التشفير: موضوع تقني تعريفي

مرحبا Guest
اخر زيارك لك: 06-07-2024, 11:18 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2015م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
01-28-2015, 02:56 PM

حاتم إبراهيم
<aحاتم إبراهيم
تاريخ التسجيل: 08-11-2014
مجموع المشاركات: 3382

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: التشفير: موضوع تقني تعريفي (Re: حاتم إبراهيم)

    طرق التشفير القديمة، 4- التشفير باستخدام المعدات الإلكتروميكانيكية (إنيغما)
    الاسم مشهور بين الناس بتاعين الكمبيوتر وهو خاص بآلة تشفير إلكتروميكانيكية (فيها أجزاء ميكانيكية وكهربية) انتشرت في الفترة بين 1920 لحد نهاية الحرب العالمية التانية 1945 وفي منها نسخ تجارية ولكن المشهور منها هو النسخ العسكرية.

    إنيغما تشبه في عملها بالضبط عمل أقراص جيفرسون لكن بتعقيد مبالغ فيه بتبديل الاقراص الستة وتلاتين إلى تلاتة فقط لكنها تعمل بالضبط زي عداد العربية، يعني الأول لما يكمل دورة التاني يادوب يتحرك حرف واحد ولما التاني يكمل الدورة التالت يتحرك حرف واحد وهكذا، إذن عندنا تباديل عددها 26×26×26 حوالي 20 الف تبديلة.


    داخل كل قرص (الصورة تحت) توصيلات كهربية يعني أسلاك تمر من مفتاح الحرف لغاية ما تولع لمبة بحرف تاني


    تفاصيلها هنا

    فلما تضرب الاحتمالات دي كلها حتتجاوز الملايين وكمان كل قرص غير ملحوم على الترس بتاعو بل ممكن تدويره ستة وعشرين خانة حول محوره، يعني تاني تضرب 20،000 × 26×26×26

    التوليفة دي بتعمل على لخبطة (scrambling) الحروف، يعني الحرف لما تضغطو في الآلة بتولع معاك لمبة حرف تاني مختلف، مش بس كدة، نفس الحرف لما تضغط عليهو تاني بيولع معاك لمبة مختلفة في كل مرة، حسب مسارات التيار الكهربي الظاهرة في الصورة التحت دي:


    ولتصعيب المسألة، الاقراص التلاتية ديل ممكن تبديل مواقعهم بأكثر من طريقة، يعني تضرب الرقم الفوق في 6، وزيادة في البرجلة، التوصيلات الكهربائية عاملين ليها بورد قدام المكنة تعيد بيها تشبيك الحروف مع بعضها زي ما ظاهر في الصورة التحت


    ، وباختصار يمكن ضبط إنيغما بأكتر من طريقة، وعدد الطرق مكتوب في الرقم التحت دا:
    158،000000،000000،000000
    يعني 158 مليون مليون مليون طريقة.
    ----------
    عشان تشفر الرسالة: تضغط الحرف وتشوف اللمبة ولعت ياتو حرف وترسلوا بالتلغراف أو أي طريقة معروفة الزمن داك
    عشان تفك التشفير: تعيد إدخال الرسالة المشفرة وتشوف المكنة إنيغما ولعت ياتو لمبة
    أها طيب التشفير هنا وين؟
    التشفير في إنيغما يعتمد على ضبط المكنة عشان تعيد ليك توليد نفس الحروف الكتبها الراسل، فمع وجود (158،000000،000000،000000) طريقة لضبط المكنة إنيغما يكون من المستحيل معرفة الطريقة الصحيحة بالتجربة فقط، بدون وجود جمهرة من الموظفين وعدد كافي من المكنات يستحيل إعادة محاكاة طريقة ضبط المكنة في وقت معقول، زيادة على أن الألمان كانوا بيعيدوا ضبط المكنة في اليوم كذا مرة أثناء الحرب، كانو عندهم جداول بتحدد كيف ترتب الأقراص وكم مرة تدور القرص التاني، ووين توصل السلك الفلاني، وده كان مفتاح التشفير


    بكدة آمل أكون وضحت شوية معلومات عن طرق التشفير القديمة، حنشوف لاحقاً الطرق المعاصرة المستخدم فيها الكمبيوتر.

    (عدل بواسطة حاتم إبراهيم on 01-28-2015, 03:05 PM)
                  

العنوان الكاتب Date
التشفير: موضوع تقني تعريفي حاتم إبراهيم01-07-15, 11:06 AM
  Re: التشفير: موضوع تقني تعريفي عماد كرار01-07-15, 11:17 AM
    Re: التشفير: موضوع تقني تعريفي محمد الأمين موسى01-07-15, 12:51 PM
      Re: التشفير: موضوع تقني تعريفي ناذر محمد الخليفة01-07-15, 08:28 PM
  Re: التشفير: موضوع تقني تعريفي حاتم إبراهيم01-08-15, 07:52 AM
  Re: التشفير: موضوع تقني تعريفي حاتم إبراهيم01-14-15, 11:18 AM
  Re: التشفير: موضوع تقني تعريفي حاتم إبراهيم01-21-15, 09:27 AM
    Re: التشفير: موضوع تقني تعريفي nazar hussien01-21-15, 10:00 AM
      Re: التشفير: موضوع تقني تعريفي Asim Fageary01-21-15, 10:15 AM
  Re: التشفير: موضوع تقني تعريفي حاتم إبراهيم01-28-15, 11:50 AM
  Re: التشفير: موضوع تقني تعريفي حاتم إبراهيم01-28-15, 11:54 AM
  Re: التشفير: موضوع تقني تعريفي حاتم إبراهيم01-28-15, 01:12 PM
  Re: التشفير: موضوع تقني تعريفي حاتم إبراهيم01-28-15, 02:56 PM
  Re: التشفير: موضوع تقني تعريفي حاتم إبراهيم01-28-15, 03:43 PM
  Re: التشفير: موضوع تقني تعريفي حاتم إبراهيم01-28-15, 07:28 PM
  Re: التشفير: موضوع تقني تعريفي حاتم إبراهيم01-30-15, 08:18 AM
  Re: التشفير: موضوع تقني تعريفي حاتم إبراهيم09-04-15, 08:58 PM
  Re: التشفير: موضوع تقني تعريفي حاتم إبراهيم09-04-15, 10:20 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de