شكرا استاذ عبدالوهاب على ايراد الخبر حمد لله على السلامة بس الله يستر وتمشي الامور على خير .. كمل جميلك وزودنا بشوية تفاصيل ما دام ليس هناك مصادر رسمية تفيدنا باي شئ .. يعني مثلا هل الشخص يمشي باسرته مباشرة ام اول تذهب وتاخذ رقم ؟ نوع المستندلت المطلوبة لعمل الرقم الوطني ؟ والجواز ؟ وما شابه ذلك من استفسارات نورنا نور الله قلبك ووجهك بالايمان والتقوى في الدنيا والاخرة وانا اسف لو اثقلت عليك الحمل . دمت بود
حبيبنا المليك نصير ناس قريعتي راحت .. بالله نورنا بالنقاط الواردة في مداخلة أخونا أحمد صابر ..
Quote: شكرا استاذ عبدالوهاب على ايراد الخبر حمد لله على السلامة بس الله يستر وتمشي الامور على خير .. كمل جميلك وزودنا بشوية تفاصيل ما دام ليس هناك مصادر رسمية تفيدنا باي شئ .. يعني مثلا هل الشخص يمشي باسرته مباشرة ام اول تذهب وتاخذ رقم ؟ نوع المستندلت المطلوبة لعمل الرقم الوطني ؟ والجواز ؟ وما شابه ذلك من استفسارات نورنا نور الله قلبك ووجهك بالايمان والتقوى في الدنيا والاخرة وانا اسف لو اثقلت عليك الحمل . دمت بود
لو في فرصة من الكفيل والمدارس .. كنت أخذت طلة للسفارة ولكن الدنيا أرزاق نعمل إيه .. ما هي صورة هناك ..
تحياتي يا جميل ..
02-10-2015, 11:04 AM
خالد حامد الجزولي
خالد حامد الجزولي
تاريخ التسجيل: 03-29-2008
مجموع المشاركات: 2658
وأزيدكم من الشعر بيت : أنسوا الرسوم والحسبة القديمة : وأقصد بالذات أخونا عاصم فقيري الرسوم الحالية اليوم : (شاهد عيان) الرجل : 515 ريـال الزوجة : 415 ريـال الطالب : 305 ريـال الطفل : 210 ريـال
ميات تنطح ميات
ويا مثبت العقل والدين
02-10-2015, 11:50 AM
محمد العوض
محمد العوض
تاريخ التسجيل: 07-16-2009
مجموع المشاركات: 439
Quote: لكن هناك قيمة ضيافة الوفد وقيمة التذاكر وقيمة السكن وقيمة الانتداب وقيمة الكهرباء المصروفة كل هذه الاشياء لها قيمة
أخونا محمد العوض ليك مدة ما بنت ..... نحن فعلاً البقرة الحلوب وبالتحديد ناس المنطقة الغربية وما جاورها لأنه هذه الأسعار لم تكن في منطقة الرياض .. ونحن غير عشان جده غير .. يا محمد الضيافة دي كان خلوها علينا حرّم كان قعدوا سنة نشيلهم فوق راسنا (كلهم أربعة) نوديهم ونجيبهم من وإلى القنصلية بدل ما يزودوا الرسوم بهذا الشكل .. ويضعونا أمام الأمر الواقع .. يا تدفع يا تتدينا غبشة كراعك .. ويا مثبت العقل والدين ..
02-10-2015, 12:22 PM
النعمان خوجلى
النعمان خوجلى
تاريخ التسجيل: 01-28-2013
مجموع المشاركات: 375
Quote: انا استخرجته من السودان قبل يومين ب 395 جنيه سودانى
النعمان ود خوجلي علييييك الله في داعي للمغسة دي ؟؟؟؟ 395 جنيه سوداني بي حسبة محمد العوض = 156 ريـال ( فقط مائة ستة وخمسون ريالاً سعودياً لاغير) .. والله العظيم أنا الآن دفعت 515 ريـال .. ريـال ينطح ريـال وبي حسبة محمد العوض 515 × 2300 = 1.184.500 جنيه (مليون ومائه وأربعة وثمانون ألف وخمسمائة جنيه بالقدييييييييييييييييييييم) .. والله يكون في عون ناس قريعتي راحت وعوائلهم ..
ويا مثبت العقل والدين ..
02-10-2015, 12:55 PM
النعمان خوجلى
النعمان خوجلى
تاريخ التسجيل: 01-28-2013
مجموع المشاركات: 375
عشان بوستيك السجم ده الجماعة في الجهاز رفعو سعر الالكتروني للذين يرغبون لي مليون وميتين للمغتربين والحاملين اقامات خارج الوطن ده غير حق الصور والفطور والبارد والشاي والزحزحه في الكراسي طول اليوم يعني خشت ليها في المليون ونص
اها ارجع احسبه لينا باليورو تطلع كم؟؟
02-10-2015, 02:24 PM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
عشان بوستيك السجم ده الجماعة في الجهاز رفعو سعر الالكتروني للذين يرغبون لي مليون وميتين للمغتربين والحاملين اقامات خارج الوطن ده غير حق الصور والفطور والبارد والشاي والزحزحه في الكراسي طول اليوم يعني خشت ليها في المليون ونص
اها ارجع احسبه لينا باليورو تطلع كم؟؟
أخوي علي عثمان عبد الوهاب
على رسلك يا رجل.. ودا الخايفين منه ذااااااتو .. (الهضربة) وارتفاع الضغط والسكر .. والله فعلاً ناس قريعتي راحت تطير عيشتهم يلقوها من وين ولا من ين .. الكل طمعان فيهم .. وللمعلومية لا الجهاز ولا القنصلية ليها دخل بالرسوم .. وزارة المالية هي الجهة التي فرضت الرسوم .. ويا رييييت ناس الجهاز لو بسمعوا كلامي كان قلت ليهم شكر الله سعيكم وقفلوا مكاتبكم وخلونا برانا بنظم شؤونا ..
Quote: طريقة توزيع الاستمارات عشوائية ام منظمة وعادلة .. لانه في ناس حتحضر من خارج جدة .
الأخ أحمد الصابر بما أنه اليوم الأول لبدء العمل في استخراج الرقم الوطني والجواز الالكتروني ، فإن الوضع في غاية السلاسة .. الاستمارات موجودة لدى اثنين من ضباط الجوازات في الكاونتر واحد مخصص للرقم الوطني والآخر للجواز الالكتروني معظم الأخوان الذين رأيتهم اليوم لا يعرفون متطلبات الخدمة التي يرغبونها مع أنها معلقة في لوحة الاعلانات .. يتم تعبئة الاستمارة مع المتطلبات ويتم تصديقها من الضابط المعني في وقت وجيز يتم دفع الرسوم بعد التصديق مباشرة يدخل الشخص بعد دفع الرسوم لمكتبين مجهزين بأربعة أجهزة وأربعة كاميرات وموظفين للرقم الوطني وموظفين للجواز الالكتروني . لا يستغرق الزمن أكثر من 5 دقائق للفرد ... هذا الوضع المتناغم قد لا يستمر كثيراً مع توافد الراغبين ..
