا قمر باين.. وطبعا هناك أغاني "صولو" كتبها لآخرين مثل: سيد خليفة، وصلاح بن البادية، والجابري، وصلاح محمد عيسى، وعادل مسلم وآخرين يفوقهم الإحصاء والعدد.
نتمنى يا عزيزنا أن يمد الله في عمر المبدع الشامل ، السر قدور، وأن نحاوره مرة ثانية وثالثة ...إلى ما لانهاية. فهو إنسان سايكلوبيدي بكل ما حملت الكلمة من معنى الإحاطة الشاملة! وشكراً ليك مجددا يا حبيبنا على إثراء البوست. محبتي
02-03-2017, 05:36 PM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
اذكر تماماً ان السر قدور كان يكتب ويوثق فى عموده اليومى اساتذة وتلاميد فى جريدة الخرطوم اثناء صدورها من القاهرة فى فترة التسعينات من القرن الماضى للفن السودانى وكان للفنان الهرم ابراهيم الكاشف نصيب كبير فى تلك التوثيق حيث اننى كنت اشترى الجريدة يوميا ..
وياريت السر قدور يقوم بتجميع تلك الاعمدة واصدارها فى كتاب بنفس العنوان او اى عنوان اخر ..
شكرا استاذ / الفاتح ميرغنى على البوست الشحمان ..
أستاذ /علاء سيد أحمد شكرا ليك يا عزيزنا على إشراكنا في ذكريات القاهرة والإضاءات حول عمود السر قدور" أساتذة وتلاميذ". مرورك أضفى على البوست القاً وبهاءً.
محبتي
02-04-2017, 03:57 PM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
ياخ رسل دعوة عاجلة لناس الموصلي والجماعة ديل أحسن من ما نجوبك ليك الخيط الرفيع دا ياخ (رفيع المكانة طبعا) المهم: بالنسبة للجزئية دي : ((وممكن يجي واحد ويقول:" الايقاعات تتبع الأنهار وليس البحار"، ويدلل بايقاع العشرة بلدي، على سبيل المثال، والذي استعرناه من المصريين في بعض الأغاني السودانية، وفي ذات الوقت ممكن يجي واحد تاني وينفي المسألة دي ويقول:|" المصريون لم يتأثروا بايقاعاتنا، الصاخبة أوالدافئة.))
وأقول أن: المصريين لم يتأثروا من ثقافتنا بشئ وذلك يرجع لأسباب كثيرة منها النظرة الاستعلائية للمصريين تجاهنا .. وبكل أسف أقول ذلك أن شمال الوادي ينظر لجنوبه على أنه مملكة تابعة أو مكانة أقل لذلك لم يأخذوا منا شئ .. وكانت هنالك محاولات قديمة خجولة تخللت بعض الأعمال الفنية المصرية ولكن يظل فنان جنوب الوادي هو السفرجي والبواب فقط في مسرح الفنون المصرية. دا طبعاً لو استثنينا بعض الأعمال الجادة القليلة والتي أتجهت من جنوب الوادي لشماله. والكلام دا طبعاً إذا أخذنا بالقول أن الثقافة الأقوى هي التي تكون أكثر تأثيراً
ياخ رسل دعوة عاجلة لناس الموصلي والجماعة ديل أحسن من ما نجوبك ليك الخيط الرفيع دا ياخ (رفيع المكانة طبعا) المهم: بالنسبة للجزئية دي : ((وممكن يجي واحد ويقول:" الايقاعات تتبع الأنهار وليس البحار"، ويدلل بايقاع العشرة بلدي، على سبيل المثال، والذي استعرناه من المصريين في بعض الأغاني السودانية، وفي ذات الوقت ممكن يجي واحد تاني وينفي المسألة دي ويقول:|" المصريون لم يتأثروا بايقاعاتنا، الصاخبة أوالدافئة.))
