|
|
 ضاع عمرنا مع الإنقاذ وعمر البشير
|
08:56 AM Feb, 26 2015
سودانيز أون لاين
نادر -
مكتبتي في سودانيزاونلاين
يعني معقول يضيع عمرنا ونحن رئيسنا عمر البشير وقيادتنا السياسية بهذه الصورة المهينة.
أينعت زهرة شبابنا في ظل حكومة الإنقاذ، وها هو العمر يغرب وهؤلاء الأوباش يسيطرون على زمام الأمور.
كنا نمني النفس أن نعيش حياة سياسية كاملة الدسم، نناقش نقنع ونقتنع بوجه نظر الآخر متى أقنعتنا، نتحاجج بالتي هي أحسن،
ونسوق الدلائل والبراهين، ونقول ده غلط وده صاح، نقرأ ونكتب، ونحلل في الهواء الطلق دون حجب أو رقيب أو مصادرة.
حياة سياسية صحية بعيدة عن التخمين ووجهات النظر الجاهزة بلا فكر. إرادة سياسية تتماهى مع التطور التكنلوجي العلمي الحديث،
علاقات دولية راقية مع المجتمع الدولي، تقوم على مبدأ الاحترام والالتزام والندية، لا كما يحدث الآن من تخبط وحصار
ولهاث خلف القيادات السياسية في دول العالم (ود الباوقة فرحان بسفر الرئيس للإمارات وبدعوة من مصر) ياخي نحن دعينا ملكة التاج
البريطاني، هسه البشير لو دعى رئيس أفقر دولة بطنش دعوتو.
والواحد بصراحة بخجل لما يجيبوا سيرة عمر البشير ده في حضرة الشعوب الأخرى، رئيس ما يشرف ولا يبيض الوجه، والله
لو دكتاتور ومجرم وظالم ومستبد، لكنه كشخص مقنع وذكي sophisticated وفطن ومفتح وبعرف يتكلم ويحنّك
كان بطنا باردة، وكان ذاتو الواحد رفع رأسو وقال أنا معارض الزول ده، وتفخر بمعارضتك للشخصية المقنعة دي،
لكن واللللللله أنا بخجل لما أقول أنا معارض البشير ده، ده يعارضوا ليهو شنو ده هسه.
الله هونيني والمهم وأي حاجة ذاتو
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست