|
|
 يا زوله كيف
|
10:52 AM Sep, 12 2015
سودانيز اون لاين
إدريس محمد إبراهيم-السعوديه - الرياض
مكتبتى فى سودانيزاونلاين
اصبحت كيف يا احلى زول...
يا أنقى روح.. اصدق قلب..
يا اندى قول ..
يا روح يتزرع فيني روح..
اهدتني سعدا مني تاه فات مني روح من قبيل..
وموده ما بتعرف مثيل..
يا ماخده كل عبق الزهر..
والرقه بس نسمة اصيل
وأنا كم بحبك ومشتهيك..
تايه بحبك منبهر..
من روعتك.. من طيب خصالك..رقتك..
نفسك وعطرك سكتك
والقدله ديك..
انا يا حياتي رهنت ليك باقي العمر..
سلمت كل قيادي ليك..
وين ما تروح تلفيني جاي..
يا بهجتي وأجمل غناي..
يا سعد روحي ومبتغاي..
أملي الكبير.. يا ضي مناي..
شان اسرق الزمن الجميل..
وكل أسرار البهاء الحافة بيك..
أهديك روح طربانه تغزل في الصباح..
أهديك قليبا ذاب في أحداقك هيام..
كم فيك تعب وانثال حنان..
يوم ما استراح
يتملى في الألق الموشح بي نضار بهجة وشيك..
أرجوك تعال لا تقول أبيت..
انا لي زمن داخر سعاده تكفي جيل..
محجوزه تستنى الأذن..
شان تصابح فيكي وهج الامنيات
تركع تقبل نور يديك...
هاكي الفرح نبض الأماني الحالمه بي صبحا جديد..
وأنا كلي ليك ..
إدريس محمد ابراهيم
السبت 12-9-2015
|
|
 
|
|
|
|
إدريس محمد إبراهيم
بدر الدين محمد
فيس بوك
تويتر
انستقرام
يوتيوب
بنتيريست