|
حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟
|
02:20 AM Feb, 20 2015 سودانيز أون لاين يحي قباني - فى الدنيا العجيبة مكتبتي في سودانيزاونلاين
كان الأخ عاطف عمر أكرمه الله قد أثار موضوع استهلاك بعص * الكلمات ... و شملت كلمة طاعم و طاعمه ... ولكن يبدوا ان حديثه لم يجد آذان صاغية ,.. __________________________________________________ عشنا في السودان في الستينات و السبعينات و لغاية قريب نهاية الثمانينات ...
كلمة طاعم و طاعمه دي ما كنا نسمعها الا مع الأكل ...
فلانة و الله أكلها طاعِم خلاس ...
و الله الفتة دي طاعمه ...
و لا يخلو الامر من ان بعض السفهاء كان يستخدمون كلمة طاعمه في أشياء لا يسع المجال لذكرها هنا ...
فبالله ورونا ... خصوصاً انا لأني خليت الوطن الواحد لي اكتر من 26 سنة ...
فهل هو مصطلح في القاموس السوداني أم هي خاصة بي سودانيز اون لاين دوت كوم ؟
في كل الأحوال ... الكلمة ... صعبة الهضم ... و غير مستساغة من الأصل ...
و عندما أجد أُناس أحبهم هنا يستخدمونها ... استغرب كاستغرابي لمن يجد طرقة كسره و يفوتها ماداً يده للرغيف !!!
* عند المراجعة وجدتني أخطأت فكتبت كلمة بعض بدون نقطة الضاد ... فتذكرت ما قاله البروف عبد الله الطيب ل Griselda زوجُه في انها صدقت حينما أخطأت ...
|
|
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: يحي قباني)
|
صديقي ود المشرف :)
Quote: غايتو ما حصلنا زمن الاهل بسجلو شرايط كاسيت .. الا انو الكتابة دي طاعمة وحنينة بشكل !! |
nadus2000
Quote: الحمدلله بكرة الجمعة حرضت ذاكرتي بنكش كركيب المخزن، وإعادة المذاكرة والمعافرة في القديم الاتنسى فربما اعثر على ونسة طاعمة معتقة |
الجميل عبد المنعم سيد احمد
Quote: ياسلام ياخى الواحد ليهو زمن ماسمع غناء طاعم زى ده... |
حبيبنا ود القوز ...
Quote: حكي طاعم .. موغل في بساطتنا .. وحياتنا التي أفسدها التعقيد |
اختنا فريدة محجوب ...
Quote: سردك طاعم ولذيذ ..... واصلي الله يدينا ويديك العافية |
اخونا هلي محمد الفكي
Quote: ست البنات سلام حكي طاعم معطون في بساطة اهلنا وحياتن الساهله |
الحبيب ود قاسم
Quote: اللهجة حلوة الحكي طاعم الشاكوش حار والانتقام حار مرتين |
_______________________________________ مش مبالغة ... بالله الواحد لامن ريقو جرى ...
ودي حصيلة يومين بس :)
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: يحي قباني)
|
اخونا أبو حراز
Quote: سرد ممتع يا ست البنات وكلام طاعم وذكريات تزيل الاكتئاب
|
حبينا عادل عبد العزيز عبد الرحيم
Quote: كل هؤلاء حكيهم طاعم بالحيل واتمنى زيارتهم لنا |
اخونا اشرف الرحال
Quote: وصاحب الونسة الطاعمة البرلوم سامي عطا المنان |
اخونا دهب تلبو
Quote: حكي طاعم
مودتي استاذ درديري حضور ومتابعة |
حبيبنا جعفر محي الدين ..
Quote: ولدنا درديري ما شاء الله على الكتابة الطاعمة والمعتقة في آن |
______________________________________________
لااااا ... العدوى مستشرية ... الموضوع داير وقفة ياخوانا ... :)
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: يحي قباني)
|
حبيبنا خالد العبيد ...
Quote: مولانا كيفك و سلامات واشتقنا لي كتاباتك الطاعمة
|
hameem في جرعة مزدوجة ...
Quote: واحشانا ذكرياتنك الطاعمة وكتابتك الأطعم |
أبو حراز ... اخد الكاس ... :)
Quote: مثلما هناك مدن كالنساء فهناك كتابات طاعمة كالنساء جميلة كالأنوثة وبنكهة لامثيل لها في العالم حروفك المترعة بالشوق والذكريات
شكرا يا اخي لهذه الأحرف الطاعمة ] |
حبيبنا عبد العزيز عثمان ...
