يا سوار الدهب قول ما اتلقيتو اموال هل انت مقتنع بصلاحية هذا الرجل لهذا المنصب و بعدين لو في اموال انت ما لا بدوك و لا حتى حا تعرفها فالناس ديل مسترخصنك و مستكترين عليك القروش و بعدين يا خي انتو ما متابعننا لمتين كنت راس الدولة و الليلة شغال مشهلاتي لرجل غير جدير بالرئاسة داير شنو و قد نلت مجد الرئاسة برضاء الناس
02-12-2015, 09:09 AM
Al Sunda
Al Sunda
تاريخ التسجيل: 01-18-2005
مجموع المشاركات: 1854
يا دكتور عوض ديل كتبوا عند الله كذابين من أكل المال احرام اربعين يوما عصى الله أراد أم لم يرد وهذا السوار والغ في أموال صدقات المسلمين(إن شئت أوساخهم فالصدقة أوساخ الناس كما قال النبي الكريم)، والغ فيها منذ أكثر من ثلاثين عاما بدأ بستة ألآف دولار في الشهر له هو وللجزولي وتاج الدين فضل حصلت كم هسع ما تعرف وأنت شايف المساكين في جبال النوبة ودارفور
02-12-2015, 09:25 AM
أحمد الشايقي
أحمد الشايقي
تاريخ التسجيل: 08-08-2004
مجموع المشاركات: 14611
سلام يا السندا وشكرا على المرور هو لا يستطيع ان يصمت لأنو هو بيكون مؤرق داخليا - دة لو كان في حس - من مساندته لرجل يقول أنه في دارفور قتل عشرة ألف بس ولذلك يحاول هذا السوار أن يغطي على مشكلته الداخلية دي بنوع التصريحات دي
02-12-2015, 10:56 AM
صديق الموج
صديق الموج
تاريخ التسجيل: 03-17-2004
مجموع المشاركات: 19433
يعنى عمنا عبد الرحمن ده فاكر القروش دى الا صاج احمر ما تلفزيونات الحكومة العشرة شغاله دعاية للانتخابات من هسه وندعم ترشيح البشير والبشير الاصلح وصوتو للقوى الامين، وقبل يعلنو اسماء باقى المرشحين ناهيك عن يدوهم فرصة يعلنوا عن برامجهم. هل رواتب موظفى التلفزيون ومصاريف البث ده قروشه مدفوعات من معاش الزول ده واللا شنو؟ اللهم ربى كفينا شر بهدلة الكبر،،،
02-12-2015, 11:03 AM
عبدالله عثمان
عبدالله عثمان
تاريخ التسجيل: 03-14-2004
مجموع المشاركات: 19192
Quote: ويصرح بـأكاذيب هو يعلم أنها لا تنطلي حتى على الأطفال!
