|
يا عزوتي
|
09:50 AM Sep, 19 2015 سودانيز اون لاين إدريس محمد إبراهيم-السعوديه - الرياض مكتبتى فى سودانيزاونلاين
إدريس إبراهيم
18/09/2015 04:28 مساءً
يا عزوتي
يا عزوتي وأهلي وغطاي من جور سنين بردي وشتاي العز أهل.. وانتو الاهل.. والفرحة يوم فرحي وهناي ويومي البغادر وانسحب غيركم منو الباخد عزاي انا من زمان عندي الصديق في الضيق سند همي وعناي واصلو الصديق ما كان صديق.. لو ما وقف دايما معاي.. ليهو العيون والدم بلاش.. وأروع نغم نمي وغناي انا زول محب يا اخواني بس بعشق صنوف ناسا حداي ممكن اثور وازعل كتير واقلب كيان الكون غضب.. لكن بسامح واعتذر.. دايما اكوس ليك المخارج والعزر إنداح دموع حرقه واسى حساس نبيل.. دايما بقدر موقفك.. بي حب اصيل.. افني العمر وانا بقترف بوح الكلام والطرطشه.. انا ما ما ملاك بس بعترف.. إنسان مقدر للجميل.. تاثرني روح جواك زي حرف الألف... وضاحه تغسل ومن صنوف الخير تكيل.. وأنا بكره الزول الملولو مختلف.. كايس المصالح في دروب المستحيل.. ما بعرف الحب بي ثمن وأنا لي زمن.. ما لقيت لي في الإخوان مثل اقنعني حقق كل مناى.. ومين غيركم اهلي الطيبين.. كان عزوتي وزادي وغطاي
إدريس محمد ابراهيم
|
|
|
|
|
|