|
|
|
 Re: عمر دفع الله لايليق بك الزج بحلايب في خلاف (Re: Abureesh)
|
البشير أكثر وعيا بالوطنية هههههه حلوه دي والله وطنية البشير هي التي قادته للتنازل من جنوب السودان بسياسة وطنية خالصة تبتغي رفعة الوطن وطنية البشير هي التي تدخلت الاحباش في الفشقة وطنية البشير هي التي أدت الي انهزام جيشه المنكسر أمام الجيش المصري عقب محاولة اغتيال حسني مبارك وطنية البشير هي التي دعت القوات الدولية لدخول أرض السودان وبنفس الوطنية أدخل البشير البلد في برك الدماء والقتل والإبادة الجماعية المفيد المختصر الانقاذ سلطة ذليله هذيلة وأقبح حقبة مرت على تاريخ السودان وتظل حلايب سودانية وقضية وطن وسيادة وطن البشير غير جدير لمجرد الحديث عنها ناهيك من استعادتها تخريمة هو عمر دفع الله رسم شنو ازى بيه المدغمسين انا بدخل بي جوال ههههههه وبدل ما تقعدوا تدينوا ليكم في رسم ادينوا من فرط في حلايب وكل الوطن
| |
 
|
|
|
|
|
|
|
|
Re: عمر دفع الله لايليق بك الزج بحلايب في خلاف (Re: Abureesh)
|
فرح الطاهر ابوروضة انت وكت ماشفت الرسمه بتتكلم عن شنو ؟؟عمر دفع الله سوداني والرسمه بقول انو نحن كسودانيين نفسنا ما مقتنعين بالقضيةواننا رد فعل للحصل للرئيس قضية حلايب قضية حق لا تحتمل مزايدات من النظامكما لا تحتمل مزايدات من المعارضة
| |
|
|
|
|
|
|
|
|
Re: عمر دفع الله لايليق بك الزج بحلايب في خلاف (Re: علاء سيداحمد)
|
| Quote: ليس للكاراكتير علاقة بموقف عمر دفع الله من قضية حلايب ..ولا بموقف اهل السودان من هذه القضية الوطنية ..الكاراكتير وببساطة واضحة جدا يسلط الضوء على انتهازية الحكومة وسمسرتها بالقضايا الوطنية .. |
نفس الفهم الذي توصلت اليه أنا أيضا.شكرا محمد حيدر.
| |
|
|
|
|
|
|
|
|
|
Re: عمر دفع الله لايليق بك الزج بحلايب في خلاف (Re: محمد حيدر المشرف)
|
**الكاراكتير وببساطة واضحة جدا يسلط الضوء على انتهازية الحكومة وسمسرتها بالقضايا الوطنية ..**لا أبدا يا اخ محمد حيدر المشرف.. ياخ المؤمن كيس فطن.. وشوف انت الكركتير دا بعيون المصريين.. النقطة الأساسية التي اركز عليها هي إبعاد اى خلافات داخلية سودانية/سودانية من ان تتداخل مع قضايا خارجية. سمعت بنكتة السودانيين في مطار جدة.. يا عب جر الشنطة دى جاى.. يا عب وينك ياخ كايسن ليك من قبيل.. بس جاهم سواق تكسى سعودى سألهم: تبغوا تاكسى يا عبيد؟ وعينكما تشوف إلا النور.. كلهم قاموا عليهم. هذا ما اقصده. ولو الترابى الذى صنع البشير، اليوم أعلن ان حزبه عنده خطة محددة في موضوع حلايب وإعادتها فسوف أقف وأويد المؤتمرالشعبى في ذلك.. خلافى المنهجى والسياسى والفكرى معه في إطار السودان.. داخل السودان يا محمد.. أما في مواجهـة محتل أجنبى فكلنا يد واحدة. في مداولات الكنجرس الأمريكي قبل حرب الخليج، لم يوافق الكنجرس على الحرب، ولكن بعد بوش بدأ الحرب وارسل الجنود، الكنجرس إجتمع تانى وأيد الحرب، ومما قالوا انهم لا يريدونان يشعروا الجنود في الجبهة ان الأمريكان خلفهم منقسمون حول الواجب الذى يقومون به.. شفت كيف؟ إذا الموضوع ما إنتهازية البشير او لعبه بالكروت.. وإنما واقع ان رئس الدولة يقف موقفاً قوميا سودانياً ويجب ان يحظى هذا بتأييد كل الشعب..
| |
|
|
|
|
|
|
|
|
|
Re: عمر دفع الله لايليق بك الزج بحلايب في خلاف (Re: Deng)
|
يا ابو الريش ياخ عليك بدون ما عمر دفع الله يرسم انت في ذمتك ما عارف الانقاذ متين بتقول حلايب سودانية ومتين بتتكلم عن مصر والسودان شعب واحد ومتين بتتنازل بي وقاحة عن السيادة الوطنية ياخ ما تعمل ليك معركة مع عمر دفع الله بدون معترك كان عايز تبارك وطنية البشير أو الانقاذ بارك بدون استخدام ساترايوه ما قادر اشوف الصورة النت ضعيف والموبايل ما بحمل الصور إلا بعد تعب لكن هسي شفت الكاركتير وفعلا ده الحاصل بالضبط البشير برفع راية سودانية حلايب بضغوط خارجية وده مرفوض
| |
|
|
|
|
|
|
|
|
|
Re: عمر دفع الله لايليق بك الزج بحلايب في خلاف (Re: Deng)
|
ليس للكاراكتير علاقة بموقف عمر دفع الله من قضية حلايب ..ولا بموقف اهل السودان من هذه القضية الوطنية .. هم من اضاعو الوطن فى سبيل سلطتهملهم الى الابد المسئوليه التاريخةعن حلايب والجنوب وغيرها من الاراضى الهاملهولعمر دفع الله شرف الدفاع عن بلاده بريشته وفنه
| |
|
|
|
|
|
|
|
|
|
Re: عمر دفع الله لايليق بك الزج بحلايب في خلاف (Re: Deng)
|
ليس للكاراكتير علاقة بموقف عمر دفع الله من قضية حلايب ..ولا بموقف اهل السودان من هذه القضية الوطنية ..الكاراكتير وببساطة واضحة جدا يسلط الضوء على انتهازية الحكومة وسمسرتها بالقضايا الوطنية ..ومرد ذلك رالهتسيريا التي اصابت النظام واعوان النظام فجاة بسوداينة حلايبو لا يمكن عزل كل هذا الهيجان من التحولات السياسية والعسكرية في المنطقة أين كانوا هؤلاء من سودانية حلايب والحكومة المصرية تعمل على تمصير حلايب ووطوال عقدين من الزمان هي صورة تفضح النهج السياسي الانتهازي للانقاذ حتى في قضايا لا تقبل الانتهازية السياسية تفضح تفريطها في السيادة الوطنية وكيف ان السيادة الوطنية في الإنقاذ خاضعة للتوازنات السياسية في المنطقة وبعدين يا استاذ احمد يا عضو ما عارف ياتو لجنة في مسلسل الحوار المعاديعني كيف ما يزج حلايب حلايب تهمك وقضيتك كما هي تهم وقضية الفنان عمر انت سوداني عمر سوداني حلايب سودانية إِيش المشكلة ان يتناول عمر حلايب وبطريقتو بأسلوبه
| |
|
|
|
|
|
|
|
|
|
Re: عمر دفع الله لايليق بك الزج بحلايب في خلاف (Re: Abureesh)
|
لا أقدح في حسن نية عمر دفع الله.. ولكن حسن النية وحده لا يكفى..هذا الكاريكتير يقول للعالم ان قطر والكيزان هما من (يحرش) البشير للمطالبة بحلايب في الوقت التي هي ليست ارض سودانية. انظروا من هذه الزاوية.. وهذا امر طبيعى فإنك لوأظهرت خلافك مع حكومتك في موضوع دولى متنازع عليه، بصرف النظر عن رأيك الشخصى، فإن العدو سوف يأخذ الفرصة ويستغلك ويستخدمك ضد وطنك، وضد رؤيتك الشخصية، وهذا ما حدث للأخ القراى الذى نبهته وبعد يومين ظهرت الجرائد المصرية تحتفل بمقاله، وأخرجت كثير منه من إطاره.. مخابرات الدول تكذب وتزور الوثائق حتى تكسب الرأي العام،فما بالك لو أعطيتها أنت تلك الوثائق باردة في يدها.. ولماذا يقحم عمر دفع اله قضية وطنية حساسة مثل حلايب في خلاف داخلى سودانى مع البشير؟ أنا حياتى كلها وظفتها من عمرى 14 سنة ضد الأخوان المسلمين كفكرة شيطانية دمرت سمعة الإسلام قبل تدمير السودان وأهله.. والان تدمر العالم.. فبالله سيبوا المزاودة في الحتـة دى.
| |
|
|
|
|
|
|
|
|
|
Re: عمر دفع الله لايليق بك الزج بحلايب في خلاف (Re: Abureesh)
|
يا ابا الريش يا استاذنا ..| Quote: . ياخ المؤمن كيس فطن.. وشوف انت الكركتير دا بعيون المصريين.. |
لماذا أحتاج للبس عيون أخرى ؟!!أفهم ما ترمي اليه يا عزيزي و ..نعم يجب علينا أن نرى الأشياء بشمول أعظم .. الا أن ذلك لا يتم من خلال عيون أخرى لا تخصني .. "عيون المصريين مثلا" .. بل أرى الاشياء بعيوني الخاصة ومن زوايا متعددة .. والخلاصة هي ما قلتها ليك .. والآن أنت تثبت صحة قراءتي بي قرايتك انت بي عيون المصريين .. لا لا يا عزيزي .. الصحيح أن ترى بعيونك أنت .. الكاراكتير ينتقد خضوع قضية حلايب لتقلبات سوق السياسة لا اكثر ولا اقل ..
| |
|
|
|
|
|
|
|
|
|
Re: عمر دفع الله لايليق بك الزج بحلايب في خلاف (Re: Omer Abdalla Omer)
|
سلام يا عمر عبد اللهتســأل:**و يا أبا الريش, هل تعتقد موقف البشير من حلايب و طني و مبدئ؟**وطنى؟ نعم.. زول اعلن موقفه من ارض مغتصبة.. مبدئى؟ لا علم لى، ولكن لو غير رايه من غد فسأحاربه مثلما حاربت غيره من السياسيين المتذبذبين، ومثلما احارب الإتحاديين وتبعيتهم لمصر وصمتهم عن قضية حلايب وشلاتينوجزر النوبة.. وفى هذه فأنا لا تعمينى دكتاتورية البشير من ان أرى عمالة وتبعية أحزاب مثل الإتحادى والشيوعى. نحن كسودانيين نختلف ونتحارب ونتقاتل ونتصالح.. ولكن حين يتعلق الامر بأمن البلاد القومى فنحن يد واحدة.. وإلا فسنكون شعبا لا رؤية له ولا هدف.. aimless
| |
|
|
|
|
|
|
|
|
|
Re: عمر دفع الله لايليق بك الزج بحلايب في خلاف (Re: Abureesh)
|
| Quote: لكاراكتير وببساطة واضحة جدا يسلط الضوء على انتهازية الحكومة وسمسرتها بالقضايا الوطنية ..يعني بدلا عن ان تكون تلك القضايا الوطنية ثابتة وبمنأى عن التحالفات والمصالح السياسية المتغيرة .. يتم التعامل معها بانتهازية من قبل الحكومة .. |
الأ خ ابو الريش تحياتي .. حقيقة في مداخلتك الاخيرة أكدت على سؤال سأسأله لمن يختلفون معك وابرزهم الدكتور.. وقبل السؤال لا شك بأن الفنان صاحب كل فن يهتم اولا بفكرة مشروعه الفني .. بمعنى ان المشروع لا يكون من فراغ وخواء وعشوائية .. سؤالي للدكتور المشرف ومن اتفقوا معه .. هذه الفكرة التي امتدحتموها في كركاتير (الشخباط) هاهاهااا كما يقول صديقي الباوقة .. هل لها دلالة واقتباس في الساحة أقصد هل هي نتاج موقف ما للسيد الرئيس بالفعل أظهر فيه تلك الانتهازية التي تحدث عنه الدكتور المشرف ؟؟ وقضية وطنية ما المقصود بالقضايا الوطنية ؟؟ .. وبالمناسبة نريد الانصاف .. هذا (الشخباط) في مرة من المرات صور الشعب السوداني وقدد سدد له عود كعود القذافي .. لم ينصفنا احد في انتقاده . انتظررؤية تعليق الدكتور بفارغ الصبر.
| |
|
|
|
|
|
|
|
|
|
Re: عمر دفع الله لايليق بك الزج بحلايب في خلاف (Re: Ahmed musa)
|
| Quote: لا أبدا يا اخ محمد حيدر المشرف.. ياخ المؤمن كيس فطن.. وشوف انت الكركتير دا بعيون المصريين..النقطة الأساسية التي اركز عليها هي إبعاد اى خلافات داخلية سودانية/سودانية من ان تتداخل مع قضايا خارجية.سمعت بنكتة السودانيين في مطار جدة.. يا عب جر الشنطة دى جاى.. يا عب وينك ياخ كايسن ليك من قبيل.. بس جاهم سواق تكسى سعودى سألهم: تبغوا تاكسى يا عبيد؟ وعينكما تشوف إلا النور.. كلهم قاموا عليهم. هذا ما اقصده. ولو الترابى الذى صنع البشير، اليوم أعلن ان حزبه عنده خطة محددة في موضوع حلايب وإعادتها فسوف أقف وأويد المؤتمرالشعبى في ذلك.. خلافى المنهجى والسياسى والفكرى معه في إطار السودان.. داخل السودان يا محمد.. أما في مواجهـة محتل أجنبى فكلنا يد واحدة.في مداولات الكنجرس الأمريكي قبل حرب الخليج، لم يوافق الكنجرس على الحرب، ولكن بعد بوش بدأ الحرب وارسل الجنود، الكنجرس إجتمع تانى وأيد الحرب، ومما قالوا انهم لا يريدونان يشعروا الجنود في الجبهة ان الأمريكان خلفهم منقسمون حول الواجب الذى يقومون به.. شفت كيف؟إذا الموضوع ما إنتهازية البشير او لعبه بالكروت.. وإنما واقع ان رئس الدولة يقف موقفاً قوميا سودانياً ويجب ان يحظى هذا بتأييد كل الشعب.. |
أبوالريش ماخليت شئ يتقال
| |
|
|
|
|
|
|
|
|
|
Re: عمر دفع الله لايليق بك الزج بحلايب في خلاف (Re: Ahmed musa)
|
**وده بدينا الحق عشان نسخر من قضية كقضية حلايب هنا نحن مصطفين حكومة ومعارضةالناس البرة بقولو دي سخرية السودانيين نفسهم من القضيةوبعتبروها ماقضية لعبة سياسية ساي عرفت الفرق ؟؟؟**الكلام دا تقوله لمنو يا أحمد.. ناس استولى على اليأس ولم يفرقوا بين القومى والحزبى.. ووالله لا أحب الحديث عن النفس.. ولكن مضطرا اقول، ما قمت به في محاربة الإنقاذومحاربة الترابى وحكم البشير، ومحاربة الأيديولوجية التي ينطلقون منها منذ عام 1969.. كل القاعدين يدفقوا أزرار الكيبورد هنا، ولا أقول يكتبون، ما قاموا بواحد في المائة منهكلهم مجتمعون.
| |
|
|
|
|
|
|
|
|
|
Re: عمر دفع الله لايليق بك الزج بحلايب في خلاف (Re: Abureesh)
|
ما فاهمة الإعتراض في شنو ؟أليس البشير هو من فرط أصلاً في المثلث وأراضي الوطن ؟أما عن الوطنية ، فنحن لم نحظ مطلقا بحكومة وطنية حقيقية منذ المهدية .ناهيك عن أن تكون الإنقاذ فيها ذرة وطنية ..والإعتقاد في ذلك هو نكتة بحق ..وتستاهل كاراكاتير فعلاً .التحية لعمر دفع الله .-----وبالمناسبة أهل حلايب يعلمون علم اليقين بأننا لم نحظ مطلقا بحكومة وطنية .
| |
|
|
|
|
|
|
|
|
|
Re: عمر دفع الله لايليق بك الزج بحلايب في خلاف (Re: AMNA MUKHTAR)
|
الأخت العزيزة أمنة،لكل مقام مقال.. ويبدو انك لم تطلعى على كل المداخلات.. كلامك مظبوط.. ولكن يقال داخل حدود السودان.. نحن السودانيين نختلف او نتفق او نتقاتل داخل حدودنا.. ولكن إن تعلق الأمر بعدو خارجى يحتل ارضنا، فيجب ان نكون يداًواحدة.. وإلا فلن نجد وطنا نختلف فيه أو نتقاتل فيه. وأنت تعلمين ان الحديث عن فساد الإنقاذ وظلمها وتفريطها في سيادة البلاد لا يوجه لمثلنـا.. ولكنها لو قامت بتعزيز القواتالمرابطة في حلايب وزيادة عددها كما فعلت العام الماضى فيجب علينا، كسياسيين ان نقوم هذا التحرك.. السياسى الحصيف يحاول كسب عدوه حتى لو ضخم مواقفه، وبعضهميقول (بضم الواو وكسره) عدوه ما لم يقله حتى يستفيد من الموقف.. حتى يضطر العدو لنفى ما نسب اليه.. فما بالك عدونا المحلى الإنقاذ لم تضطرنا لتقويلها وإنما وقفت بصورةواضحة امام الإدعات المصرية، حتى وإن جاء هذا متأخراً.. رغم انى لا أذكر انها إدعت غير ذلك من قبل.. ولكن ما أذكره ان الأحزاب وزعماءها مواقفهم تجاه هذه القضيةدون موقف الإنقاذ باماد بعيدة.. بل محمد عثمان الميرغنى لا يجرؤ حتى على الحديث عن حلايب ويغضب نسابته وولاته في مصر.. رغم انه عند المصرين فإن المراغنـة بالذاتليسوا سوى طبقـة البوابين الأوفياء الذين يقفون على بوابة السودان حرســاً.
| |
|
|
|
|
|
|
|
|
|
Re: عمر دفع الله لايليق بك الزج بحلايب في خلاف (Re: AMNA MUKHTAR)
|
| Quote: أليس البشير هو من فرط أصلاً في المثلث وأراضي الوطن ؟ |
وده مابدي ايا كان الحق في انو يزج بقضية كحلايب في آتون الصراع الدائر بينه والنظام كلام عمر يا آمنة بيؤخذ بإعتباره راي عام سوداني مفاده انو قضية حلايب جزء من لعبة سياسية القصة اكبر من كونها مكايدة سياسية أو سخرية من نظام امنة حلايب أكبر من اي صراع داخلي
| |
|
|
|
|
|
|
|
|
|
Re: عمر دفع الله لايليق بك الزج بحلايب في خلاف (Re: Abureesh)
|
أيوه جادي! الموضوع واضح يا أبا الريش! عمر دفع الله يريد أن يقول أن البشير لا شغل له بحلايب و إنما تحركة أيادي أخرى لا تهمها حلايب و لا أهل حلايب! تهمهم قلقلة نظام مصر لأسباب تخصهم هم و ليس من أجل حلايب و لا عيون أهلها! و ما كلام البشير الأخير عن حلايب إلا من باب من أخذ الاجر حاسبه الله بالعمل!ارجو إنه ما يكون في مزايدة على وطنية الناس و موقفها من حلايب! هذا في نظري خلط للأمور! حلايب قضية وطنية و لكن لا نقولها بقول عمر البشير فهو لا تعنيه حلايب و لا أهلها! ما التعقيد في هذا الامر؟
| |
|
|
|
|
|
|
|
|
|
Re: عمر دفع الله لايليق بك الزج بحلايب في خلاف (Re: Omer Abdalla Omer)
|
المسألة واضحة جداً يا جماعةالكاركتير مقصود به فعلاً مزايدة البشر وحكومته في موضوع حلايبدي واضحة جداً ولا تخطئها عينيبقى بعد دا في البيشوف إنه مفروض نقيف مع البشير (بغض النظر عن نواياه) لأنه الموضوع وطنيوفي البيشوف لا البشير (ما وطني) وخائن لوطنه، ومفروض نحبسه.ابو الريش ضرب مثل بالكونغرس. يا خي الكونغرس منتخب في حكومة ديمقراطيةالحال لا ينطبق على البشير من وجهة نظر (عمر دفع الله)فمصر احتلت حلايب، والبشير احتل السودانفالشخص الذي يعتبر البشير مغتصب للسلطة وخائن لوطنه بتدميره والانقلاب على حكمه الشرعيلن يراه وطنياً بأي حال من الأحوال.
| |
|
|
|
|
|
|
|
|
|
Re: عمر دفع الله لايليق بك الزج بحلايب في خلاف (Re: الصادق اسماعيل)
|
**فالشخص الذي يعتبر البشير مغتصب للسلطة وخائن لوطنه بتدميره والانقلاب على حكمه الشرعيلن يراه وطنياً بأي حال من الأحوال.**هذا داخل السودان يا الصادق.. الكلام دا نقوله داخل السودان، فيما بيننا كسودانيين، وفى سلاح ودم يجرى حتى الان في الموضوع دا وارواح ترهق، دا موش كلام ساكت. هذه هي النقطة اللى الناس اما تتعامى ما تشوفهاأو ما قادرة تشوفها. هناك فرق بين اننا نختلف ونتقاتل داخل السودان، وبين ان نسخر من موقف عدونا (الداخلى) من قضية وطنية وقومية مشتركة بين كل السودانيين سواء كانوا إنقاذ او حركات مسلحة او أحزاب، الأمرالذى سوف يستغله العدو المشترك وهو المحتل الأجنبي.. ومرة تانية يا عمر عبد الله، المصريون لا يفسرون كما تفسـر انت.. وإنما يفسرونه ويعيدون نشره ليثبت وجهة نظرهم هم.. وهى ان حلايب مصرية ولكن القطريون والسعوديون هم الذين يحركون البشير.هم يعلمون ان هذه ليست الحقيقة ولكن أن تعطيهم أداة للتزييف ولى الحقيقة فهذه أكبر هدية، وهم يزورون الحقائق فكيف إن ساعدتهم عليها بمثل هذا العمل الساذج الغافل. والله انا فترت من هذا البوست ولن أدخله مرة أخرى.. وقبل ان اغادره أقول ان السودانيين المثقفين لا فائدة منهم.. ولا هدف لهم. معاكم الف سلامـة.
| |
|
|
|
|
|
|
|
|
|
Re: عمر دفع الله لايليق بك الزج بحلايب في خلاف (Re: Abureesh)
|
| Quote: يبقى بعد دا في البيشوف إنه مفروض نقيف مع البشير (بغض النظر عن نواياه) لأنه الموضوع وطنيوفي البيشوف لا البشير (ما وطني) وخائن لوطنه، ومفروض نحبسه. |
ماكدة يا صادق ...في البشوف انو الكاركتير معني بيه موقف البشيروفي البشوف انو ده موقف جمعي سوداني يعني زي مابحاول يقول ابوالريشالمصريين ونظرتهم للامر بشوفو انو مثقفي السودان شايفين مافي قضية وانو موقف البشير موقف معزول وهم نفسهم بسخروا منه
| |
|
|
|
|
|
|
|
|
|
Re: عمر دفع الله لايليق بك الزج بحلايب في خلاف (Re: Ahmed musa)
|
عمر دفع الله غير مطالب بشرح ما قصده والطبيعى جداَ ان يفهم الناس كل من زاويته وبعيداً عن هذا وذاك فان تاريخنا ملىء بالامثلة التى فرطت فى السياده وكانت سبباً فى استدعاء الأجنبى و ما البشير الا احد انصع الامثلة وبالنسبة لى فان مجرد حديثه عن سودانية حلايب ليس سوى نكتة سخيفة ولا تأتى الا ضمن مكايدات يكلفه بها التنظيم العالمى والذى انكر علاقته به وقبل ذلك فهو وطغمته غير مؤهلين اخلاقياً لتناول اى من قضايانا الوطنيه.ختاماً اقول ان ما كان يسمى فى السابق بالقضايا الداخلية لم يعد كذلك فعالم اليوم متشابك ومعقد وأن اكثر المناطق تعقيداً وغلياناً هى منطقتنا خصوصاً بعد بروز الصراع بين مصر السيسى وتنظيم الاخوان المسلمين وخصوصاً بعد ان تمترس (حمقى الخرطوم) خلف التنظيم الدولى وعيونهم على الريالات القطريه وهم يملئون مدننا ببقايا الشعوب.حلايب والفشقه وجزر النوبه وقرى الشرق المحتله كلها قضايا سودانيه تتداخل مع الاقليمى والدولى وهذا بعض مما اراده عمر دفع الله فيما فهمت .وقلبى على وطنى..
| |
|
|
|
|
|
|
|
|
|
Re: عمر دفع الله لايليق بك الزج بحلايب في خلاف (Re: Ahmed musa)
|
| Quote: وده مابدي ايا كان الحق في انو يزج بقضية كحلايب في آتون الصراع الدائر بينه والنظام |
حلايب ذاتها واحدة من أسباب الصراع مع النظام، فكيف لا نستخدمها؟ ولماذا لا نستخدمها؟ وويا أحمد ويا أبا الريش، ما تنفخوا ريشكم فينا في الفاضي عشان انتو من الإقليم المعني، عمر دفع الله أحرّص على حلايِّب منكما مجتمعين. النظام البتتوددو ليهو ده أسألوهو لماذا غاب عن حلايِّب قرابة العقدين من الزمان، لماذا أثارها الآن؟ ومن يقف وراءه؟ ولماذا يقف وراءه؟____على كلٍ، الكراكتير واضح ولا يحتاج لشرح، وكل يفهم ماهو مسخر له. أبو الريش بالرغم من إنتمائه الباكر لفكرة عظيمة ربّت أفرادها على المعرفة والتفكير، إلا إنه مازال أبسّط من ناس ود الباوقة وغريبة وما شاكلهم من مخلفات المشروع الحضاري.. يا أحمد موسى خليك مع الحوار البطني، حلايِّب لن تعود لنظام فرّط فيها خدمة لإسلاميي مصر في محاولة إغتيال حسني مبارك ، ويثيرها الآن لخدمة نفس الجماعة في محاولاتهم لضعضعت نظام عبد الفتاح السيسي. حلايب ستعود حينما تعود للفرد السوداني حريته وحكومته التي تمثله والتي ستقف أمام مصر بكل ندية، ندية لا تفريط فيها لشبر من أرضِ ولا نقصان فيها لصفيحة ماء.
| |
|
|
|
|
|
|
|
|
|
Re: عمر دفع الله لايليق بك الزج بحلايب في خلاف (Re: محمد علي عثمان)
|
| Quote: حلايِّب لن تعود لنظام فرّط فيها خدمة لإسلاميي مصر في محاولة إغتيال حسني مبارك ، ويثيرها الآن لخدمة نفس الجماعة في محاولاتهم لضعضعت نظام عبد الفتاح السيسي. حلايب ستعود حينما تعود للفرد السوداني حريته وحكومته التي تمثله والتي ستقف أمام مصر بكل ندية، ندية لا تفريط فيها لشبر من أرضِ ولا نقصان فيها لصفيحة ماء. |
ولا كلمه زياده على المقتبس اعلاه.... شكرا طيفور
| |
|
|
|
|
|
|
|
|
|
Re: عمر دفع الله لايليق بك الزج بحلايب في خلاف (Re: زينب محمد عبدالله)
|
سلامات يا أحمد موسى,,القول ما قاله طيفور...| Quote: حلايِّب لن تعود لنظام فرّط فيها خدمة لإسلاميي مصر في محاولة إغتيال حسني مبارك ، ويثيرها الآن لخدمة نفس الجماعة في محاولاتهم لضعضعة نظام عبد الفتاح السيسي. حلايب ستعود حينما تعود للفرد السوداني حريته وحكومته التي تمثله والتي ستقف أمام مصر بكل ندية، ندية لا تفريط فيها لشبر من أرضِ ولا نقصان فيها لصفيحة ماء. |
وفكرة الكاراكتير واضحة جدا حتى ولو إختلفنا حولها لكنها أبدا لا تعنى أن عمر دفع الله يقف في الجهة المقابلة...فعلا منتهى السخرية أن تثار قضية كقضية حلايب بهذا الشكل وفي هذا التوقيت!!!المطالبة بالمثلث لا يجب أن تكون مؤسمية ويلوح بها حينا وأحيان كثيرة يفضلالنظام السكوت خوفا على مصالحه ووعلى نفسه ونفس الحال مع أثيوبيا ومع تشادوكثير من المناطق الحدودية مسروقة وهو مشغول فقط ببقائه مصالحه الضيقة... باقى الغلاط الحاصل هنا لا طعم له في رأيى,,
| |
|
|
|
|
|
|
| |
Ahmed musa
Abureesh
فرح الطاهر ابو روضة
محمد حيدر المشرف
علاء سيداحمد
Deng
عمر دهب
علاء الدين صلاح محمد
Omer Abdalla Omer
السنجك عثمان
وائل حمزه الزبير
حامد بدري
الصادق اسماعيل
د.محمد بابكر
Yassir Tayfour
محمد علي عثمان
زينب محمد عبدالله
أيمن الطيب
فيس بوك
تويتر
انستقرام
يوتيوب
بنتيريست