ويكتب عند الله كذابا يتردد - وانا بالمناسبة عندي ابن خالة استشهد مع ضباط 28 رمضان - يتردد بين أهالي هؤلاء الشهداء أن هذا السوار الدهب قد حلف لهم على المصحف أن يسلموا ولن يمسهم شيء ... أنا شخصيا - ولأنهم يفوقون سوء الظن العريض أصدق ذلك تماما فهو يجيد مثل لعب هذه الأدوار ... يقال أن أحدهم قتل بالسونكي فور تصديقه لتلك الكذبة ... هؤلاء هم الكذبة الفجرة
02-12-2015, 11:30 AM
عبدالله عثمان
عبدالله عثمان
تاريخ التسجيل: 03-14-2004
مجموع المشاركات: 19192
سلام يا أحمد الشايقي حقيقة هو لا غزل له ولا يحزنون ... هو تم اضطراره اضطرارا في يوم ستة ابريل لأنو وضح ليهو انو العساكر الأقل منه رتبة ممكن يقوموا بالعمل دة وهو كان يتمسك بان له (بيعة) على النميري ورشحت مؤخرا افادات من بعض افراد الجبهة القومية الاسلامية أنفسهم تقول بأن على عثمان أفتى له بنقض البيعة لا غزل له
02-12-2015, 11:49 AM
عبدالله عثمان
عبدالله عثمان
تاريخ التسجيل: 03-14-2004
مجموع المشاركات: 19192
سلام يا صديق الموج وشكرا على التعليق عليك الله شوف نوع دجل هذا السوار قال
Quote: رغم اني زول بالمعاش لكنني سأتبرع بجزء من معاشي
الا تراه يقول لعمر البشير هنا (بيتي يشكو قلة الجرذان)!! شنو أنا زول معاشي دة وهو نزل بمعاش مشير (وزير المالية صرّح مؤخرا بأنو قلنا لناس الجيش لو في فريق داير ينزل معاش كلمونا من بدري) فإذا كان الفريق بينزل ببلاوي فما بالك بمشير ورئيس جمهورية ثم وين دولارات (وساخات) الأعراب؟! اللي بدت قبل 30 سنة - المعلن منها - ستة ألف دولار شهريا دة غير بدل السفرية و... و... و... يكتب عند الله كذابا
02-12-2015, 12:09 PM
عبد الحي علي موسى
عبد الحي علي موسى
تاريخ التسجيل: 07-19-2006
مجموع المشاركات: 2929
عبد الله وجماعتو..ما تظلموا الزول دا ساي. صحيح هو اتعين ب 6 ألف دولار قول صارت 10 ألف خلال ال30 سنة الفاتوا ديل. العشرة ألف دي بتساوي ليها – بالميت – 90 مليون جنيه بالقديم. وشنو يعني ال 90مليون؟ قول يومو – أكل وشراب بس – 2 مليون..يعني عايز ليه 60 مليون في الشهر. أها بلغة رياضيات زمان: ما عنده، الباقي له... زولك دا آخر الشهر بكون باقي ليه 30 مليون. ال 30 دي بتسوي شنو؟ وين الكهرباء ووين الموية الطارت السماء وين حق الكسوية وين ووين وإيجار البيت؟ يا اخوانا!!!!
02-12-2015, 01:19 PM
علي محمد الفكي
علي محمد الفكي
تاريخ التسجيل: 01-08-2013
مجموع المشاركات: 3863
وهل هذا فقط الذي يمنع من العمل على ترشيح البشير يا سوار الدهب كل الدماء والحروب واليتم والثكل والدمار الذي اغترفته يداه في حق الشعب السوداني والوطن لم يمنعك ان تعمل في لجنة ترشيحه
02-12-2015, 02:21 PM
الصادق عبدالله الحسن
الصادق عبدالله الحسن
تاريخ التسجيل: 02-26-2013
مجموع المشاركات: 3244
إن كان ما نقله (بشير آدم رحمة) عن المشير (عبدالرحمن سوار الدهب) في مقطع الفيديو أدناه صحيحاً وأظنه كذلك فإن سوار الدهب لن يستقيل بل هو قد استقال فعلاً عن تلك الصورة اللامعة التي رُسمت له خصوصاً خارج السودان.
وأظن أن دور (عبدالرحمن سوار الدهب) في موضوع إعادة تأهيل البشير لا يختلف عن ذلك الدور الذي قام بأدائه الممثل (عادل إمام) في فيلم : (زوج تحت الطلب)، أعني دور المحـلل الشرعي لمجرمين اغتصبوا السلطة، و نهبوا الأموال، و طفحت سيرتهم ورائحتها "العطرة" لتغطي سماء وأرض السودان، لتتسرب وتفـوح حتى خارج حدود السودان.
"المحلل" (عادل إمام) لعبها بشكلها الصحيح، وتحول من "مُحلل" ليتأهل هو إلى فهلوي يفوز بـ"الشحم" و ينعم بـ"اللحم" فما الذي يطمح إليه المشير (سوار الدهب) بعد الألقاب والمراكز والسيـرة التي نالها؟ وهل هناك من "شحم" أو "لحم" إنقاذي يمكن لأسنان المشير سوار الدهب أن تكده بعد هذا العمر المديد؟
Quote: أننشـــــــــــــــــــوف
شوف الفيديو، وشوف رأي المشير سوار الدهب في اولئك الذين ينتظر منهم الشحم واللحم:
Quote: يتردد - وانا بالمناسبة عندي ابن خالة استشهد مع ضباط 28 رمضان - يتردد بين أهالي هؤلاء الشهداء أن هذا السوار الدهب قد حلف لهم على المصحف أن يسلموا ولن يمسهم شيء
الحبيب عبد الله فات علي تحيتك بعاليه السلام عليك
هذا الكلام صحيح و كان اتفاقه مع الشهيد اللواء الكدرو و لولا هذا الاتفاق لكان بامكان الشهداء المضي في المقاومة كان للسوار وقتها بقية من بريق و لم يكن بحالته الراهنة
02-12-2015, 11:59 PM
عادل البراري
عادل البراري
تاريخ التسجيل: 01-07-2013
مجموع المشاركات: 4051
سلام يا اخ علي محمد الفكي كل هذا طالما انه لا يصل قصورهم في "المنشية" و"الرياض" و"جاردن سيتي" (شوف الإستلاب حتى في الأسماء ما عندنا اسماء تابعين لغيرنا) طالما أنهم لا يصل قصورهم فأن هؤلاء لا يهمهم في شيء لكن ستدور عليهم الدوائر شكرا على المرو والتعليق
02-13-2015, 09:09 AM
Hafiz Bashir
Hafiz Bashir
تاريخ التسجيل: 12-04-2004
مجموع المشاركات: 7241
يعني سعادة المشير معاش حيقبل الشيرينج بتاع أعضاء المؤتمر الوطني المعروف لكل قاصي و داني إنو مصدر اموالهم النهب من الحكومة ومن دمنا و يجي يتبجح بإنو ما بيتلقى دعم من الحكومة؟!
غايتو الكيزان ديل يسرقوك و بكل قوة عين يقولوا ليك يا غبي هاك الكلام الفطير دا اتونس بيهو
سبحان الله سوار الدهب من القمة الى الهاوية كنت افتخر بيه كسوانى اصيل ولكن للاسف خاب ظنى يبدو ان الرجل شخصية ضعيفة للغاية اصبح صبى ومرسال فى قصر عمر البشير للمهمات القذرة قديما قالت العرب ( من بره هلا هلا ومن جوة يستر الله) غايتو انخدعنا قيه طويلا حتى خلع بنفسه القناع
02-13-2015, 03:23 PM
عبدالله عثمان
عبدالله عثمان
تاريخ التسجيل: 03-14-2004
مجموع المشاركات: 19192
Quote: كنت افتخر بيه كسوانى اصيل ولكن للاسف خاب ظنى
سوار الدهب خان ثقة العسكريين و ركل شرف العسكرية بحذائه منذ إنحياز صغار الضباط لإنتفاضة الشعب، كان معوما انه أدى القسم للإنحياز لمطالب الجماهير، وفي ذات الوقت كان يعمل لصالح الجبهة الإسلامية، وعندما جاءت الإنقاذ أسفر عن وجهه الحقيقي، يعتقد الرجل ان الشعب السوداني شعب درويش وساذج يجب الضحك عليه وخيانته!
.
02-15-2015, 08:44 AM
عبدالله عثمان
عبدالله عثمان
تاريخ التسجيل: 03-14-2004
مجموع المشاركات: 19192
سلام يا أخ حافظ بشير هم أنفسهم لا يصدقون هذه الكذبة ولكن، والحمد لله، فقد أنكشف أمرهم للكثيرين حتى من بعض أتباعهم والصحف يوميا تطفح بأكاذيبهم ومغالطاتهم شكر ياخي على المرور والتعليق
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة