|
Re: الاستلاب الثقافي في مفردات المعايدة بمنا� (Re: امجد الجميعابى)
|
Quote: ههههههه دا شغل بتاع جلابة |
توضيح: الجلابة جزء من كل .. ويقال ان نسبتهم من الكل تمثل 5%..
ما يشطح بيك الخيال و تفتكر ان هوية (سوداني) هذه ماركة مسجلة باسم الجلابة .. فيبقى ده شغل بتاع سودانيين و ليس العكس ..
وقع ليك ولا انادي ليك بشاشة يحقنك حقنة كوشية تعيدك الى صوابك ... بالمناسبة يا جميعابي انا كنت مستمتع جداً بطقطيق بشاشة ليك في بوست المعتوه عز الدين المشى الخور ...
| |
|
|
|
|
|
|
Re: الاستلاب الثقافي في مفردات المعايدة بمنا� (Re: حيدر حسن ميرغني)
|
Quote: صحيح الاستلاب حاصل كما تفضلت ياسمعة قد يكون تأثير من الإغتراب فضلا عن تطور الاعلام الخليجي اللي ساهم في نشر مفرداتهم مثله مثل الاعلام المصري من خلال الدراما والسينما - عجبني الفكاهي محمد موسى في تناوله لهذا التاثير بداية ظهور فرقتهم الفكاهية ملاحظة في محلها يامان وعيدك سعيد ياخ |
يا حيدر مبروك العيد سعيد وبخيت الله يخلي ليك امك وابوك ويخلي ليك عيالك (في حال عندك عيال) يزورك المصطفى يديك مره هدية ورضية (في حال انك ما متزوج) و..و...و... الكثير من المفردات الاصيلة ..
افتكر السبب الرئيس هو التماهي في البيئات الجديدة و حالة الاحباط العام الذي اكتنف الشخصية السودانية بسبب الهزات العنيفة التي تعرضت لها جراء تخبط المنظومة الحاكمة في سياساتها مع من حولها من هذه البلدان التي للسودانيين فيها وجود كثيف ..
| |
|
|
|
|
|
|
Re: الاستلاب الثقافي في مفردات المعايدة بمنا� (Re: امجد الجميعابى)
|
Quote: انت بتقرأ بكضومك شكلك |
سؤال بريء يا جميعابي: الشاب الفي بروفايلك الكضوم جابها من وين ؟؟؟؟؟؟؟؟؟؟؟
Quote: و الله بشاشتك دخلتو في حتة قريب دا ما بيمرق منها |
ههههههههههههههههههه ياخي ده السواها فيك ميسي في الكورة ما سواها ... غايتو الله رحمك بالخور ..
هذه العبارة البذيئة لا تصدر الا من شخص مفلس وعديم منطق ... عليك الله يا جميعابي العبارة دي لو قراها الشاب الوجيه اب كضيمات ده يقول عن ابوه شنو ؟؟؟
| |
|
|
|
|
|
|
Re: الاستلاب الثقافي في مفردات المعايدة بمنا� (Re: محمد البشرى الخضر)
|
سمعة علك ما زعلت الشاب الفي بروفايلي دا خلو ما عليك منو بتكلم معاك ابوهو انت عارف الشاب دا منو لو عارف دي ما بتسأل. بعدين انت و بشاشا قلوط مقسوم النص دي ما اساءة دا توصيف دقيق شديد المهم دا السودان كدا عاجبك عاجبك ما عاجبك تشيل سبتك بتاع السعف و تبقى مارق اوعك تتكلم عن حوازمة او رزيقات او بني هلبة او ماهرية او مسيرية او او او و اياك ثم اياك ان تقترب من اهلي الفور و المساليت ووووو فهمت يا نص البتاع البكملو بشاشا
| |
|
|
|
|
|
|
Re: الاستلاب الثقافي في مفردات المعايدة بمنا� (Re: امجد الجميعابى)
|
Quote: سمعة علك ما زعلت الشاب الفي بروفايلي دا خلو ما عليك منو بتكلم معاك ابوهو انت عارف الشاب دا منو لو عارف دي ما بتسأل. بعدين انت و بشاشا قلوط مقسوم النص دي ما اساءة دا توصيف دقيق شديد المهم دا السودان كدا عاجبك عاجبك ما عاجبك تشيل سبتك بتاع السعف و تبقى مارق اوعك تتكلم عن حوازمة او رزيقات او بني هلبة او ماهرية او مسيرية او او او و اياك ثم اياك ان تقترب من اهلي الفور و المساليت ووووو فهمت يا نص البتاع البكملو بشاشا |
يا جميعابي بكل بساطة ياخ انا فاتح البوست والحمد لله بكري اضاف خاصية مسح المداخلات لكن برضو الواحد لازم يكون ديمقراطي و يخلي الناس تعبر عن رايها حتى ولو كان هذا الراي خارج موضوع البوست .. غايتو اذا ما اهتديت المكنسة خامّاك خامّاك ..
