هنالك مجموعتان تسمي نفسها بورداب جدة - على الواتساب .. هل هذا تعدي على حقوق البورداب؟

Quote: طيب يا اخوانا انحنا غلطانين وانتو صاح المفروض يحصل شنو اسع ؟

Quote: طبعا تكونوا بالغتو لو راجيننا نفتح البوستات انحنا ونقترح ليكم كمان

Quote: وبكري (الخير) يدعي أنني : (البخليني اتعجب يا فقيري تنتنتك وتكرارك للكلام ) بين قوسين إقتباس من مداخلته الموجهة لي.

Quote: يا أساسي أنت ما غلطان انتو صح أستمروا في حالكم دا لأنه واضح أنه في ناس دايرين يتريسوا ويورجغوا ساي ويستغلوا الكيان لأهدافهم وياخ قبل كدا دخلتوني في قروبكم دا بدون اي سبب وفجاءة فصلتوني لمن خجلت من نفسي والله لو رجعتوني أكون اتشرفت وافخر بي أني اكون ضمن قروبكم دا صحي انا في أبوظبي وانتو في جدة بس قلبي معاكم وتحياتي وحبي للعزيز الرفاعي حجر حيثما حل عاصم فقير المرتاب دائما تتولى المهمات القذرة المرة دي عندك شنو وغرضك شنو تعال قول بي صراحة وما تنافق الناس ديل ما اغبياء

Quote: وبصرااااحة انا زاهد جدا في الحوار معاك لانه من خلال التجربة الحوار معاك ما عندو اخر ..بل المزيد من الغلاط والغلاط والغلاط وغير الغلاط احساس الضحية المتلبسك دا وانه العالم دا كله متكالب ضدك في كل حياتك صعب جدا الواحد يصل معاك لحاجة مفيدة

Quote: والغريبة انت من الناس الاقترحو كم حاجة ومشت لمن كنت معانا قبل ما ترجع لينا بي روح الضحية

Quote: . بوست وناسه هههههه انا غايتو مكتفي بمجموعه بورداب جده ( واتساب ) المطار القدم مجموعه متجانسة ومتفاهمة وبعيده كل البعد عن السياسة والعكننة والنقة الكتيرة برنامج متجددة واكان مافي اي برنامج بنخلق جلسة لي اي سبب في منتزة او في المطار القديم نلاقي الشباب ونتطايب ونتفاكر ونتونس ونخستك ونتفكفك ... لجنة رمضان ولدت ميتة ولو قدر لها ان تستمر 10 % من العملنا في مجموعتنا دي ما كان اتعمل لانو للاسف بعض الناس تحب المكاجرة والعكننة والكلام الكتيررر الماعندو فايدة ولا انجاز ... وذي ما قال الاخ اساسي الباب مفتوح لكل واحد عندو الرغبة وجوال الاخ سفيان متاح وما يفوتكم برنامجنا الف ومواضيعنا متجددة ...... يااخ انا اسي داير اقترح عليهم عمل فريق كورة قدم نشاط وحيوية وتجرية دم للشباب ديل بقيادة الكابتن لنجا هههههههههه

Quote: إنشاء الله تسوي قعدة (دق شلوفة)

Quote: الاخ / عبدالوهاب المليك ولجنته التي اعدت افطار رمضان العام الماضي ،،،مطلوب منكم شهادة امام الله ما هو دوري في هذا الافطار وهذه اللجنة التي اعدت الافطار فهل انا خطط بمؤامرة بليل معكم عشان نسوي لجنة جديدة تعصف بلجنة المطار القديم والتي انا فيها عضو مع اساسي المسؤول المالي فيها والاخوان حجر والبشير ومحمود كما اشار اليهم اساسي بتكليفي كمتحدث بلسانها في المنبر هنا . هل كان بيني وبينكم يا المليك ولجنتكم اي اتصال وتنسيق من اجل نسف لجنة المطار القديم وازاحتهم من القيادة

Quote: دق الشلوفة دي شنوو كمان .... حقت نسوان دي يازول لاكين عندنا جلسات استماع جميلة جدا تقام كلما هل علينا احد الفنانيين القادمين لجده .... مع العلم بان المجموعه بها عدد لا بس به من الفنانيين والشعراء والملحنيين ....

Quote: وأشهد بأنك أشرف الرحال لم تخطط أو تتآمر معي لنسف لجنة المطار القديم أو إزاحة قيادتها .. وأشهد بأنني لم أعلم بأن هناك لجنة من أصله .

