|
المنبر مالو بقى فاااااااااضي كده
|
09:38 AM Feb, 21 2015 سودانيز أون لاين Mohammed Sedeq - الخرطوم مكتبتي في سودانيزاونلاين
قبل فترة ليست بالطويلة كنت بدخل المنبر وبعمل كلك رايت علي عنوان الموضوع وفتح في نافذة جديدة من اول او تاني موضوع ولما اصل نهاية الصفحة الاولى بكون بالميت كده عملت عشرة نوافذ اجيب كباية شاي او كباية قهوة واقعد بمزاج اشرب و استمتع بريحة القهوة و مذاق الكلام الطاعم اها هسه يعلم الله مرات نافذة واحدة ومرات جلا ذااااطو الصفحة الاولى ياها الصفحة الاولى ما اتغير فيها شي لكن المواضيع البتستاهل الواحد يقراها بقت بسيييييييييطة والله و نادرة ندرة الابتسامة في بلدي كنا بنستمتع بالمناقشات الدينية اها هسه اخونا عماد حسين نشيل و نرفع ليه في البوستات ويشيل و يعمل رايح من الاسئلة ارجع يا عمدة عفيناك والله هسه الشكية لله لا مواضيع دينية لا ثقافية لا فكرية لا سياسية ولا اقتصادية لا فنية عليها القيمة تستاهل الواحد يضيع فيها وقته ما عارف هل الناس بطنها طمت من الكتابة ولا الحاصل شنو البوستات كانت بتصل عشرة صفحات تقراها كلها وتتمنى ما تخلص هسه من تشوف اسم الكاتب تعمل جلا لانو الناس الكتابين بقوا مقليين شدييد والله ما كنت قاعد اقفل صفحة المنبر وكل خمسة دقائق بعمل رفريش هسه تقفلها الصفحة وترجع بعد خمسة ساعات والحال نفس الحال الحاصل شنو يا جماعة افيدونا
|
|
|
|
|
|