Quote: الادغال،،،ولابد اني ساتداخل معك،،،فحكيك ممتع ممتع،،يشد بقوة،،،هذا بوست متميز وطاعم،، |
محمد امين مبروك
Quote: متابعين .. حكاوي طاعمة وممتعة |
_______________________________________________________________________________
الناس دي ما تعشوها يا خونا ...
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: يحي قباني)
|
الاخ الكريم يحي قبانى سلام على ما اعتقد عندما يوصف البعض منا الحكى او الونسه بى كلمه ( طاعم او طاعمه ) هذا الشخص يستعمل هذه الكلمه مجازا للدلاله على انه يتذوق هذا الحكى ..ما سمعت بى علم التذوق ...والذى لا يفهم او يشرح الا عن طريق التذوق
لكن دا كلوا كوم وانا زمان كنت ما برتاح لى كلمتين كانوا بقولوها الناس ويقصدون بها اتنين بحبوا بعض ...مثل كلمه موكيس او خالط فدائما كنت بتشاكل مع اصحابى وصحباتى وبقول ليهم استعملوا كلمه الحب لانو دى كلمه راقيه تحياتى
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: زينب محمد عبدالله)
|
Quote: هذا الشخص يستعمل هذه الكلمه مجازا للدلاله على انه يتذوق هذا الحكى ..ما سمعت بى علم التذوق ...والذى لا يفهم او يشرح الا عن طريق التذوق |
زينب يا حبيبه ...
كيفنِكي ... :)
و الله البعرفوا عن علم التذوق انو الزول بكون لا بشوف لا بسمع ... و اعتماده علي لسانو ...
او الطفل الرضيع ... اول حواسه للتعرف على الأشياء هي لسانه ...
اها دي يحلوها كيفن في حالة سودانيز اون لاين دي ؟
ورد في الأثر أن طعِم طعما الشئ أي ذاقه ...
طاعَم فلان فلانا ... أي اكل معه ...
تطَعّم الشئ أي ذاقه حتى اشتهاه فأكل منه ...
الطاعِم ... الحسُن الحال في المأكل ... _____________________________________________________________________
و لم نجد استخدامها مجازاً فيما قرأناه من كتب العرب العاربه و المستعربه كما صنفهم بروف عبد الله الطيب ...
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: يحي قباني)
|
لكن بالمقابل يا صديقي سمعنا أهلنا بقولوا: "كلام مسيخ" أو "كلام ما عندو طعم" ويبدو إنو مفردات التعبير ومقاصده ليست غريبة على الكلام السوداني وفي النهاية اللغة متغيرة باختلاط الثقافات الذي فرض نفسه بسبب الانفتاح الإعلامي والمجتمعي لم نعد ذلك المجتمع المنغلق المسوَّر، وخاصة أن مجتمعنا السوداني أثبت هشاشة محيرة ودونك التغيير الذي أصاب ما كنا نظنه ثوابت في الأخلاق والقيم. أظن الوضع في مصر مختلف. من أكبرهم إلى أصغرهم يستخدمون ذات التعابير من زمن الفراعنة.
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: Afraa Sanad)
|
حبيبنا علي دفع الله ...
Quote: ههههههههههههههه قلت ارجع لي حبوبة ونسيني والله يا حليل زمان وايام زمان يا حاجة لو تتذكري انت عارف يا وهيط بخصوص النفس الطالع والنازل لا زلنا كذلك و الله ناس الانقاذ ديل كان لاقيين طريقة يعملوا لينا جمرة خبـيثة بتاعة نفس مودتي يا حبيب
|
Quote: بالله يا قباني بالمرة كده شوف لي معاك يا وهيط |
وهَط الرجل أي ضعف و هزل ...
توهط الفراش أي بسطه ... __________________________________________________________ يا عفراء ... يا وهيطة ههههه
عمنا علي رحمه الله لما كان يشوف الزول قعد للغدا و قابل الضلعه او صحن المطايب
كان يقول ليهو خلاص ( اتوهطتا ) و استعدلت الصينية ...