Quote: الاخ العزيز المليك

Quote: سؤال للاخ الدكتور محمد عبد الهادي اخر رئيس تم اختياره في رمضان قبل السابق لبورداب جدة ومعه عدد يمثلون اللجنة التنفيذية ماهي الانجازات التي تمت في عهد تلك اللجنة المختارة والمرشحة ؟ خليك من انجازات ماهي الفعاليات التي تم تنظيمها بواسطة تلك اللجنة المنتخبة ؟ ياخ خليك من فعاليات قامت .. هل تم عمل اجتماع واحد لتلك اللجنة المنتخبة ؟ الاجابة ولا حاجة نفذت بواسطة تلك اللجنة المنتخبة ..طيب سؤال ليه ؟ خليك من دا كله ... في عهد تلك اللجنة المنتخبة تم القيام بعدد مقدر جدا من الفعاليات والاحتفالات والتكريمات والاستقبالات واللقاءات في المطار القديم وغيره من الاماكن .. اعتقد انه اخونا الدكتور محمد الهادي لم يحضر في معظمها مجرد حضور ان لم يكن لم يحضرها كلها ..رغم انه اعلن عنها في المنبر .. ولم يكن من المنظمين لتلك الفعاليات ولا شارك الاخوة الذين قاموا بتلك الفعاليات ولا لجنته بصفتهم اعضاء لجنة ..بل تم تنظيم تلك الفعاليات كلها باقتراحات فردية تمت مناقشتها في الهواء الطلق من الجميع وكلف من كلف بمهام من الجميع وانبري من انبري للعمل فيها اليست هذه اسئلة تجيب عن فعالية اللجان والجمعيات العمومية والانتخابات والصورة الصورية التي تحرصون عليها اوليس محمد الهادي نفسه حضر الي اخر افطار ومعه بعض اعضاء لجنته الذين لا استطيع ان اعدد منهم اتنين ليس لعدم معرفتي بكل البورداب بل لان الامر لا يعول عليه احدا كثيرا حضروا الي الاحتفال مثلهم مثل بقية الضيوف ولم يعلموا عن التخطيط لهذا الافطار سوي بعد ان وصل بوست الدعوة من خلال المنبر وانهم لم يقوموا باي اعمل بواسطة اللجنة لقيام هذا الافطار ؟ مع العلم بان الاخ الدكتور محمد الهادي نكن له والجميع كل احترام وتقدير ولا احد يحاسبه هنا لاننا جميعا نعلم ان الاخ محمد الهادي رجل خلوق ونلتمس له العذر ونعرف ان طبيعة العمل في هذا الكيان كانت اجتهادية وبمن حضر

Quote: وأقول له انها هفوة لم تكن مقصودة ولك ولبقية الأخوان العتبى حتى ترضوا

Quote: ابوقصي صاحب البوست الذي فجر المشكله اعتزر وكمان عمنا المليك اعتز. اعتقد مافي كلام بعد كده والعندو نشاط يعلن عنه من خلال واتسابو. المشكله في الفتحت بوست وقال شلناها رجاله و حمره عين ده يقولوا ليه شنو ده! قروب جده ده بعد اختفاء قيقراوي بقي عضلات ساي مافيه مخ

Quote: دا محمد هاشم ابو زيد يا عاصم دكتور محمد الهادي ما جا لسع

Quote: شايف احساس الضحية متلبسك كيف يا رحال اسع دخلت الراجل المحترم الوقور استاذنا المليك في حلايف مافي داعي ليها ..مافي زول اصلا اتهمك انك اتامرت مع المليك دي حاجة من بنات افكارك والان اقحمت فيها المليك وشرحت ليك انه قيام الافطار اصلا فكرة جات من القروب ونفذها المليك في المنبر وهو قد بذل جهدا مقدرا جدا في تلك الفعالية يكشر عليه جدا ويثني علي دوره الكبير كرجل حكيم كريم جواد يزين بورداب جدة الاتهام بالموامرة وجه ليك ولجمال السنوسي واستغلال فرصة التجمع للتخلص من قروب الواتساب وحجر تحديدا ودا الاتكلمنا فيهو في البوست وقد اشرت الي البوست المفتوح مباشرة من جمال وتعقيببك عليه كدليل الدخل الراجل الفاضل دا شنو اسع في حلايف ؟؟ قلنا من البداية الغلاط عندك ما عندو حدود

(عدل بواسطة Asim Fageary on 01-11-2015, 03:05 PM)

Quote: الاتهام بالموامرة وجه ليك ولجمال السنوسي واستغلال فرصة التجمع للتخلص من قروب الواتساب وحجر تحديدا ودا الاتكلمنا فيهو في البوست وقد اشرت الي البوست المفتوح مباشرة من جمال وتعقيببك عليه كدليل

Quote: والأيام كفيلة بأن تسود الحقيقة !

Quote: انت يا اشرف لو الواحد عايز يقول ليك كل سنة وانت طيب الا يطلعك من وسط دعكيبة ههههههههههههههه كيفك يا ملك عساك بخير ياخ

(عدل بواسطة أشرف الرحال on 01-10-2015, 08:28 AM)

Quote: فاتنو قرض ....... يا جماعة الموضوعية ..... تعني عدم شخصنة القضايا ....... الهدف الموضوعي يمكن تحقيقة بأقل الخسائر ........ إذن يجب أن تحددوا الهدف من النقاش .... أهو تكوين منبر واحد يتحدث بإسم جميع البوداب .... أم عدة منابر تتحدث بإسمهم .......إذا لم تتفقوا علي الأول أو الثاني ...... أفتحو بوست للتصويت علي أحد الخيارين وإذا جاءت النتيجة بالتساوي كل مجموعة تركب رأسها وتسوي العايزاهوا أستوا يرحمكم الله

Quote: ألاخ الكريم الجميل الخلق والخلقة عصام فقيرى ... السلام عليكم ورحمة الله وبركاته.. نحمد الله أن بحسم البورداب بالمنطقة الغربية رجل مثلكم يدري ويدري أنه يدري وقلبه علي الحسم الذي أعياهو النضال ( بدنى ) التحية والتجلة لكل ألاخوة المتداخلين بالبوست المحترمين ... أريد فقط أن أوجه اللوم والعتب الي أخي في الله والذي أحبه كثيرا ألاخ الكريم عبد الوهاب المليك بأنه بعد الحضور المثالي والكبير لجسم البورداب وذلك بأفطار رمضان المبارك والاريحية التي تمت بها أدارة الفعالية والترتيب المبهر الذي قام به ألاخ عبد الوهاب المليك وصحبه الكرام يعلم الله أنني أمتلا قلبي فرحا و أنا البوردابي البرلوم وسط قامات مثل ابز فصي والاساسي الجميل ولكن فجاة بعد أن تم التوافق أنبري اخي ألاساسي وتبعه أخوة كرام كنت دوما قاعلا وسطهم متقدما الصفوف في كل فعالية كنت حضورا بها وهي قليلة بحجم الكبار من فعاليات انبروا لها الكرام .... ولكن فجاة أنتفض اخي الاساسي في أفطار رمضان ورفض التكوين المثالي للجنة التي تم تكوينها ... وللاسف الاخ عبد الوهاب المليك كان أخرج العمل بصورة مثالية ولكن بعد تكوين اللجنة والتوافق الذي تم وقتها قاد ألاخ الاساسي الحوار رافضا التكوين الذي تم وتبعه من تبعه من الحضور بحجة أن هناك لجنة بالمطار القديم تم تشكيلها ... ويعلم الله لو أن الاخ الاساسي وابو قصي والصديق الوفي حجر هاتف الاخ وهو من القياديين القلة بمنطقة مكة المكرمة فلو أنه بارك العمل واللحنة لاتته الخلافة منقادة اليه تجرجر أذيالها ولكن كان ما كان وليس بالامكان وقتها أن يكون أفضل مما كان .. والحب عليك هو المكتوب يا ولدي .... وتفرق القوم أيدي سبأ ولا حول ولا قوة الا بالله ... قف ..... عبد الوهاب المليك كنت وقتها بدون أرادة قائدا بدون سلاحا وكان بالامكان أن تفعل الكثير ولكن ...

(عدل بواسطة Asim Fageary on 01-11-2015, 03:25 PM)

Quote: ياعاصم ‏ ت لخصت الموضوع تماما ووضعت محددات واضحه لكيفيه العمل الجماعي من خلال النت لعل النفاش يثمر ونخرج بنتائج طيبه عن كيفيه انشاء مجموعات اجتماعيه علي اسس معاصره بعيدا عن الجهوبه والقبليه وتتماشي مع مستحقات الواقع الحالي ربما تصبح نبراس يتبع من البقيه تحياتي

Quote: لكن شايف الناس عاملة رايحة

Quote: في البدايه التحايا للجميع تمت أضافتي للقروب وقد ذكرت في حينها أنها فكرة جميله علي الاقل تؤدي الي لم الشمل ومعرفة الاخبار ولكن بعد فترة تم الغائي من القروب وعند أستفسار الاخ الرفاعي ذكر لي أن عدد القروب محدد ب50 شخص وأنك قليل المشاركات فلم أزعل منه بل أستمر علاقاتنا وكنا علي أتصال دائم أبان وجوده في السودان ولق أتصل بي أكثر من مره مشاركا في الافراح والاتراح وأنا شخصيا لان أتردد في مشاركة في أي مناسبة الافراح والاحزان الله لا جابها لزملاء البورد سواء من هذا الجناح او ذاك لاننا في كلنا سودانين وبخصوص تكريم الاستاذ/بشري الفاضل لم أعرف به الا عبر منبر سودانيز وقد كتبت بذلك للاخ مجدي أبوقصي بذلك أملا دعواتنا في مناسبات اخري الاخوين أساسي وجمال السنوسني من وجهاء جده وليكم مكانه خاصه أأطلب منكم الاثنين تحديدا وبعد أنتهاء موجة البرد ان تعملا علي لم شمل بورداب جده برحلة أسريه لجميع بورداب جده وانتما اهل لذلك وقد قال الشاعر أزرع جميلا ولو في غير موضعه فلا يضيع جميل اينما وضعا ان الجميل ولو طال الزمان به فليس يحصده الا الذي زرعه دمتم والجميع بالف خير وعافية

Quote: أها خلونا نسمع آراء مؤيدة ومعارضة وتوافقية وما إلى ذلك من الخطوات العملية أو الخطوات القاتلة بضربة قاضية !

Quote: وبعد مرور أربع صفحات من العك ..................................

Quote: إنت يا بكري الخير (وجه الخير) مالك معهاي المحرشك علي منو ؟ يا راجل يان قول خير يان ما تجي تتلحني مالك ومالها 4 صفحات ولا 40 صفحة شايلها فوق راسك انت !