|
|
 الي الاستاذ محجوب شريف ومرقده في الروح
|
حرفك يداوي جروح..
يغسل هموم الروح..
ينثر براحات سكه..
والوردة هداها السكات..
دربك مرور مطرا ..
بيدوزن للوطن ..
اسراب رزازات الحنين..
مريم ومي كم حلوات..
زي غنيوات وللحروف خاشات..
يونسن شالن غشيوات ..
السراب..
من فوق وطن..
بالحزن صار مبحوح..
حبك ياالشريف وطن..
حرفك مزارات المحبه الكابه..
من جوة الغلابه ..
والانبياء سكه حنان..
وشوقي ليك مفضوح..
بغربل في السكات..
من فوق لهاة سفرا..
مرق داخل علي ذي نوح..
مرضك بفرتق في الزمن ..
المك جروحنا الما بعتق..
خاطرها غير برهمك..
يا حرف مكبوب جوة شعبا..
خاشي في فرض التقاسيم..
والف لا باس تنقسم..
وتمرق من خشومنا..
صمت اللي عكر روقه احساسنا..
وخاطر النيل ينحدر يمرق مننا..
ويخش عليك يمسح جروحك..
ويمسك تلابيبك محنه..
|
|
 
|
|
|
|
|
| |
رشيدة عثمان فقيري
فيس بوك
تويتر
انستقرام
يوتيوب
بنتيريست