|
مقترح منظمة الحجاج للاعمال الخيرية
|
03:36 PM Sep, 24 2015 سودانيز اون لاين abubakr salih- مكتبتى فى سودانيزاونلاين
عيد و مبارك و سعيد على كل الناس، و اتمني ان يتأتي العام المقبل و يجدنا الدنيا باحسن من ما هي عليه الان. و صادق التعازي فى ضحايا مذبحة رمي الجمرات اليوم. شئ عجيب انو المسلمين حتى فى الحج لا يستطيع ان ينظموا انفسهم بالشكل الذى يحفظ ارواحهم. و ارواح غيرهم. اذا كان هذا هو الحال فى الحج، فهل نستغرب المذابح التى تحدث فى الحروب بين المسلمين؟
فى هذه الاحداث المؤسفة ممكن الزول يقترح انشاء منظمة خيرية. فنقول انو اسمها منظمة الحجاج الخيرية. تهدف هذه المنظمة الي القيام بالاعمال الخيرية التى تساعد فى تنمية و تطوير المجتمعات و تسهيل حياة الناس، مثلا مستشفيات و مدارس و طرق الخ. تمول المنظمة من تبرعات الحجاح. يعني بدل من الزول يمشى الحج أحسن يشيل تكلفة الحج التى جمعها دي و يتبرع بها لصالح منظمة الحجاج الخيرية. و يكتفي الانسان بالنية، فانما الاعمال بالنيات. منها يكن حل مشكلة لامة محمد و منها حافظ على نفسه من التهلكة. و فى كل خير.
|
|
|
|
|
|
|
|
Re: مقترح منظمة الحجاج للاعمال الخيرية (Re: abubakr salih)
|
Quote: يعني بدل من الزول يمشى الحج أحسن يشيل تكلفة الحج التى جمعها دي و يتبرع بها لصالح منظمة الحجاج الخيرية. و يكتفي الانسان بالنية، فانما الاعمال بالنيات. منها يكن حل مشكلة لامة محمد و منها حافظ على نفسه من التهلكة. و فى كل خير. |
ابو بكر ... كل سنة وانتم بخير ... لو جربت متعة الحج صدقني ح تغير وجهة نظرك دي ...
كلامك دا ممكن يكون منطقي في حال انه الواحد حج قبل كدة وما في داعي يكرر الحج اكتر من مرة وممكن يتبرع بالمبلغ ويكون أجره اكبر في هذه الحالة ...
لكن الناس تبطل الحج كلو كلو دي قوية منك وشكلو شربوتك مخمر ليهو شهر
| |
|
|
|
|
|
|
Re: مقترح منظمة الحجاج للاعمال الخيرية (Re: abubakr salih)
|
Quote: مافي شئ بمنع الناس قبول دعوتي دي الا المتعة |
تصدق جانب المتعة لو شلتو من أي شيء بيبقى الشيء ما عنده طعم ... خد عندك الاكل والشراب ومشاهدة المباريات والقراءة ... الخ ... أي حاجة ما فيها متعة ما ح نقدر نقرب منها ... بالتالي العبادات من صلاة وصوم وحج لازم نستصحب معاها جانب المتعة بالاضافة للراحة النفسية الكبيرة عند أداء هذه العبادات (طبعا الكلام دا بيكون نتيجة لاعتقاد الشخص) زائدا انه مفروضة على كل مسلم بالغ باستثناء الحج المرتبط بالمقدرة المالية ...
معليش انا عارف موضوع البوست الأساسي هو التبرع بمبلغ الحج في أعمال خيرية أخرى ... وأنا معاك أنه في بعض الناس قاعد يحج للتفاخر ...
أنا عارف واحد بيجي للحج كل سنة من السودان امكن حج الى الان قرابة 25 حجة ... زي الزول دا وغيره لو لقوا ليهم شيخ اقنعهم بالتبرع بمبلغ الحج ح يكون أفضل لهم ولا يقل أجرهم عن أجر الحج (طبعا دا اجتهاد مني ساي وما عندي دليل له) :). في السعودية في ناس كتير معتقدين أنه بناء مسجد على النفقة الخاصة هو عمل الخير الوحيد المنطبق عليه الحديث (صدقة جارية ينتفع بها) ... عشان كدة بتلقى المساجد في السعودية كتيرة جدا ... لكن في الفترة الأخيرة في مشائخ نبهوا الناس إلى أن بناء مستشفى مثلا أو مدرسة يندرج في بند الصدقة الجارية ولا يقل أجره عن أجر بناء مسجد ...
كل سنة وانت والجميع بخير ...
| |
|
|
|
|
|
|
Re: مقترح منظمة الحجاج للاعمال الخيرية (Re: قسم الفضيل مضوي محمد)
|
Quote: أنا عارف واحد بيجي للحج كل سنة من السودان امكن حج الى الان قرابة 25 حجة ... زي الزول دا وغيره لو لقوا ليهم شيخ اقنعهم بالتبرع بمبلغ الحج ح يكون أفضل لهم ولا يقل أجرهم عن أجر الحج (طبعا دا اجتهاد مني ساي وما عندي دليل له) :). |
عندك دليل يا قسم الفضيل. الدليل هو عقلك، و جوهر الدين الذى نعرفه جميعا. التبرع بالمال أفضل و لا أظن ان اجره يقل عن أجر الحج. لان الانسان بيكون نوى فى نفسه ان يحج و فى الوقت انفق المال فى وجه من وجوه البر و الاحسان. المشكلة ليس فى الذى يحج أكثر من مرة فقط انما فى الذى يحج مرة واحدة لكن يدخل فى مدافرة و مزاحمة مع اخوانه فى الدين الى ان تذهق الارواح! دا شنو هسة؟ مدافرة فى الحج؟ أما الراحة النفسية، فلا اعرف شئ فى الدنيا يمكن ان يريح الانسان و يشعره بالرضي من حل مشكلة انسان اخر. مثلا انسان مريض لا يمتلك حق الدواء او جائع لا يملك طعام و ما اكثرهم.
| |
|
|
|
|
|
|
Re: مقترح منظمة الحجاج للاعمال الخيرية (Re: أبوبكر عباس)
|
Quote: شايفك يا مولانا أبوبكر، بديت تطبق في كلام المفكر كمال الجزولي عمليا " ضرورة مخاطبة الجماهير المؤمنة من داخل الدين" جزاك الله خير |
سلام يا بكور، و كل سنة و انت طيب. ما متذكر اني قريت كلام المفكر كمال الجزولي، لكن دي وجهة نظر عقلي المفكر. البركة الدرب جابك، انا عندي كليمات من ايام مداخلاتك مع ود المشرف فى بوست السلفية خطر على الحضارة الانسانية. نحنا اليساريين ديل ناس "سياسيين" و شغلنا نسوس مجتمعنا اٍنطلاقا مما هو عليه و ننقله لقدام. انت شغلتك مختلفة عن حقتنا دي شوية لانك فلوتر. مع ذلك، دورك التنويري لا بأس و يساعدنا بلا شك لانو بوسع الــ spectrum حق وجهات النظر حول القضايا الدينية. و فى ذلك خير كثير!
| |
|
|
|
|
|
|
Re: مقترح منظمة الحجاج للاعمال الخيرية (Re: علاء الدين صلاح محمد)
|
Quote: معليش يا بكور الاول صاحب البوست معقول بكور التنويري ضيفك فلوتر اي floater من float ام تعني غير منظم في تنظيم سياسي يعني ما سياسي الفرق كبير |
سلام يا علاء الدين، حسب ظني انو بكور بن عباس ما منظم فى تنظيم سياسي. دا ظن ساي و تخمين. و حسب قاموسنا فى السودان فلوتر تستخدم لوصف الناس غير المنظمين سياسيا. Floadting من معانيها حر او طليق.
| |
|
|
|
|
|
|
|