|
Re: ولاية النيل الابيض كيس نايلو والهوا شايلو (Re: عبدالحفيظ ابوسن)
|
كنت سجلت اندهاشي هنا من تصريح السيد مدير عام وزارة الصحة . وهو يجيب عن سؤال بخصوص صحة البيئة ويصفها بالجيدة . ويعلن في بشارة انهم بصدد منع اكياس البلاستيك بالولاية . ذلك القرار الذي يبدو من ظاهره اتباع العلم والتحضر والتطور ثم انظر في كوستي واري اكبر خور يمكن ان يشق مدينة وهو ممتلئ بالقاذورات والروائح المنتنة .. وملئ بالفئران . ذلك الخور الذي صار مرجعا هندسيا للوصف .. قسم المدينة قسمين ثم انظر فأري طفح المجاري من المستشفي يصل حتي شارع الزلط ومياه الامطار الراكدة جعلت التواجد في الحيشان مستحيلا .. سكنت الباعوضة معنا صيفا وشتاءا واستبشرنا خيرا بالسيد الوالي كاشا ولكن يبدو ان مراكز القرار داخل الولاية هي زاتها لم تتبدل
| |
|
|
|
|
|
|
Re: ولاية النيل الابيض كيس نايلو والهوا شايلو (Re: عبدالحفيظ ابوسن)
|
بتاع التمباك قال لي اعمل ليك حقة ليه جابو لينا امر من 4 ورقات فيهو منع الاكياس عقوبة لينا وعقوبة للمواطن اها وعقوبتي شنو 5 مليون غرامة ها زول ها انتا بي صحك .. اصلو بنقو اي غرامة وسجن كمان ليك قول عملت لي حقة يعني تاني اكون شايل بستلة لي الفول وبستلة لي اللبن وقفة كمان ولا كيف
| |
|
|
|
|
|
|
Re: ولاية النيل الابيض كيس نايلو والهوا شايلو (Re: عبدالحفيظ ابوسن)
|
صحة البيئة دي اول شي الحكومة التسوي واجبها بعد داك تلزمنا مدارس لاتوجد بها مراحيض .. مدارس كثيرة .. والفيها زاتها ما صحية المستشفي كلو فيهو مرحاض عام واحد وقذر وعفن وغير صحي . وفي الحقيقة هو مرحاض وحمام .. مكشوف السقف وحفرة وجمبها طوبة بلوك .. تشيل جردلك وتخش تستحمي البلك اظنها شان تقعد فيها بعد تخت هدومك كثير من المؤسسات مافيها حمامات عامة رغم تعاملها مع الجمهور .. والفيها مطبولات بي طبلة .. الا مجمع المحاكم فبه حمامات نضيفة وراقية ومجانية كمان .. المستشفي والجامع بي قروش كدي اول حاجة اتعاملو لينا مع ما يخرج من السبيلين ديل وتاني شوفو الاكياس
| |
|
|
|
|
|
|
Re: ولاية النيل الابيض كيس نايلو والهوا شايلو (Re: عبدالحفيظ ابوسن)
|
مرحبا عفاف وحبابك يا خية شوفي امس بتكلم مع واحد . حول الباعوضة وتدهور صحة البيئة . قال لي قبيل الصباح شايف لمة خلق جمب الخور الجاي بجمب جزر الكمونية .. خلق وجوطة . مشيت لقيت السيد الوالي واقف وبشيلوا في الكوشة والناس تهتف !! معقولا شيل كوشة امر يستحق متابعة الوالي ؟ دة شغل ضباط الصحة منزل لعمال الصحة . امر من ضابط الصحة في مكتبو ويمكن بعد داك يتأكد من انجاز العمل ولا لا السيد الوالي اهتمامو بيكون اصدار امر لمكتب الصحة بنظافة المدينة وتحديد الاماكن الظاهرة بالاستعانة بالتقارير . لكن حكاية الاكياس دي امر مؤسف والله لنظافة صحة البيئة . ما شفنا كيس نقل ملاريا ولا تايفيود اولي من دة كلو اليشوفو موية المواسير .. يمشي مياه المدن يسأل عن السبب والمعوقات وطريقة الحل
| |
|
|
|
|
|
|
|