|
|
|
 Re: يا جماعة ... المشتهي ليهو مُلاح ورق يعمل شن� (Re: اباذر عبد العال)
|
Quote: هههههههههههه ملاح ورق اخدر معاهو سبروووق
تحياتي قباني .....
وصفك ليهو ده مباااااااااالغه خاصة الشطه ها ها ها حاجه روعه
زي ما بقولوا ووو الماعارفوا يقول عدس
بعدها كباية شاي صاموطى ..سكر خفيف ....
بتعرف الشاي البانجقلي |
اباذر ... اول المتضامنين ...
و الله مكوفر بس ... و القصة كل ما ليها بتكبر في راسي ...
بعدين الشاي خلقة انا بشربه بانجِقلي ... لكن بساعده يا بتمرة تمرتين أو تين ...
السكر الكتير ما اريده ابدا ... بحب طعم الشاي يكون هو المسيطر على الموقف ...
| |
  
|
|
|
|
|
|
|
|
Re: يا جماعة ... المشتهي ليهو مُلاح ورق يعمل شن� (Re: يحي قباني)
|
الليلة ياشيخ يحي طلبك عاااااااااااااالي
أوع يكون أولاد ماما حضور
يا أخوي اسمع نصيحة مني عليك بالثلج
بالبامية الغلااااااادة ديك والشبت الماخمج
والفرك يكون كتش وكان ماعندك كنش
أكنش ليك خشبة وأفرد ضراعاتك وافرك
الثلج انا قاصد بيهو الثلج بفتح الثاء واللام
مع سكون الجيم .
Thalaj
صحتين وعافية مع أطيب تحياتي لك
| |
|
|
|
|
|
|
|
|
|
Re: يا جماعة ... المشتهي ليهو مُلاح ورق يعمل شن� (Re: محجوب البيلي)
|
قمة الطعامة.......وسلام للجميع....وبالله بعد داك موية من الزير باردة بكوز......ورقدة فى عنقريب هبابى......وخلفة رجل وقهوة من زول عزيز......الليلة محمد المرضى حامد ما يجى بهنا نفسو متاوراه لأشياء قريبة من كده.....الله يصلح حال بلادنا ويمتعنا بيها...سلام للجميع.
| |
|
|
|
|
|
|
|
|
|
Re: يا جماعة ... المشتهي ليهو مُلاح ورق يعمل شن� (Re: ismeil abbas)
|
حبيبنا يحيى مع التحية ..
الورق من فصيلة اللوبيا .. وكنا نزرعه مع اللوبيا في الجرف .. الفرق أوراقه صغيرة وملساء ..
يطلق عليه بالنوبية ( أوقود ) وحبوبه تطلع أجمل بليلة في التاريخ ولكنها نادرة لأن اوراقها تطبخ قبل الاستواء
أخي يحيى يمكن ان تطلب مجفف من السودان .. ولكن زراعته سهلة جداً في بداية موسم الشتاء .. مع هبايب شهر كهيك
بالعربي كده عندنا في البلد بعد إنحسار الفيضان بفترة من شهر نوفمبر ولكن في امريكا ممكن في الصيف
ولا يصلح معه البرد الشديد ولكن يمكن حصاده أو إستخدام أوراقه للطبخ خلال عشرة إلى خمسة عشرة يوم ..
كان ممكن الواحد يطلب من البلد ويرسل ليك عبر ( DHL ) ولكن المشكلة في الفحص والتدقيق وغيرها ..
يا سلام حبيبنا يحيى ذكرتنا الجروف واللوبيا والخضرة ..
مودتي ..
| |
|
|
|
|
|
|
|
|
|
Re: يا جماعة ... المشتهي ليهو مُلاح ورق يعمل شن� (Re: علي عبدالوهاب عثمان)
|
يا ود قبانى..
فى أى محل خضار عندك..
تلقى فى نوع من الخضار ليه ورقة عريضة شديد..
والعرق بتاعها لونه عّنابى وبنفسجى..
ما عارفة اسمها..
لكين ممكن اجيبو ليك لما أطلع..
وفى محلاتا العرب...
تلقى الويكة المسحونة مكتوب عليها ocra powder
والملاح بتعمل زى طريقة ملاح الورق فى السودان..
