|
Re: بيْدَ أنى صديقٌ للشمسِ - شعر (Re: بله محمد الفاضل)
|
Quote: أنا لا إسمَ لى لكننى ادمنتُ أبجديةَ النداءِ ليزهرَ الصوتُ فى شفتى حبيبتى لتخضرَ الأمانى فى حُلمِها ويستريحُ الشهدُ فى فمِها يعلننى سيداً على ممالكِ الأسماءِ |
يا إلهي يا اباذر ياخ! قصيدة تدخل مسام الروح بلا استئذان. وهبشتني في حتة وممكن تكون هبشت ناس كتار غيري. . مرة السر قدور قال إنو كتب :" حنيني اليك" في زحمة وسخانة شديدة وجو لا يوحي بالإبداع عموما. لكن بالرغم من ذلك اي زول يسمع القصيدة بيتخيل السر قدور كتبها في غرفة مظلمة لا تضيئها سوى شمعة وامامه صورة محبوبته وورق ملون وقلم! الجميل إنو اي نص ابداعي بيتيح لقارئه فرصة وحرية قراءته من زواياه الخاصة. وده ممكن نطلق عليه "خيال تأويل النص الابداعي". يا ابا ذر عليك الله النص ده كتبتو في ياتو حالة؟ محبتي
| |
|
|
|
|
|
|
Re: بيْدَ أنى صديقٌ للشمسِ - شعر (Re: الفاتح ميرغني)
|
الفاتح
أخانا الذى فى ذرى اولمب الجمال
أما قبل
إن هى إلا تهاويم تكابد شظف الإيجاب بنفى التوهم
لعلها تمسك، ولو قليلا، بمبتغى الروح
فرغم وشائج الصداقة مع الشمس إلا أن الظل يصر على الإختباء حبيسا، أو ربما خائفا داخل جب الجسد
بالنسبة لحالة مولد ومخاض النص
عموما والله يا الفاتح كل الكتابات بتبدأ بعد ما خلاص ادمدم وابقى زول نوم
وفى البرزخ الفاصل بين الخروج من وعى الصحو والدخول فى غيبة النوم
بتبدأ النصوص تجى مارقة
وتانى يوم
شى اتذكره وشى يفلت من قبضة الذاكرة
معظم النصوص جات كده والله
واحسن النصوص بالضبط زى ما انت قلت
هى البتديك براح ومدى واسع انك تقرأ وتأول زى ما انت عايز
أما بعد
اخبارك شنو ؟
| |
|
|
|
|
|
|
|