02-10-2015, 06:02 PM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
ستعلن القنصلية عن تحرك فريق استخراج الرقم الوطني والجواز الالكتروني إلى خارج جدة بعد ترتيب الأمر مع السلطات السعودية وعلى الذين يمكنهم الانتظار أن ينتظروا حتى يصل لهم الوفد في أماكنهم بدلاً من تكبد المشاق والحضور إلى جدة ..
المصدر : مدير عام الجاليات بجهاز تنظيم شؤون السودانيين العاملين بالخارج
02-10-2015, 07:33 PM
ابوحراز
ابوحراز
تاريخ التسجيل: 06-27-2002
مجموع المشاركات: 5515
احضار ما يثبت المهنة اعتقد انه شرط غريب لمن يحمل الرقم الوطني لمن جينا نطلع الرقم الوطني طلبوا تقديم المستندات التي تتناسب مع المهنة ومن بعد تقديم المستندات وأخذ صور منها يطلع الرقم الوطني بالمهنة المطلوبة مادام المهنة مدرجة بالرقم الوطني فلماذا يتم طلب المستندات مرة اخرى
واذا كانت المهنة مثلا بالرقم الوطني مهندس ويود الانسان في حال استخراج الجواز التغيير لمهنة اخرى فهل هذا ممكن ؟؟؟ [
سؤال اخير هل القنصلية ستعمل يوم السبت نسبة لهذه الظروف الطارئة خاصة وان العاملين بالدوائر الجكومية لاوقت لهم نهائيا في منتصف الأسبوع /B]
02-10-2015, 09:43 PM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
Quote: واذا كانت المهنة مثلا بالرقم الوطني مهندس ويود الانسان في حال استخراج الجواز التغيير لمهنة اخرى فهل هذا ممكن ؟؟؟
الاجابة : البيانات المسجلة بالسجل المدني (الرقم الوطني) هي التي سوف تنزل بحذافيرها في الجواز الالكتروني ولا يمكن تعديلها .. ويتم تعديل المهنة في السجل المدني من الخرطوم .
Quote: سؤال اخير هل القنصلية ستعمل يوم السبت نسبة لهذه الظروف الطارئة خاصة وان العاملين بالدوائر الجكومية لاوقت لهم نهائيا في منتصف الأسبوع
الإجابة : القنصلية تعمل حسب نظام العمل للهيئات الدبلوماسية في البلد المضيف .. وحيث أن الجمعة والسبت إجازة فلا يمكن العمل خلالهما إلا بترتيب خاص مع وزارة الخارجية بالبلد المضيف .. وفي حالة الاضطرار للعمل أيام السبت ، ستعمل القنصلية للتنسيق مع وزارة الخارجية في البلد المضيف للسماح لها بفتح أبوابها في عطلة السبت ..
ويا مثبت العقل والدين ..
02-11-2015, 08:10 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
حباب الأرباب خمسمائة ريال وخمسة عشر ريالاً تعادل مليوناً ومائة وأربعة وثمانون ألف وخمسمائة جنيه (بالقديم) لزوم نبيّن المليون .. ونرضى بي سنتين ؟ هي فيها سنين الزمن العلينا دا ؟ السنة بقت زي الشهر .. اطمئن خمسة سنوات نحمد ربنا .. ويا مثبت العقل والدين ..
02-11-2015, 09:27 AM
ابوحراز
ابوحراز
تاريخ التسجيل: 06-27-2002
مجموع المشاركات: 5515
عشان بوستيك السجم ده الجماعة في الجهاز رفعو سعر الالكتروني للذين يرغبون لي مليون وميتين للمغتربين والحاملين اقامات خارج الوطن ده غير حق الصور والفطور والبارد والشاي والزحزحه في الكراسي طول اليوم يعني خشت ليها في المليون ونص
اها ارجع احسبه لينا باليورو تطلع كم؟؟
أخوي علي عثمان عبد الوهاب
على رسلك يا رجل.. ودا الخايفين منه ذااااااتو .. (الهضربة) وارتفاع الضغط والسكر .. والله فعلاً ناس قريعتي راحت تطير عيشتهم يلقوها من وين ولا من ين .. الكل طمعان فيهم .. وللمعلومية لا الجهاز ولا القنصلية ليها دخل بالرسوم .. وزارة المالية هي الجهة التي فرضت الرسوم .. ويا رييييت ناس الجهاز لو بسمعوا كلامي كان قلت ليهم شكر الله سعيكم وقفلوا مكاتبكم وخلونا برانا بنظم شؤونا ..
أخوي المليك المفوض العام لناس قريعتي راحت .. ده ما انا .. ده اخونا عمر عثمان عبدالوهاب .. بعدين يا أخي أنا زول جاي من ضواحي الدنيا .. وين مع العامية منمقة دي .. مع التحية والقلوب عند بعضها ..
02-11-2015, 10:35 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
Quote: أخوي المليك المفوض العام لناس قريعتي راحت .. ده ما انا .. ده اخونا عمر عثمان عبدالوهاب .. بعدين يا أخي أنا زول جاي من ضواحي الدنيا .. وين مع العامية منمقة دي .. مع التحية والقلوب عند بعضها ..
أخي علي عبد الوهاب عثمان لك العتبى حتى ترضى .. يا سمح يا زين .. كنت ساعتها آتياً من القنصلية مع زحمة المدراس واختلطت علىّ الاسم خاصة وأنه متشابه لحد ما .. وتكفي طلتك في البوست .. ويا مثبت العقل والدين ..
02-11-2015, 02:15 PM
خلف الله حسين
خلف الله حسين
تاريخ التسجيل: 05-13-2013
مجموع المشاركات: 36
حباب خلف الله نورت البوست وحاتك الوصل أنا ما شفت مكتوب فيه شنو يعميني ويقدد نظري أصلو حارقاني الخمسمية ريـال حرقة الخمسطاشر مبلوعة .. والشكية لي أب ايداً قوية الحمد لله حتى اليوم الأمور ماشه هادئة ويا مثبت العقل والدين ..
02-12-2015, 11:02 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
نصيحة للعنده رقم وطني استمارات الجواز الالكتروني متوفرة ومستعدين لاستيعاب أكبر عدد ممكن ومافي زحمه عليه .. الزحمة على الرقم الوطني .. أمشوا قبل الناس القدموا للرقم الوطني يستلموا أرقامهم ويجوا لي صف الجواز الالكتروني .. (الاستلام بعد 3 أيام ) .. فرصة وما بتتعوض للعنده رقم وطني .. ويا مثبت العقل والدين ..