وأقول أن: المصريين لم يتأثروا من ثقافتنا بشئ وذلك يرجع لأسباب كثيرة منها النظرة الاستعلائية للمصريين تجاهنا .. وبكل أسف أقول ذلك أن شمال الوادي ينظر لجنوبه على أنه مملكة تابعة أو مكانة أقل لذلك لم يأخذوا منا شئ .. وكانت هنالك محاولات قديمة خجولة تخللت بعض الأعمال الفنية المصرية ولكن يظل فنان جنوب الوادي هو السفرجي والبواب فقط في مسرح الفنون المصرية. دا طبعاً لو استثنينا بعض الأعمال الجادة القليلة والتي أتجهت من جنوب الوادي لشماله. والكلام دا طبعاً إذا أخذنا بالقول أن الثقافة الأقوى هي التي تكون أكثر تأثيراً
مودتي
سلام عزيزنا عمر،، طبعا زي ما قلت ليك في مداخلتي السابقة بتفق معاك في مسألة " التأثير والتأثر"، لكن في مجال المزيكا تحديداً المسألة معقدة وصعبة جداً، زي الحُب، لأنها مرتبطة بالوجدان والتذوق. صحيح الوجدان الإنساني واحد، ومع ذلك يصعب جداً أن نجد تفسير علمي او أدبي لمسألة إختلاف درجة التذوق الموسيقي. مرة سألوا الممثل العظيم والناشط الراحل، مارلون براندو: لماذا لا يحب الموسيقى الأمريكية، فقال المسألة ليست لها علاقة بما فعلته أمريكا بالهنود الحمر". فمسألة إختلاف الذائقة الموسيقية دي محيرة حتى على مستوى الوطن الواحد. فقد نختلف أنا وأنت في فنان معين،بالرغم من إبداعه، ونتفق في فنان آخر. أهل العلم قالوا" لمن يحب الإنسان موسيقى محببة إلى نفسه أو يتناول وجبة شهية، عقله بيفرز مادة اسمها: Dopamine"، مهمتها اثارة الإحساس بالمتعة.و لكن طبعا ما وضحوا لينا السبب البخلي العقل في الاصل يفرز المادة العجيبة دي شنو، خاصة لمن تسمع الكاشف أو ويتني هيوستون أو بوب مارلي؟ بتفق معاك أن الثقافة الأقوى ممكن يكون لديها تأثيرات في مجالات عديدة، ما عدا حب الموسيقى، فهو، في تقديري المتواضع، من الأمور التي لا يمكن فرضها بالفرمانات أو البوارج العسكرية! مشكور يا حبيب مجدداً على إثراء البوست بمداخلاتك الدسمة. محبتي
02-07-2017, 07:19 AM
عمر أبوعاقلة
عمر أبوعاقلة
تاريخ التسجيل: 04-11-2016
مجموع المشاركات: 1321
مسألة القوة في الثقافة لا تعني البوارج بالتأكيد ولكن قصدت قوة التأثير .. وقوة الانتاج الفني وقوة العمل الفني نفسه من ناحية الامكانات والتكنيك الفيه قصدت القوة من حيث درجة الانتشار وكل العوامل الأخرى التي تميز عمل فني عن آخر.
لكن: النقطة الأساسية الأثارت الموضوع دا هي البحار والأنهار برجع ليك فيها برواقة.
مودتي
02-07-2017, 04:44 PM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
مسألة القوة في الثقافة لا تعني البوارج بالتأكيد ولكن قصدت قوة التأثير .. وقوة الانتاج الفني وقوة العمل الفني نفسه من ناحية الامكانات والتكنيك الفيه قصدت القوة من حيث درجة الانتشار وكل العوامل الأخرى التي تميز عمل فني عن آخر.
لكن: النقطة الأساسية الأثارت الموضوع دا هي البحار والأنهار برجع ليك فيها برواقة.
