|
الصلعة
|
05:34 AM Oct, 20 2015 سودانيز اون لاين أبوبكر عباس-الإمارات مكتبتى فى سودانيزاونلاين
إتفاقي الجديد مع بكري، كل أسبوع بوست أها بعد بقيت راتب فتشت دفاتري القديمة ولقيت: الصلعة: المصريين عندهم مثل حقار حقارة شديد بقولوا فيهو: " أقرع ونزهي". المثل فيهو تمييز وكذلك البوست أكرر تمييز وليس عنصريّة وبهديهو لبكري أبوبكر أخو صديقي حمزة أبوبكر
وعندهم واحد تاني أقل تمييز لكنو لطيف بقول: "حيرتني يا اقرع من فين ابوسك" جمال حسن سعيد قال: تكون واقف في صف الدخول للإستاد تسمع واحد من الناس الفي آخر الصف يكورك ليك: إتّا يا أبصلعة دا، صلح الصف، وتكون إتّا ما عندك علاقة بعوج الصف غير انو الزول داك، ما عاجباهو صلعتك! تجي تشتري ليك خروف، سيد الخروف يقول ليك: والله يا أبشنب، دا، خروف ما فيهو كلام... أها تمشي منو من غير ما تشتري، تسمعو يقول ليك: والله يا أبصلعة، فوتّا ليك خروف ما بنفات. صاحبي لاقيتو بعد فراق 20 سنة، بعد المُطايبة، عاينت للصلعة وإبتسمت، بسرعة قال لي: تعرف السبب كريم جابوهو لي من القضارف زدت عرض إبتسامتي وقلت ليهو: شوف صلعة الكريمات ديك غير، الصلعة المواسية وفق مجاري في الراس معروفة، دي، صلعة الله والرسول وغالبا جاياك من جهة أُمك. لكن وحات الله، يا جبارة، صلعتك خطيرة ووجيهة، وبعدين أدتك بُعد رابع.
|
|
|
|
|
|
|
|
Re: الصلعة (Re: أبوبكر عباس)
|
صلعة الله والرسول دي، أول ما تبدأ، سيدها بتعب تعب شديد وتلقاهو مجنن المرايا جن، وأول حاجة تلقاهو بتفقدها من الصباح عدد الشعيرات الملتصقات بالمخدة ولو كان قاعد في الخليج تلقاهو لعن ليك خاش أبو الموية المالحة واليوم الخلاهو يفارق موية النيل.
| |
|
|
|
|
|
|
Re: الصلعة (Re: أبوبكر عباس)
|
كلام الثانوي المعروف: الصلعة ولعبة الوراثة: ينتقل مرض الصلع الوراثي للرجال من أٌمهاتهم المصلعات أو الحاملات لجين الصلع الرجال المصابون بالصلع لا ينقلونه لأبنائهم الذكور ولكنهم ينقلونه للإناث الأنثى لا تصاب بمرض الصلع الوراثي إلا إذا كان أبوها أصلع وأمها إما حاملة للجين المسؤول عن الصلع أو مصابة به.
أها يا سيد أبوبكر عباس، داير تقول شنو من اللفة الطويلة دي؟
| |
|
|
|
|
|
|
Re: الصلعة (Re: أبوبكر عباس)
|
- لو عندك صلعة إياك ثم إياك أن تخاطر وتتزوج بنت خالتك حتى لو كانت كما وصفها الحجاج. - لو عندك صلعة وداير تتزوج من خارج أُسرتك؛ لازم تلاقي قبل الخطوبة كل أخوال خطيبتك وأبوها، الأعمام ما ضروري ولو لقيت واحد فيهم عندو صلعة؛ تكب الزوقة.
| |
|
|
|
|
|
|
Re: الصلعة (Re: أبوبكر عباس)
|
Quote: المثل فيهو تمييز وكذلك البوست أكرر تمييز وليس عنصريّة |
أحب الإستنارة زاتو:) انتو بكري ما بحاسب القطعة وإلاّ نكون موقعين عقد؟ إن بقت الأخيرة خلاص عافي حقّي ووهبته لصالح صندوق تدريب و تطوير المتعاقدين خخخخخخ
| |
|
|
|
|
|
|
Re: الصلعة (Re: بله محمد الفاضل)
|
سعيدين يا بشرى وبله (بهاء) الطلّة
مرض الصلع الوراثى Androgenic alopecia (المعروف أيضا باسم androgenetic alopecia أو alopecia androgenetica) وهو مرض شائع لفقد الشعر في كل من ذكور واناث البشر والشامبانزى والقردة. في البشر وبخاصة الذكور، هذه الحالة تُعرف أيضا باسم male pattern baldness يتم فقدان الشعر في مناطق واضحة المعالم، بداية من مقدمة الشعر أعلى الصدغين. الشعر يخفف أيضا في وسط الرأس. غالبا يبقى الشعر حول الجانبين ومؤخرة الرأس، أو قد تتطور الحالة إلى الصلع الكلى. فقدان الشعر في النساء يختلف عن صلع الرجال. ففي المرأة يصبح الشعر أرق في جميع أنحاء الرأس. ومرض الصلع الوراثى في النساء نادرا ما يؤدي إلى صلع كلى.
الموسوعة الحرة
| |
|
|
|
|
|
|
Re: الصلعة (Re: أبوبكر عباس)
|
عكود صاحبي قال لي: واحد صاحبنا من ذوي الصلعات اللامعة، يقول: الكويّس في الصلعة إنو الزول بيوالفها شوية شوية وما بتجي فجأة. لكن لو الزول بيقوم من الصباح يعاين للمراية ويلقى راسو بقى صلعة، كان مستشفيات المجانين اتملت!
والفناها ووالفتنا، نحمد الله.
| |
|
|
|
|
|
|
Re: الصلعة (Re: أبوبكر عباس)
|
سلام ابو بكر ...
الصلعة والصلعات لي معها بوستات هنا في سودانيز اون لاين .. تناولتها من جانب الطرفة وليس من زاوية علمية كما فعلت انت ..
اليك هذه الروابط ...
| |
|
|
|
|
|
|
|