يعنى الموضوع بسيط..
| |
|
|
|
|
|
|
|
|
|
Re: يا جماعة ... المشتهي ليهو مُلاح ورق يعمل شن� (Re: سفيان بشير نابرى)
|
والله يا اسماعيل عباس وصفك السمح ده كتير بنشوفو في قرانا في الشمالية
ونلقى واحد اتغدي بقراصة تقيلة وشرب كباية شاي خفيف وخالف رجلينه
وراقد تحت شجرة نيمة قدام الباب في عنقريب بدون مرتبة وكانه ملك ملوك العالم
والله يديك الصحة والعافية
ويا ود قباني هسع ملاح الورق كمان صعب تلقاه...يعني معقولة اولادك ما عندهم كراسات
فيها ورق..(وش ضاحك)....ياخي جوعتنا بوصفك ده..
والله يديك الصحة والعافية
| |
|
|
|
|
|
|
|
|
|
R (Re: اميرة السيد)
|
| Quote: e: يا جماعة ... المشتهي ليهو مُلاح ورق يعمل شن� |
اتلايق فى ودالمدير يمكن تطلع منه بى كمشة؟
| |
|
|
|
|
|
|
|
|
|
Re: R (Re: عبدالعزيز الفاضلابى)
|
| Quote: اتلايق فى ودالمدير يمكن تطلع منه بى كمشة |
والله يا فاضلابى اخوى بتدور تشحف رويحة ودقبانى ساى
والمدير في الصيفية دى إيدو ما يمرمشه ليو خلًى كمان يطلع منو بى كمشه كامله !
يا زول غيًر بدًل
أها ياقبانى انًحدسك أنا ... ياخ ملاح الورق ده أكتر شى متاح في البلد دى بى كسارو وقراريصو كمان
أها عليك بالـ Spinach والباميه . ودوًر الخلاط. عليك أمان الله تبقى في الفكاك
بس ما تجى صادى تسألنى عن المصران الخرس
ولًتن كمان أمسك في كلام فاضلابى إمكن ......
| |
|
|
|
|
|
|
|
|
|
Re: R (Re: اْسامة اْباّرو)
|
Quote: والله يا فاضلابى اخوى بتدور تشحف رويحة ودقبانى ساى
والمدير في الصيفية دى إيدو ما يمرمشه ليو خلًى كمان يطلع منو بى كمشه كامله !
يا زول غيًر بدًل
أها ياقبانى انًحدسك أنا ... ياخ ملاح الورق ده أكتر شى متاح في البلد دى بى كسارو وقراريصو كمان
أها عليك بالـ Spinach والباميه . ودوًر الخلاط. عليك أمان الله تبقى في الفكاك
بس ما تجى صادى تسألنى عن المصران الخرس
ولًتن كمان أمسك في كلام فاضلابى إمكن ...... |
ملاح ورق ... الورق جاي من جروفه قبال دقايق ... يا ابارو
ورق اخدر يلمع ... عروقه بي طينهم ...
و لحمة الضان ترجف باقي روح الخروف لسه ما مرقت ...
و المفراكة يا اباروا حقة الورق براها و حقة البامية براها ... تقول لي خلاط ...
و على شرط ... حلته مشدودة في كانون نارو هادية ... و الحلة زاتها ما ينفرك فوقها الا الورق ... زي حلة اللبن المقنن ...
تاكلوا من ناروا ... تحتار ...
تاكلوا بايت و بااارد ... تقول ما يتاكل الا كده ...!!!
تصدق كانت تمر علي أيام ... افك بيهو ريقي من التلاجة ...
بااارد ... لقيت كسرة لقيت ما لقيت رغيف ناشف تفته جوه الملاح و ترش شطة حمرا ...
الشطة الخدره لما يكون طاله من نارو ..
و عينك ما تشوف الا الهنا و السرور ...
| |
|
|
|
|
|
|
|
|
 Re: R (Re: يحي قباني)
|
Quote:
ملاح ورق ... الورق جاي من جروفه قبال دقايق ... يا ابارو
ورق اخدر يلمع ... عروقه بي طينهم ...
و لحمة الضان ترجف باقي روح الخروف لسه ما مرقت ...
و المفراكة يا اباروا حقة الورق براها و حقة البامية براها ... تقول لي خلاط ...
و على شرط ... حلته مشدودة في كانون نارو هادية ... و الحلة زاتها ما ينفرك فوقها الا الورق ... زي حلة اللبن المقنن ...
تاكلوا من ناروا ... تحتار ...
