|
Re: ول ابا كبر ؤ ود المدير وجهاً لِوجه، إستار � (Re: عمر دهب)
|
التحيات والاحترامات لكم وجزيل الشكر والاحترام للاخ ناصر إبراهيم
وجزاه الخير من عند الله
هذه هي الروح المطلوبة نختلف في افكارنا وفي رؤانا الا ان أواصر المحبة
والصلاة الطيبة بيننا راسخة وباقية لا تزيلها عواصف الاختلاف السياسي ولا الفكري
وهذا هو تجسيد لمقولة اختلاف الرأي لا يفسد للود قضية
اتمناكم بخير دائماً
كسرة:
ود المدير جيوبك الكبار ديل قاعد تخت فيهن شنو بلا كيس التمباك
| |
|
|
|
|
|
|
Re: ول ابا كبر ؤ ود المدير وجهاً لِوجه، إستار � (Re: عمر أبوعاقلة)
|
Quote:
Swachw Swachw أفرح الله قلوبكم ، بصيام وقيام رمضان كما يحب ربنا ويرضى .. ود المدير الأمير : لك مني صادق الدعوات بالخير في حياتك ... وبعد اليوم لؤ كلّ ؤاحد فيكم يمسك في التاني بعكاز مضبب زول يحجز بينكم مافي . :) ............. اليوم آخر يوم من شعبان ، ويبدو أن أبو ورطة لم يتم تصفيده حتى اللحظات الأخيرة ، فانتبهوا منه هههه يابو روضة .. كل عام وأنت بخير ، ويا راجل والله أي واحد مكانك في جوار الحبيب في هذه الأيام نغبطه ، ونتمنى أن نكون قريبا منه ... لا نوصيك على المشاركة والمساهمة في إفطارات الحرم النبوي .. لو يوم دخلت هنا بعد العصر وشفتك كتبت شيء سأدعو عليك قبل الإفطار :) .. والعفو منك ياخ .
|
كتر خيرك يا صديق ورمضان كريم.. وامنياتنا ان يعم الخير والمحبة في كل مكان.. كبر
| |
|
|
|
|
|
|
Re: ول ابا كبر ؤ ود المدير وجهاً لِوجه، إستار � (Re: Kabar)
|
كتب حافظ الإمام:
Quote: دائما رمضان بجي بخيره وبشايره. كتر خيركم كتير. أعتقد مفروض كل واحد فيكم بعد ده يفتح ليه بوست يرش فيه الثاني رش تقيل من غير شخصنه وإساءات وبذلك تكونوا أسستوا لحوار متعافي بيناتكم في المستقبل وتكونوا طلعتوا من الحته بتاعت الشعور بإنك مُقيّد ومربوط بي حاجز وما قادر تقول الحاجه العايز تقولها خوفا من تطور الموضوع لمشكله جديده. هسي أقوم أحرش ليكم صاحبي دينق وأقول ليه شفت الإستلاب العلى أصوله ده، ناس عندهم Tim Horton بحاله جارين لي على Starbucks الأمريكي. تصدقوا وتأمنوا بالله، من جوه قلبي كنت بتمنى إنه دينق كان يكون معاكم، أحيانا الناس ربما تفكر إنه ده ظهور بي وشين من جانبنا لكن زي غنية كبر ديك (نحن كده).
|
ول ابا حافظ..حبابك كل سنة وانت طيب ورمضان كريم يا صديقي.. تمنينا ان تكون بيننا ..ويا ريت قريب نلتقي.. ول ابا معاوية المدير..طلع زول امبيريالي..ساكت.. لأنو مشينا تيم هورتون.. ثم قال لأ..ارحكاكم استار بكس.. الـــ Setting كان جميل لأنو استار بكس بتاع مكتبة Chapter يعني كل ما تحاول تحدر..تشوف الكتب بالكوم..وتقول لأ..مرة تانية.. يا ريت نشوفك قريب يا حافظ..