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: اخلاص عبدالرحمن المشرف)
|
Quote: يا ود الزبير المجتمع المصري برضو بتطور وبجيب تعبيرات تماشي المرحلة تعبيرات مثل "ظرّفني تعرفني" و :طَحط" و"رِوِش" كلها حاجات جديدة على سبيل المثال |
أووه ود البشرى ازيك ياخ وشكرا جزيلا على "الاستفرادة". كلامك صحيح لكن قصدي المجتمع المصري بجيب من عندياتو، ومعينه لا ينضب، وهو مجتمع عنيد التحول مقابل هشاشة عجيبة يعانيها المجتمع السوداني. وهنا طبعا ما قاصد مفردة طاعم، لكن بتكلم في العموم. هسع ارجع مية سنة لي ورا في المجتمع المصري ومثلها مع السوداني، يقع ليك قصدي على طول. الكلام دا يا قباني ما تعتبره حرف لموضوع البوست كل زول بِوَنسو غرضو أها دي قديمة ولّ جديدة؟
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: يحي قباني)
|
قباني سلام ومودة المفردة قديمة ، لكن انتقاالها إلى قاموس المثقفين جاء متأخرا زي كلمة ( جت ) بمعنى كلها أو كله أصبحت الآن مفردة عادية وكانت في السابق موغلة في الريفية وكذلك كلمة نجيض ونجيضة وكلمة بلع ولغف وكثير من الكلمات كلمة مسيخ و مساخة سبقت كلمة طاعم وطعامة إلى قاموس االمثقفين وهي بالطبع ضد كلمة طاعم وقد استعملت كلمات التذوق كثيرا في معاني الجمال ومقاماته فمثلا كلمة عسل وسكر وحلوين حلاوة ولهيجا سكر طاعم كلاما . واستخدمت كلمة باسطة أيضا بنفس المعاني وكذلك منقة واستعملت كلمة شطة لوصف الجمال (الحار ).. زمان أيام الجامعة كما بنتكلم عن واحدة زميلة وقمت أنا قلت إنها سمحة بس مزوداها في حاجات تانية واحد من الزملاء قال لي : ياخ الزيادات الإنت شايفا دي زي زيادة ملح خفيف على البيض ، بيبقى أطعم وأخوانا الشوام بيقولوا كتير مهصومي للفكرة وحتى لوصف الشخص بالقبول عموما التنقيب مفيد
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: ودقاسم)
|
Quote: قباني سلام ومودة المفردة قديمة ، لكن انتقاالها إلى قاموس المثقفين جاء متأخرا زي كلمة ( جت ) بمعنى كلها أو كله أصبحت الآن مفردة عادية وكانت في السابق موغلة في الريفية وكذلك كلمة نجيض ونجيضة وكلمة بلع ولغف وكثير من الكلمات كلمة مسيخ و مساخة سبقت كلمة طاعم وطعامة إلى قاموس االمثقفين وهي بالطبع ضد كلمة طاعم وقد استعملت كلمات التذوق كثيرا في معاني الجمال ومقاماته |
اها CHــت دي لي هسي ما دخلت قاموسي ...
لكن كلما ذكرت هنا عاصرناه يا ود قاسم ...
اما قصة ونسة طاعمه ... و كلام طاعم دي ... و الله حبوباتي جميعاً قعدت معاهن ... عمري ما سمعتها ...
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: بله محمد الفاضل)
|
Quote: يا ود قبانى شايفك حكيتا كتير كلمة طاعم كانت تطلق فى التسعينات على الرجل ... استغفر الله العظيم بعد داك مشت وين و لصقوها فى ياتو كلمة برررضو ما فاتت بعيد اكلم طاعم و حكيهم طاعم و ياهم نفس الناس وقع ليك قدر ما قلنا نطرطشا ليك برضك جرجرتنا اها خم و صر مع التحيات و الود |
لا و الله يا جلال ... ما حكيتا و لا شيتين ... لا و الله يا جلال ... ما حكيتا و لا شيتين ... لكن بي أمانه لو ابوك زمان لو سمعك بتقول لي زول كلامك طاعم ... الله اعلم البحصل شنو ...
_______________________________________
Quote: شوية شوية الناس إلا تكتب حضرنا وغلبنا الكلام هههههههههههههههههه |
( طاعم ) الحرف بلة محمد الفاضل ...
( عليك الله هسي طاعم الحرف ده راكبه بعضها . ) ههههه
مشتاقين كتير ...
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: يحي قباني)
|
صديقي يحي..حبابك وحباب ضيوفك هنا.. ياخي الواحد قرب يتغبي فيك العرفة ، لكن اهلنا قالوا..كن الله جاب كتـّالك..اكيد بيجيب حجازك..!! طبعا حجازك هنا..هو استاذنا وصديقنا ود قاسم..القام بقى حجاب بينكم وبين الردم..وفي رواية تقرأ (البل)..!!
