|
Re: إنت من فيييين فى السودان... من حلفا والا من عطبره والا من الخرطوم هاهاها...!!! (Re: ملهم كردفان)
|
احنا عندنا المتر بتاع الخرطوم بنكله ..وانتو عاصمتكم اسمها الخرطوم خرطوم أيه ياعم بتاع عصمان الجناينى والا بتاع المطافىء هاهاها ... ده انتو عندكو مدينه كلها كسالى لحدى ماسميتوها كسالا ..ها ها ها
خليتو يكمل كلامو ....!!!
وقلت عندك كارت صوت كريتتف ...!!! عندك ويسترن او سيى قيت او سامسونج ...120 قيقا وعايز لى بروسيسور بينتيوم فور 2.8 لوسمحت يكون اوريجينال ورامتين 512 .... ........... انتبه الى انه يحدث واحد بيعرف حاجه فقال لى انت بتشتغل أيه ؟؟؟ وقتها كان معظم الناس يملكون هارد دريف لاتزيد سعة تخزينه عن 80 قيقا بايت وكان الديسك توب مكلف جدا جدا فى مصر سنة 2003... .... هو انت عندك شركه ... ... قلت ليهو انا بشتغل فى شركة الذوق والادب والإحترام وحر نفسى اقوم واقعد زى ماداير. يعنى سلف امبلويد بيزينس مان ... وشايفك بتتريق على عثمان ...انت عارف عثمان ده مين؟؟؟ .... عثمان ده صحابى جليل له دور خالد فى توثيق كتاب الله وهناك مصحف بإسمه ...رضى الله عنه وأرضاه ... كنت قبل أن ادخل محله أدندن ياملهم العواطف ومهدل المعاطف ...لماذا عنى صارف .... .... ياعم انا بهرج معاك ... اسم حضرتك مين ... ... ملهم ... ... أيه والله إسمك حلو ....!!! حضرتك استنى لمن نحضر لك الطلبات ...!!! ... نظرت إليه نظره اعتذار ..... ثم خرجت دون وداع ...!!!
| |
|
|
|
|
|
|
Re: إنت من فيييين فى السودان... من حلفا والا من عطبره والا من الخرطوم هاهاها...!!! (Re: ملهم كردفان)
|
---وانا خارج باب المحل ..سمعته يقول للعامل الشاب .... إقرى ياوله حصلوا ... ... سلوكيات تاجر شاطر ماعايز يتخلى عن أرباحو المحتمله وفى ذات اللحظه تصرفات زول أروش وعبيط وكلام لايقل هبلا عن عبط غادل إمام فى فليم كده كان فيهو بنى جلدتى فى أدوار ثانويه ... ... خد ياكبتن ..تعال بس انت زعلت والا أييييه ؟؟؟ ده مصطفى بيهرج مع الناس كلها ...والله هو طيب وقلبو ابيض ومش قصدو يزعلك تعال بس قولى انت عايز أيييه ...
... تعاطفت مع موقف العامل لأننى أعرف جيدا معنى ان تكون تحت يد صاحب عمل فى مصر حتتمرمط حتتمرمط لمن تفشل فى اداء مهمتك ..فقلت له مش عايز حاجات كتيره دلوقتى وحأرجع عشان خاطرك ... يلا هات لى رامه 512 وسي دي رايتر ... دخلت تانى للمحل ودفعت تمنهم وخرجت مع دعوتهم لى بقولهم
أبأ تعاااااالا ياملهم ...
آه ان شاء الله ...
السلام عليكو
| |
|
|
|
|
|
|
Re: إنت من فيييين فى السودان... من حلفا والا من عطبره والا من الخرطوم هاهاها...!!! (Re: ملهم كردفان)
|
من الطبيعى ان أبعد تماما عن محل مصطفى وان لا أقربه مره اخرى... بقيت اشترى من محلات مختلفه ...وركزت على باشمهندس أحمد وأكملت (الكيسه ) بتاعت الديسك توب بالعتاد المناسب ... مرت الايام وتناسيت ماحدث ... وانشغلت بكمبيوترى الجديد ونجحت فى الدخول الى عالم الانتر وبدأت اكون صداقاتى التى أعتز بها ... وبينما كنت انزل من عمارتنا لقضاء بعض الطلبات لاحظت ان هناك محل بدأ مالكه فى توضيبه وتجديده ... ... ومرت الايام وتم فتح المحل فإذا بمصطفى يجلس خلف مكتبه الفخيم ... وقد بدل نشاطه الى كتابة الرسائل العلميه ونسخ الرسائل العلميه وتصوير المستندات وما إليه نادانى ياسدانى مرحب يامصطفى الف مبروك المحل الجديد .. الله يبارك فيك ياسدانى ... احنا غيرنا نشاطنا وياريت تشرفنا .. ماعندك مشكله يادرش.. ... تحول العامل الذى معه الى استاذ كمبيوتر يدرس الأولاد والبنات فى المحل بجانب التايبينج والتصوير ... ازيك يا أيمن ياخ ما تدينا دروس تقويه فى الكمبيوتر ومالو الدوره ب300 جنيه.. ماعندك مشكله ... بكره العصر تبدأ... كل يوم اتابع دروسى مع ايمن .... ومصطفى خلف المكتب ... توطدت العلاقات مابيننا وارتفعت قيم الموده واصبح مصطفى (يلاغينى ) كلما مررت من أمام محله
الى أن جاء اليوم الذى رأيت فيه مصطفى بعيدا عن مكتبه
يتبع
| |
|
|
|
|
|
|
Re: إنت من فيييين فى السودان... من حلفا والا من عطبره والا من الخرطوم هاهاها...!!! (Re: ملهم كردفان)
|
فى الصباح وانا أنظر من البلكونه ... رأيت عربه تقف أمام محل مصطفى ... فينزل من بعد جهد جهيد ... ياخ ماممكن مصطفى من ذوى الإحتياجات الخاصه ...يا الله
تابعت المشهد ... نادى على المكوجى المجاور وسلمه المفاتيح .. ففتح المكوجى باب الصاج ومد يده ليساعد مصطفى على صعود الرصيف رفع مصطفى رجله الشمال ووضعها على الرصيف وأمسك بعمود الإضاءه ورفع جسده ثم ولج لداخل محله وجلس على مكتبه ....
لقد وضحت الؤيا واصبحت الكره فى ملعبى ...!!!
يتبع
| |
|
|
|
|
|
|
Re: إنت من فيييين فى السودان... من حلفا والا من عطبره والا من الخرطوم هاهاها...!!! (Re: ملهم كردفان)
|
سلام يا ملهم وطابت اوقاتك بكل خير يأخ أنت أخلاقك أخلاق أنبياء ياريت لو الله أدانا قوة صبرك دي
دخلت ذات مرة لمطعم لبناني أعرف صاحبة بأمستردام وجوعان ولسع ماطلبت بتونس مع اللبناني دخل مصري كبير في السن سلم وبعد شوية وجه سؤاله نحوي أنت سوداني ؟ أجبت بنعم طوالي قال لي السودانيين بتحكو عربي ؟ رشيتو ليك وتاني ماوعيت بي حاجة الا وانا في قسم الشرطة وبعد الموضوع انتهي بقا يعتذر انا بمزح معاك .وبرضو سفهتو . واصل متابعين معاك تحياتي
| |
|
|
|
|
|
|
Re: إنت من فيييين فى السودان... من حلفا والا من عطبره والا من الخرطوم هاهاها...!!! (Re: ملهم كردفان)
|
نعم أصبحت الكره فى ملعبى ويجب على ان اتعامل مع مصطفى من الآن وصاعدا بنديه لاتشعره بأنه من ذوى الإحتياجات الخاصه
يعنى ما أحسسو بى انى بعطف عليهو والا اتغير منو
بقيت اتبادل معه المداعبات اللفظيه دون ان أجرحه ... وعرفته عن السودان اكثر فأكثر وعرجت على كردفان ... يسأل وأجاوب ..يشكك فى بعض الإمور كالسحر وأكل لحوم البشر والبوابين وكسل السودانيين وغيرها من الهراءات التى سكبها الاعلام فى عقول المصريين عن السودان ... ياغم قالولنا انو السحر عندكم فظيع اوى اوى ... ... يامصطفى هو السحر ده جا من وين ؟؟؟ انت نسيت قصة فرعون وموسى نسيت السحره ببابل ده أحنا غلابه جمبكووو يادرش ... سمعت انو عندكم قبيله فى السودان بتاكل لحوم البشر ! ... يادرش احنا لو بناكل لحوم البشر كنت اتعشيت بيك امبارح ... طب البوابين ... مالهم يادرش ومال مهنتهم ....مازيها وزى اى مهنه شريفه مالم يقترف صاحبها مايعيب ... انتو كسالى ... ... بص يامصطفى للقهاوى مستفه بالكسالى وللمكاتب المكتب فيهو عشرين شغالين منهم اتنين تلاته وتعال بكره يامحترم بقت ماركه مسجله... الكسل مالهوش مله الكسل متواجد فى كل انسان مش عارف ياخد فرصتو لسبب من الاسباب ... يطرح الأسئله وافند ...
انت أسود ليه هو انتو كلكو سود ؟؟؟ طيب يادرش انت ابيض ليه؟؟؟ عشان ربنا عايز كده ...!!! ... واحنا ربنا عايزنا كده التماذج اللونى سر جمال اللوحه يادرش رد مصطفى ... آه والله كلام صحيح لو لا سواد العين مكانش نورها
يتبع
| |
|
|
|
|
|
|
Re: إنت من فيييين فى السودان... من حلفا والا من عطبره والا من الخرطوم هاهاها...!!! (Re: ملهم كردفان)
|
مرت السنوات وتقاربت بيننا النفوس واصبح اكثر تفهما للسودان وبعدها لاحظت ان محله مغلف لفتره من الزمن ... سألت عنه ... وبعد فتره فتح محله ... اايه يامصطفى انت كنت فين ؟؟؟ ومالك شكلك تعبان كده .... انا مودع ياصاحبى ... ده مرض الموت ... ياعم مرض موت بتاع أيه ربنايديك طول العمر
نفسى اعرف انت من فى السودان ياصحبى ... أنا من مدينه إسمها الأبيض عروس الرمال...حكيت ليهو عن مدينتى
ورجعت لمشغولياتى ....بعد ان أمضيت معه بعض الوقت ... بعد فترة وجيزه ... انتقل الى جوار ربه فى هدوء ... وترك خلفه زوجه وطفلتين ومحل تم جرده وتأجيره لبتاع كوافير...!!!
رحم الله مصطفى وأـبدله عن دنيانا جنات نعيم
| |
|
|
|
|
|
|
|