كبر
| |
|
|
|
|
|
|
Re: ول ابا كبر ؤ ود المدير وجهاً لِوجه، إستار � (Re: Kabar)
|
ابوروضة.. ساعدنا بالألفاظ يااااااااااااااااااخ.. دي برندوك المناضلين اسمها (الحركة الجماهيرية).. وبي رندوك الكيزان اسمها (اما بنعمة ربك فحدث).. فشنو لم عينك عليك ساكت ياعم..وما تعطلنا الدنيا قبايل رمضان.. يا ول ابا معاوية.. انا كن جاني وجع راس ساكت ..ياها عين مستر ابوروضة..!!
القاموس المنير في كافة التفاسير ، لصاحبه كبر (قدس الله سره).. انبوبة الغاز يا ناس كندا ، هي نبيطة يكثر شيوعها في العالم الثالث (بتاع ناس الحقد الطبقي)..وهي من ادوات الفقر والبؤس..! لناس العالم التالت: ناس كندا الغاز عندهم بالمواسير زي الموية واحد..والله صحي.. فشنو راعوا تشابيهكم يا هداكم الله..!
كبر
| |
|
|
|
|
|
|
Re: ول ابا كبر ؤ ود المدير وجهاً لِوجه، إستار � (Re: Kabar)
|
قال ألفاظ قال انت متين بقيت تعرف الألفاظ وانا قلت شي غير انك زول كذاب ومنفوخ في الفاضي لو عايز ما يثبت بنخم ليك ودي حقيقة وما عايزه ليها معجم لانتفاء الكلمات ثانيا أها بعيد من الطبطبة وحركات الاجاويد ديك طلعت الكذاب انت ولا ود المدير ولا بس اتعافيتو ساكت بدون ما أي زول فيكم يعرف البيه والعليه انا بعتقد جازم لو الموضوع طرح على أساس المعالجة للخطأ انت الحتطلع كضاب ومنافق استنادا على أكاذيب كتبتها في حقي انا شخصيا وناديناك ببوست كامل ادعيت انك تحاوزتنا وما حترد علينا وأرسلت نيابة عنك اذنابك أمثال المبروم بريمة وغيره من قليلين حيلة لمدارة اكاذيبك وحالة جنون العظمة التي تعتريك على العموم انا بتمنى انك تكون قدر الحاجة الحصلت دي وفي مقام العفو والتسامح والصفح وتيطل أكاذيب في حق ود المدير أو غيره وكده بتستقيم الحاجات والبوست والجودية بتكون عملت حاجة وقدمت للمنبر خدمة في كبح جماح أكاذيبك خارج السطر للبقية رمضان كريم وتصومو وتفطروا على خير
| |
|
|
|
|
|
|
Re: ول ابا كبر ؤ ود المدير وجهاً لِوجه، إستار � (Re: Kabar)
|
التحية والتقدير للاخوان الافاضل كبر ومعاوية وصاحب المبادرة ،،،،،،،،،،،،،،.والاخ ابوروضة الدنيا رمضان في داعي للكلام دا ،،،ديل اولاد بلد واحدة الحياة قاسية في الدول الغربية لا يعرفها الا من اكتوي بنارها ،،،،،،،،،،،،رمضانكم كريم
| |
|
|
|
|
|
|
Re: ول ابا كبر ؤ ود المدير وجهاً لِوجه، إستار � (Re: tasneem)
|
السفنجه ما عجبتنى يااااخ (هههههههه بقنا لاحاظين زى نسوانا .. الواحد فينا يكون قاعد يحضر في فيلم مندمج مع الحوار وبيحاول يفهم وراء الكلمات في شنو تنط ليك زوجتك وتقول ليك بالله رايك شنو في فستان الممثله دى)
.............
دى حاجه عظيمه والله .. وانا كواحد متابع للحوارات الخلافية السابقة ما كنت شايف اى سبب قوى او مبرر واضح للشي البحصب ده
وكنت شايف كتاباتكم انتو الاتنين انها ابعد ما تكون عن كتابات ناس ممكن تحمل الحقد (الاسفيري) وانه خلاف اسفيري بين اتنين تضمهم مدينه واحده عباره عن حرقان روح سااااي وزهجه غربه ...
