|
Re: حكمة والله وحكاية (Re: درديري كباشي)
|
(2)
في ذات الفترة أو بعدها بقليل كان يندر الأغتراب وفي الغالب لدولة مصر .عمنا ولده مغترب رسل له حواله . ساق معاه العمدة لانه لا يعرف الاجراءات .. العمده ( استنكحه) وقال له ولدك دا ولدنا كلنا .. لازم البلد كلها تضوق عسله . وراح قاسم مبلغ الحوالة معاه بحجة عمل كرامة بالمبلغ .. هو أتغاظ لكن كظمها (أي أكلها في حنانه ).. بعد أسبوعين تاني جات حوالة .. هو خلاص بقى عارف الطريق . ما كلم العمدة عنده صاحبه قال له ( عثمان أرحك معاي نصرف الحوالة دي ) .. بعد ما مشى وقدم الورقة للموظف عبر الشباك .. الموظف شرع في الصرف فعلا . لكن فجأة تذكر أنه الاسم دا أتكرر قبل أسبوعين راجع الدفتر ليتأكد لقاها هي نفس الحوالة صدر إشعار بالخطأ ...أتغاظ جدا لآنه كان راح يتورط .. قال لصاحبنا ( هات يدك ) صاحبنا مدى له يده .. راح شاديه من الداخل عبر اسياخ الشباك بكل قوته . كاد يخلع له كتفه .. بعد مقاومة شديدة من العم تصرف برفع رجله على الحيطة وضغط بقوة . حتى أستطاع ان يفلت ويسقط تحت قدمي صديقه رفع رأسه وقال ( يا عثمان الراجل عايز يقلع لي كتفي وأنت واقف تعاين ؟ ).. رد صاحبه ( نان أنا خبرني شنو ما قايله ياهو الصرف كدي ) ......
أول مرة أشوف جهل ينفع صاحبه ... عثمان لو كان عارف طريقة الصرف ربما ضرب الموظف بعكازه و اتركب جريمة قتل .
|
|
|
|
|
|
|
العنوان |
الكاتب |
Date |
حكمة والله وحكاية | درديري كباشي | 03-12-15, 03:02 PM |
Re: حكمة والله وحكاية | درديري كباشي | 03-12-15, 03:34 PM |
Re: حكمة والله وحكاية | Osman Musa | 03-12-15, 03:34 PM |
Re: حكمة والله وحكاية | درديري كباشي | 03-12-15, 03:39 PM |
Re: حكمة والله وحكاية | درديري كباشي | 03-12-15, 03:55 PM |
Re: حكمة والله وحكاية | درديري كباشي | 03-12-15, 04:11 PM |
Re: حكمة والله وحكاية | درديري كباشي | 03-14-15, 07:19 AM |
Re: حكمة والله وحكاية | درديري كباشي | 03-15-15, 08:39 AM |
Re: حكمة والله وحكاية | مصطفى الجيلي | 03-16-15, 04:53 AM |
Re: حكمة والله وحكاية | درديري كباشي | 04-14-15, 10:13 AM |
|
|
|