تاكلوا بايت و بااارد ... تقول ما يتاكل الا كده ...!!!
تصدق كانت تمر علي أيام ... افك بيهو ريقي من التلاجة ...
بااارد ... لقيت كسرة لقيت ما لقيت رغيف ناشف تفته جوه الملاح و ترش شطة حمرا ...
الشطة الخدره لما يكون طاله من نارو ..
و عينك ما تشوف الا الهنا و السرور ... |
والله يا قبانى حليلنا .. الله يقصًرا غربة .. غايتو جرفنا بقى وول مارت
أها مصداقاً لى وصفك ده .. عندى حبوبتاً لى إيدا طاعمه فى التبيخ وحريفه بالحيل في الملحات الخدرا وخاستاً الورق
أها ليها قول مأثور: ورق الطينة عدم الخمارة العجينة , وعندها نظرية خاصه بملاح الورق وأكلو .. أها تستند على إنو الورق لازماُ يكون بارد وكسرتو حاره - يعنى من الدوكه للصحن - وهى
تفضًل الكسرة على العصيدة لملاح الورق
على العموم الليلة غدانا قراصه بى بامية .. والله صحى
| |
|
|
|
|
|
|
|
|
|
Re: يا جماعة ... المشتهي ليهو مُلاح ورق يعمل شن� (Re: اميرة السيد)
|
Quote: والله يا اسماعيل عباس وصفك السمح ده كتير بنشوفو في قرانا في الشمالية
ونلقى واحد اتغدي بقراصة تقيلة وشرب كباية شاي خفيف وخالف رجلينه |
و حياتك يا اميرة ...
عندي جماعة أصحاب هنا ... زوجته من ( أندينا ) ...
دخلت عليهم في أوراق كده يوقعوها ...
الراجل قال لي حصانك ما جرّاي ... هسي رفعنا الغدا ...
لكن انت اتغديت ؟
قلت ليهو انسى انا زاتي مشغول و عندي كم مشوار ...
جات بت اهلي قالت لي و الله القراصة ما بتاخد دقايق !!!
و الملاح الأحمر اصله جاهز !!!
قراصة ؟؟؟
انقري المواعيد كلها ما اتلغت ؟
و لك ان تتخيلي الباقي !!!!
| |
|
|
|
|
|
|
|
|
|
Re: يا جماعة ... المشتهي ليهو مُلاح ورق يعمل شن� (Re: nour tawir)
|
Quote: يا ود قبانى..
فى أى محل خضار عندك..
تلقى فى نوع من الخضار ليه ورقة عريضة شديد..
والعرق بتاعها لونه عّنابى وبنفسجى..
ما عارفة اسمها..
لكين ممكن اجيبو ليك لما أطلع..
وفى محلاتا العرب...
تلقى الويكة المسحونة مكتوب عليها ocra powder
والملاح بتعمل زى طريقة ملاح الورق فى السودان..
يعنى الموضوع بسيط.. |
قصدك ال Kale يا نور ؟
انحنا مرات بنغش رقبتنا بالسبانخ ... بفركوها زي الورق ...
مع كسرة سمحة كده بمشي الحال ...
الويكة يا نور و الشطة و باقي الأمور كلها وارد السودان ... الحاجات الناشفة دي ما تخافي علينا فيها
لكن الورق البجيك يلمع داك ... نلقاهو وين هنا ؟
اواتوا و تورنتو ما وارد يا نور ... لكن ود المدير في الخلا حقهم داك اللوبا دي باقي ليك ما بتكون مزروعة ؟
| |
|
|
|
|
|
|
|
|
|
Re: يا جماعة ... المشتهي ليهو مُلاح ورق يعمل شن� (Re: ismeil abbas)
|
| Quote: قمة الطعامة.......وسلام للجميع....وبالله بعد داك موية من الزير باردة بكوز......ورقدة فى عنقريب هبابى......وخلفة رجل وقهوة من زول عزيز......الليلة محمد المرضى حامد ما يجى بهنا نفسو متاوراه لأشياء قريبة من كده.....الله يصلح حال بلادنا ويمتعنا بيها...سلام للجميع. |
سمعة يا ملك ...
الظاهر كبرنا و طرينا حبانا يا حبيب ...
الحالة دي انا عارفها ...
