|
|
|
 Re: استنكاح .... ونباح (Re: عمر عثمان عبد الوهاب)
|
واقيمت الشركات في هذا ا لخصوص وتورط فيها اطباء واخصائيين جهابزه
جريا وراء المال وهم من الاطباء من المحسوبين قلائل في السودان
والادهي انهم يستشهدون ببعض ضعاف النفوس في انهم قد استخدمو
العشبه الفلانيه وقد خرجو من علاتهم وامراضهم كما ولدتهم امهاتم
ويدفعون للقنوات ملايين متلتله للظهور والنصب علانية علي الخلق
| |
 
|
|
|
|
|
|
|
|
Re: استنكاح .... ونباح (Re: عمر عثمان عبد الوهاب)
|
اما الغناء والطرب فحدث ولا حرج
يعني العيد ده تقعد في البيت قسرا اكان بي سبب الرطوبه والحر
ولا الامطار تقول تتواصل مع قنواتنا التلفزيونيه بدل قنوات الاخبار
الكلها كتل وتفجيرات تلاقي اشكال غريبه بتغني في غناء وعناء مخالفين
لكل القواميس
بنات سمان وبيض ماعارف جايبنهم من وين واولاد مجلطين الشعر بالجل
نظام ده قريبو او قريبتو شغاله في هذه القناه او تلك ويجو يمرضو الناس
بتفاهات مع اربعه او تلاته عطاله صعاليك بي وراهو يعزفو ليهو لا ويقوليك
اتأثرت بالكاشف
| |
|
|
|
|
|
|
|
|
|
Re: استنكاح .... ونباح (Re: عمر عثمان عبد الوهاب)
|
الأزمة أزمة دولة .. فقدت البوصلة تماماً ..
أعشاب .. أعشاب .. أعشاب ..
فضلاً عن التلفزيونات وبرامج التداوي بالاعشاب ..
صدعونا بالمكرفونات في نص الخرطوم ..
وعلى مرأى ومسمع من اجهزة الدولة ..
هذا برهان على أن الدولة أكبر دجال ومشعوذ ..
وهي من يؤطر لهذا الهراء وتبيحه وتبيعه في العلن ..
والشواهد كثيرة وتترى على مسامعنا كل صباح جديد ..
من تنزيل للأموال واستجابة لدجالين ومشعوذين ..
ضاعت فيها ملايين من أموال هذا الشعب .. ومن من ؟؟ ..
من قيادات البلد ومنظري سياساته وبرامجه ..
وعلاج الاعشاب حلقة صغيرة في سلسلة أطول ..
والله دي أكبر مهزلة ولعب بارواح الناس ..
لامرجعية ولا أسس يقوم عليها علاجهم المزعوم بالاعشاب ..
ديل بيعالجوا أي حاجة .. وبي أي حاجة ..
كلام فاضي ونصب واحتيال ودجل ..
لو دولة ليها سلطة كانت منعت هذه الفوضى ..
لكن هو تردي عام ..
ضرب كل مناحي حياتنا ..
وشقلب كيان كل الثوابت ..
والله من قلة حيلتنا وعجزنا وهواننا ..
صرنا نضحك حين نرى هذه المهازل ..
يتم التسويق لها على اجهزة الدولة وفي نص الخرطوم ..
وشر البلية مايضحك ..
ده رجوع للوراء بسرعة الصاروخ ..
وتقهقر وانحطاط وتردي لا قاع له ..
ربنا يعيننا على ما ابتلانا به ..
والله المستعان بس ..
لكن السؤال ..
الى متى ؟!! ......
| |
|
|
|
|
|
|
|
|
|
Re: استنكاح .... ونباح (Re: جمال ود القوز)
|
ود القوز عيدك مبارك وشكرا علي مداخلتك
ليه نحنه كل مصيبة تحصل نرجعها لسياسات هذه الحكومه؟؟
حكومه السجم دي ان قفلت علي فئه باب رزق يقوليك الحكومه ضيقته علينا
ولا عاز تقولي كمان الكيزان احتكرو موضوع الاعشاب ده
بعدين موضوع الاعشاب ده باب قديم شديد لبعض المتسلقين والمستنكيحن
بس الشغله زادت اخيرا وبقت علانية وعلي رؤوس الاشهاد وقنوات التلفزيون
وهذا يشكل دخل كبير لهذه الشركات والقنوات التلفزيونيه والعاملين فيها
وزيما قلت ليك هذه الشركات بتحمي نفسها ببعض الاسماء الرنانه من الاخصائيين
والاطباء السودانيين والاجانب والمشاهير ومشهود لهم في مجالاتهم
بس الماقادر افهمو طبيب اخصائي وجراح ماهي علاقته بالاعشاب
وصاحب الشركه يقوم بالدفع السخي وهوماخسران حاجة
يطلع الخلا ومنها يعرج الي ارض البطانيه ايوها شجره غريبه يكطع صفقه
ينشفو ويعرضو ويطلق عليهو اسم ذا وقع غريب وهاك ياتسويق وترويج
وهناك الكثير الكثير من الابواب التي يسترزق منها الناس و يتوجب علي الحكومه قفلها
لكن خوفه ساي من قطع الاعناق ولا قطع الارزاق ضاربه الطناش
بس حتة الاعشاب والبقت سايبه ومستسهله وتفتك بالخلق حقوالحكومه فعلا تراجع نفسها فيها
| |
|
|
|
|
|
|
|
|
|
Re: استنكاح .... ونباح (Re: عمر عثمان عبد الوهاب)
|
اسماعيل كل سنه واتا طيب
هسع الجاب سيرة الريس منو؟؟
والله اكان ابيت ولا رضيت ياهو رئيسنا وتاج راسنا
واملنا وخلاصنا بمعني انه خصلنا من هذا الانحطاط الذي تتحدث عنه
مصيبتكم يااخوي اسماعيل البلد ماااااااااااااشه وبخطي ثابته وواعيه وتخطت الكثير الكثير
وانتم اول من تخطتكم ومازلتم في مكانكم قابعون تتحدثون عن رقص الرئيس
نصيحتي ليك امشي اغلي ليك سته صفغات نيم واشربه قوبال ماتنوم
وبالهنا والشفا
| |
|
|
|
|
|
|
|
|
|
Re: استنكاح .... ونباح (Re: muntasir)
|
منتصر سلام وكل سنه واتا بالف خير
والله شيخ اللمين ده الناس للمبالغه في الشيء بقولو ليك اداها كوز
لكن الزول ده اداها صفيحتين عدييييييييييييل
اتا صحي الزول ده خريج اكسفورد؟؟؟
| |
|
|
|
|
|
|
|
|
|
Re: استنكاح .... ونباح (Re: عمر عثمان عبد الوهاب)
|
ابو العزايم سلام وعيدك مبارك
اها اسع انا قلت ليك ابو العزايم
وشتان مابين عزائم وعزايم
الله يسعلك ومن الله خلقك في سوداني يوم ناداك بابو العزائم؟؟
والله البعرفو استنكاح من منكحه يعني الزول المستهبل
اكان عندك ليها تفسير تاني نورنا ينوبك ثواب
بس ان شاءالله تطلع مفرده بريئه ومعناها عادي
| |
|
|
|
|
|
|
|
|
|
Re: استنكاح .... ونباح (Re: nour tawir)
|
ومذيعة ومذيعة
حافظين كم عبارة بائسة
التحية لفلان وفلان
والاغنيات الشكلت الوجدان السودانى
والحضور الانيق
وفى خواتيم اللقاء
وان شاء الله نكون خفيفيين عليكم
| |
|
|
|
|
|
|
|
|
Re: استنكاح .... ونباح (Re: mohmmed said ahmed)
|
ومذيعة ومذيعة
حافظين كم عبارة بائسة
التحية لفلان وفلان
والاغنيات الشكلت الوجدان السودانى
والحضور الانيق
وفى خواتيم اللقاء
وان شاء الله نكون خفيفيين عليكم
اخونا محمد سيداحمد عيدك مبارك
خليهم اولن بالتبادي يتعلمو كيف يقعدو امام الكاميرا
| |
|
|
|
|
|
|
|
|
|
Re: استنكاح .... ونباح (Re: عمر دهب)
|
عمر يا اخوي عيدكـ مباركـ ..
ويتعاد عليك بالصحة والسلامة ..
Quote: ليه نحنه كل مصيبة تحصل نرجعها لسياسات هذه الحكومه؟؟
|
طالما الحكومة في يدها تخلص الناس من الكلام الفاضي الحاصل ده ..
ولاتفعل ولاتحرك ساكناً يبقى بديهياً ..
هي المسؤولة عن انفراط عقد تجارة الاعشاب ..
والفوضى الحاصلة في البلد دي ..
Quote: حكومه السجم دي ان قفلت علي فئه باب رزق يقوليك الحكومه ضيقته علينا
ولا عاز تقولي كمان الكيزان احتكرو موضوع الاعشاب ده |
أنت بتسمي الغش والدجل والنصب الحاصل ده تجارة ؟!! ..
ده رزق سحت وأكل لأموال الناس بالباطل ..
كل من ليس له شهادة تثبت معرفته وخبرته بمجال الأعشاب ..
يبقى لازم يواجه بعقوبات قانونية رادعة ..
حتى يتم الحفاظ على أموال الناس وحياتهم وإلا مافادة الدولة والقوانين ..
التي تم ايداعها الادراج حتى يتم افساح المجال لهؤلاء النصابين ..
بعدين ليه انت بتستبعد إن للدولة وعبر منسوبيها والنافذين فيها ..
ومن بيدهم الحل والعقد حظ وكسب من وراء الفوضى الحاصلة دي ..
ليه مستبعد الكلام ده !! ..
Quote: بعدين موضوع الاعشاب ده باب قديم شديد لبعض المتسلقين والمستنكيحن
بس الشغله زادت اخيرا وبقت علانية وعلي رؤوس الاشهاد وقنوات التلفزيون
وهذا يشكل دخل كبير لهذه الشركات والقنوات التلفزيونيه والعاملين فيها
|
يأخ بتيالغ وحتى زمن قريب كان المتعاملين بالاعشاب قلة ..
الآن الشغلة بقت تجارة واعلانات ..
وسياسة تجارية يديرها نظام بلد بي حاله ..
زمان كانت الأعشاب دي شغلة افراد ..
وناس كان عندهم معرفة بمجال الأعشاب ..
وكان اللجوء ليهم يتم في أضيق الحدود في أصقاع نائية ..
الآن الشغله بقت في بندركـ وجوه خرطوم فيلكـ ..
ويتم الترويج لها عبر الأجهزة الاعلامية للدولة ..
قبل فترة قليلة فائتة تم استصدار قانون ..
يمنع القنوات من الترويج للأعشاب ..
أين ذهب قرار المنع هذا ؟؟!! ..
خصوصاً ناس قناة قون ديل ..
عشان بس تعرف الشغلة وراءها أيدي نافذة تستفيد ..
Quote: وزي ما قلت ليك هذه الشركات بتحمي نفسها
ببعض الاسماء الرنانه من الاخصائيين
والاطباء السودانيين والاجانب والمشاهير ومشهود لهم في مجالاتهم
بس الماقادر افهمو طبيب اخصائي وجراح ماهي علاقته بالاعشاب
وصاحب الشركه يقوم بالدفع السخي وهوماخسران حاجة |
عاد يسوو شنو طالما شافوا الشغلة جبانة هايصة وماعندها سيد ..
أكيد لازم يخوضوا ويركبوا الموجة دي ..
ويضروا عيشهم في المولد الطلقيبة ده ..
ولا لوم يقع عليهم وعلى الاطلاق ..
اللوم على الناس الفوق الفتحوا ليهم المجال ده ..
وتركوا بابه مفتوحاً وعلى مصراعيه ..
Quote: بس حتة الاعشاب والبقت سايبه ومستسهله
وتفتك بالخلق حقوالحكومه فعلا تراجع نفسها فيها |
ده الكلام النجيض ..
| |
|
|
|
|
|
|
|
|
|
Re: استنكاح .... ونباح (Re: جمال ود القوز)
|
Quote: والله البعرفو استنكاح من منكحه يعني الزول المستهبل
|
يعني الزول المستهبل بسموه كده في السودان؟
والله كان كده ..السودان ده ورانا .. إنتهى وباظ عديل كده ..
| |
|
|
|
|
|
|
|
|
|
Re: استنكاح .... ونباح (Re: عمر عثمان عبد الوهاب)
|
اخونا جمال ود القوز
بارك الله فيك علي هذا الشرح الوافي
والحمدلله اننا متفقين علي معظم ان لم يكن كل النقاط بخصوص موضوع الاعشاب هذا
وقرار منع القنوات لتسويق للاعشاب صدر اكثر من مره
لكن يبدو ان هذه الشركات لها اليد الطولي في عدم تمريره
وكم من حادثه قتل كان سببها هذه الاعشاب تنصلت هذه الشركات
ومروجيها عن تورطهم فيها
حتي النعناع هذه النبته البريئه لذيذة الطعم ان اكثرت في شربها بعد غليها
تكون لها نتائح عكسيه في داخل جسم الانسان
فما بالك في نبته بطعم الحنظل
| |
|
|
|
|
|
|
|
|
|
Re: استنكاح .... ونباح (Re: عمر عثمان عبد الوهاب)
|
Quote:
يعني الزول المستهبل بسموه كده في السودان؟
والله كان كده ..السودان ده ورانا .. إنتهى وباظ عديل كده .. |
اخونا علي عبدالله سلام عليكم
ايوه بسموهو كده
هذا ان لم تفارق السودان الي بريطانيا وانت في الرابعه او الخامسه من عمرك
تكون الزمن داك اتا لسع صغير وكده
| |
|
|
|
|
|
|
|
|
|
Re: استنكاح .... ونباح (Re: عمر عثمان عبد الوهاب)
|
بالامس وفي قناة قوون المروج لشركة النيل للاعشاب ومقدم البرنامج وكبير المستنكحين
يستضيف وكالعاده احد اطباء الغدد يستخف ويستهزيء بالطب
والاطباء السودانيين وينصح الناس باللجوء الي اعشابه المضروبه
والتي تشفي كل مريض والاستغناء عن الذهاب للتطبيب في المستشفيات
لانها تجر عليهم الويلات واصبح يتعطف جمهور المشاهدين بان هذا المريض
الي فرعهم الواقع في المكان الفلاني وتلقي العلاج عند فلان
قلت امشي لي قناة الخرطوم
مستضيفين واحد اسمو صلاح بلي والحلقه كلها ياولدي ماتنطط وهو يقوليهم لا بنطط
وطالما امي وابوي راضين عني بنطط
الغريبة مقدم البرنامج مستضيف احد النقاد الفنيين المحسوبين من كبار النقاد
صلاح بلي يصر علي التنطيط فوق الحيط ويتسلق الاشجار اثناء الغناء
وقال مايكل جاكسون والبعيو مااحسن منو
| |
|
|
|
|
|
|
|
|
|
Re: استنكاح .... ونباح (Re: عمر عثمان عبد الوهاب)
|
كشف الأمين العام للجمعية السودانية لحماية المستهلك د. ياسر ميرغني عن فتح بلاغ من قبل مجلس
الأدوية والسموم ضد شركة النيل للأعشاب لدى نيابة
المستهلك وبعض الفضائيات السودانية لنشرها إعلانات عن هذه الأعشاب
الخاصة بالشركة دون الرجوع للمجلس مما يخالف نص المواد 16,18 من قانون
الأدوية والسموم لعام 2008 ويخالف نص المادة 31 من قانون