اليومين ديل يا قريبي..باقي الواحد متحسس شوية..مرة ناس تقول ليك انتا جهوي وعنصري..ومرة تقول ليك عامل فيها ابو العريف..نظام عارف أيتها حاجة..ولسع العالمين دي ما واقع ليها الحاصل..او واقع ليها لكن مستغربة وبتحاول تدفنك..لأن الشغلانة لو وضحت واعترفوا بيها بتخرب الرصة كتير خلاص..!!..المهم.. اها لو اتفقت معاي وقدرت تمرقني من الحساسية من ناس امسودان ، فح اقول ليك.. عندنا في ثقافة البقارة ، قبال نمشى الجامعة بتاعة الخرتوم وكده ، الناس عادي بتقول ليك..(حديثك طاعم) او (فلان حديثو طاعم)..والطعامة عند البقارة معيارها الأبيضين (الملح والسكر)..وعكسها يقول ليك (حديثك ماسخ) أو (فلان حديثو ماسخ)..يعني ناقص الطعامة(راخي ملح أو راخي سكر) ، والتي هي معيارها (الملح والسكر). عشان كده اهلنا البقارة لمن زول يكون حديثو حلو (مالك الحجة تب) بيقولوا ليك ده عنكوليب الحديث..طعامة ما بعدها طعامة..!!!.
واستاذنا ود قاسم ممكن يشهد..وانت برضك ممكن تشهد يايحي..كم مرة واحدة من حبوباتك أو خالتك أو عمتك..او امك.. قالت ليك (بطل المساخة)؟..المساخة معناها كلامك مسيخ للغاية..وعكسها ..مفروض يكون كلامك طاعم..!!! شرحوا: الحكاية قديمة زي ما قال استاذنا ود قاسم..والمتكلمين والمتكلمات مرات بيحاولوا يكونوا واقعيين شوية..ويجيبوا حاجات التراث غير الملتفت ليها..!!!
ودمت..
كبر
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: محمد الكامل عبد الحليم)
|
Quote: صديقي يحي..حبابك وحباب ضيوفك هنا.. ياخي الواحد قرب يتغبي فيك العرفة ، لكن اهلنا قالوا..كن الله جاب كتـّالك..اكيد بيجيب حجازك..!! طبعا حجازك هنا..هو استاذنا وصديقنا ود قاسم..القام بقى حجاب بينكم وبين الردم..وفي رواية تقرأ (البل)..!!
اليومين ديل يا قريبي..باقي الواحد متحسس شوية..مرة ناس تقول ليك انتا جهوي وعنصري..ومرة تقول ليك عامل فيها ابو العريف..نظام عارف أيتها حاجة..ولسع العالمين دي ما واقع ليها الحاصل..او واقع ليها لكن مستغربة وبتحاول تدفنك..لأن الشغلانة لو وضحت واعترفوا بيها بتخرب الرصة كتير خلاص..!!..المهم.. اها لو اتفقت معاي وقدرت تمرقني من الحساسية من ناس امسودان ، فح اقول ليك.. عندنا في ثقافة البقارة ، قبال نمشى الجامعة بتاعة الخرتوم وكده ، الناس عادي بتقول ليك..(حديثك طاعم) او (فلان حديثو طاعم)..والطعامة عند البقارة معيارها الأبيضين (الملح والسكر)..وعكسها يقول ليك (حديثك ماسخ) أو (فلان حديثو ماسخ)..يعني ناقص الطعامة(راخي ملح أو راخي سكر) ، والتي هي معيارها (الملح والسكر). عشان كده اهلنا البقارة لمن زول يكون حديثو حلو (مالك الحجة تب) بيقولوا ليك ده عنكوليب الحديث..طعامة ما بعدها طعامة..!!!.
واستاذنا ود قاسم ممكن يشهد..وانت برضك ممكن تشهد يايحي..كم مرة واحدة من حبوباتك أو خالتك أو عمتك..او امك.. قالت ليك (بطل المساخة)؟..المساخة معناها كلامك مسيخ للغاية..وعكسها ..مفروض يكون كلامك طاعم..!!! شرحوا: الحكاية قديمة زي ما قال استاذنا ود قاسم..والمتكلمين والمتكلمات مرات بيحاولوا يكونوا واقعيين شوية..ويجيبوا حاجات التراث غير الملتفت ليها..!!! .. |
الله جابك لي يا ( ود أبّا ) كبر ...
شايف ود أبا دي ما خايله فيني كيف ؟
و الله لا جاب البل و ما شاكله ياخي :)
اذاً هي من تراث البقارة او قول كلمة كردفانية بحته ...
بدليل لما ود قاسم و من قبله ود ابسن حاولوا ان يجدوا لها مرجعية في الشعر الدارج
لم يجدوا الا ست الفريق اللادن قوامها ... وكلنا نعرف من هو عبد الله الكاظم رحمه الله ...
الاغنية اتكتبت و اتلحنت و اتغنت كردفانية بحته ...
