طريقة هروب اكبر تاجر مخدرات مكسيكي من سجنه

Quote: تحياتى و سلامى يا عبد الحفيظ و خواتيم مباركة إن شاء الله ياخى دا شـغل عجيب ... الموضوع دا تم بتخطيط متقن ... و صبر شــديد النمل ما يقدر عليهو ... لكن ال شابو طلع خطير و الله .... النفق دا بالمناسبة أكتر من ألف و تلتماية متر ... و الزول دا ناس عصابتو باين بيحبوه جـداً جـداً لو ما كدا كان خلوهو مرمى في السجن دا باقى عمرو كلو ... ذكرنى فيلم الهروب من سجن الكاراز ... برضو فيهو شغل قريب من دا ... ذكاء عالى .... و بكل أسف ذكاء سـالب ..

Quote: أسمح لى أقول ضحكتك بايخة و تعليقك خمير جداً البشـير و جماعتو لآمن كانوا في الميدان و النار في صدورهم ما هربوا ... يهربوا من جوهانسـبيرج ؟؟؟؟ دا كلام روجوا ليهو بعض التافهين و بس ... و لو إنت قاصـد تغيظينى أنا شخصياً ... بقول ليك أرجع شــــوف تعليقاتى هناك في البوســـــتات الزبالة الكانت مفتوحة عشـان الموضوع اللى ربنا فشلو ليكم و ردَّ شماتتكم في رقابكم ... لما كانوا بيقولوا مسكوهوا و حيسلموهو وين ما عارف ... كان كلامى واضح إنو إن شاء الله راجع بالسلامة .. و الحمد لله رجع ... و هسع تانى بقول ليك و لى غيرك من الشمات الحاقدين ... بإذن الله وين ما عاوز يمشى يمشى و ربنا يرجعو سـالماً غانمـاً ... و أقول ليكم .. موتوا بغيظكم ... الآن رئيسنا و جماعتو صاموا رمضان في البلد بحمد الله ... و دى نعمة كبيرة .. ملحوظة : لولا الإسم العظيم الذى تتخذه في البروفايل ، كنت فتحت ليك قاموس المنطقة الصناعية رقم واحد ...

Quote: نحن مسلمين ما بتحمكنا قوانين يهود و كفار ...

Quote: كلامك دا كلو هو نفسو الكلام البسمع و أقرا فيهو كل يوم في المنبر دا زى ما ألمحت ليك في كلامى الأول ببغاوات ســاكت ... طوالى الواحد يقول ليك كجبار و سبتمبر و ال 28 بتاعين رمضان و الإبادة و الإغتصاب و و و و ... كلام مكرر و ممجوج بيقولوه بتاعين معسكرات اللجوء الممدين بعضهم القليل جداً في فنادق فرنسا و بريطانيا و أمريكا و و بعضهم الأكثر في بركسات اللجوء أو ملحقات السكن بالكنائس في هولندا و بلجيكا و النرويج و كندا و كينيا أو الشقق التعبانة و كباين الشوارع في إسرائيل و القاهرة .. يطرشـوا في الكلام دا و يفبركوا في الفيديوهات و يقولوا فساد و شـنو و شنو عشان يقبضوا اليوروهات و الدولارات ... و يبتهجوا .... متعة لحظة .. و ضمائر ماتت ... لا جمعة لا جماعة ... لا صيام لا قيام ... و بجيك راجع إن شاء الله ... بى وكت أوسع ...