| |
|
|
|
|
|
|
Re: الاستلاب الثقافي في مفردات المعايدة بمنا� (Re: امجد الجميعابى)
|
الله يسلمك ياسمعة مجمع اللغة العربية في القاهرة كان في اجتماعاته بيحاولوا يحصروا بعص المفردات المتداولة في الدول الاعضاء في المجمع ممثل السودان كان الراحل الدكتور عبد الله الطيب لا ادري بطبيعة مساهماته في هذا الشأن لكنه كان يكتب عن الاجتماعات وعن خلاف بعض الاعضاء حول بعض المفردات التي اتفقوا عليها - نعم التماهي مشكلة كبيرة يجعل من الفرد مجرد تابع لايستطيع فرض ثقافته ولهجته .. وده عدم وعي
| |
|
|
|
|
|
|
Re: الاستلاب الثقافي في مفردات المعايدة بمنا� (Re: حيدر حسن ميرغني)
|
Quote: طيب رايك شنو في : عساكم من عواده ؟؟؟؟ دي برضها عبارة سودانية ؟؟؟؟؟؟؟ |
عساكم من عواده خليجية مافي خلاف في ذلك عشان كدا ما جبت سيرتها في مداخلتي الأولى التي حددت فيها عبارة ينعاد عليكم تحديدا وذلك لأني كنت اسمعها من جدتي رحمها الله التي لم تختلط بأي من الشعوب العربية الأخرى طيلة حياتها.
| |
|
|
|
|
|
|
Re: الاستلاب الثقافي في مفردات المعايدة بمنا� (Re: محمد البشرى الخضر)
|
الأخ اسماعيل كل عام و أنتم و المتداخلين و المتابعين بخير و عافية هو نوع من التماهي كما ذكرت و نوع من الاستلاب الثقافي إلى حد ما. و لكن في نسبة كبيرة من الشباب من المغتربين ( الذين لا يقل عددهم عن المليون و نصف او مليونين) نشاوا في بلدان تعودوا الكلام في حياتهم اليومية على استخدام لهجة تلك البلاد و نطقوا بلسان تلك البلاد منذ ميلادهم. أو عاشوا عشرات السنين فيها و جرى لسانهم على ذلك. هؤلاء لا أعتقد الموضوع بالنسبة لهم موضوع استلاب ولكنه تعوُّد لطول العهد بهم عن استخدام اللهجة السودانية و كلٌ حسب ظروفه. و إيه رايك انا شغال وسط مجموعة من الخليجيين( بدون ذكر الجنسية) كل كلامهم في المكتب باللهجة السودانية، ينطقونها كانهم سودانيين. و ذلك لطول معاشرتهم لعدد من السودانيين و لتواجد هؤلاء الخليجيين وسط مجموعة من الشباب السودانيين في مكاتب او مكان عمل كان السودانيين فيه أغلبية يوماً ما. فهل ده برضه يسمى استلاب؟ عندي بنتي اصلا لا تتكلم إلا باللهجة السودانية و أقرب صديقاتها فلسطينية . هذه الفلسطينية لا تتحدث إلا اللهجة السودانية و هي لم ترى السودان و لكن من معاشرة السودانيين( ملحوظة: لاحظت أن الفلسطينيين في العمل معنا و في اماكن أخرى من اكثر الجنسيات التي تتماهى مع اللهجة السودانية). فالتعميم في بعض الاحيان بيكون مُخِلْ. و كل عام و انتم بخير.
| |
|
|
|
|
|
|
Re: الاستلاب الثقافي في مفردات المعايدة بمنا� (Re: محمد عبد الله الحسين)
|
تحية طيبة
الحبيب اسماعيل طابت ايامك
العيد بخيت وسعيد عليك
ربنا يحقق كل امانيك
العفو والعافية
.......................
