|
|
 مبروك مبروك الفوز الكاسح (الى عمر البشير)
|
09:10 AM Apr, 24 2015
سودانيز اون لاين
امجد الجميعابى-
مكتبتى فى سودانيزاونلاين
مبروك مبروك
الفوز الكاسح
يلا اتربع تاااني
فوق حلقوم الشعب الكادح
احكم بى البتشوفو
اضرب واسجن
وابقى التور الناطح
عرس تالت ورابع
اصلك دايما رابح
زيد قواتك تدعمك اسرع
واوعك تسمع قول الناصح
يتم ورمل وماتهتم
للشعب اب جرحا ناتح
انت وبكري ونافع
وسيد الجيش اللمبي الطالح
عوسوا وسوو سواتكم
وارقصوا وسط الشعب
النازح
اهتفوا بالاسلام واعرضو
لا للسلطه ولا للجاه
المنهج باين وواضح
الببراكم ببقى السيد
والياباكم حتما ضايع ورايح
سبو الشيعه الكانو الصحبه
وانكرو للاخوان بالواضح
انكروا شينكم كلو
انفوا الببقى فضايح
شان المملكه تدفع
والدولار اغشاكم قبل البنك
الفاتح
ابنوا قصوركم في كافوري
سوو جنينه وفيها مسابح
ختوا شرايع للبتحلل
والقانون زيدوهو لوايح
شان غسان والوالي ورهطو
يخموا ويملوا صفايح
مال الدوله السايب
مال الشعب الخايب
مال بترولنا الجايب
قسمتوهو صحاب حبايب
السودان اتيتم يوم ماجيتو
الاخلاق انعدمت من ماجيتو
الحريه اندفنت يوم ماجيتو
ريحة الموت انشمت يوم
ماجيتو
وعشم الفال اتوفى وناح
النايح
|
|
 
|
|
|
|
امجد الجميعابى
فيس بوك
تويتر
انستقرام
يوتيوب
بنتيريست