02-14-2015, 08:43 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
مشهد حقيقي : استأذن من العمل يوم الخميس الماضي بحجة أن أم العيال عندها موعد مع الطبيب .. ذهب البيت وأخذ ام العيال والصغار ووصل القنصلية الحادية عشر والنصف صباحاً .. تفاجأ بأن استمارات الرقم الوطني تم توزيعها منذ الصباح الباكر وعليه الحضور يوم الأحد باكراً إن شاء الله .. حسبن وحوقل وعاد بخفي حنين .. حلم : رأى فيما يرى النائم .. موظف يضع أمامه دفتر كبيييير وترتسم على شفتيه ابتسامه تشرح القلب ، طلب منه النظر في التقويم الموجود بجانبه وعليه أن يختار اليوم الذي يناسبه لأخذ إذن أو إجازة طارئة أو مرضية أو أي شيء من هذا القبيل ويسجل أسمه ويحضر وهو ضامن أنه سيجد استمارته ويكمل اجراءاته ويا دار ما دخلك شر ..
ويا مثبت العقل والدين ..
02-15-2015, 07:37 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
سؤال : هل هناك امكانية لعمل حجز مسبق وتحديد يوم وتاريخ وزمن معين خاصة في ظل صعوبة الخروج أثناء الدوام وقضاء ساعات طوال في الانتظار ؟؟ الإجابة : نسعى بكل طاقتنا لراحتكم ولدينا خطة يتم الترتيب والاعداد لها وسترى النور قريباً جداً وفيها راحة للجميع ..
02-15-2015, 08:02 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
الأحد 15 فبراير 2015م يُعتبر بداية الزحمة الحقيقية في قسم استخراج الجواز الالكتروني والتي نجمت عن استلام البعض للرقم الوطني في الأيام القليلة الماضية .. ننتظر تقييم الوضع واختبار الاستعداد لاستيعاب أي عدد كما ذكر المسؤولون .. ويا مثبت العقل والدين
المليك الجميل .. نصير ناس قريعتي راحت .. استطلاع الاراء في عطلة نهاية الاسبوع في الجمعيات والقهاوي بالهنداوية ( وخاصة قهوة كسلا ومرتادي مطاعم الفول ) هناك إستهجان كبير جداً من الرسوم العالية ( يا أخي ناس هنا رزق اليوم باليوم ) والله ظلم والحساب عسير عند الله .. أخي مليك يعني عائلة من خمسة أفراد ( رقم وطني وجواز سفر ) للجميع كم القيمة .. لأن الكثير ما مستوعبين الموضوع .. وجماعتنا في الجمعيات لازم نعمل ليهم تنوير وملصقات .. لك التحية .. ذهبت الى العزاء للاخ حاتم متأخر مع الدقائق الاخيرة .. طالعت الموجودين ولم أجدك .. ربما تكون غادرت مبكراً .. تحياتي ..ومحبتي ..
02-15-2015, 10:14 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
فردتنا علي عبد الوهاب عثمان رحم الله ابن أخت الأخ حاتم حضرت صلاة الجنازة والدفن وكنت خارج جدة رجعت أمس ناس قريعتي راحت لا زالوا يتوسمون خيراً في من سمع أو قرأ النداءات التي أطلقناها وأطلقها العديد من الأخوة عبر مواقع التواصل الاجتماعي التي تضم العديد من المسؤولين .. وحتى الآن ما فات شيء كثير .. وهم زي ما غيروا في الرسوم السابقة يمكنهم أن يغيروا في الرسوم الحالية وزي ما قلت أخي علي عائلة مكونة من 5 أفراد في السعودية الزوج 515 ريـال + الزوجة 415 ريـال + 3 أبناء × 305 (915) ريـال المجموع 1845 ريـال × 2350 = 2.278.575 جنيه في السودان الزوج 395 جنيه + الزوجه 235 جنيه + 3 أبناء × 215 جنيه (645) جنيه المجموع = 1.275.000 جنيه ÷ 2350 = 543 ريـال
تخيل الفرق 1845 ريـال في السعودية ما يعادل 543 ريـال في السودان وبرضو المغترب ما البقرة الحلوب ؟؟؟ تطير عيشتنا نحن ناس قريعتي راحت .. يا مثبت العقل والدين ..
02-15-2015, 09:48 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
Quote: أخونا المليك .. الحبشي شغال معنا في المكتب يقول الجواز الالكتروني عندهم : 188ريال والابن 90 ريال كانوا عايزين يكسرو السفارة الاثيوبيه
أخوي علي نحن ناس قريعتي راحت المتواجدين هنا ، بس عايزينهم يساوونا بالمواطن السوداني الموجود خارج أرض الحرمين الشريفين حفظها الله جوازنا في السعودية 515 ريـال في السودان ما يعادل 168 ريـال في مصر ما يعادل 220 ريـال ويا ليت أخوانا بورداب باقي دول الخليج يسعفونا بالأسعار عندهم ما حسادة مننا بس عشان نقارن .. ونحن ناس قريعتي راحت لا عازين نكسر ولا عايزين نزعل زول مننا الفينا مكفينا وهم الجواز الالكتروني الزاد همومنا هموم .. بس عايزين زول يلتفت ناحيتنا ويقسم الورقة أم خمسمية ريال دي نصين ياخدوا نص ويخلوا لينا نص رضيانين .. ويا مثبت العقل والدين ..