الاستلاب موجود بس ما في حتة المباركة بالعيد المباركة دي من الاسلام وبالطبع مرتبطة باللغة العربية . في السودان الغالبية تستخدم عيد مبارك . العيد اتبارك . العيد مبارك )عيدن جانا وجاكم خيرن جانا وجاكم ) بعض المجموعات تواصل الدعوات بلغتها بعد جملة العيد مبارك فلو جينا نقيس حتة المباركة دي ونرجعها للسودانية ما بنلقى حاجة سودانية جامعة تكون مرجع فلكل لغته وطريقة مباركته لكن (بالاسلام) يستخدم الناس مفردات اللغة العربية يعني ما ممكن امسك اي واحد من المجموعات الغير عربية حين اجده يبارك باللغة العربية واسميه مستلب (رغم انو لغتنا السودانية دي خليط من عدة لغات)
..... لكن لما تلقى زول من ناس السودان ويشبكك والله طال عمرك الحين انا في سائر في الطريق . توني اتصلت فيه الريال سكر الجوال في (ويهي) اها ده اقنع منو لانو لو قلت ليه استلاب ولا غيرو ما بنعدل
على كل حال
الشغلة دي ما فيها مضرة ياخ وخلو اي زول ينقز على الدقة البتعجبو وكان مشى وين ووين في النهاية بكون سوداني لانو مبسوط من ذكرى تهراقا و بعانخي وحرقة المك للباشا وسيرة سيدي الامام المهدي عليه السلام . وبسالة ودتورشين في ام دبيكرات وكرم علي دينار لاهل الحرمين وفرتقة الصندوق الانقليزي من ناس عثمان دقنة . بطرب لوردي وبحزن مع ابوالسيد بردم مع عبدالقادر سالم ويدق الكرن مع عمر احساس ويهجج حتى مع زبيدة الانقاذ ونجاة غرزة ومن لف لفهن ياخ التركيبة السودانية دي عجيبة زي ما قال بتاع النكات داك دي حاجات حقتنا برانا ولو اي زول بهل العندو من محبة لاخوه ياخي البلد تغرق محبة بدل غرقتها في الحروب دي
الجزئية الاخيرة دي اسمح لي ان اوجهها ليك بصورة شخصية واتمعنها برواقة بعيدا من بلاوي الاسافير وهرطقات الساسة
والسودان ماهل ياخ
.........
و
حياك طال عمرك (وش باسم)
| |
|
|
|
|
|
|
Re: الاستلاب الثقافي في مفردات المعايدة بمنا� (Re: الجنيد حمد)
|
حبيبنا إسماعيل .. كل عام وانت بخير ..
من الاجمل أن نعرف عبارات المعايدة بالاسنة واللغات واللهجات السودانية
كنموذج : كرويق آنج نل ( بالنوبية الدنقلاوية ) كروييق آنجا نيلي ( بالنوبية المحسية ) ليت الاخوان من السودان يأتون بنماذج العربي ما مشكلة مع أننا يا إسماعيل في أقصى الشمال تعلمنا العربي في المدارس يعني مثلا عند أهلنا الفور وأهلنا ناس شرق ...والجبال والنيل الازرق ..... الخ
مودتي
| |
|
|
|
|
|
|
Re: الاستلاب الثقافي في مفردات المعايدة بمنا� (Re: الجنيد حمد)
|
Quote: تحية طيبة
الحبيب اسماعيل طابت ايامك
العيد بخيت وسعيد عليك
ربنا يحقق كل امانيك
العفو والعافية
.......................
