الزول اب جلابية وعمة ده شكله (تُمساح) كبير إسمه (طلب) وشكله زوول (عز الطلب) أنا ما شُفتا لي زوول بكسر تلج زي الزوول ده الزووول ده كسر ثلج مبالغ فيهو للمعتمد الإسمو عمر نمر وجاء كمان عمر نمر زاااااتو كسر ثلج للطلب قال الزوول أب عمه ده ما تسهونو بيهو ده الزووول الحارب الكوارو في سوق السجانة ده الزوول الدخل الموتر اب تلاتة كرعين قبض فيهم كم المواتر ديل الله يعلم (والكوارو) مشت وين ما معروف. عمر نمر قال ناس الجرايد والإعلام زاتم ما عرفوا الكوارو دي مشيت وين!! ده صاحب فكرة الكبابي (الديسبوسابل) عند ستات الشاي ده صاحب تحديث ستات الشاي
07-25-2015, 11:41 PM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9476
خُطة محلية الخرطوم لشارع النيل: (ستات شاي سياحيات بتصريح من مكتب الأمن). أيوا تصريح من مكتب الأمن. إنت قايلين شارع النيل ده هين ولا لين. كافتريات شارع النيل دي كلها حقت ناس الأمن.. عشان تانى تخلوا رندوك شارع النيل بتاع داير لي(شاي بلبن) و (شاي سكرو كثير). بعدين حسب رأي المعتمدية الماخمج إنو ستات الشاي ديل سبب إنتشار إلتهاب الكبد الوبائي.. في إحتمال كبير إنو الحاجة قِسمة بتاعة شارع الحوادث يعينوها مسؤولة من شارع الحوادث
لاحظ الخلفية وصورة (الليمبي) وشعار (نحن من نفر قبلوا علي ستات الشاي) بالله دي حالة دي..!!!.
07-26-2015, 00:13 AM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9476
أسمعوا هذا الكلام العنصري البغيض والنظرة العنصرية لنوعية المهنة من الزول الما فاهم ده. ده قالوا عليهو معتمد محلية الخرطوم: قال شنو!؟: "من أولاد أبيي ومن أولاد النوير ومن أولاد الدينكا ومن أولاد الباريا الإستوائية، لقيناهم عندهم مهارات عالية جدا في الصناعات اليدوية ولقينا كل السواح البيجوا السودان بمشوا هناك عشان يشتروا من منطقة الغابة. لكن لقيناهم قاعدين ليهم في حتة خرابة." عمر نمر يمن علي المواطن بعنصرية وعنجهية وكأنما الدينكا والنوير وأهل ابيي والباريا لأول مرة يسكنوا السودان.
هذه النظرة العنصرية هي التى تنسف كيان السودان..
دي نظرة الإنقاذيين لمفهوم المواطنة. النظرة لسوق الإناتيك من مفهوم عنصري. يعنى السوق سوق أجانب بعداك طعموه بأولاد عرب.
بالله دي حالة دي؟!
07-26-2015, 09:35 AM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9476
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
سيف اليزل سعد عمر
فيس بوك
تويتر
انستقرام
يوتيوب
بنتيريست