تحياتي للاصحاب هنا يا ود المدير العارفو كان ببيع الاكياس والشخت جمب جزر الكمونية آنذاك ( آنذاك دي اهم كلمة ما تفوتا حوفا ) بمناسبة جزر الكمونية دكان ابوي كان يفتح مباشرة علي جزر الكمونية .. ولينا جار يحب ملاح الورق . الدكاكين عبارة عن جملون زنكي .. الفطور والغداء من البيوت . مافي مطاعم زاتو .. ودة كانت مهمتنا تجي من المدرسة تشيل عمود الغدا لابوك .. جارنا دة رحمه الله . من بعد صلاة الضهر بتعرف الغداء حقو ملاح ورق . وكان الناس بتغدو برة الدكان مجموعات من تشوفو بعد صلي قام يفتش في البصل والليمون والشطة الخدرة اعرف غداهو ورق . يقطع البصل ويغسلو بالموية والملح . ويتناول ليهو قطعة قماش من الترزية ويخت فيها الشطة الخدرة ويلفها ويشوف ليها سنجتين ويتف الشطة ويحضر صحنين . واحد للشطة وواحد للبصل .. تعرف غداهو ورق .. تعاين ليهو تشوفو بمطق براهو . الدكوة لم تكتشف ( آنذاك ) .. اها اليوم داك ما بياكل مع المجموعة يخش جوة دكانو رغم السخانة ولامن يجي مارق دموعتو جاريات ونخرينو جاريات ويتصبب عرقا ويتجشأ كمن قابل معشوقته وقضي وطره منها . البرنامج دة ثابت تفرقت بنا السبل والسنوات قابلت ولدو وطايبتو وكان السؤال في طرف لساني ابوك لسة بحب ملاح الورق اجابني ضاحكا آي ارجو ان لا يكون بوستا ملغوما وانا عرضت في السهلة
Quote: ارجو ان لا يكون بوستا ملغوما وانا عرضت في السهلة
يعني ما براي ...... غايتو نحن بي براءتنا دي علينا بالظاهر .... كنا في المدينة المنورة و معانا ضيوف .... الجماعة قالو العشاء ... إتفقوا على بيتزا ... مشينا بيتزا هت و معاي محمد عادل (4 سنوات)... طلبنا البيتزا و منتظرين ... محمد قعد يبكي ... مالك يا ولد ..؟؟؟ أنا ما عايز بيتزا !!!! عايز شنو ...؟؟؟؟ عايز ملاح أخضر ... !!!!!!!!!
هذا و السلام و التحايا و الإحترام لصاحب البوست و السادة المشاركين أيضاً ...
Quote: ارجو ان لا يكون بوستا ملغوما وانا عرضت في السهلة
يعني ما براي ...... غايتو نحن بي براءتنا دي علينا بالظاهر .... كنا في المدينة المنورة و معانا ضيوف .... الجماعة قالو العشاء ... إتفقوا على بيتزا ... مشينا بيتزا هت و معاي محمد عادل (4 سنوات)... طلبنا البيتزا و منتظرين ... محمد قعد يبكي ... مالك يا ولد ..؟؟؟ أنا ما عايز بيتزا !!!! عايز شنو ...؟؟؟؟ عايز ملاح أخضر ... !!!!!!!!!
هذا و السلام و التحايا و الإحترام لصاحب البوست و السادة المشاركين أيضاً ...
Quote: يا ود المدير العارفو كان ببيع الاكياس والشخت جمب جزر الكمونية آنذاك
والله لكن فراستي ما وقعت وآطة، يا اخي من قالو كان تزرع تمر انا عرفتو، بعدينك عربي ابحمد الذي ضلّ طريقة إلي كوستي دا يكون من النوع الزمان كان بيدي القِرِفتة حقنة .
ما علينا نرجع لموضوع البوست، الورق البيحصدو بالمقص لا تودر لك فوقو مِطيّقة ساكت يا قباني . الورق كان ما قلعوهو من الجرف قلع فايدة مافي .
يا عبد الحفيض زولك بتاع ملآح الورق لآمن وصفتو بعد يضرب الورق ؤُ يجي مارق من الدُكان، ذكرتني الوآحد لآمن يكون مزنوق ؤُ يجي مارق من المستراح في السودان والوآطة حر يفسخ ...
شكلو مباراتى لى ود المدير ودتنى الكوشة يا ناس اخدو راحتكم بالكامل ..وحات نضر ود المدير البوست ده ما ملغًم --------- http://كان تزرع بلح يا جلال الأيام دي سوقو ماشي في المنبر http://كان تزرع بلح يا جلال الأيام دي سوقو ماشي في المنبر فى 2007 يا معاوية خال الاولاد ضرب لى تلفون و قال لى تجينى فى الحتة الفلانية مشيت لقيتو مكسيكان يحشو فى تمر مزروع فى سهلة الله دى و يرموهو فى عربية تراش اها شلنا الفيها النصيب اليوم داك و بقينا كل شنة نمشى نحش التمر و نختو للشربوت باقى مازى تمر بلدنا عشان ناكلو العنب راقد فى البلد دى و راجين جركانة ود اب سن كان طلعت بى فايدى يانى المسويها
ما يا هو بوستيك ده سبب الانا فيهو ده تصدق قامت على احسن ما يكون و راعيها بكل شهوة نفسى للورق و قت اقرّق منو للحبان يوم حصاده لكن ... شكلو ما ايك فى الطيّب نصيب
ههههه ياخى انتا فى نعمة هنا شابكننا الملاح القرين و الملاح البراون مرة مشو قوشابى اجازة و كدة ياخى جنن ليك الحمار جن وحات الله لما سافرو الحمار ضبح كرامة صادف حبوبتو طلّعت السعن من المخزن و بلتو فى الطشت و هو واقف جمبها سألتو بتعرف ده شنو قاليها ايوة ..ده قميص الخروف
واحد يلقط في الورق بمقص .. . والتاني يقولك يحصدوهو.. غايــتو منو العوض وعليــهو العوض فيكم يا الخواجا
_____
Quote: يا غبيان إنت قايل حصاد دي انا جبتها من عندي، ما قريت ردو لأبو حسين كاتب فيهو شنو ؟...
------
Quote: هههه وحات شيخي مسانيح حصاد دي جيت معشق فيها بي نمرة ستة وقالب جلود فرملة حصاد اشجار الورق وتقشير جلد الخروف اخوي باشمهندس احمد اب سن عندو راي قاطع انو تقطيع المنقة بالسكين يفسد طعمها .. يغسلها ويكدها
-----
Quote: والله ما قريتو أكان كدي عندك حق :) اساساً انا من شفت صفيقات الورق التقول دايرن يختوهو في مزهرية نفسي ما اشتهتو وقلت لوبا الخواجات دي ولا فسوتها :) :)
كلو هين بس ان شاء الله مع الشهوات دي عندكم بصل اخضر ..
الحمد لله الذى ابتلاكم بالكياشة يا كيشة الخصاد حصاد تجربة ما حصاد ورق جاييكم الجرير و البامية و شوفو المقص الما خمج بى مناسبة الجرجير عندى سعال بس ما هسى
Post: #29 Title: Re: ملاح الورق طرشق يااخ Author: محمد المسلمي Date: 10-20-2015, 11:49 AM Parent: #28
سلام جلال وضيوفه عندي صديقي سوري اها في مرة من السفريات طلب ملوخية احضرها له معاي من السودان مع الطلبات الآخري اها شلتها ليه ومتوقع وجبة بتاعت ملوخية علي كيفك مع العلم ان صديقي السوري طباخ ماهر لما طبخها لينا والله جابها لينا بدون عنوان سألته يامعلم كيف طبختها قال لي دي علي الطريقة الحلبية(: وريته طريقة الطبخ حقتنا مفرومة ومفروكة ضحك قال مابحب حقت المصاري ( المصريون) -------- جابها ملصقة مع الفراخ بصورة يستاهل الدق عديل
يا هلا بيك يا مسلمى الاسكندرانية مشهورين بى خيّم رمضان الفضيل مرّة اجبرتنى ظروف الشغل اتأخر عن الفطور فى البيت و قلتا يا ود خش خيمة و ربنا يثّبت اخرهم بأذن منه و حظى رمانى فى الملوخية بتاعتم تختلف عن حقتنا تماما مع انها مفرومة تحس بيها زى الشوربة و تشربا بالملعقة غايتو حاجاتنا زيها مافى
Post: #32 Title: Re: ملاح الورق طرشق يااخ Author: حمد عبد الغفار عمر Date: 10-24-2015, 08:58 AM Parent: #31
كيفكم يا شباب عساكم طيبين
تعرف يا جلال أنا قريت البوست دا أمس قت وقعدت أطمتك ولدي التقول حسى بي قال لي عايزين ملاح أخضر
ولا كضبت لبست وعلى غبيرا جهزت الورق ومعاه الشبت وحبة بامية وطبعا شرطي الأساسي يكون بلحم الضنب (العكوة) جبتها حقت خروف
وهسة هداهو يجقجق على وشك النهاية وأنا اكتب ليك واتكرف في الريحة منتظر الصلاة بس
ياخ الورق والملوخية المفروكة ديل متعة عديل خصوصا في الوقت بين الفصول دا حيث لا برد ولا حر
Quote: تعرف يا جلال أنا قريت البوست دا أمس قت وقعدت أطمتك ولدي التقول حسى بي قال لي عايزين ملاح أخضر
ولا كضبت لبست وعلى غبيرا جهزت الورق ومعاه الشبت وحبة بامية وطبعا شرطي الأساسي يكون بلحم الضنب (العكوة) جبتها حقت خروف
بالهنا و الشفا و محل ما يسرى يمرى ايوة كده تمام انا احب الزول العملى تعرف مع بوستات العرقى اليومين الفاتو ديلاكا خشيت فيهم و طوالى تلفون لى اصحابى المكسيكان يا ناس لو واحد من اهلنا المسلمين ضابح عجل اضربو لى قالوا اصحابك اسى قاعدين يضبحو فى واحد و جرى على المزرعة و كانت ام فتفت الما خمج معقولة تخش البوستات ديك و نفسك ما تخش فى ام فتفت الصورة لى ام فتفت بعد طور النضافة
_______ يا ناس وحات الله و رسول مكة البوست ده برئ كدى فكوا الريق بى دى لما اجيكم بالملاح اللخدر
المحاولة الاولى طرشقت بى سبب غلطتين استراتيجيتين اول بالتبادى الملاح طلع اخدر على غباشة شديدة يعنى اقرب لى لون البامية المفروكة علّا الطعم مظبوط الحكاية دى ما خارجت معاى و بديت أسأل عن السبب قالت واحدة من عماتى اطال الله عمرها انو الورق من عرق امو للنار يعنى ما يقعد برة كتير و يضربو الهوا وده حصل فعلا و كان مضبلن لما رميناهو فى الحلّة التانى بعد ما ترميهو فى الحلة ما تغطيهو تخلى .. الحلة فاتحة و نحنا غطينا الحلة بموجب المعطيات الفوق دى عملنا التجربة التانية و د المدير و ود الزين ما معانا و الشغلة بى جرجيرا و شطتا و بصلا اللخدر و عجّورا