الاستلاب موجود بس ما في حتة المباركة بالعيد المباركة دي من الاسلام وبالطبع مرتبطة باللغة العربية . في السودان الغالبية تستخدم عيد مبارك . العيد اتبارك . العيد مبارك )عيدن جانا وجاكم خيرن جانا وجاكم ) بعض المجموعات تواصل الدعوات بلغتها بعد جملة العيد مبارك فلو جينا نقيس حتة المباركة دي ونرجعها للسودانية ما بنلقى حاجة سودانية جامعة تكون مرجع فلكل لغته وطريقة مباركته لكن (بالاسلام) يستخدم الناس مفردات اللغة العربية يعني ما ممكن امسك اي واحد من المجموعات الغير عربية حين اجده يبارك باللغة العربية واسميه مستلب (رغم انو لغتنا السودانية دي خليط من عدة لغات)
..... لكن لما تلقى زول من ناس السودان ويشبكك والله طال عمرك الحين انا في سائر في الطريق . توني اتصلت فيه الريال سكر الجوال في (ويهي) اها ده اقنع منو لانو لو قلت ليه استلاب ولا غيرو ما بنعدل
على كل حال
الشغلة دي ما فيها مضرة ياخ وخلو اي زول ينقز على الدقة البتعجبو وكان مشى وين ووين في النهاية بكون سوداني لانو مبسوط من ذكرى تهراقا و بعانخي وحرقة المك للباشا وسيرة سيدي الامام المهدي عليه السلام . وبسالة ودتورشين في ام دبيكرات وكرم علي دينار لاهل الحرمين وفرتقة الصندوق الانقليزي من ناس عثمان دقنة . بطرب لوردي وبحزن مع ابوالسيد بردم مع عبدالقادر سالم ويدق الكرن مع عمر احساس ويهجج حتى مع زبيدة الانقاذ ونجاة غرزة ومن لف لفهن ياخ التركيبة السودانية دي عجيبة زي ما قال بتاع النكات داك دي حاجات حقتنا برانا ولو اي زول بهل العندو من محبة لاخوه ياخي البلد تغرق محبة بدل غرقتها في الحروب دي
الجزئية الاخيرة دي اسمح لي ان اوجهها ليك بصورة شخصية واتمعنها برواقة بعيدا من بلاوي الاسافير وهرطقات الساسة
والسودان ماهل ياخ
.........
و
حياك طال عمرك (وش باسم) |
الجنيد مبروك العيد سعيد وبخيت ..
| |
|
|
|
|
|
|
Re: الاستلاب الثقافي في مفردات المعايدة بمنا� (Re: محمد عبد الله الحسين)
|
Quote: الأخ اسماعيل كل عام و أنتم و المتداخلين و المتابعين بخير و عافية هو نوع من التماهي كما ذكرت و نوع من الاستلاب الثقافي إلى حد ما. و لكن في نسبة كبيرة من الشباب من المغتربين ( الذين لا يقل عددهم عن المليون و نصف او مليونين) نشاوا في بلدان تعودوا الكلام في حياتهم اليومية على استخدام لهجة تلك البلاد و نطقوا بلسان تلك البلاد منذ ميلادهم. أو عاشوا عشرات السنين فيها و جرى لسانهم على ذلك. هؤلاء لا أعتقد الموضوع بالنسبة لهم موضوع استلاب ولكنه تعوُّد لطول العهد بهم عن استخدام اللهجة السودانية و كلٌ حسب ظروفه. و إيه رايك انا شغال وسط مجموعة من الخليجيين( بدون ذكر الجنسية) كل كلامهم في المكتب باللهجة السودانية، ينطقونها كانهم سودانيين. و ذلك لطول معاشرتهم لعدد من السودانيين و لتواجد هؤلاء الخليجيين وسط مجموعة من الشباب السودانيين في مكاتب او مكان عمل كان السودانيين فيه أغلبية يوماً ما. فهل ده برضه يسمى استلاب؟ عندي بنتي اصلا لا تتكلم إلا باللهجة السودانية و أقرب صديقاتها فلسطينية . هذه الفلسطينية لا تتحدث إلا اللهجة السودانية و هي لم ترى السودان و لكن من معاشرة السودانيين( ملحوظة: لاحظت أن الفلسطينيين في العمل معنا و في اماكن أخرى من اكثر الجنسيات التي تتماهى مع اللهجة السودانية). فالتعميم في بعض الاحيان بيكون مُخِلْ. و كل عام و انتم بخير. |
اخي محمد عيداً مبارك علينا عليكو يلمكو مع الغايبين يديكو الفي نيتكو ..
| |
|
|
|
|
|
|
Re: الاستلاب الثقافي في مفردات المعايدة بمنا� (Re: اسماعيل عبد الله محمد)
|
كل عام والجميع هنا بخير
انا مابين الغربة والوطن تمنطاشر سنة لم اسمع سوداني يقول " عساك من عواده" الكلام السمعناهو من اجدادنا وحبوباتنو " ان شاء الله من العايدنو" هل سمعت الكلام دا يا سمعة باضانك دي ام تم نقله اليك في الونسات العادية التي كلنا نبالغ فيها. ام من تمثيليات ناس محمد موسى؟
وان شاء الله كلكم من العايدينو
| |
|
|
|
|
|
|
Re: الاستلاب الثقافي في مفردات المعايدة بمنا� (Re: MOHAMMED ELSHEIKH)
|
Quote: كل عام والجميع هنا بخير
انا مابين الغربة والوطن تمنطاشر سنة لم اسمع سوداني يقول " عساك من عواده" الكلام السمعناهو من اجدادنا وحبوباتنو " ان شاء الله من العايدنو" هل سمعت الكلام دا يا سمعة باضانك دي ام تم نقله اليك في الونسات العادية التي كلنا نبالغ فيها. ام من تمثيليات ناس محمد موسى؟
وان شاء الله كلكم من العايدينو |
محمد الشيخ عيداً مبارك عليك وانشاء الله من العايدينو .. انا كذلك غربتي ما بين الوطن و الخليج تجاوزت الثلاثة عشر سنة و كل عيد اسمع هذه المعايدة الخليجية من عدد من السودانيين الحوالينا ..سمعتها باضاني دي ..
| |
|
|
|
|
|
|
Re: الاستلاب الثقافي في مفردات المعايدة بمنا� (Re: اسماعيل عبد الله محمد)
|
الجميعابي "دخلتو في حتة قريب دا ما بيمرق منها انت و هو فهمكم زي بعض قلوط مقسوم النص"
ول ابا سماعين حبابك عشرة وعيد مبارك زائدين وما ناقصين ، ليس غريبا على حفيد تاجر الرقيق ودعاة الاستلاب السوداني ، جرايم ابناء تجار الرقيق ولغتهم المستخدمة وأفعالهم بالمعتقلين ظاهرة للعيان فنفس ما ينطق به الجميعابي ورهطه هو نفس ما يعاني منه المعتقلون وشهد به المفرج عنهم من شطة بالمناطق الحساسة واغتصاب الضحايا ، فمن كان جده كريما ومعطاءا لها لإسماعيل باشا فليس غريبا ان يتفوه بها دون مراعاة الذوق العام فهذا هو اصله وتلك هي لغته
| |
|
|
|
|
|
|
Re: الاستلاب الثقافي في مفردات المعايدة بمنا� (Re: أبوبكر عباس)
|
Quote: على كل حال
الشغلة دي ما فيها مضرة ياخ وخلو اي زول ينقز على الدقة البتعجبو وكان مشى وين ووين في النهاية بكون سوداني لانو مبسوط من ذكرى تهراقا و بعانخي وحرقة المك للباشا وسيرة سيدي الامام المهدي عليه السلام . وبسالة ودتورشين في ام دبيكرات وكرم علي دينار لاهل الحرمين وفرتقة الصندوق الانقليزي من ناس عثمان دقنة . بطرب لوردي وبحزن مع ابوالسيد بردم مع عبدالقادر سالم ويدق الكرن مع عمر احساس ويهجج حتى مع زبيدة الانقاذ ونجاة غرزة ومن لف لفهن ياخ التركيبة السودانية دي عجيبة زي ما قال بتاع النكات داك دي حاجات حقتنا برانا ولو اي زول بهل العندو من محبة لاخوه ياخي البلد تغرق محبة بدل غرقتها في الحروب دي
|
رد اعجبني
| |
|
|
|
|
|
|
Re: الاستلاب الثقافي في مفردات المعايدة بمنا� (Re: MOHAMMED ELSHEIKH)
|
سماعين أمبارك الاييد اليتو سااييد وبخييت سيد الخير اللا ينتى وسيد الشر اللا يمحا مينو يديكم زايدا من فدلو يزوركم الكاابا والمستفى ويخضر ضراعكم ويخلي لييك وليداتكم و اللا ينتيك ألفي نيتك ويكتليك بدّي أنينك ويجمانا ماالغايبين والسنى الجايى كمان يلقانا تاميين و ما ناقسيين
ايلا السماح كمان
| |
|
|
|
|
|
|
Re: الاستلاب الثقافي في مفردات المعايدة بمنا� (Re: Mahjob Abdalla)
|
Quote: الخواف والحميعابي
كل سنة وانتم طيبون وبنهجكم سادرون ، جدكم المك نمر ما قدم بنات جعل والخمر للرجل الابيض اسماعيل باشا وقبلها استسلم له من غير قتال ، هل تعتقدون ان هذه فرية ؟ ، كل شواهد التاريخ تقول ستهزمون هزيمة مذلة على يد الأغلبية الصامتة. |
صديديق و انت طيب و السنة الجاية تكون اتفكفكت من عقدك و الا تشيل بقجتك و تشتت المك نمر لو قدم حريم لاسماعيل بيكونن من الخدم و انت عارف الخدم الزمن داك ما بكلموك عنهن.
هههههههههه
| |
|
|
|
|
|
|
Re: الاستلاب الثقافي في مفردات المعايدة بمنا� (Re: Mahjob Abdalla)
|
Quote: سماعين أمبارك الاييد اليتو سااييد وبخييت سيد الخير اللا ينتى وسيد الشر اللا يمحا مينو يديكم زايدا من فدلو يزوركم الكاابا والمستفى ويخضر ضراعكم ويخلي لييك وليداتكم و اللا ينتيك ألفي نيتك ويكتليك بدّي أنينك ويجمانا ماالغايبين والسنى الجايى كمان يلقانا تاميين و ما ناقسيين
ايلا السماح كمان |
لله و الرسول وليد أمي مهجوب وليد ابداللاي .. إنتي كلو الله ينتيك الفي نيتك و يكتليك بدي انينك .. ويخلي ليك وليداتك ..
| |
|
|
|
|
|
|
Re: الاستلاب الثقافي في مفردات المعايدة بمنا� (Re: اسماعيل عبد الله محمد)
|
Quote: Taj M Ibrahim · الاهلية الخيرية ول أبا اسماعين معايدة العيد والمطايبة تختلف من منطقة لمنطقة في قبا السودان الاربعة-- اهلنا في غربي السودان بقولوا: العيد امبارك عليكو تامين ما ناقصين يزيدكم ويزيدنا زايد الخير ويطول عمراكو--- هذا كما يقول اهلنا البقارة امة ناس بي لغوتوم( كل امة من الناس لها لغتها ولهجتها) وخلاصة القول كلنا سودانيين--- وكل عام والجميع بخير وتحياتي للجميع أعجبني · رد · 7 يوليو، 2016 09:05 ص |
ولد ابا تاج الله ينطيك الفي نيتك و يخلي ليك عيالك و العيد مبارك عليك .. فعلا السودان متعدد الثقافات و المعايدات , لكن كان حصرناها في تعدديتنا دي ببقى اخير من (الفنجاط) ..
| |
|
|
|
|
|
|
Re: الاستلاب الثقافي في مفردات المعايدة بمنا� (Re: أبوبكر عباس)
|
تهاني وتبريكات العيد تختلف من منطقة لأخرى والسودان والدولة العربية بها ثقافات معايدة مختلفة ومتعددة ،
أهلنا الحلفاويين بيقولوا :-
كوريقون أنج نلي إكا دوللي ملدني = جاك العيد وأنت حي ترزق وتعيد مع كل من يحبك .
نورن كوريه مس كوون كوريه آفين كوريه تني تني كل قم ني = عيد الله وعيد الطيبين ونسأل الله أن تشهده أعوام عديدة وأنت تتمتع بالصحة والعافية .
| |
|
|
|
|
|
|
Re: الاستلاب الثقافي في مفردات المعايدة بمنا� (Re: Osman Dongos)
|
Quote: ولدبا سماعين و ضيوفك الكرام، السلام عليكم، مبروك العيد و ربنا يديكم الفي مرادكم و يزوركم المصطفي و يديكم البيت التابت و يديكم العافية و طولة العمر. طبعا هنالك عبارات معايدة باللهجات المحلية للناطقين بغير العربية لا تقل دفئاً و عمقاً عن مثيلاتها بالعربية. دي أمثلة فقط من عباراتنا الأصيلة الورثناها من جدودنا و حبوباتنا. عبارات جميلة نابعة من ثقافتنا و إرثنا ضارب الجذور في أرضنا. مشكلة الإستلاب الثقافي دي يا عزيزي إسماعيل ما وقفت في عبارات المعايدة بس. إليك هذه الأمثلة. أسماء الأحياء: الرياض، الطائف، المنشية، المعمورة، قارين سيتي ....ألخ. الرتب العسكرية: اللواء الركن بدلاً عن اللواء أركان حرب. طقوس الزفاف: موسيقي الزفة مصرية بدلاً عن أُهذوجاتنا الجميلة (الليل ليل بالعديل و الزين *** الليلة العديلة تقدمو و تبرا) و( باردي حليه لي الله يبردا لي) الأُهذوجة الأخيرة من أهاذيج غرب السودان. رد التحية: أهلين و سهلين بدلاً عن مرحب بيك و حبابك عشرة. هذه أمثلة فقط لا حصراً. أخي، نحن نغني ليل نهار بالسودان و أمجاده و لكن واقعنا بيقول إنو مافي حاجه عاجبانا فيهو. طبعا الإستلاب العرقي داك كوم براه. نحن شعب مُستلب حتى النخاع. لكم الود،عثمان دٌنقس |
ولد ابا عثمان دنقس مبروك العيد سعيد وبخيت الله يلمك مع الغايبين.. مشكور على هذه المساهمة الدسمة ..
| |
|
|
|
|
|
|
Re: الاستلاب الثقافي في مفردات المعايدة بمنا� (Re: أبوبكر عباس)
|
Quote: واحدة من المعايدات التي تطيب لي: إيدو أُمبارا آلينا آليكم كل سنة تيبين تيبين
يا سمعة يا أخي، الجغرافيا الثقافية دي زمنها ولى فشنو؟ زي ما بقولوا أخوانا المصريين: كبّر دماغك وخليك فريش
وزي ما قالت وضاحة: نعيّد عليك ب: عساكم من عوادة |
العزيز ابو بكر عباس إيدو أُمبارا آلينا آليكم كل سنة تيبين تيبين
| |
|
|
|
|
|
|
Re: الاستلاب الثقافي في مفردات المعايدة بمنا� (Re: اسماعيل عبد الله محمد)
|
عيدا سعيد وبخيت ........... ويا ليتنا زايدين ما ناقصين ....... ويا الحول ما فاقدين زول ..... والله يعطيكوا الفى شهوتكوا ويلمكوا على الغايبين....... والعفو لله والرسول وعافيين منكوا باطن وظاهر ...... ويقال فى رؤية الهلال وليناك ظهورنا تكسنا وليناك بطونا تعشنا .... هذه هى المعايده التى وجدنا عليها حبوباتنا وامهاتنا اى تعديل فى هذه المفردات تكون المعايده بنكهة الاستلاب..
| |
|
|
|
|
|
|
Re: الاستلاب الثقافي في مفردات المعايدة بمنا� (Re: رحمه فضل المولى عجك)
|
Quote: عيدا سعيد وبخيت ........... ويا ليتنا زايدين ما ناقصين ....... ويا الحول ما فاقدين زول ..... والله يعطيكوا الفى شهوتكوا ويلمكوا على الغايبين....... والعفو لله والرسول وعافيين منكوا باطن وظاهر ...... ويقال فى رؤية الهلال وليناك ظهورنا تكسنا وليناك بطونا تعشنا .... هذه هى المعايده التى وجدنا عليها حبوباتنا وامهاتنا اى تعديل فى هذه المفردات تكون المعايده بنكهة الاستلاب |
وتظل مفردات المعايدة في الموروث الثقافي السوداني باختلاف مكوناته هي الاجمل وهي الاقرب الى قلوبنا ووجداننا ..
| |
|
|
|
|
|
|
|