02-15-2015, 10:36 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
رسالة من أحد بورداب جدة متواجد الآن في جهاز تنظيم شؤون السودانيين المنسيين بالخارج السلام عليكم ورحمة الله نزودكم ببعض المعلومات بخصوص اجراءات الجواز الالكتروني في السودان أنا في مبنى المغتربين الإجراءات سهلة وبسيطة وما محتاجه زمن وممكن في أقل من ساعة تخلص وتجي تستلم بعد 3 أيام لكن نحن شعب حبانا الله بالتعقيد والتنظير وتصعيب السهل مثلاً أنا عندي 6 جوازات دخلتهم مع بعض ولم أستلمهم مع بعض فقط انتظار التصديق ضيعت زمن من الساعة 8:30ص حتى هذه اللحظة 11:23 وبعد دا في خطأ في الأسماء وفصيلة الدم يعني ما عندي استمارة بيانات طلعت صاح لكل الجوازات وانتبهوا للحتة دي شديد يعني حتى فصيلة الدم بـ 10 جنيه وهي+ B مطلعنها لي فصيله أخرى +O تاني حاجه بنتك مضافة في جواز أمها يقول ليك هات صورة من اقامتك وزوجتك يقول ليك هات القسيمة طبعاً تنظير وحنك ميت ممكن يمشى على الناس لكن أنا رفضت الإجراء دا وبالمنطق قلت ليهو البنت مضافة مع أمها والجواز يوضح كدا وفيه مليون خروج وعودة ومكتوب في خانة المهنة زوجة ومكتوب زوجة فلان داير شنو تاني ؟ لو ما اقتنعت بالجواز دا تبقى مصيبة ويلا على مدير جوازات المغتربين .. المهم الاجراءات مشت وبعد شوية بطلعوا جواز جواز فيه ملاحظه شيء فحص وشيء ماعارف شنو وفي النهاية يطلع البرنت مصدق والله مافي جواز ولا برنت ما فيه غلط وترجع تعدل وتدخل من أول جديد وتنتظر ويمكن يجي طالع تاني غلط أهو منتظرين الساعة الآن 12:23 ظهر وعلى العموم الإجراءات ساهلة بس البيروقراطية وأزمتنا الإدارية هي المصعبة الحكاية بالإضافة لهدر زمن الموظف في الواتساب
الرسوم كالآتي الكبار 395 جنيه من مواليد 2002 بعتبروا طلاب 295 من مواليد 2003 لبعتبروا أطفال 235
02-16-2015, 07:55 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
رسالة من أحد بورداب جدة من جهاز المغتربين بالخرطوم الرسالة الأولى : أنا في المغتربين والاجراءات سهلة وبسيطة بس نحن السودانيين دائماً بتاعين جرجرة ونصعب السهل ونعقد المبسط وفوق دا رسومه رخيصة مقارنة بالسعودية وأخلاق موظفينا صفر كبير بالجد ونحن شعب نفتقد لثقافة معاملة الجمهور ونعتقد أن المراجعين للدوائر الحكومية يجب أن يتذللوا ويطلبوا حقوقهم بترجي وانكسار ... الرسالة الثانية : تصدقوا يا جماعة 6 جوازات دخلت للتأشيرة الخروج طلعت 4 فيها تأشيرة و 2 ما فيها (الساعة 5 مساء) والله دي تلتلة ما بعده تلتلة ______________________________
لا عليك يا أخي .. المغترب متلتل محل ما يمشي .. وحالتوا دا المكان القالوا عليه جهاز تنظيم شؤون السودانيين العالقين عفواً .. المنسيين آسف .. العاملين بالخارج ..
ويا مثبت العقل والدين
02-17-2015, 09:19 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
Quote: في انتظار الترتيبات الخاصة التي تريّح الجميع
يا ربي يا سيدي الترتيبات دي فيها العمل يوم السبت والدوام للساعة 8 زي ناس الامارات ؟؟ ناس الامارات عندهم 4 فنيين شباب ونحن كمان عندنا 4 فنيين شباب ربنا يحفظ شبابهم ما مستعجلين بس خايفين ويدنا فوق قلبنا من قادم الأيام .. ويا مثبت العقل والدين ..
02-17-2015, 11:54 AM
يوسف الطيب احمد إدريس
يوسف الطيب احمد إدريس
تاريخ التسجيل: 03-03-2014
مجموع المشاركات: 1226
Quote: هل يمشو المنطقة الجنوبية للمملكة (نجران، أبها ، خميس مشيط .. الخ)
الأخ يوسف الطيب السيد الأمين العام لما كان في جدة ذكر أن الوفد سوف يحضر ومعه أجهزة متحركة (موبايل) عشان يمشي للأخوة خارج جدة في أماكنهم .. وسؤالك تم تحويله للمسؤولين بالقنصلية وفي انتظار الرد بعد حضور الوفد ويا مثبت العقل والدين
02-17-2015, 10:20 PM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
أخونا البوردابي الفي الخرطوم قال اليوم زادوا الرسوم جنيه في جهاز المغتربين بالنسبة لجواز الرجل أمس كان 395 جنيه اليوم لقاه 396 جنيه حتى جواز الطلبة والأطفال زادوه جنيه .. ببساااااطه تتم الزيادة يا تدفع يا تديهم عرض أكتفاك وتسأل سبب الزيادة شنو ؟؟ يجيبك الجواب أنا مافي معلوم .. يا مثبت العقل والدين
Quote: الأخ يوسف الطيب السيد الأمين العام لما كان في جدة ذكر أن الوفد سوف يحضر ومعه أجهزة متحركة (موبايل) عشان يمشي للأخوة خارج جدة في أماكنهم .. وسؤالك تم تحويله للمسؤولين بالقنصلية وفي انتظار الرد بعد حضور الوفد
أخونا يوسف الطيب جاءت الإجابة كما يلي : الشباب الذين يعملون في استخراج الرقم الوطني والجواز الالكتروني جاءوا بتأشيرة زيارة سيتم تمديدها إلى أن تنتهي مهمتهم وستعمل القنصلية مع وزارة الخارجية على إمكانية السماح لهم بالتحرك للمناطق التابعة للقنصلية السودانية تسهيلاً للأخوة في تلك المناطق .. الآن يجري العمل بكل همة لخدمة أكبر عدد من المواطنين ..
ويا مثبت العقل والدين ..
02-21-2015, 04:45 PM
يوسف الطيب احمد إدريس
يوسف الطيب احمد إدريس
تاريخ التسجيل: 03-03-2014
مجموع المشاركات: 1226
الأخ عبد الوهاب المليك شكراً للإفادة ونسأل الله أن يجعلك من من حبب إليهم الخير وحبب الخير إليهم تسلم معليش نتعبك معانا شوية لم يبقو ماشين المنطقة الجنوبية أدينا خبر بالبوست دا
سافرت الى جدة يوم الاربعاء وخلصت موضوع الجواز... الاجراءات سريعة ولكن دخول موضوع الزكاة في الحلقة سوف يسبب تاخير مستقبلآ
الجواز مكلف دفعت 1560 ريال للجوازات و 400 ريال للزكاة ( لو ما ختمت الفورم من الزكاة لا تستطيع سداد رسوم الجواز...موظف الزكاة واحد غبي ما يفهم فقمت بسداد دفعة حتى اخلص الاجراءات )
يعني مصاريف سفر وسكن وجوازات وزكاة قرابة ال 3000 ريال سعودي....
مرحبا بكم في ادارة الجباية العامة لجمهورية الكيزان
02-22-2015, 07:21 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
Quote: سافرت الى جدة يوم الاربعاء وخلصت موضوع الجواز... الاجراءات سريعة ولكن دخول موضوع الزكاة في الحلقة سوف يسبب تاخير مستقبلآ
أخونا الأرباب محمد الشيخ حمداً لله على السلامة وكرامة البليلة المرقتك .. حضرت إلى جدة ولم تحضر لنا ولم تتصل.. ولكن بإذن الواحد الأحد إن حضرنا إلى طيبة الطيبة سنلتقي بكم ونسلم عليكم في الله .. أخوي محمد البقرة الحلوب دي لازم (يجغموها لآخر قطرة) هسه عليكم الله دا وقت دفع زكاة راتب ؟؟ هو الراتب مكفي ؟ لما تكون عليه زكاة من أصلو ؟؟
قول معاي يا مثبت العقل والدين ..
02-22-2015, 07:35 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
Quote: معليش نتعبك معانا شوية لم يبقو ماشين المنطقة الجنوبية أدينا خبر بالبوست دا
أخونا يوسف الطيب أحمد ادريس أبشر بالخير إن كان في العمر بقية يشهد الله لو الود ودي أجيبوا ليكم في محلكم لكن العين بصيرة والايد قصيرة واليوم وزعوا 100 استمارة فقط للرقم الوطني (شكلوا كدا السيستم داوون) .. بدينا إن شاء الله ما ملينا ..
الأخ عبد الوهاب المليك أولاً : اعتذر بشدة في أول مداخلة لي معاك ما انتبهت اني سلمت عليك خشيت على طول بدون فاعتذر والله ما انتبهت إلا قبل شوية. ثانياً : ما قصرت، أنا معاكم في جدة والحمد لله مطلع جوازي الإلكتروني من السودان بسأل علشان عندي اختي في نجران دايرين نطلع ليها هي وأولادها الجوازات. الله يستر من حكاية الداون سيستم دي، بعد شوية نبقى في الواسطات وغيره الله يهون على عباده شايف في ناس جابو رسوم الجواز والأخ الشيخ الأرباب قال كلفو 1300 ريال يا ريت توضحو لينا الحاصل شنو؟ لك الشكر الجزيل
02-22-2015, 08:22 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
أخونا يوسف الطيب في جدة الواااسعة دي وما نشوفك ؟؟ وبيني وبينك الله يستر من الداوون سيستم دي .. الرسوم يا ها الرسوم لكن .. شكلوا ناس الزكاة شموا خبر ولقوها فرصة وختوا ليهم موظف يحلب ليهم من جيب المغترب وهو جايي يطلع الجواز الجديد ودي فرصة ما بتتعوض .. نتحرى عن الموضوع ونرجع بالخبر اليقين ..
02-22-2015, 08:49 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
ولم اقابل هذا الرجل الا مرة واحدة فقط فى وداع الاخ عوض الماحى
قبل عدة شهور فى استراحة البدر ليلا
هذه المقدمة
للاخ العزيز الصهيلى محمد عبد الماجد سعد
مدير عام الجوازات للترتيب والتنظيم والانجاز وارتياح الناس
فلك اخى العزيز القومة والانحناءة والتحية وانت تؤدى هذه
بصدق النبلاء والاوفياء
الف مبروك
ونسال الله لنا ولكم التوفيق والسداد
مسروق .. أقصد منقول من بوست أخونا السماني عمارة بالفعل أخي السماني أخونا السهيلي مكتبه في الكاونتر منذ وصول وفد الجواز الالكتروني من الصباح حتى المساء يوقع ويوجه ويراقب .. فله التحية والتقدير ..
ويا مثبت العقل والدين ..
02-22-2015, 10:02 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
Quote: الزكاة نتحرى عن الموضوع ونرجع بالخبر اليقين ..
الإجابة: مصلحة الزكاة لديها موظفين دائمين في كاونتر القنصلية مهمتهم تحصيل الزكاة ممن تجب عليهم .. وهذا ليس إجراءً جديد تم استحداثه الآن .. وفي العادة وعند تجديد أو استخراج الجواز يتطلب الأمر المرور على موظفي الزكاة حتى قبل الجواز الالكتروني .. انتهى ....
ونحن القابضين على الجمر : نأمل ونلتمس ونرجو ونستعطف من موظفي الزكاة الصبر إلى حين ميسرة ... يعني لو واحد ما كان عامل حسابه وشايل معاه مبلغ زيادة يمشوه ويأجلوها ليه حتى لا تتعطل إجراءاته ولو هي فعلاً واجبه عليه سيقوم بدفعها لاحقاً وإلا (حيدخل النار) . ويا مثبت العقل والدين ..
02-23-2015, 06:54 AM
أنس عباس حسن
أنس عباس حسن
تاريخ التسجيل: 01-08-2013
مجموع المشاركات: 26
اليوم الساعة 8 صباحا كنت امام بوابة القنصلية وصالة الخدمات مستفة رجال ونسوان سألت موظف الاستقبال عن اورنيك الجواز الالكتروني قال لي عند الضابط شباك الضابط اللمة القدامو مابتشوفو وبنده بالمكرفون على اسماء مسجله سالت عن الاستماره قالو لي لازم تسجل مع البندهوهم ديل وديل سجلو ومرابطين بالبوابة من 3 صباحا
لقيت واحد جاي من المدينه لافي مالقى اي اجابة هل ينتظر ولا يمشي
اتخارجت
02-23-2015, 07:26 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
Quote: اليوم الساعة 8 صباحا كنت امام بوابة القنصلية وصالة الخدمات مستفة رجال ونسوان سألت موظف الاستقبال عن اورنيك الجواز الالكتروني قال لي عند الضابط شباك الضابط اللمة القدامو مابتشوفو وبنده بالمكرفون على اسماء مسجله سالت عن الاستماره قالو لي لازم تسجل مع البندهوهم ديل وديل سجلو ومرابطين بالبوابة من 3 صباحا
شكراً أنس عباس حسن لهذا الوصف الصباحي الحي .. الناس كل شيء بتستحمله عدا كلمة وااااحدة السيستم داوون .. والسيستم داوون دي ، المساكين الهنا ما عندهم دخل بيها لكن تلقانا نفش غبينتنا فيهم .. الله يدي الناس الصبر ونفتك من أمشي وتعال دي لي خمسة سنوات قادمة إن كان في العمر بقية وأخونا زول المدينة دا الله يكون في عونه ما عنده طريقة إلا يجي الصباح بدري .. ولحدي الآن العمل ماشي بدون واسطات وبدون واتساب ..
ويا مثبت العقل والدين ..
02-23-2015, 10:59 AM
أنس عباس حسن
أنس عباس حسن
تاريخ التسجيل: 01-08-2013
مجموع المشاركات: 26
افرض اني بيّت قدام السفاره والسستم ابا يدوّر الصباح
موقفي ح يكون شنو قدام الامم المتحده ؟ والورقه المكتوبة دي بتشفع لي لو راجعت بعد يومين ؟ وتلقى الورقه وين اساساً عشان تثبت انك كنت بايت ؟ بعدين يااخ دا جواز شنو البقومو ليهو قبل بتاعين اللبن ؟ تمشي السودان ترقع ليك أي عسكري تمشّي امورك ولا المهانة دي
02-23-2015, 11:43 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
الأخ أنس عباس لك التحية والتقدير الانتظار والصفوف والاحباط هي واحدة من معاناتنا الأزلية حتى أننا تعودنا عليها وكادت أن تصبح جزء من حياتنا .. قيل لنا أن هناك ترتيبات جديدة يمكن أن تريح الناس وها نحن معكم منتظرين .. والمشكلة لو عايز تمشي السودان وتعمل الجواز من هناك الخوف اجازتك تنتهي وانت ما عملت حاجة بسبب السيستم الداوون ..
أما موقفك قدام الأمم المتحدة ، أكيد حيشمّت فيك أبله ظاظا ..
ويا مثبت العقل والدين ..
02-23-2015, 01:09 PM
محمد الشيخ أرباب
محمد الشيخ أرباب
تاريخ التسجيل: 06-17-2008
مجموع المشاركات: 1366
انا مشيت يوم الاربعاء 18 فبراير 2015 .. كنت قدام السفارة 6:30 ..في ورقة في كشك العسكري سجلت رقم 101... الساعة سبعة وشوية بدو يندهو في الاسماء
لاستلام الارانيك ...الشهادة لله جماعة الجواز الالكتروني ممتازين وسريعين ومتعاونين ... ولكن المعوقات دائما من جماعة القنصلية لسماحهم بربط الزكاة مع سداد
رسوم الجواز..وعدم وجود مكان لكي تتمكن من تعبئة الاورنيك..ومع دلك الساعة 9:45 كنت مخلص وخارج القنصلية.
02-23-2015, 01:41 PM
أنس عباس حسن
أنس عباس حسن
تاريخ التسجيل: 01-08-2013
مجموع المشاركات: 26
Quote: ولكن المعوقات دائما من جماعة القنصلية لسماحهم بربط الزكاة مع سداد
أخونا الأرباب مرة تانية حمداً لله على السلامة موظف الزكاة تابع لديوان الزكاة كمحصل وراتبه يأخذه من ديوان الزكاة وليس للقنصلية عليه سلطة إلا إدارياً فقط.. وهو موجود في الكاونتر من قبل أن يبدأ استخراج الجواز الالكتروني أي منذ أيام حبيبنا الجواز الأخضر الليموني هذا ما وردنا وأشرنا إليه أعلاه .. وبمناسبة تحصيل الزكاة قبل سنوات كان عندي مشروع فاشل في السودان وفاشل دي لأني لم أباشره بنفسي ... مشيت إجازة وكنت مبسوط وفرحان بيه أنا داخل صادفت ناس الزكاة وهم خارجين وشايلين 2 أجهزة كمبيوتر بملحقاتهم ومعاهم عسكري ذكروني ناس الهيئة .. قالوا يا تدفع يا نيشيل العدة .. وفعلاً شالوها .. الزكاة بقت زي الجزية .. تعسف في تحصيلها وناس قريعتي راحت من المزارعين يشتكون مر الشكوى من طريقة تحصيلها .. غايتو أنا شخصياً ما بتذكر إذا كان الراتب واحد من الحاجات البتجب فيها الزكاة ولا لا ..
ويا مثبت العقل والدين ..
02-24-2015, 01:27 PM
يوسف الطيب احمد إدريس
يوسف الطيب احمد إدريس
تاريخ التسجيل: 03-03-2014
مجموع المشاركات: 1226
Quote: أخونا يوسف الطيب في جدة الواااسعة دي وما نشوفك ؟؟
الأخ عبد الوهاب المليك والله في جدة المجنونة دي ، ظروف العمل ضاغطة شوية أنا شغلي بين جدة ورابغ عشان كده ما ظاهرين وإن شاء الله إذا ربنا هون ورفع القدم بنتلاقى بإذن الله
02-26-2015, 10:01 AM
أنس عباس حسن
أنس عباس حسن
تاريخ التسجيل: 01-08-2013
مجموع المشاركات: 26
كحب استطلاع مشيت القنصلية صباح اليوم على تسعات كدا شباك ضابط الجوازات مكشوف طلبت اورنيك جواز الكتروني اداني واحد من رزمة قدامو هبطرش عبيت الفورم وجيتو صدق لي مشيت الزكاه شاف الجواز وختم الفورم الحسابات دفعت الكلام دا ما أخد تلت ساعه دخلت لحدي التصوير وجيت مارق قلت استحمّ واجيهم عشان الصوره تطلع حلوه وتانين ماحلوه تخلص بدون مكابسه وفي نفس اليوم يااااخ
02-26-2015, 11:45 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
Quote: كحب استطلاع مشيت القنصلية صباح اليوم على تسعات كدا شباك ضابط الجوازات مكشوف طلبت اورنيك جواز الكتروني اداني واحد من رزمة قدامو هبطرش
أخونا أنس أيضاً كنت في جولة استطلاعية بعدك من 11 - 12 ونص شباك استمارة الجواز الجديد فاضيـييييه شباك استلام الجوازات الجديدة نفر ونفرين .. (لاستلام الجواز الجديد لابد من إحضار الجواز القديم الأخضر الليموني عشان يكنصلوه) والواحد يعاين ليه بحسرة زي الزوجة القديمة لما يهجروها عشان العروسة الجديدة .. هدوء في الصالة للاستماع للمايكرفون وهو ينبه العليه الدور في الرقم الوطني .. الرقم الوطني 100 استمارة يومياً ويمكنك أن تسجل لليوم التالي ..
عارف يا أنس استمارات الجواز رزمه قدامو حبطرش ليه ؟؟ لأنها والله غالية وعايزة ميزانية تتوضع ليها ... والزول إلا ياخد سلفيه ولاّ يدخل ليه صندوق بس منو البديه الصرفه الأولى .. كل الناس عايزنها عشان يطلعوا جوازاتهم .. عشان كدا بايره وما عليها طلب ..
ويا مثبت العقل والدين
02-28-2015, 07:27 AM
محمد الشيخ أرباب
محمد الشيخ أرباب
تاريخ التسجيل: 06-17-2008
مجموع المشاركات: 1366
Quote: عارف يا أنس استمارات الجواز رزمه قدامو حبطرش ليه ؟؟ لأنها والله غالية وعايزة ميزانية تتوضع ليها ... والزول إلا ياخد سلفيه ولاّ يدخل ليه صندوق بس منو البديه الصرفه الأولى .. كل الناس عايزنها عشان يطلعوا جوازاتهم .. عشان كدا بايره وما عليها طلب ..
02-28-2015, 05:43 PM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
الأرباب محمد ناس طيبة الطيبة اهلنا قالوا السلف تلف نسأل الله السلامة والصندوق أو الجمعية كل واحد عايز الأولى وابتداءً من بكره الأحد سوف تبدأ امتحانات مرحلة شهادة الأساس بالقنصلية السودانية بجدة وبعدها امتحانات الشهادة السودانية إن شاء الله والشهادتان فيهما رسوم 350 ريـال للأساس وحوالي 500 أو 550 ريـال للشهادة السودانية ناس قريعتي راحت يتسلفوا ويعملوا صندوق أو جمعية لي شنو ولا شنو ؟؟؟ وياااا مثبت العقل والدين
03-01-2015, 07:40 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
نسأل الله التوفيق والسداد لأبنائنا الممتحنين ولبناتنا الممتحنات لشهادة الأساس بالقنصلية السودانية بجدة .. وعقبال الرقم الوطني والجواز الالكتروني أبواتكم خلصوا من هم وباقي عليهم همين .. وباقي عليكم إدخال فرحة النجاح في قلوبهم ورسم ابتسامه على وجوه شاخت من كثرة الهموم .. ويا مثبت العقل والدين ..
03-01-2015, 10:50 AM
أنس عباس حسن
أنس عباس حسن
تاريخ التسجيل: 01-08-2013
مجموع المشاركات: 26
معلومة : لوعايز تعدل المهنة بالرقم الوطني ممكن شرط ارفاق صورة شهادة تفيد التخصص واحضار الاصل وتاخد تلاته ايام وتستلم انا عملت اليوم طلب تعديل مهنة بالرقم الوطني ووعد التسليم يوم الثلاثاء
تحية خاصة لـــ ستّموني فتى القنصلية الهُمام
03-02-2015, 07:12 PM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
Quote: لوعايز تعدل المهنة بالرقم الوطني ممكن شرط ارفاق صورة شهادة تفيد التخصص واحضار الاصل وتاخد تلاته ايام وتستلم انا عملت اليوم طلب تعديل مهنة بالرقم الوطني ووعد التسليم يوم الثلاثاء
شكراً أخونا أنس على مساهماتك القيمة في البوست ومنها هذه المعلومة المهمة ويا مثبت العقل والدين
03-02-2015, 07:28 PM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
Quote: Omertaj يعمل لدى جامعة الملك خالد King Khalid University جزيت من الله خيرا استاذنا عبد الوهاب على متابعة الموضوع المهم ونشر احداث الوفد الزائر والذي يبدو من حديثك أنه بلا خطةن ولو كان كذلك لعرفنا متى وكيف ولماذا لا يعرف الالاف من السودانين في جنوب المملكة ولا حتى ممثلي السفارة في ابها وخميس شيئا عن استخراج الجوازات السودانية بالمنطقة .. نرجو من الاخوة تنويرنا -على الأقل- عن ماذا بعد اسبوع الشرقية؟
معذرة لتأخير رفع مساهمتك .. الكثير من الأخوة ناس قريعتي راحت في جدة بكل أسف لا يعلمون عن وصول الوفد ولكن أجزم بأن حوالي 600 من أبناء ولاية نهر النيل قد وصلتهم رسالة بهذا الخصوص ولو كل واحد كلم واحد حتى لو من خارج الولاية ضمنا حوالي 1200 شخص يعلمون بذلك .. وهذا جهد المقل ..
أما بالنسبة لخطة التجول هنالك نية بهذا الخصوص كما تم إفادتنا ولكن حتى الآن لم يُحدد لها موعد ..
ويا مثبت العقل والدين
03-03-2015, 11:28 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
ظاهرة الافتراش في الحديقة المقابلة للقنصلية وساحة مسجد الحي من قبل امهات وآباء الطلبة الممتحنين .. تتطلب معالجة عاجلة وعاجلة جداً من القنصلية ولجنة الامتحانات وإيجاد بدائل .. نقول عليها .. ولا بلاش .. ما عايزة ليها درس عصر ..
ويا مثبت العقل والدين ..
03-03-2015, 04:16 PM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
أحبتي في الله شاهدت عشرات الملفات رجعت بدون اتخاذ أي إجراء لاختلاف البصمة المأخوذة للجواز عن البصمة المسجلة في الرقم الوطني ويتطلب الأمر إعادة أخذ بصمة الجواز .. ولعدم وجود رقم هاتف/ جوال أو مكتوب خطأ .. تأخرت المعاملات إلى حين مراجعة أصحابها لاستلام الجواز الذي لم يصدر أصلاً .. لذا أود التنبيه على ضرورة التأكد من رقم الهاتف/ الجوال المكتوب في الاستثمارة ..
ويا مثبت العقل والدين ..
03-04-2015, 08:46 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
بشرى نص سارة : أكثر من تيم جديد من فنيي الرقم الوطني والجواز الالكتروني في الطريق إلى جدة لتعزيز التيم الموجود ولامكانية الوصول لأكبر شريحة من المواطنين خارج مدينة جدة .. وهي لن تكون كامل الدسم وكاملة السرور إلا إذا تم تخفيض الرسوم 50% .. مجرد حلم والحلم نافذة من نوافذ السعادة ..
ويا مثبت العقل والدين ..
03-04-2015, 08:47 AM
محمد عمر الفكي
محمد عمر الفكي
تاريخ التسجيل: 10-15-2006
مجموع المشاركات: 7313
عم عبدالوهاب السلام عليكم ياخي مشكور وجهدك مقدر وربنا يجعله في ميزان حسناتك عندك فكرة في زحمة في الرقم الوطني ولا مافي لاني عايز اطلع الرقم الوطني لي ولاولادي ومسالة الجواز ما مستعجل عليها. تحياتي ومشكور مرة اخرى
03-04-2015, 09:00 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
حبيبنا محمد عمر الرقم الوطني يتطلب منك التسجيل من اليوم لغد أو الحضور مبكراً منذ الرابعة فجراً .. والزحمة موجودة في الرقم الوطني بس ما بالشكل المزعج إلا في حالة الشبكة الطاشه بالخلاء .. لأنهم كل يوم بوزعوا عدد معين من الاستمارات وبخلصوها في نفس اليوم لو الأمور مشت تمام .. أما الجواز الالكتروني فلا مشكلة فيه وفي أي وقت يمكنك استلام الاستمارة أو الاستمارات ودخل يدك في محفظتك وطلع الخمسميات ..
ويا مثبت العقل والدين ..
______________ صاحبك أساسي في صف الجواز الالكتروني ..
03-04-2015, 10:44 AM
محمد عمر الفكي
محمد عمر الفكي
تاريخ التسجيل: 10-15-2006
مجموع المشاركات: 7313
*[موتى تخاف من النشور قالوا سنهرب، ثم لاذوا بالقبور من القبور!]
[بسمة .. ونظــــــــرة بسمة تغير حالي نظرة تكيد عزالي لا عايز إنت تحن .. ولا ترحم حالي.. ليه ما تعطف علي.. يا غزالي.. حبيتك يا حبيبي.. عشان إنت حبيبي.. حبيبي إنت حياتي.. وهناي ونصيبي حبيبتك لجمالك.. في حبك تعذيبي حبيتك من بسمة حبيتك من نظرة يا الفيك آمالي.. يا عايش في خيالي.. لا عايز إنت تحن.. ولا ترحم حالي...]
------------------- * مقطع من قصيدة (المومس العمياء - السياب)
03-04-2015, 11:21 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
أحبتي في الله ملاحظة هامة .. الواحد فينا طفش من الموال الطويل للرقم الوطني .. ولماتين يستلم الرقم الوطني عشان يخلص من الجواز الالكتروني .. وعلى طول استلم بي جاي ركب صف الجواز الالكتروني بي جاي .. من غير ما يتأكد تماماً من البيانات .. الموجودة في برنت الرقم الوطني .. ولما طلع الجواز الالكتروني .. عمل مشكلة لأنه مكتوب الجنس (أنثى بدلا عن ذكر) .. وهو لم ينتبه للمكتوب في الرقم الوطني .. حصلت مع صديق عزيز .. ولي هسه الضحك شارطنا ...
ويا مثبت العقل والدين ..
03-04-2015, 11:40 AM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
الأرباب حبابك إذا كان اسمك محمد الشيخ محمد أرباب جوازك موجود في الحفظ والصون جيب معاك جوازك القديم الأخضر الليموني عشان يطلقوه ليك بالتلاتة وتأخذ العروسة الجديدة .. ويا مثبت العقل والدين ..
03-04-2015, 03:57 PM
مريم بنت الحسين
مريم بنت الحسين
تاريخ التسجيل: 03-05-2003
مجموع المشاركات: 7727
حصلت على نموذج الرقم الوطني من أخ عزيز مشكوراً وربنا يوصّل ليه الخير زي ما وصّله لي وليكم... اطبعوه قلبه وعدله.. وعبّوه واكسبوا الزمن... ديل ناس ما عندهم موضوع! اجراءات عقيمة وتعطيل للناس...
Quote: هل بالإمكان تجديد الجواز الأخضر ( القديم ) لحدي 15 نوفمبر 2015 م ؟
أخي محمد أبوزيد نعم سيتم تجديده حتى 15 نوفمبر 2015م وبنفس الرسوم السابقة هذا في حال الحاجة الماسه له خلال الاشهر القليلة القادمة .. ونصيحة لو عندك رقم وطني اتوكل وطلع الجواز الالكتروني بدل ما تدفع مرتين . انت ما ناقص وما عندك قروش محرقاك .. ويا مثبت العقل والدين ..
03-04-2015, 05:39 PM
Mohammed Abuzaid
Mohammed Abuzaid
تاريخ التسجيل: 01-16-2013
مجموع المشاركات: 619
Quote: أخي محمد أبوزيد نعم سيتم تجديده حتى 15 نوفمبر 2015م وبنفس الرسوم السابقة هذا في حال الحاجة الماسه له خلال الاشهر القليلة القادمة .. ونصيحة لو عندك رقم وطني اتوكل وطلع الجواز الالكتروني بدل ما تدفع مرتين . انت ما ناقص وما عندك قروش محرقاك .. ويا مثبت العقل والدين ..
تسلم يا غالي ظرف طارئ وقاهر قد يجبر المرء أحياناً .
مشكووور كتير
03-04-2015, 06:13 PM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
Quote: حصلت على نموذج الرقم الوطني من أخ عزيز مشكوراً وربنا يوصّل ليه الخير زي ما وصّله لي وليكم... اطبعوه قلبه وعدله.. وعبّوه واكسبوا الزمن... ديل ناس ما عندهم موضوع! اجراءات عقيمة وتعطيل للناس...
اقترحنا هذا المقترح للأخوة بالقنصلية السودانية بجدة وكنا ردهم أنهم يوزعون استمارات أصلية مختومة ويتم تحديدعددها يومياً حسب طاقة العمل وبالتالي يستطيعون تفادي الازدحام .. ولن يلتفتوا لأي استمارة لا تحمل الختم الأصلي .. وفي حالة وصول الأتيام الللاحقة المتوقع وصولها في الأيام القليلة القادمة فلن يكون هناك مشكلة في استخراج الرقم الوطني أو الجواز ويا مثبت العقل والدين ..
03-04-2015, 05:21 PM
مريم بنت الحسين
مريم بنت الحسين
تاريخ التسجيل: 03-05-2003
مجموع المشاركات: 7727
الاستمارات العندنا هنا كانت ما مختومة.. وناس دبي كمان لاني جبتها منهم، ما مختومة... فشكلوا كل مدينة عندها اجراءاتها براها! حتى المستندات المطلوبة عندكم في جدة مختلفة عن الموجودة عندنا في الدمام! ...
غايته!
03-04-2015, 06:18 PM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
أختنا بنت الحسين الغرض الذي نصبوا إليه جميعاً هو تسهيل الاجراءات على المواطن .. فظروف العمل لا تسمح بالبقاء خارج العمل فترة طويلة وليتنا استعدينا لاطلاق الجواز الالكتروني بالاستمارات الالكترونية وميكنا كل العمل ولكن حبنا للأوراق والأختام والتواقيع يبدوا أنه حال دون ذلك .. ويا مثبت العقل والدين ..
03-16-2015, 04:46 PM
عبد الوهاب المليك
عبد الوهاب المليك
تاريخ التسجيل: 01-24-2013
مجموع المشاركات: 2108
السؤال : شخص لديه جواز الكتروني صادر منذ فبراير 2010م وانتهى فبراير 2015م ومكتوب في الصفحة الالكترونية ضمن البيانات الرقم الوطني (لنفرض 1234567890) فهل يحتاج صاحب الجواز إصدار رقم وطني جديد ؟؟ أم يكتفي بالرقم الوطني المكتوب في الجواز المنتهي ؟؟ الإجابة : الجوازات الالكترونية الصادرة قبل تنشيط خدمة الرقم الوطني (إصدار 2009/2010) يحتاج أصحابها لاصدار رقم وطني جديد .. حيث أن الأرقام المدونة أمام خانة الرقم الوطني غير مفعلة ولا ترمز للشخص صاحب الجواز (يُعتبر رقم وهمي).. فالرقم الوطني يحتاج بصمة وصورة الكترونية والأرقام المسجلة في هذه الجوازات لا توجد لها بصمة وصورة . عليه لابد من اصدار رقم وطني حقيقي ويا مثبت العقل والدين ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة