|
Re: جاتني لابسة فستان ( رموش صباح ) ... (Re: HAIDER ALZAIN)
|
Quote: ناس الضهاري كانوا بيسمو رموش شادية والا رموش صباح 0 وهن واحد ) الخرطوم بالليل :) كلهم بيقرشو ومزيفين وبهرجة .. عشان كدة جات التسمية هههه
تحياتي |
تحياتي حيدر ...
الشي الغريب هسي كنت بستمتع بي هابي الاهديتها لي تبارك ...
و ما علقت ... و ما بكضب عليك ... قلتفي سري ياخ الزول ده وكت بهجة كده ...
مالو شالها معاي تقيل زمان ... :)
ناس فاتت و ناس ماتت يا حيدر ... و الباقي من العمر ما قدر الفات ...
خلينا هابي يا زول ... :)
| |
|
|
|
|
|
|
Re: جاتني لابسة فستان ( رموش صباح ) ... (Re: يحي قباني)
|
Quote: صديقي و قريبي قباني فستان مصنوع من المادة دي صفوف تحت بعض و طول الرمش ٥ سنتمر تقريباً |
كتلتوا تقريبا يا قريبي ...
هي المادة دي مخيتة في الفستان زي ما قلت تحت بعض ...
و مع الانوار في الليل يقوم الفستان يتراقش كلو ... _________________________________
اها كان كده بجيكم للقصة ...
| |
|
|
|
|
|
|
Re: جاتني لابسة فستان ( رموش صباح ) ... (Re: يحي قباني)
|
يعني هسه انا ما كان في داعي اعلق ببوستك دا هههههههههههههههههههه
بطل جرجرة وكمل القصة يا زول :)
النصيحة لي الله يا قباني كلامك دا خلاني اراجع - في اتون المراجعة الشاملة البعملها بحياتي - واكتشفت هسه - انو من ضمن مواصفات شخصيتي اني ثقيل وبايخ ونعااط بل مرات بكتب شئ او بعلق على شخص دون وضع في الاعتبار انه كيف بيؤثر فيهو
للحقيقة انا ما متذكر اني اتبايخت عليك او شلتها معاك تقيلة ولا حتى متذكر الموضوع ودا دلالة على السؤ فعلى الاقل لو ما انا سئ مفروض اذكر اساءتي للآخر ما اتذكرتها بيعني انو انا سئ بتالطبع والكيفية
فلك ياخي عذري عن اي شئ ضايقك من ناحيتي وانا بالتاكيد لم اتعمد ذلك بدلالة اني حتى لا اعرف ولا اذكر شيلتي معاك فيها - تقيلة ا خفيفة - فلا يوجد نية مسبقة لكن بالعموم - اصدقك من حقك - دا كلام كعب مني وفي حقي وبيستوجب المراجعة مني النابعة من ذاتي ومن ضميري عشان اعرف العيوب الفيني
وسا أسعي في ملافاتها مستقبلا مع الأمل اني اكون احسن
فلا تاخد في بالك وعذرا لك في اي شئ او مضايقة اتسببت بيها ليك
اتمنى العذر شكرا للمباشرة وساأعمل على عدم المضايقة مستقبلا لك أو لغيرك
دمنا انسانييين بمشيئئة الله
| |
|
|
|
|
|
|
Re: جاتني لابسة فستان ( رموش صباح ) ... (Re: محمد على طه الملك)
|
اهلين قبانى وضيوفك الكرام الناس الزمان بكونوا جايين بالقطر وطبعا اغلب الارياف كانت مظلمة اها لمن يشوفوا الخرطوم بالليل من بعيد انوارها تلالى قاموا ناس الموضة..سولن فستان يضوى زى مابتضوى الخرطوم بالليل او ذلك مااختذلته من ذاكرة الطفولة ياسلام على خرطوم زمان وخاصة خرطوم بالليل
هههههههههه
| |
|
|
|
|
|
|
Re: جاتني لابسة فستان ( رموش صباح ) ... (Re: muntasir)
|
طولت من القصة انا عارف ... و انا ما لايوق الغريبة ... و جني جن المطمطة ...
لكن عندي جبهة مفتوحة في سوق عكاظ ... داير اشوف اخرها شنو ... انتهى منها و اجي بي مزاج ان شاء الله (ده كان ما ختوني في قفص حديد و ولعوا فيني الجماعة ..)
| |
|
|
|
|
|
|
Re: جاتني لابسة فستان ( رموش صباح ) ... (Re: يحي قباني)
|
صاحبي ... رجل انيق انيق ... و زايد في القيافة ...
في منتصف التمانينات كنا جميعاً بنفصل بناطلين في السوق ...
و كل زول عنده الترزي البعرفه ...
اها ... صاحبي الانيق حتى قمصانه بفصلها ...
والحكمة ... ترزي البناطلين في الشرق و ترزي القمصان في الغرب ... لكن من اجل الاناقة تهون المشاوير ...
حقيقة كان رجل عالي الهامة ... جسمو مربط ... ما في كرش ولا حتى حنانة ... يعني الشاسيه بيستحق الاناقة ...
مكوة قمصانة بالذات ... بكويها براهو ... لانه القميص بكون نازل على الجسم مكوة ... مافي مليمتر زايد من الجسم ...
و الحشوة مظبطة ... و الحزام كيف ... غايته لو كان في بلادنا الهنا دي كان سووهو موديل ...
اما البناطلين فحكاية و عندها حكاية ...
لما يمشي الترزي عشان المقاسات ... الترزية عادة بشيلوا المقاس و انت واقف ...
الطول البراني و الطول الجواني و الاتجاه و مقاس ( الشارلستون ) لانه كان موضة ...
صاحبنا كان بشيلوا ليهو المقاس مرتين حسب طلبه ( مره واقف و مره قاعد في كرسي ) ...
لانه داير النفس الفي الحجِر بس يادوب يقعدوا و يكون بعد داك نازل سيف ... !!!
يعني لو الكرسي رخا ... الفتق حصل ...
و نواصل ...
| |
|
|
|
|
|
|
Re: جاتني لابسة فستان ( رموش صباح ) ... (Re: عمر دهب)
|
Quote: واكتشفت هسه - انو من ضمن مواصفات شخصيتي اني ثقيل وبايخ ونعااط |
ههههههههههههههههه، إكتشاف خطير والله، طيّب إنت وكت اصلك ختري كدي ما تمشي الدهب .
بعد تنتهي من دي احكي لينا عن وآحدة جاتك لآبسة اب قِجيّجة . غايتو، قاعدين في جراسك بارك نحن ...
| |
|
|
|
|
|
|
|