عندى تجربة قريبه من دى احنا تلاته أصحاب من أيام الابتدائي لحدى ما جمعتنا الغربه سوا في مدينة واحده وسكن واحد
الاتنين التانييين اختلفو ... قمت عزمتهم فمطعم وقلت ليهم ده (نيفاشا1) جلسه نقاش جاد لوضع حد للخلاف ده .. والحمد لله اتكلللت بالنجاح قومى يا الدنيا لفى ودورى واختلفت انا مع واحد فيهم
يوم يومين أسبوع أسبوعين لما طولت .. كلمت الطرف الما مخاصمنى قلت ليهو شنو ياخى انا ما عملت ليك نيفاشا 1 ... وما تتلحلح شويه واعمل نيفاشا 2 ههههههه وفعلا قامت نيفاشا 2 .... وحلت المشكلة هههههههه
عقبال ما تقوم نيفاشا 2 بحقيقه وتحل مشاكل السودان الباقية بدون انصالات وتقسمات
وادام الله الصفاء ومتعكم بالرضا وهطلت عليكم سحابات المحبه
| |
|
|
|
|
|
|
Re: ول ابا كبر ؤ ود المدير وجهاً لِوجه، إستار � (Re: محمد عبد الله حرسم)
|
بالله نحن قاعدين مع بعاعيت ...... الإتنين قومو لفو .... يا عربي يا شين عليك الله دي خلقة تصور بيها ......؟؟؟؟ دي هدوم بيت أو بالأصح هدوم نوم ... إنت جايي قاشر بيها ..... !!!!!!!!!!!!!!
المهم شكلتكم دي ما شكلة بتاعة رجال .... لافيها ضرب لا فيها عكاكيز ... يا إتشاكلو زي الرجال و ل ما تعملو لينا إزعاج بالله....
و ما تنسوا الإتنين قومو لفو ......
عالم بعاعيت ....
| |
|
|
|
|
|
|
Re: ول ابا كبر ؤ ود المدير وجهاً لِوجه، إستار � (Re: عمر عثمان)
|
لا يفوتني ان أتقدم بجزيل شكري وعميق إمتناني للأخ طيّب المعشر الصاحب الجميل والصديق الصدوق حامد الصاوي صاحب المبادرة الأولى (نيفاشا 1) والتي طرشقها زول ما داير أجيّب إسمو عشان ما نتشاكل تاني . ترتيب الصورة : من اليمين زميل البورد صاحبي يحي ابنعوف، في الوسط زميل البورد حامد الصاوي، شمال الصورة الزول ابو صلعة دا صاحبي وزميل البورد عبد المنعم الرزوقي، ويظهر وقوفاً في الصورة زميل البورد إبراهيم ناصر (نيفاشا 2#)، والصديق الظريف خالد الـ Boss الزول اللقيتو بازغ السفّة في محطة سكة حديد كالقري ...
| |
|
|
|
|
|
|
Re: ول ابا كبر ؤ ود المدير وجهاً لِوجه، إستار � (Re: معاوية المدير)
|
عندنا قريباً لينا عندو لوري ؤ مأجرلو سوآق، أها يوم جو فوق المُشرع ؤ دوروها شكلة . قام السواق جدعلو المفتاح ؤ قالو، يا زول انا زاتي تاني ما بسوق معاك . أها وكِت البنطون جا قريبنا دا ما لقالوا زول يدخلو اللوري في البنطون، طوالي مشى للسواق ادآهو المفتاح ؤ قالو، قوّم دخّل اللوري دا في البنطون ؤ شكلتنا في محلها . اها، دحين نحن اتصالحنا عِلآ إختلآف ارائنا في محلو ...
| |
|
|
|
|
|
|
Re: ول ابا كبر ؤ ود المدير وجهاً لِوجه، إستار � (Re: Yasir Elsharif)
|
Quote: يوم يومين أسبوع أسبوعين لما طولت .. كلمت الطرف الما مخاصمنى قلت ليهو شنو ياخى انا ما عملت ليك نيفاشا 1 ... وما تتلحلح شويه واعمل نيفاشا 2 ههههههه |
غايتو يا ود المدير منتظرك نيفاشا 2 في المكتبة المشتركة علي الحدود الامريكية | الكندية بين دينق و كبار. و المكتبة طبعا في حدود كيبيك و فيرموت يعني معاها تذاكر للطرفين. و هي الحكومة احسن منك في شنو ما رسلت تذاكر لمنصور المفتاح من كاقاري.
| |
|
|
|
|
|
|
Re: ول ابا كبر ؤ ود المدير وجهاً لِوجه، إستار � (Re: محمد جبره)
|
ازيك يا قريبي ورمضان كريم
اهلنا قالو اكلو اخوان واتحاسبو تجار في السياسة برضو
استربكسو براحتكم لكن في النهاية لازم يوريك لي الانهزامية ولي مشى عشان يدعم -- ويبرر - ويتفق مع النظام الشمولي
لي بيطالب دكتاتور مجرم ببسط الحرية والعدالة مع امكانية استمرار ذات الدكتاتور موش امكانية بس حتمية وتسليم من كبر والمتخازلون الذين معه خاصة شمطاء السياسة السودانية صاحبت الحلقوم الاكبر في العالم
| |
|
|
|
|
|
|
Re: ول ابا كبر ؤ ود المدير وجهاً لِوجه، إستار � (Re: معاوية المدير)
|
التحية لصاحبي الجميل .. هيييييمه ( ابراهيم ناصر ) ( نيفاشا 2 ) والذي كان له القدح المعلى في رأب الصدع بين اخوين جميلين ول ابو كبر .. وود المدير ... ابو شبشب ( زنوبه ) ...... نتمنى دائما النفوس تتصافى وتتطايب بين كل الاعضاء ... وكل سنة وانتوا طيبين ... ورمضان كريم ...
وزي ناس ابو ورطه ديل ... عااالم بطااالـــــــــــــــــــــــه
| |
|
|
|
|
|
|
Re: ول ابا كبر ؤ ود المدير وجهاً لِوجه، إستار � (Re: ABUHUSSEIN)
|
التحية والتقدير ورفع القبعات لفاعل الخير ابراهيم ناصر اكثر الله من امثاله.... وليس عندي ما ازيد على كلام عمر دهب الا ان اردد قوله: وجوه وقسمات تنبض بالسماحة والطيبة...اي والله... والتحية للقاص البارع والباحث الرائع محمد نور كبر ولود عطبرة ود المدير والذي تجذبنا كتاباته العميقة والمرحة في نفس الوقت.. والمسنوحة بسمات كل يوم بتشكر لينا في اولاد وبنات عطبرة...وصدقنا كلامها من كتابات ود المدير.. ورمضان كريم وكل سنة وانتو طيبين.. والله يديكم الصحة والعافية
| |
|
|
|
|
|
|
Re: ول ابا كبر ؤ ود المدير وجهاً لِوجه، إستار � (Re: معاوية المدير)
|
Quote: أن نختلف في مواقفنا السياسية شيء وأن نتعلم إحتمال بعضنا شيء آخر أجمل أكثر الله من أمثال الأخ إبراهيم ناصر وجعل كبر ومعاوية ذخراً للوطن والإنسانية جميعاً |
حياك الله أخي سناري . تختلف الأراء وتتشعب طرقها لكن الهم وآحد وهو مصلحة الوطن . ما اشرت إليه هو الأساس السليم لإرساء دعائم ديمقراطية معافأة من الأمراض ...
| |
|
|
|
|
|
|
Re: ول ابا كبر ؤ ود المدير وجهاً لِوجه، إستار � (Re: معاوية المدير)
|
عظمة البوست دا في حاجتين تانيات غير التصافي: - استاربكس و - جيّة محمد آدم للمنبر طبعا أنا المفروض أكون حالف ما أجي المنبر في رمضان، لكن تقول شنو؟! الكويس انو كسر حليفتنا نحن ديل لا تحتاج لكفارة
بالمناسبة، حقوق روعة تصافي استاربكس تعود لي، فشنو؟ سلموا لي علي البنات اللابسات مرايل خُضر ـــــــــــــــــــ الناس القاعدة في البلاد العاديّة بتشوف السفنجة غريبة!! أتركهم يا ود المدير، إنهم لا يعلمون
| |
|
|
|
|
|
|
Re: ول ابا كبر ؤ ود المدير وجهاً لِوجه، إستار � (Re: Mohamed Adam)
|
الاخ ود المدير .. ول ابا كبر
تحياتى لكما و رمضان كريم .. نسأل الله ان يتقبل صيامنا و قيامنا ..
خير ما فى هذه الدنيا الود و التواصل و المحبة بين الناس .. نسأل الله سبحانه و تعالى ان يجعلنا ممن يسعى الى التصالح بين الناس ..
الشكر موصول للاخ ابراهيم ناصر ..
تحياتى للجميع ..
الطيب رحمه قريمان
| |
|
|
|
|
|
|
Re: ول ابا كبر ؤ ود المدير وجهاً لِوجه، إستار � (Re: معاوية المدير)
|
Quote: حافظ الإمام محي الدين · Calgary, Alberta دائما رمضان بجي بخيره وبشايره. كتر خيركم كتير. أعتقد مفروض كل واحد فيكم بعد ده يفتح ليه بوست يرش فيه الثاني رش تقيل من غير شخصنه وإساءات وبذلك تكونوا أسستوا لحوار متعافي بيناتكم في المستقبل وتكونوا طلعتوا من الحته بتاعت الشعور بإنك مُقيّد ومربوط بي حاجز وما قادر تقول الحاجه العايز تقولها خوفا من تطور الموضوع لمشكله جديده. هسي أقوم أحرش ليكم صاحبي دينق وأقول ليه شفت الإستلاب العلى أصوله ده، ناس عندهم Tim Horton بحاله جارين لي على Starbucks الأمريكي. تصدقوا وتأمنوا بالله، من جوه قلبي كنت بتمنى إنه دينق كان يكون معاكم، أحيانا الناس ربما تفكر إنه ده ظهور بي وشين من جانبنا لكن زي غنية كبر ديك (نحن كده). |
سلآمات يا حافظ . طبعاً وقفنا من الجبنة من دخل رمضان، عموماً الفطور كل يوم في النادي، حاول اظهر . دينق دا بس خلي اب صلعة يجيبو معاهو كالقري المرّة الجاية ...
| |
|
|
|
|
|
|
Re: ول ابا كبر ؤ ود المدير وجهاً لِوجه، إستار � (Re: معاوية المدير)
|
Quote: Swachw Swachw أفرح الله قلوبكم ، بصيام وقيام رمضان كما يحب ربنا ويرضى .. ود المدير الأمير : لك مني صادق الدعوات بالخير في حياتك ... وبعد اليوم لؤ كلّ ؤاحد فيكم يمسك في التاني بعكاز مضبب زول يحجز بينكم مافي . |
نسأل الله ان يعيننا علي صيام وقيام هذا الشهر العظيم ويجعلنا من عتقائه . ادها صنّة بس العكاز لومك بي بيعكِل ...
| |
|
|
|
|
|
|
Re: ول ابا كبر ؤ ود المدير وجهاً لِوجه، إستار � (Re: معاوية المدير)
|
Quote: التحية والتقدير للاخوان الافاضل كبر ومعاوية وصاحب المبادرة ،،،،،،،،،،،،،،. والاخ ابوروضة الدنيا رمضان في داعي للكلام دا ،،،ديل اولاد بلد واحدة الحياة قاسية في الدول الغربية لا يعرفها الا من اكتوي بنارها ،،،،،،،،،،،،رمضانكم كريم |
سلآمات تسنيم، ؤ رمضان كريم . فعلاً تسنيم وكما قال الشاعر، لا يعرف الشوق إلا من يكابده *** ولا الصبابة الا من يعانيها لا يسهر الليل الا من به الم***لا تحرق النار الا رجل واطيها ...
| |
|
|
|
|
|
|
|