لذلك يا كبر زمان في البركس في السبعينات لما يجيني ود الأبيض الانيق الوسيم المعماري الجميل
ابوبكر خليل آدم و يقول لي ود أبا قباني و نستك طاعمه ... أكون سعيد جداً ...لانو التعدد الثقافي هو كان تاج السودان الذي يزينه ...
لكن لو جاني صاحبي الكبتن ود شندى وقال لي كلامك طاعم ... أقول ليهو قوم فِك ... ( طبعا دي ذاتها بقت لف بدل فك اليومين ديل )
ليه ...لانها ما حقتو و ما بتشيهو ولا لايقه عليهو ...
يُخيل لي لو ولد في الكتاب في القرير قال للأولاد ( ونستكم طاعمي ) ... كان زفوهوا زي زفة ود المدير الجاب سندوتش بيض في المدرسة الشرقية في مدني ...
و للأسف يا صديقي التعدد الثقافي ما فضل منو الا الجهوية الان ... فعلاً مع الأسف ...
نرجع لي كلام طاعم و ونسه طاعمه ...
منو يجيب لينا مرجعيه ليها في اشعار الشايقية ... او البطانه او شعراء ام در ...
بشرط ربطها مع وصف الكلام و الونسه ... مش المرأه و جمالها كما وصفها ود الرضي وقال بي جراءه : ماقالت بقيت حبوبة وتركت بوختها المحبوبة لو جات من رياحها هبوبة تحي عروقك المهبوبة
من صابحتها وماسيتها طاعمة وناعمة لو مسيتها
احترامي يا كبر الذي لا يحتاج الى كلمات ...
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: يحي قباني)
|
Quote: Mutaz Abdelbagi Mohammed · Riyadh, Saudi Arabia
في ذات جلسة سكر نادى أبونواس على ساقي الحانة : اسقني خمرا و قل هو الخمر **** ولا تسقني سرا ما أمكن الجهر استغرب الندماء من حوله كيف لأبي نواس ان يطلب إخباره عن الخمر و هو بها عليم كان بعض النقاد حضوراً(زي ود قباني دا كدا ) فأجاب أحدهم أن أبا نواس يعلم جيدا الخمر و لكن أراد لكل حواسه تستمتع بطعمها وأن تذوقها حتى سمعه. أظن هذه من تلك |
شكرا معتز ...
على هذه المداخله ( الطاعمه ) ... :)
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: عاطف عمر)
|
إزيك يا دفعة،
طاعم ما براها ... هو تطوّر اللغة. لو مشيت السودان في أيامنا دي، أنصحك تسمع أكتر من ما تتكلم، لأنو حيفتكروك جاي من كوكب تاني.
المهم، في كلمات دخيلة كتيرة، بعضها مستساغ، أو قول ممكن الواحد يعديهو. لكن بعض الكلمات دخيلة على لغتنا تماماً (طاعم ما منها، باعتبار أهلنا في كردفان بيستعملوها).
الدليل على تطور اللغة، حتلاقي كلمات كنت إنت وأبناء جيلك بتستعملوها، إختفت من اللغة في الزمن الحالي. نفس الكلمات دي لو رجعت لي جيل الخمسينات ما حتلقاها، وهكذا.
عندي عدد من الأمثلة لمواقف حصلت لي مع الشباب أثناء إجازاتي.
يا قبة، محتاجين نتصالح شوية مع الشباب عشان الأمور تمشي.
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: محمد أبوالعزائم أبوالريش)
|
Quote: إزيك يا دفعة،
طاعم ما براها ... هو تطوّر اللغة. لو مشيت السودان في أيامنا دي، أنصحك تسمع أكتر من ما تتكلم، لأنو حيفتكروك جاي من كوكب تاني.
المهم، في كلمات دخيلة كتيرة، بعضها مستساغ، أو قول ممكن الواحد يعديهو. لكن بعض الكلمات دخيلة على لغتنا تماماً (طاعم ما منها، باعتبار أهلنا في كردفان بيستعملوها).
الدليل على تطور اللغة، حتلاقي كلمات كنت إنت وأبناء جيلك بتستعملوها، إختفت من اللغة في الزمن الحالي. نفس الكلمات دي لو رجعت لي جيل الخمسينات ما حتلقاها، وهكذا.
عندي عدد من الأمثلة لمواقف حصلت لي مع الشباب أثناء إجازاتي.
يا قبة، محتاجين نتصالح شوية مع الشباب عشان الأمور تمشي |
و الله فعلاً محتاجين نتصالح مع الشباب ...
وحاتك انا مهجوم لي يوم الليلة من البنية القالت لي في التلفون ( انا مشتته ) ...
شهرين لغاية ما زول استعدلها لي ...
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: ملهم كردفان)
|
Quote: شوف عمك ملهم كردفان قال شنو فى اغنية ( زى العسل )ياقبانى ياود اخوووى
أقول ليك شنو ولو قتا مابكفى وجودك فى قلبى زى العسل بشفى .... كلامك فى ذاتو شهد طعمو لذيذ ........هز القلب لمسو تفسيرو ياسمحه زى هبة النسمه .....والرقه فى همسو حبيتو بى نفسى وكل الجواكى عطور والباقى بنقسمو
ألخ ألخ
حأنزلها لمن القى عود نضيف
|
يا ( عمي ) لكن ما انت اسمك ملهم ( كردفان ) ...
فما حليتها لينا ...
لكن كلماتك ( طاعمه ) و جميلة ... :)
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: عبيد الطيب)
|
يا باشمهندس قباني
جيت داخل هنا من باب الفضول والاطلاع لقيت أسمي ورد مرتين ههههههههههههههه ؟
كلمة طاعم ومقصود بها الكلام أعتقد تكونت هنا أو من المنابر بصورة عامة بعد ما أصبحت العلاقة بين الكاتب والقارئ علاقة مباشرة أخذ ورد .. يعني مثلا زمن الورق وين كان ممكن تلاقي أنيس منصور ولا الطيب صالح ولا أي من الصحفيين عشان تقول له حكيك طاعم ولا أكلك طاعم ..ثم أن المنابر نفسها تجمع أعضاء هم كتاب وقراء في ذات الوقت . يجاملون بعضهم بعضا .. ويبحثون عن مفردات تعبر عن أعجابهم ببعض .
لكن عموما في لهجتنا المحلية توجد صفات كثيرة تخص الآكل وتطلق على الافراد .. مثل حلوة ولذيذة . .نقول لا قتني بت حلوة .. أو جات ماشة واحدة لذيذة بشكل . وخاصة تعامل النساء مع الاطفال الصغار ( و احلاتي عسولي جيبوه لي أعضيه ) يعطيك أحساس أنه شهواتنا ضاربة في بعض .
كما يوجد العكس أيضا ككلمة جميلة تطلق على الآكل .. ياخ ضربنا تقلية جميلة بشكل .. أو يا جماعة جربوا العصيدة دي جميلة جدا .
وباقي العرب يستخدمون كلمة طيبة للاكل والعطور . دوق من الكبه هادي ( طيبة واجد ) أو كثير طيبة ..
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: ALazhary2)
|
Quote: فعلاً مفردة (طاعم ) لوصف كتابة ما : غير جميل . (رأي شخصي)
وأيضاً ظهر في المنبر مثلها مفردة (شحمانة)
مداخلة شحمانة ويقصد بها دسمة . وكلاهما (سمج وأراه قبيحاً)
تحياتي . |
ما قصرت تب يابو الزهور ...
الفايت على الناس كلها انو كلمة طاعم و طاعمة لما تنقال للكلام لا تهضم ...
و اذا كانت في كردفان تستخدم عادي ... تأكد ان هناك كلمات من الشمال او الشرق لا تهضم في كردفان او قد تعني شيء مختلف ...
ودي ما جهوية و لا عنصرية ... بل بالعكس ده تعدد ثقافات ...
حسي ست البنات لما كتبت موضوعها و عوجت كل حروف الياء ... ما استغربناها لانو دي لغة الشايقية المنطوقه ...
لكن لو جا واحد من كردفان او امدرمان او من أولاد مدني و قعد يقول جميلي و سمحي ... الناس حتستنكرها ...
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: يحي قباني)
|
Quote: تحيَّات زاكيات الأخ قباني وضيوفك شوف هني...كيف مفردة "طاعم" عند الشاعر المُجيد عبد الله ود شوراني،في مُجادعة مع الشاعر الرائع رشاد ود الناظر ودكرار دمِّي الغزَّا نفسي وليها رطَّب وريَّح أصبح جرحو يِنزف زاد بعد ماقيَّح مُرناعاً تتلُّو الروبة وين ماميَّح ناعم وطاعِم من غير ريحة جِسمو مريَّح
المجادعة كانت في الثمانينات.... |
شفت كيف يا شيخ العبيد ...
وصف الجسم بالنعومة و ( الطعامة ) ... ما قال كلامها طاعم ... زي عمنا ود الرضي تماماً
ما ظنيت في أي شعر غير اشعار كردفان فيها وصف بقول انو الكلام طاعم ...
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: يحي قباني)
|
هلا يا قبا Quote: الفايت على الناس كلها انو كلمة طاعم و طاعمة لما تنقال للكلام لا تهضم ... و اذا كانت في كردفان تستخدم عادي ... تأكد ان هناك كلمات من الشمال او الشرق لا تهضم في كردفان او قد تعني شيء مختلف |
غايتو أنا ح اعتبر كلامك دا الخلاصة بتاعت البوست. مع توضيح إنو المصطلح فيهو شئ من طعامة الأنثى. (موت حياة يا زول) البوست لمّا يترفع فوق معناتو فيهو شئ من الآكشن وإذا كان ما فيهو لازم نأكشنو.
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: معاوية الزبير)
|
Quote: يعني مثلا زمن الورق وين كان ممكن تلاقي أنيس منصور ولا الطيب صالح ولا أي من الصحفيين عشان تقول له حكيك طاعم ولا أكلك طاعم ..ثم أن المنابر نفسها تجمع أعضاء هم كتاب وقراء في ذات الوقت . يجاملون بعضهم بعضا .. ويبحثون عن مفردات تعبر عن أعجابهم ببعض . . |
درديري ... معليش ياخ الجاتك في ونستك سامحتك ..ههههه
ما شرط تلاقي الطيب صالح عشان تقول ليهو كلامك طاعم ...
هل لما قريت موسم الهجرة الى الشمال او بندر شاه ...
قلت لأصحابك و الله الطيب صالح ده كتابته طاعمه ؟
ولا اتونست مع اصحابك و قلت ليهم بت مجدوب و الله ونستها مع الجماعة ونسة طاعمة ؟
ما ظنيت يا درديري ...
بعدين ياخ في صحفيين كتير كتبو بالدارجي عن اعمال غيرهم او لقاءاتهم مع فنانين او سياسيين ...
ما قرينا يوم قالو انو منصور خالد كتابته طاعمه ... او ابوقطاطي كلامو طاعم ...
ولا شنو ؟
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: يحي قباني)
|
Quote: سلام يا طاعمين
جابني التذوق ههههههههههههههههههههههههه .
والله اطعم جلسة في اطعم بوست مع اطعم صاحب .
تحلية : والله جادة ما بهظر |
يا بت نفيسة خلي الفوضى ...
ده بوست جادي جداً على قولة صاحبنا قاعدين نلعب حريق
وهو بلعب بكل حواسه ... و قام يكورك في صاحبنا تاني ...
صاحبنا التاني قال ليهو يا فلان مافي داعي للشكل ... انحنا جايين نتونس و نهزر ...
قام مسك منو الورق و قال ليهو: الكوشتينة دي حاجة جادة جداً ... انت لو جاي تهظر خليك في بيتكم احسن ...
فبالله امسكي النظام و خلينا نشوف آخرة الكلام شنو ...
المشكلة الكلام عن طاعم و طاعمه لما ينوصف بيهم الكلام و الونسة ...
برضو الناس تجي تقول ليك ما قاعد نقول حلو و مسيخ !!!
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: يحي قباني)
|
سلام قبانى وصحبه الكرام معليش انا داخله توووش فى بوستيكم دا من الصفحة التانية فعفوا ان جا كلامى مكرورا ومسيخ .. شخصيا بفتكر ودون الرجوع للمعاجم والصحاح وكتب الفقه ان الكلمة دخلت السودان مع الدراما السورية اعقبها دخول القنوات اللبنانية من ال ان بى سي و المستقبل وغيرها من برامج الصبايا والسهرات السخنه .. من امثال سيرة وانفتحت .. وتعالوا مع تونى خليفة وكدا ... باختصار اهلنا الشوام عندهم مقوله شائعه يقولوا ليك دا حكى بلا طعمة .. يرادف فى العامية السودانيه فلان دا نضمو لا طعم لا نعم ... حكى بلا طعمة ... وطاعم .. ومهضوم .. والمرور على كل الجهاز الهضمى الى منتهاه ... دا كلام شوام .. لولو لووووب .. انت شب كتيير مهضوم ... وصبيه مهضومة وهكذا دواليك لى كرعيك ...
ـــــــــــــــــــــــــــــــ هسه عليك الله يا قبانى لو كتبت لى جابتر فى الورق القدامى دا ما كان اخير لى ؟؟ انشالله بعد دا ما تخج لى اجابتى دى وتطرطش الكلام بحكى بلا طعمه وما تدينى الجايزة قبل كدا دخلت ليك فى بوست خجيت لى اجابتى ... وش حردان ...