بدت بي ملاح ورق ... الله اعلم تنتهي وين !!!
| |
|
|
|
|
|
|
|
|
|
Re: يا جماعة ... المشتهي ليهو مُلاح ورق يعمل شن� (Re: معتصم سليمان)
|
Quote: الليلة ياشيخ يحي طلبك عاااااااااااااالي
أوع يكون أولاد ماما حضور
يا أخوي اسمع نصيحة مني عليك بالثلج
بالبامية الغلااااااادة ديك والشبت الماخمج
والفرك يكون كتش وكان ماعندك كنش
أكنش ليك خشبة وأفرد ضراعاتك وافرك
الثلج انا قاصد بيهو الثلج بفتح الثاء واللام
مع سكون الجيم .
Thalaj
صحتين وعافية مع أطيب تحياتي لك |
يا معتصم ياخ أكل السَلِج ده ... زي شراب البيرة البدون كحول ...
يا ورق يا ما داير ...
و على شرط ... بي لحمة ضان كبارة كده مجدعة فيهو ...
تكُد بي مزاج و ريحة الورق معبق المكان...
و تكون حريف ... تشيل حبة ملاح جوة العضمة و انت بتشفط في المُخ ...
ياخ دي زي ليلة ... القدر ...
| |
|
|
|
|
|
|
|
|
 Re: يا جماعة ... المشتهي ليهو مُلاح ورق يعمل شن� (Re: يحي قباني)
|
Quote:
يا ود المدير ... كندا دي فيها لوبا ؟ |
عارف يا قباني،
سقت وِليداتي ؤُ مشيت البلد، بعد قعدت لي كم يوم مشيت جبت لي خرفان ضبحتهن
ؤُ دعيت ناس الحِلة قتلهم، دي سماية الوِليدآت باقي في بلآد الغربة ما سميتلهم .
قاموا قالوا لي، حكاية السماية دي لا تطراها قول، كرامة . قتلهم، لا سماية والوِليدآت
حايمين ياكلوا في اللحم . أها، قالوا، الليلة ود المدير سوالوا بِدعة في البلد .
يا زول اليوم داك أكلنا كترة لحم لآمن النفس دا غلبنا، وانا بقيت النفس دا يا الله
اشيلو وانزلو، أها، انا علي الحالة دي جا صديق ود بابكر ؤُ صديق دا زول
جزيرة، جا شايلو قدح كسرة ؤُ ملآح ورق والناس كلهم مرخمين ؤُ يعاينو، زول
نزل عليهو مافي . صديق قال لي، يا معاوية تعال انزل الورق دا ورق جزيرة .
بيني ؤُ بين نفسي قلت، صديق دا اللجبر بخاترو، ؤُ قلت كدي نزلت، وحات
خوتك يا قباني دخلت اللقمة اللولآ في خشمي، وانا وصديق دا وقعنا في الورق
دا نسف، مشينا غسلنا إيدينا ؤُ صديق شال مواعينو عدمانات نفاخ النار .
علي القسم انا من ربنا خلقني ما ضقت زي ملآح الورق داك، ؤُ لي الليلة
كان القاهو وجبة كل يوم ما آكل غيرو .
عِلآ بس لآيوّق، غايتو اليومين ديل في جنس ليآقة، هسّع انا بقيت
اكان ما ختيت حبوب الدغت جنبي ما بدخل المنبر دا ...
| |
|
|
|
|
|
|
|
|
|
Re: يا جماعة ... المشتهي ليهو مُلاح ورق يعمل شن� (Re: معاوية المدير)
|
يحيانا ... كيفينك, مع ملاح الورق ده ......قرع,
طبعا ملاح القرع مع الكسرة, ويا حبذا بايته, وتقوم
تعجنا بي أصابعك, حتى تري هريسة الكسرة والملاح
يمرو بين أصابعيك, وتقوووووم كده تحلب فيها نص
ليمونه وتضرضر عليها شوية شطة ... واو... المافي
شنو؟
ذكرتني بقصة واحد أخونا بحب المفاريك السودانية جدا,
وقامت زوجتو فركت ليهو ملاح خدرة ناصح وغليد, ثم
قامت ضربت ليهو تلفون في الشغل وهي فرحانة بي ملاح
المفروكة ده, لكن يبدو أن الزوج كان شبعان شديد أو ربما
عايش لحظات خارج مسألة الطعام دي, فقام قال ليها خليوه
أبيت عشان إبقى أحلى ... فشنو ... قام ... صدما
كدي أنتهي من ملاح ورقك ده, عشان نشوف ملاح الرجلة
{السودانية} ... جنس حلاه ... اللهم أعنا على شهوات البطون
... وكده
| |
|
|
|
|
|
|
|
|
|
Re: يا جماعة ... المشتهي ليهو مُلاح ورق يعمل شن� (Re: عبدالعزيز الفاضلابى)
|
هههه
اختنا نور اظنها نست يعملو كيف
Quote: والملاح بتعمل زى طريقة ملاح الورق فى السودان..
يعنى الموضوع بسيط.. |
طريقة عمل ملاح الورق
__________________________
المكونات:
½ كيلو لحمة ضاني
1 بصلة متوسطة
4 كوب ماء للشوربة
½ ملعقة ك ملح او حسب الرغبة يمكن الزيادة او النقصان
5 رؤوس ثوم
½ ملعقة ص فلفل
½ ملعقة كربونات الصوديوم
5 حزمة ورق ( صفق سيقان اللوبا الطيب )
2 حزمة سلج
½ كيلو بامية خضراء متوسطة الحجم
الطريقة:
نقوم بتقطيع اللحمة والبصلة مع اضافة 4 كاسات ماء والملح وتوضع علي النار لعمل شوربة الملاح
نقوم بتوريق الخضار وتقطيع الويكة الي حلقات صغيرة
بعد ان تنضج اللحمة وينقص الماء في الشوربة نقوم بإضافة 2 كأس ماء الي ان تغلي الشوربة وحشو الملاح في الشوربة واضافة الثوم والفلفل و
فورا نضيف الكربونات
ثم يحرك الخضار ليختلط بالكربونات
تترك المكونات لتغلي الي ان تستوي
نقوم بفرك المكونات بالمفراكة الخشبية او الكهربائية الي ان يصي رالملاح ناعم ومتجانس .
يغرف في الصحن ثم توضع في وجهه القراصة او الكسرة
يمكن تُحمر اللحمة لوحدها او تترك في الملاح
| |
|
|
|
|
|
|
|
|
|
Re: يا جماعة ... المشتهي ليهو مُلاح ورق يعمل شن� (Re: nour tawir)
|
½ كيلو بامية خضراء متوسطة الحجم
يا جلادونا ... قول خير, يعني كيف ملاح {ورق}
تضيف ليهو نص كيلو {بي حالو} بامية خضرا,
في الحالة دي ما ببقى ملاح ورق, ببقى حاجة تانية
نسميها في الجزيرة ملاح {أم بق بق} ... تصدق
غايتو لمن شفت المقادير التي ذكرتها لملاح الورق,
نص رطل إيه ونصف معلقة فلفل وبصلة {متوسطة}
لاحظ... قلت الزول ده حا إعمل لينا أجمل ملاح ورق
في الدنيا ... لكن ... يبدو وأن تخالطت الأطعمة.
... والأمزجة ... كذلك,
ثم في حاجة مهمة في البوست ده, حقو ما إخشو زول
{جعان}... لدرء شهوات النفس وهي تحت تأثير إنزيمات
الجوع {الكافر} ... هههههههههه
| |
|
|
|
|
|
|
|
|
|
Re: يا جماعة ... المشتهي ليهو مُلاح ورق يعمل شن� (Re: HAYDER GASIM)
|
Quote: طبعا ملاح القرع مع الكسرة, ويا حبذا بايته, وتقوم
تعجنا بي أصابعك, حتى تري هريسة الكسرة والملاح
يمرو بين أصابعيك, وتقوووووم كده تحلب فيها نص
ليمونه وتضرضر عليها شوية شطة ... واو... المافي
شنو؟
|
القرع بذكرني بالبركس يا حيدرنا ... ما بطراهوا كتير ...
لكن ملاح الورق ده ... بالله لو علي انا ده ... ارَكِبُو درِبْ ...
لايف لاين عديل كده ...
عارف زمان ناس الامن سكوني بي بوكسيهم الشين داك و زرزروني علي خفيف كده بي سبب واحد صاحبنا ...
و اخوك صمد ...
تعرف لو كان جوعوني يوم يومين و جابوا لي ملاح ورق ...
كان صاحبي يكون في خبر كان هسي ...
| |
|
|
|
|
|
|
|
|
|
Re: يا جماعة ... المشتهي ليهو مُلاح ورق يعمل شن� (Re: معاوية المدير)
|
Quote: عارف يا قباني،
سقت وِليداتي ؤُ مشيت البلد، بعد قعدت لي كم يوم مشيت جبت لي خرفان ضبحتهن
ؤُ دعيت ناس الحِلة قتلهم، دي سماية الوِليدآت باقي في بلآد الغربة ما سميتلهم .
قاموا قالوا لي، حكاية السماية دي لا تطراها قول، كرامة . قتلهم، لا سماية والوِليدآت
حايمين ياكلوا في اللحم . أها، قالوا، الليلة ود المدير سوالوا بِدعة في البلد .
يا زول اليوم داك أكلنا كترة لحم لآمن النفس دا غلبنا، وانا بقيت النفس دا يا الله
اشيلو وانزلو، أها، انا علي الحالة دي جا صديق ود بابكر ؤُ صديق دا زول
جزيرة، جا شايلو قدح كسرة ؤُ ملآح ورق والناس كلهم مرخمين ؤُ يعاينو، زول
نزل عليهو مافي . صديق قال لي، يا معاوية تعال انزل الورق دا ورق جزيرة .
بيني ؤُ بين نفسي قلت، صديق دا اللجبر بخاترو، ؤُ قلت كدي نزلت، وحات
خوتك يا قباني دخلت اللقمة اللولآ في خشمي، وانا وصديق دا وقعنا في الورق
دا نسف، مشينا غسلنا إيدينا ؤُ صديق شال مواعينو عدمانات نفاخ النار .
علي القسم انا من ربنا خلقني ما ضقت زي ملآح الورق داك، ؤُ لي الليلة
كان القاهو وجبة كل يوم ما آكل غيرو .
عِلآ بس لآيوّق، غايتو اليومين ديل في جنس ليآقة، هسّع انا بقيت
اكان ما ختيت حبوب الدغت جنبي ما بدخل المنبر دا ... |
اسمعني يا معاوية ...
في حاجات كده مهما شبعته ... مكانها بكون موجود في البطن لو حضرت ...
منهم ملاح الورق ده ...
اكل ملاح الورق لو بديت اول لقمة زي لعب القمار ... الا تنخرت حتين ترفع ايدك ...
| |
|
|
|
|
|
|
|
|
|
Re: يا جماعة ... المشتهي ليهو مُلاح ورق يعمل شن� (Re: معتصم سليمان)
|
Quote: يا جلادونا ... قول خير, يعني كيف ملاح {ورق}
تضيف ليهو نص كيلو {بي حالو} بامية خضرا, |
يعنى يا حيدر دارنى اديهو مقاييس عشان ياكل هو براهو
القاعدة الاساسية فى الموضوع
الزيادة فى البامية مضروبة فى كمية وافرة من الورق
مقسومة على نار موقد هادى
تساوى كثافة فى اللياقة لمزيد من الضيوف سواء بالكسرة ام القراصة
Quote: بتعرف يا جلال الكربونات لي شنو ؟
|
كيف ما بعرف
قبل الكربونات كان العطرون
البمطرو بيهو التمباك عديل كدى
يبلوهو فى فنجان و يخجوهو ثم يتركوهو لامن يروق و يصفى
ثم فى الحلة مويتو يكشحوها
جاييكم لى كيفية عمل الشطة الخدرا
اها كمان قولو بتعرفو تسووها
ناس ندقها فى فندك يمتنعون
| |
|
|
|
|
|
|
|
|
|
Re: يا جماعة ... المشتهي ليهو مُلاح ورق يعمل شن� (Re: معتصم سليمان)
|
Quote: آمنت بالله يا يحي قباني أنك راجل
إكيل درجة أولى ممتازة ومميزة كمان
يا أخي أنت أول زول يعرف يوصف يعبر عن الحالة دي |
يا معتصم لكن ما عصرت علي بي كلمة ( أكيل ) دي ...
دي بتدي إحساس نظام السمين يقع و الضعيف يقيف ...
ياخ شوف اهل الشام بدل ما يقولو إكيل ...
يقولوا ليك ده ( بيعرف طعمة تِمّو ... )
يعني ما جحمان ... لكن بعرف اللقمة الطيبة ... :)
| |
|
|
|
|
|
|
|
|
|
Re: يا جماعة ... المشتهي ليهو مُلاح ورق يعمل شن� (Re: يحي قباني)
|
ورق شنو القاعد يقوم المصران ..... بس
لكن أنا بحب خدرة الخلا بالعجالي السمين مع العصيدة الحارة بعد المغرب مباشرة ...... والشطة الخدرة بالليمون .... حبها وحب الليمون الكبار قاعد يعاين ليك وإنت بتاكل.
هامش: خدرة الخلاء غير خدرة الجروف والجناين .... دي ياخ سيقانها طواااال لونهم مايل للإحمرار ..... وطعمها حادق شوية .......... وبتقوم براها ، بروس ، في المناطق البور بعد نزول المطر بشهر تقريبا .
يعني مبالغة ................ جاااااااااااااااااااااااااااااااااااااااااك
| |
|
|
|
|
|
|
|
|
|
Re: يا جماعة ... المشتهي ليهو مُلاح ورق يعمل شن� (Re: يحي قباني)
|
تعرف يا هندزه ...
انا قبل كم يوم كده برضو كنتو مشتهي البتاعه دي
اها ونحنا قاعدين كلنا .. قلت لام العيال الواحد اشتاق لملاح ورق..
واحده من بناتي ( شهادة عربيه ) سالتني .. كيف يعني ملاح ورق ؟؟؟
قلت ليها .. شفتي الكراس حق المدارس داااك ... ؟؟
قالت .. اااي ...
قلت ليها بس نقعد نشرط صفحه صفحه ونختها في الحله.. وبعدين نجيب بصله و طماطم ...
غايتو .. عاينت لي فوق وتحت .. وهي ما مصدقه اننا بقينا زي الغنم بناكل ورق .... 
اها انتا كمان شوف ليك فلسكاب ماكن كده واطبخووو ... 
قاتل الله الغربه ...
تحياتي يا برنس ....
| |
|
|
|
|
|
|
|
|
|
Re: يا جماعة ... المشتهي ليهو مُلاح ورق يعمل شن� (Re: يحي قباني)
|
Quote:
العطرون براهو والجردقه براها
العطرون بالعملوا بيهو التمباك يمطروا بيهو
الجردقه ايضا من التربة تستخدم دواء بلدي وتدي نفس الغرض
ايضا حديثا الكربونات تموت بيها ملاح الفرك او الورق |
ابو الزوووز .... ياااااا
بقيت خبره وخيت ....
كيف ليمااار ؟؟؟؟
| |
|
|
|
|
|
|
|
|
|
Re: يا جماعة ... المشتهي ليهو مُلاح ورق يعمل شن� (Re: ست البنات)
|
Quote: أقع أسواق الصينيين والفيتناميين عنجهم حتى السبروق ( صفق البامية)
ست البنات. |
يا ستهم ....
اهلك الشايقية جنهم السبروق ... ما عارف الحكمة شنو ...
البامية غايتو بتساعد مرضى السكر ... اهلك الغتيتين بكونوا نقشوا ليهم حاجة و ما كلمونا ...
عليك الله كان ما كشفتي لينا السر ؟
| |
|
|
|
|
|
|
|
|
|
Re: يا جماعة ... المشتهي ليهو مُلاح ورق يعمل شن� (Re: يحي قباني)
|
اول حاجة اهنيك و اهنى الجميع بوجود بوستين لى ملاح الورق ضد بوستات العرقى
و عشان ناس العرقى برضو ناس حلوين بنهديهم الصورة دى
ام فتفت فى طور ما بعد النضافة home made
ده اول هام
تانى هام
من ناحية زرع اللوبيا التجربة كانت ناجحة تماما با عتبار انها قامت فى بيئة غير بيئتا
جاييك للجرجير و البامية كمان .. بس بى رو اقة
مشكلة ملاح الورق فى المتبخ و يا ريت لو كان عندى تكل و عدّة التكل
| |
|
|
|
|
|
|
| |
يحي قباني
اباذر عبد العال
معتصم سليمان
محجوب البيلي
ismeil abbas
علي عبدالوهاب عثمان
nour tawir
عبد المنعم سيد احمد
سفيان بشير نابرى
عبدالعزيز الفاضلابى
معاوية المدير
HAYDER GASIM
جلالدونا
سيف ود الخواجة
سامي عطا المنان
محمد مجيدو
ست البنات
فيس بوك
تويتر
انستقرام
يوتيوب
بنتيريست