المجلس القومي للأدوية وقانون المواصفات مشيراً إلى أنه بالرغم من فتح البلاغ
في مديرها ومدير قناة قون إلا أن نشاط الشركة تمدد رغم أنف القانون
| |
|
|
|
|
|
|
|
|
|
Re: استنكاح .... ونباح (Re: عمر عثمان عبد الوهاب)
|
عمر عثمان
المسألة متكاملة مع بعض
الانحطاط الاقتصادي والاجتماعي والسياسي
البلد لما ترقى، بتلقى الحاجات دي كلها اختفت
هسا 137 الف نوع من الضرائب في بلد زي السودان ده مش انحطاط؟
36.9% تضخم ده مش انحطاط؟
الحتات كلها باعوها - ده مش انحطاط؟
| |
|
|
|
|
|
|
|
|
|
Re: استنكاح .... ونباح (Re: أيمن محمود)
|
Quote:
عمر عثمان
المسألة متكاملة مع بعض
الانحطاط الاقتصادي والاجتماعي والسياسي
البلد لما ترقى، بتلقى الحاجات دي كلها اختفت
هسا 137 الف نوع من الضرائب في بلد زي السودان ده مش انحطاط؟
36.9% تضخم ده مش انحطاط؟
الحتات كلها باعوها - ده مش انحطاط؟ |
ايمن كل سنه واتا بالف خير
افقر الدول تفرض الضرائب علي مواطنيها وتطاردهم لدفعها حتي داخل بيوتهم
نشودا لهذا الرقي الذي ذكرته
ولو جمعت ال 137 ضريبه دي ماتحصل مجتمعة الضريبة التي رفعت
عن المغتربين
فان كانت هذه الضرائب تصب في خانة سد الخلل في المواصلات والطرق والجسور
والتعليم والصحه وتسهيل امور العباد كما يحدث ونراه اليوم في السودان فلا بأس في ذلك
وليدفع المواطن ماعليه من ضرائب اسوة بحديث رسولنا الكريم صلي الله وعليه وسلم
( اسمع واطع وان ضرب ظهرك)
وليت الحكومه تفكر مرة اخري باعادة فرض الضرائب علي المغتربين حتي وان كانت
بنصف قيمة ماكانو يدفعونه طمعا لسودان زاهر و تأمينا لمستقبل اجيالنا القادمه
| |
|
|
|
|
|
|
|
|
|
Re: استنكاح .... ونباح (Re: عمر عثمان عبد الوهاب)
|
قام مسئولي شركة النيل للاعشاب بزيارة احدي السيدات البسيطات في الاقاليم
والتي تناولت عشبة بن علي اليمني ووضعت مولودة بعد اربع سنوات
زواج ولم تنجب الا بعد ان تناولت هذه العشبه كما يدعون وحضرو السمايه
وعملو معاها ومع زوجها لقاء تلفزيوني نظام تكبير كوم الشركه
وهم يعلمون ان موضوع الولاده والخلفه بيد الله سبحانه وتعالي
عشبة بن علي اليمني وماادراكها منتشره وفي معظم الدول العربية وبنفس الاسم
وهي شجره تشبة في صفقها نبته البنقو
هذه النبته بحسب المروجين لها في ان كثرة استخدامها يعالج اكثر من سته وثلاثين مرض
بدءا بالدوسنتاريا و مرورا بالعقم والانتصاب والقولون والصرع وحب الشباب
والثبات عند منازلة الاعداء وتصيب بمرض واحد وهو صعود الروح الي بارئها
ولم تعرف الي الان النبته الاصليه منها
هل هي بن علي اليمنيه ام الجرائرية ام السعوديه ام السودانيه والتونسية والعراقية وووووو
| |
|
|
|
|
|
|
| |
جمال ود القوز
اسماعيل عبد الله محمد
محمد أبوالعزائم أبوالريش
nour tawir
mohmmed said ahmed
عمر دهب
Ali Abdalla Hassan
أيمن محمود
فيس بوك
تويتر
انستقرام
يوتيوب
بنتيريست