|
نـــضــــر
|
07:54 AM Mar, 24 2015 سودانيز اون لاين د.محمد حسن- مكتبتى فى سودانيزاونلاين
شايلك نضر لمن الاقيك اهديك اجمل اغاني الريد ونحن متقاودين سوا في النيل عصر بينانا اسراب الاماني زي سيرة العرسان لما تغشى النيل عصر مليانة بي اجمل اهازيج البنات عشم الصبايا والفرح جوة العيون وتبقى احلام البنات فرحة عمر ما نحن ترياق الحزن في زمن مليان حزن حتى الفرح في ده الزمن صار طعمه مر لكن عشان فيينا اليقين حالفين نغير لي السنين نملاها من مطر الحنين كلما السحابات العوامر يوت تمر نخلات ضفاف النيل شوامخ رغم المسافات العجاف والامنيات ماخودة بي نقص السنين والنيل يجابد في الضفاف ونحن للموية بنجر صوت الجروف الناشفة والحالة الفقر قبل تتبل في جوف الاض كل العروق يبست عراجين التمر يلاك ندق شتما على ايقاع دليب دافي وتقيل ما هو الخفيف ومعاه ربابة بتقول قولا يسر انا وانت والليل والنجوم غنية بتحوم عز السهر والضو مشتت من بدر غاسل حزن البكانات بي شعاع من فضة والنور البهر وصباح بيمرق من حشا الليل الموجع بالسنين مليان رهق كل الغلابة والاحتمال زاد السفر والشوق جمر ردتك حضور زاهي وبديع احساس رفيع واتغزلك بعد احتضان واتكرفك اتنشق الريحة الطمي اتوسمك اجمل عيون قمرين بتحمل جوة في جواها كون من اغنيات واحلام حاجة زي اروع عصافير ديمة بتغني العصر وبس
|
|
![Edit](https://sudaneseonline.com/db/icon_edit.gif)
|
|
|
|