|
|
 الصورة الذهنية التى نرسمها للاشياء دائماً تخالف الواقع
|
01:46 PM Mar, 24 2015
سودانيز اون لاين
احمد سيد احمد-السعودية
مكتبتى فى سودانيزاونلاين
اذا اتعشيت بعسل ومربى وطحنية وحاجات حلوة كتير واكلت منهم كتير وجيت شربت بعدهم كباية شاي عليها 3 او 4 معالق سكر حتحس انو الشاي مسيخ وما ليهو طعم والمشكلة ابدا ما في الشاي لكن في حاسة تذوقك التى اشبعتها بالحاجات المسكرة فبالتالي اي شاي تشربو ويكون كمية السكر فيهو اقل من كمية السكر الانت اكلتها ما حتحس بطعم السكر فيه...
الاشكال الحصل عندك في حاسة التذوق الحسية بيحصل زيو بالضبط في حاسة تذوقك المعنوي ال بعمليك مشاكل كتيرة في حياتك وانت ما حاسي..
الخيال ما ليهو حدود والواقع محدود وانت ممكن ترسم عمارة في سحابة لكن ما تقدر تبنيها او ممكن ترسم نفسك قاعد على الهلال ومنزل رجليك لكن في الحقيقة ما بتقدر تعمل كدا.
الكلام دا ممكن يعمليك مشاكل كتيرة جدا في حياتكالزوجية والاجتماعية والعملية وحتى الدينية...
مثال بتلاقي الولد والبنت قبل الزواج بياخدو فكرتهم عن الحياة الزوجية من الاغاني والاشعار والمسلسلات والافلام الرومانسية التى تعطيك جرعات كبيرة جدا من العسل والحاجات المسكرة المذكورة في اول الكلام...وتلاقي جايبين ليك البطل كلو رجوله ووسامه ودقن كيف وشنب مرسوم وحواجب والرومانسية والشهامة والبنت نفس الشي يصووها ليك كلها رقة وانوثة وجمال وخجل والمسلسل يكون 3 اجزاء و300 حلقة وعسل شغال يسقي في ذهنك...عسل...عسل...عسل لغاية ما يتشبع عقلك بالحاجات الحلوة ولمن تدخل الحياة الزوجية الحقيقية تلاقيها مسيخة وما ليها طعم زي الكان بيصوروهو ليهو في الافلام والمسلسلات والاشعار الرومانسية ودا نفس الحصليك مع حاسة ذوقك الحسية لمن اكلت الكمية الكبيرة من الحاجات الحلوة وخربت ليك طعم الشاي
|
|
 
|
|
|
|
|
| العنوان |
الكاتب |
Date |
| الصورة الذهنية التى نرسمها للاشياء دائماً تخالف الواقع | احمد سيد احمد | 03-24-15, 02:46 PM |
| Re: الصورة الذهنية التى نرسمها للاشياء دائما� | محمد الكامل عبد الحليم | 03-26-15, 09:19 PM |
| Re: الصورة الذهنية التى نرسمها للاشياء دائما� | معتصم سليمان | 03-26-15, 09:40 PM |
| Re: الصورة الذهنية التى نرسمها للاشياء دائما� | Abureesh | 03-26-15, 11:52 PM |
| Re: الصورة الذهنية التى نرسمها للاشياء دائما� | محمد الكامل عبد الحليم | 03-27-15, 06:35 AM |
| Re: الصورة الذهنية التى نرسمها للاشياء دائما� | عمر دهب | 03-27-15, 07:05 AM |
| Re: الصورة الذهنية التى نرسمها للاشياء دائما� | احمد سيد احمد | 03-27-15, 04:44 PM |
| Re: الصورة الذهنية التى نرسمها للاشياء دائما� | محمد الكامل عبد الحليم | 03-27-15, 05:48 PM |
| Re: الصورة الذهنية التى نرسمها للاشياء دائما� | بكري الخير | 03-27-15, 06:07 PM |
| Re: الصورة الذهنية التى نرسمها للاشياء دائما� | احمد سيد احمد | 03-27-15, 06:07 PM |
| Re: الصورة الذهنية التى نرسمها للاشياء دائما� | محمد الكامل عبد الحليم | 03-27-15, 06:37 PM |
| Re: الصورة الذهنية التى نرسمها للاشياء دائما� | احمد سيد احمد | 04-03-15, 08:27 PM |
|
| |
احمد سيد احمد
فيس بوك
تويتر
انستقرام
يوتيوب
بنتيريست