قاصدك عديل

مرحبا Guest
اخر زيارك لك: 05-24-2024, 05:33 AM الصفحة الرئيسية

منتديات سودانيزاونلاين

مكتبة الفساد

ابحث

مدخل أرشيف اراء حرة و مقالات

News and Press Releases

اتصل بنا

Articles and Views

English Forum

ناس الزقازيق

مدخل أرشيف للعام 2015م

نسخة قابلة للطباعة من الموضوع ارسل الموضوع لصديق اقرا المشاركات فى صورة مستقيمة

« | »
اقرا احدث مداخلة فى هذا الموضوع »

03-04-2015, 12:32 PM

ابو جهينة

ابو جهينة
تاريخ التسجيل: 05-20-2003
مجموع المشاركات: 22514

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

قاصدك عديل
11:32 AM Mar, 04 2015 سودانيز أون لاين ابو جهينة - السعودية _ الرياض مكتبتي في سودانيزاونلاين ( مجادعة إسفيرية لا تكل ولا تمل ، في حين أنها لا تقدم ولا تؤخر ) * قاصْدَك عديل يا ال قاعد في برجك العالي و معاك حيكون أسلوبي كالتالي : إنت لو بقيتْ أحسن مثالي : طِيرْتَك و إن طارت : ياها غنماية و غنمايتك كان حلبوها .. ياها حِدَّاية و أحْسِبها زى ما تحب ... جيب النهاية * أها ... بتصدق ؟ ما بعرفك لا شفتك .. لكن كارْهك من زمان دي لا قضيتي لا قضيتك سيرتك الذاتية ما قدر المقام و بين اسمك و صورتك .. بايْن الإنفصام قاصدك عديل بالرغم من كل وشوش الإبتسام و كومي و كومك إنت ... زي خطين سكة قطر ... و رغماً عن كدة ... كبير احتمال ... يحصل صِدام أحياناً ما تجي في مزاج يومي أو ألقاك تعوم عكِس عومي و قصدْتك عديل * ( المهم ) ... جايز شخصنة و ممكن شفْتنة و أنا زولاً كَلَس ... وجهاً لوجه ما بْتقْدرو ( و أعلى مافي كيبوردك .. أنْقرو ) أو سميها ثورة ضد الأنْسنة لما لقيتك مليان أدب و كُلك مسْكنة ناوي أجوطك و أبشْتِنك آخر بشتنة سميها زي ما شئتَ أو قول حَجَراً على أفكارك ... بنط فوق جدار نافوخك .. و هات يا قرصنة و لو لقيتك فايق و رايق ... قول جاك زول العكننة قاصدك عديل ما في أسف .. و ما بتراجع .. لو صادق ... و حلفت مليون يمين ما إنت إلا كاذْباً أشِر يا مُضِر .. يا أكبر مُفِر ... يا سيف العُشر أنا فارس الحوبة المُكِر قاصدك عديل مهما تتظارف أو تجيب مليون وش بيضحك .. برضك ثقيل قاصدك عديل أها شِنْ قولك ؟ * شوف يا جلابي .. يا إرهابي قايل نفسك ما ليك مثيل ..؟ مهما كنت و مهما تكون أنا قاصدك عديل ... * ها يا مهمَّش .. يا مهشَّم ... يا مُفَرْمِل تروس التنمية جيب أجاويدك .. رُش كلام الترضية برضو قاصدك عديل * ود حزبك مش مُؤدْلَج ؟ و الظُلُم عندو باين و أبْلَج ؟ أنا شايف رايو أعوج لو كلامو في استقامة السيف .. ما بِسْوى عندي غير هرْجاً مُكعْوَج و أنا قاصدك عديل يا هوا الكتاحة المُهَدْرَج يا عضو الدهماء ابْ راياً مرجرج كلامك نُصُّو مبْهم .. لأنك بالكامل مُبَنّج قاصدك عديل .. * و أنا برضو قاصدك عديل * ( و هكذا .. تستمر شهرزاد الأسافير في بث الجدال والمناوشة رغم تعاقب الليل و النهار .. بينما شهريار السيرفر يئن تحت وطأة هذا السجال و لا يفقه منه غير : قاصدك عديل ) (عدل بواسطة ابو جهينة on 03-04-2015, 12:34 PM)

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]