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: دينا خالد)
|
Quote: سلام قبانى وصحبه الكرام معليش انا داخله توووش فى بوستيكم دا من الصفحة التانية فعفوا ان جا كلامى مكرورا ومسيخ .. شخصيا بفتكر ودون الرجوع للمعاجم والصحاح وكتب الفقه ان الكلمة دخلت السودان مع الدراما السورية اعقبها دخول القنوات اللبنانية من ال ان بى سي و المستقبل وغيرها من برامج الصبايا والسهرات السخنه .. من امثال سيرة وانفتحت .. وتعالوا مع تونى خليفة وكدا ... باختصار اهلنا الشوام عندهم مقوله شائعه يقولوا ليك دا حكى بلا طعمة .. يرادف فى العامية السودانيه فلان دا نضمو لا طعم لا نعم ... حكى بلا طعمة ... وطاعم .. ومهضوم .. والمرور على كل الجهاز الهضمى الى منتهاه ... دا كلام شوام .. لولو لووووب .. انت شب كتيير مهضوم ... وصبيه مهضومة وهكذا دواليك لى كرعيك ... |
سلامات يا دينا ...
لكن عاد انحنا شوام ؟
الناس ديلاك الله خلقهم عشان يتكلموا ...
حياتي ... و روح ألبي ... و عيوني ... و تؤبرني ...
انحنا لو قلنا الكلام ده يقولوا الراجل ده مالو ؟ شكلوا عامل ليهو عمله ...
بالله عليك الله تؤبرنى دي جات في كلمة واحده ... رغم انو فيها موت و قبر لكن مارقه خفيفة ع الألب ...
كدي ترجمي لينا تقبرني ( تؤبرني ) دي بالسوداني ...
( نوع انشاء الله يِدِفْنُونِي قبالك ياخوي )
خلينا في طاعم و طاعمة دي ...
حتى اهل الشام رغم انو بقولوها في السالب ( بلا طعمه ) لما تجي علي الايجاب بتبقى حلو .. ما طاعم ...
و الله ياخوانا كلامك طاعم وونستك طاعمه ... وزي ما قال اخونا الازهري مداخلتك ( شحمانه )
بس يديني إحساس انو الناس ما فطرت او فطت الغدا ...
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: يحي قباني)
|
Quote: انشالله بعد دا ما تخج لى اجابتى دى وتطرطش الكلام بحكى بلا طعمه وما تدينى الجايزة قبل كدا دخلت ليك فى بوست خجيت لى اجابتى ... وش حردان ... |
اكيد ده ما انا ... عارفه ليه ؟
لانك دوغرية ... و انا بحب الزول التوووش بجيب من الآخر ...
اضف الى ذلك عينك اللماحة البتشوف الحاجة ثري دي ...
صحي مرات بتكوني ( مسيخة ) :) ... لكن مساختك ذاتها ( طاعمة ) هههه
( شكلي رقدت مويه زي صاحبي أبو الريش ولا شنو ؟ )
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: يحي قباني)
|
عطفاً على كلام أخونا الجاي (باللفة) ده ...
Quote: حاجة باردة أصبحت بارد. محل تصليح اللساتك أصبح بنشر. قبل 20 سنة تقريبا لا أحد يستخدم بارد أو بنشر |
نحن زمان الواحد بيمشي سوق الخرطوم .... يا ماشي (السوق العربي) يا (السوق الأفرنجي). الزمن ده كل الخرطوم بقى إسمها (عربي) بدون (سوق) حتى. يعني تلقى الكمساري بتاع الحافلة يكورك ((عربي .. عربي .. عربي))
حليل السوق الأفرنجي .. حليل طرمبة جكسا وطرمبة أحمد المصطفى .. حليل سانت جيمس والـ G.M.H. وحليل المحطة الوسطى.
خرّمنا ليكم مش كدة؟ .......... حكي بلا طعمة.
| |
|
|
|
|
|
|
Re: حكي طاعِم ... هل هو مصطلح سودانيزاونلايني .. ام هناك قاموس لغوي جديد ؟ (Re: محمد أبوالعزائم أبوالريش)
|
Quote: نحن زمان الواحد بيمشي سوق الخرطوم .... يا ماشي (السوق العربي) يا (السوق الأفرنجي). الزمن ده كل الخرطوم بقى إسمها (عربي) بدون (سوق) حتى. يعني تلقى الكمساري بتاع الحافلة يكورك ((عربي .. عربي .. عربي))
حليل السوق الأفرنجي .. حليل طرمبة جكسا وطرمبة أحمد المصطفى .. حليل سانت جيمس والـ G.M.H. وحليل المحطة الوسطى.
خرّمنا ليكم مش كدة؟ .......... حكي بلا طعمة. . |
ده زمن الكيلو 1000 جرام و الرطل وقيتين و ربع ...
هسي القصة بقت انت و حظك ... اصلوا البني آدم في السودان بقى عايش بالحظ ..
| |
|
|
|
|
|
|
|