مودتي
سلامين يا صاحبي السمح والزين. بتفق معاك في مسألة قوة التأثيرنتيجة لقوة الإنتشار والترويج، الإنتاج ...إلخ. من جانبي قصدت اقول إنو تأثير القوة الناعمة في بعض جوانبها كالموسيقى، يأتي بالتلقائية والاريحية نتيجة مثاقفة Enculturation ولا يمكن فرضها كما هو الحال في بعض الجوانب الأخرى.واستخدمت البوارج على سبيل المجاز! باقي لي مقولة " البحار والأنهار" دي حتودينا لترع لولي وبحار ياقوت! في انتظار طلتك البهية. محبتي
02-07-2017, 05:10 PM
Elmosley
Elmosley
تاريخ التسجيل: 03-14-2002
مجموع المشاركات: 34683
Quote: حبيبنا الفاتح ياخي ما قلنا ليك ازنقو في اغنيتو كبرياء من كلماتو والحاني غناء البلالبل زانت وعدت
حبيبنا الموسيقار الجميل، الموصليما نسيتك وما جفيتك. طبعاً اتكلمت مع السر قدور، وقلت ليهو بالحرف: حابي انقل ليك عتاب رقيق من صديقنا الموسيقار الموصلي حول أغنية البلابل " كبرياء". وردّ ، بعد ضحكة فرايحية، وقال لي:" ياخ البلابل كان يفترض نعمل معاهن حلقة وبالضرورة، ونتكلم فيها عن إنتاجهن ما بعد تجربة بشير عباس، وبالضرورة حنتعرض فيها لتجربتهن مع يوسف، وهو موسيقار كامل الدسم" على حد تعبيره. ورديت ليك في بوست البرومو وقلت ليك راجع المسنجر يا حبيبنا. والحقيقة شعرت بأنو السر قدور بيكن ليك وللبلابل معزة خاصة، ويمكن لو رجعت لرده على سؤالي في نهاية الكليب الأول حول إهدائك أغنية " الكلام القالوا عنك" للفنانة آمنة حيدر، حتلمس تلك المحبه والإعجاب من خلال الكلام القالو عنك، وكذلك الكلام القالو عن تجربة البلابل، في الجزء الثالث من الحوار الذي ساقوم بانزاله. وبالمناسبة " كبرياء" دي من الحاجات الحالمة في إنسياب المولدية واللازمات الشجية، وحقيقة أكثر من رائعة ، زي ما قال حبيبنا المرهف، عمر ابو عاقلة. قبل كم يوم كده، قطعنا فيك انا وابراهيم سوناتا لأنو رسل لي صورة مع ناس الزمن الجميل:ماهر تاج السر وميرغني الزين وميكائيل. وقلت ليهو أحسن تجونا وجيبوا معاكم الموصلي لأنو بلدكم ام حِيط دي بقت ما مضمونة. ههههه
Quote: شاهدت السر قدور بصورة مختلفة جدا .. وكانت صورة رائعة بالتأكيد .. وحتى اني بحثت عن الجزء الثالث في اليوتيوب و ,, مازلت أبحث
شكرا الفاتح .. شكرا جميلا .
عزيزنا دكتور/ محمد حيدر المشرف تحياتي النواضر،، ياخ والله شاكر ليك ملاحظاتك الثاقبة ورؤيتك للسر قدور، وإستقطاع جزء من وقتك في هذا الزمن الممحوق للبحث عن الجزء الثالث. إن شاء الله حأنزّله بكرة او بعد بكرة، وأتمنى أن يرتقى لمصاف توقعاتكم، فأانت رجل ذوّاق.!
محبتي
02-10-2017, 04:47 PM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
في هذا الجزء تطرق الحوار إلى قصر عمر التجارب النسائية فنياً، وتجربة البلابل والموسيقار بشير عباس، وتجربة الفنانة عافية حسن، وبرنامج أغاني وأغاني، ومعايير اختيار المشاركين في هذا البرنامج، علاوة على آخر أعماله الشعرية: "قريت إسمك على أوراق قديمة".
Quote: الفاتح ميرغني .. وشركاه رف قلبي بجناح النسايم لقاك عبارة عن مهرجان بشبه المهرجان حق: الكاشف والسر قدور .. وايقاع النوبة الاتقلب (سامبا) عند الكاشف هنا تحديدا
عزيزنا الفنان المبدع/ احمد ياسين نوّر بيتنا يمين الله يا أحمد تعبير " ايقاع النوبا الإتقلب سامبا" ده تعبير خرافي! تصدق الكاشف ده بزيدني دهشة كل ما أفكر فيه وأتامل! فنان ابداعه كان يمر عبر سلسلة من التحديات. زول لا يكتب ولا يقرأ، بل يعتمد فقط على قوة الذاكرة عشان يحفظ النص، ثم يوائم بين هذا النص وخياله الموسيقى الوثاب، ويصدح بصوت عذب وغريد، وفوق هذا وذاك لديه إحساس جياش بالفن والمعاني، كما يقول السر قدور. يقال والعهدة على الراوي: الكوري مستر باك عندما اراد توزيع " حبيبي أكتب لي" طلب الإطلاع على النوتة الكتبها الكاشف، مع إنه هو نفسه ممكن ينوتها ، وعندما علم بأن الكاشف لم يكن يقرأ أو يكتب كان وقع الخبر صاعقاً عليه مثل إنقسام شبه الجزيرة الكورية!
فرهدت بيك فرهيد،
محبتي
02-11-2017, 06:17 PM
Ahmed Yassin
Ahmed Yassin
تاريخ التسجيل: 01-31-2013
مجموع المشاركات: 5507
الفاتح ... لو في امكانية الواحد يغني ليك الوافر ضراعو الى ان نصل الى (يا الفاتح .. المابشبهوكا) ايقاع دلوكة وعلى تفانين الخماسي من مهلة العبادية مرورا الى ابراهيم عوض فخر لنا وللسودان ان يكون ابن من ابنائه بهذا المستوى من الفكر والثقافة وادارة الحوارات بشكل .. يخرج الدرر والنفائس من الطرف الاخر القام بتوزيع (حبيبي اكتب لي) هو .. مستر كيم اوقمان استاذ الصوت ودا كان معجب جدا بصوت سمية حسن وكان يتنبأ ليها بانها تاخد مكانة في خارطة الغناء السوداني .. بصوتها السوبرانو الفريد .. ولكن اتت رياح سمية بما لا تشتهي سفن مستر كيم او حتى ايزو ماستريللي الكاشف كان قريب من قلوب الجماهير ... والسر كان ايقاع النوبة و حفلاته كانت عبارة عن حولية من شدة الطرب والابتهاج والتماهي ... والمزاج السوداني هو ايقاع الطبول الافريقية الكاشف يا الفاتح هو كاسر الرتابة الاول في الاغنية السودانية هو المدخل للغناء العصري شوف اصهب اغني هي (فتنت بيه) شوف المقامات والطلوع والنزول والاجهاد الصوتي وفيها كسر مركب للرتابة خلي بالك يا الفاتح من الجا ي دا ابراهيم الكاشف ابوجبل كان اميا ...ولكن من من الملحنين قديما وحديثا وفي هذه الدنيا من من الموسيقيين واساتذة التاليف يستطيع ان يلحن بحر شعري .. طويل اغنية عبيد عبدالرحمن : افكارى الحيارا .. ضاعت باختيارا
عارف يا حيدر كلامك دا قد ذهب بنا مذهبا بعيدا متدفقا كماء النيل الفاتح ميرغني مستندا على ارث ثقافي عميق زي سرور ما استند على ذكائه وبعد نظره واحساسه الفني العجيب وحارب (الطنبارة) وكانت حرب شعواء شرسة هو بمساعدة العبادي من ناحية و فريق (الطنبارة) بقيادة حسن بيومي وعبدالغفار وحماد واخوهو بلال ابوكدر وخضر الرومي وبقية الرهط .. من الجانب الاخر وتقهقر الطنبارة امام نوع جديد من الغناء
02-12-2017, 01:13 AM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
Quote: الفاتح ... لو في امكانية الواحد يغني ليك الوافر ضراعو الى ان نصل الى (يا الفاتح .. المابشبهوكا) ايقاع دلوكة وعلى تفانين الخماسي من مهلة العبادية مرورا الى ابراهيم عوض فخر لنا وللسودان ان يكون ابن من ابنائه بهذا المستوى من الفكر والثقافة وادارة الحوارات بشكل .. يخرج الدرر والنفائس من الطرف الاخر القام بتوزيع (حبيبي اكتب لي) هو .. مستر كيم اوقمان استاذ الصوت ودا كان معجب جدا بصوت سمية حسن وكان يتنبأ ليها بانها تاخد مكانة في خارطة الغناء السوداني .. بصوتها السوبرانو الفريد .. ولكن اتت رياح سمية بما لا تشتهي سفن مستر كيم او حتى ايزو ماستريللي الكاشف كان قريب من قلوب الجماهير ... والسر كان ايقاع النوبة و حفلاته كانت عبارة عن حولية من شدة الطرب والابتهاج والتماهي ... والمزاج السوداني هو ايقاع الطبول الافريقية الكاشف يا الفاتح هو كاسر الرتابة الاول في الاغنية السودانية هو المدخل للغناء العصري شوف اصهب اغني هي (فتنت بيه) شوف المقامات والطلوع والنزول والاجهاد الصوتي وفيها كسر مركب للرتابة خلي بالك يا الفاتح من الجا ي دا ابراهيم الكاشف ابوجبل كان اميا ...ولكن من من الملحنين قديما وحديثا وفي هذه الدنيا من من الموسيقيين واساتذة التاليف يستطيع ان يلحن بحر شعري .. طويل اغنية عبيد عبدالرحمن : افكارى الحيارا .. ضاعت باختيارا
الموضوع طويل يا الفاتح ياخوي
عزيزنا Ahmed Yassin هسع الواحد يقول ليك شكرا على المداخلة الرصينة، ولا على الورقة البحثية،ولا الملاحظات المثيرة للتأمل، ولا تسليط المزيد من الضوء المبهر على عبقرية الكاشف، ولا شنو، حقيقة ما عارف! بالجد مداخلة عبارة عن كشكول من الإضاءات المبهرة! . فعلاً المزاج السوداني هو ايقاع طبول، وممكن نقول كمان الفطرة السودانية صوفية. مرة قريت لمنصور خالد قوله: " ليس مصادفة ان اوسع الطرق الصوفية ذيوعاً فى السودان هى الطريقة القادرية، اكثر الطرق تأفرقا فى ذكر الله بطبولها الداوية، وايقاعاتها الراقصة. ولو بقيت القادرية الجيلانيه فى صورتها الاولى كما وردت فى الحزب السيفى من اوراد القطب الربانى السيد احمد بن أدريس لما كتب لها الذيوع". وده يؤكد ملاحظتك حول وقع الايقاع في الوجدان السوداني. السر قدور قال : " سرور ابدع في استلهام ايقاعات المدايح وبنى عليها، زي مدحة: " النبي المختار، يا عزولي.. ليهو من الشام جات حمولي" وغنى:" برضي ليك المولى الموالي .. فيك لازم الصبر الجميل" وأنت جيت سلطّت لينا ضوء آخر كاشف في قدرة الكاشف على تلحين بحر شعري! " افكاري الحيارا ..ضاعت باختيارا" يا أخوي أنت ذاتك حيّرت افكاري معاك! مشكور على تصحيح اسم الاستاذ الكوري.
محبتي
02-12-2017, 09:12 AM
عمر أبوعاقلة
عمر أبوعاقلة
تاريخ التسجيل: 04-11-2016
مجموع المشاركات: 1321
نسأل الله تعالى أن يتغمد عضو البورد د.عبد الوهاب بوب بواسع رحمته مع الصديقين والشهداء. صادق التعازي موصولوة لآله وذويه وأعضاء سودانيزاون لاين على هذا الفقد الجلل. إنا لله وإنا إليه راجعون.
--- شكرا للمتداخلين وبجيكم برواقة.
محبتي
02-13-2017, 08:10 AM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
Quote: ياسلام يا احمد يس وعمر ابوعاقلة وانتو تتفننوا في الحكي المُقعّد بمصاحبة سيد الدار الفاتح جوقة طرب اضفت على البوست ألقا على ألق احبكم كلكم ياخ
عزيزنا حيدر "بيك هللوا البابين وفرحت شبابيكنا" عجبني توصيفك للأحباب عمر ابوعاقلة وأحمد يسين. فحبيبنا عمر كان صدى صوت مبكّر للعرّافة فيرا ليون، وصديقنا المبدع أحمد يسين، قام بوضع الموسيقى التصويرية والهارموني، و تعليقات الضيوف وقراءاتهم أضفت المزيد من الألق والبهاء.
محبتي
02-13-2017, 02:26 PM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
Quote: حيدرنا يا حيدرنا هسه عليك الله تختني مع أحمد ياسين في فرع شجرة الفاتح دي وسط ايقاع النوبة الانقلب لي سامبا وأفكاري الحيارا وكبرياء ناس الموصلي وتجي تقول لي بحبكم
غايتو يا حبيب " ايقاع النوبة الإتقلب سامبا" ده تعليق بارومة الشانيل. وبعدين ياخ فرع شنو وشجرة شنو، ونحن لسع بنمشي جنب حيطة ترامب ديك
Quote: ملهم يا ملهم لو عارفين حاجات الفاتح دي بتجيبك كان حندكنا ليك من زمااااان أوي ما تغيب ياخ
ملهم ياعمر، شخصية ودودة وكشكول من القصص العجيبة والسرد البديع.
Quote: كسرة: صديقي الجميل الفاتح .. بشاهد الجزء الثالث بي مهل وبجيك صاد
" عود لينا يا ليل الفرح". محبتي
02-18-2017, 00:10 AM
الفاتح ميرغني
الفاتح ميرغني
تاريخ التسجيل: 03-01-2007
مجموع المشاركات: 7488
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة