|
|
 ثمّ ماذا بعد الإنقاذ ؟. بلة الغايب سُلطته أقوى من البشير، والإنتخابات مُكاءٌ وتصدية. (فديو)...
|
هل بقي جزء من الدولة لم تصبه حُمى ايبولآ الإنقاذ ؟.
هل بقي مِفصل من مفاصل الدولة لم تصبه روماتيزم الإنقاذ ؟.
هل بقي مواطن من مواطني الدولة لم تلسعه سياط الإنقاذ ؟.
هل بقي شاب أو شابة من شباب الدولة لم تصبه لعنة علي عثمان
عندما قال، لا بُدّ من إعادة صياغة المجتمع السوداني ؟.
الجيش مصاب بالايدز الإنقاذي.
البوليس مصاب بسرطان الإنقاذ.
باقي المؤسسات مصابة بإلتهاب الكبد الوبائي الإنقاذي.
تاني شنو ؟.
هل ؟.
هل ؟.
هل ؟.
العندو هل اليجيبا...
|
|
 
|
|
|
|
|
|
|
 Re: ثمّ ماذا بعد الإنقاذ ؟. بلة الغايب سُلطته أقوى من البشير، والإنتخابات مُكاءٌ (Re: معاوية المدير)
|
كيفك يا مدير
بعد الإنقاذ نعمل دولة جديدة ونشوف ليها اسم جديد
هاك دا موضوع مهند عمر عبد الغفار في الفيسبوك في نهايتو في جملة بتبين حجم الدمار إنشاء الله ما يكون خارج نطاق البوست
Quote: قبل 4 شهور او اكتر شوية .. لاحظت انه في ظاهرة بقت تقابلني كتيير ستة او سبعة مرات في اليوم .. و من الحاجات الانا رافضها رفض تام و ابدا ما لقيت مبررات عشان اقدر اثبت انه و لو 0.1% انه صاح ..
فقررت اني اواصل حياتي عااادي .. بس اتقرب من الفئة دي و اعرف عنهم اكتر .. بس 5 دقايق من زمن الحاجة الانا محصلها اديتها للموضوع ده ..
بتتعدد الاسماء و الاوجه بس كله مرة نفس الاسئلة و نفس الحوار ..
معليش بس ممكن تعتبرني اخوك الكبير و اتونس معاك ؟
و دايما بجاوبو بابتسامة .. اتفضل !
اسمك منو يا شاطر ؟
عمرك كم؟
شغال شنو ؟
بتقرا و لا وقفت من المدرسة ؟
اذا في المدرسة ..
تمام ،في سنة كم؟
ليه بتشتغل طيب؟
كيف قدرت تشتغل و تقرا في نفس الوقت ؟
بتلعب كورة ؟
نفسك تبقى شنو لمن تكبر ؟
للأسف الاغلبية خلت المدرسة و نفسهم يبقو دكاترة و مهندسين !!!
و أغلبيتهم استسلمو للوضع و انه ده مصيرهم مع انه اعمارهم ما اتجاوزت ال 12سنة لسه ..!
بس راشد ،10سنوات حالة خاصة .. و اكتر المتفائلين من الاطفال القابلتهم ..
اسمك منو ؟
راشد
راشد كيفك ؟
كويس الحمد لله
بتشتغل شنو ؟
ورنيش
بتقرا ؟
ايوة
سنة كم ؟
رابعة
طيب بتشتغل ليه ؟
عشان أقدر اشتري الفطور في المدرسة زي باقي الاولاد !!!!!
حقيقة سكت مسافة و الاسئلة كلها نسيتها and#128566;
و عايز تبقى شنو ؟
دكتور
طيب و لو ما قدرت تتم المدرسة حتواصل في الشغل ده ولا حتطلب المساعدة من زول تاني و لا ممكن تعمل اي حاجة عشان تبقى دكتور ؟
انا قلت ليك ح ابقى دكتور ! و سكت ..
طيب يا دكتور راشد .. بردان ؟
ما بردان .. و عاين ف الارض ..!!!
طيب انا عايز اساعدك .. اطلب اي حاجة ؟
اشتري لي كتاب الرياضيات عشان الاستاذ بدقني لاني ما بحل الواجب .. و انا م عندي كتاب !
خلاص وعد انا ح اجيبو ليك المرة الجاية
شكرا ليك and#128512;and#128512;
يلا ابتسم عشان نتصور .. لو نسيتني انت .. اتذكرك بيها انا !
بإبتسامة عريضة كويس بس تخليني اشوفها قبل ماتمشي !
حاااااضر يا دكتور
بالجد ما عادي .. في ردوده .. في تصرفاته .. في طموحاته !
عرفتو ليه اتدهورنا ؟؟
لانه ديل جيل المستقبل و ما قدمنا ليهم شي للمستقبل !
and#128542;and#128542;
|
| |
|
|
|
|
|
|
|
|
|
Re: ثمّ ماذا بعد الإنقاذ ؟. بلة الغايب سُلطته أقوى من البشير، والإنتخابات مُكاءٌ (Re: عبد العزيز محمد عمر)
|
معاوية المدير .. بوست موفق وطريقة سلسة لتقديم جرعة التطعيم الثلاثي (ما تسألوني جرعة التطعيم الثلاثي دي شنو) أها زيها وزي أي تطعيم بنخاف منها لكن هي وقاية من الأمراض
كتر من الجرعات دي وللتذكير اصلاً الناس بقت نساية وقساية
عشان الصورة ما تغيب ولا للحظة من ابصار المبصرين، اصلو الما مبصرين ديلك لو غرغرتهم الإبصار لما أبصروا ولو خلعت مضغات قلوبهم وغسلتها لما لانت فهي اصبحت كالحجارة وأشد قسوة
و واحدين مغيبين عديل تفكيرهم مما يصبحوا لحدما يمسوا ياكلوا شنو ويشتروا شنو وياتو حتة فيها أراضي ممكن تتلقف أو ثروة ممكن تتنهب !
واصل يا ود المدير .. بل سير سير المافي شنو هي قالوها للسايرين في الضلال وقالوا هي لله !
تسلم يا يا معاوية المدير وبنجيك كل شوية شويتين
سلام مربع
| |
|
|
|
|
|
|
|
|
|
Re: ثمّ ماذا بعد الإنقاذ ؟. بلة الغايب سُلطته أقوى من البشير، والإنتخابات مُكاءٌ (Re: Asim Fageary)
|
Quote:
كيفك يا مدير
بعد الإنقاذ نعمل دولة جديدة ونشوف ليها اسم جديد
هاك دا موضوع مهند عمر عبد الغفار في الفيسبوك في نهايتو
في جملة بتبين حجم الدمار إنشاء الله ما يكون خارج نطاق البوست |
سلآمات يا حمد.
تحتاج لكنس كيمان من القمامة يا حمد حتي تنشئ دولة جديدة،
وفعلاً نحن نحتاج لدولة جديدة.
موضوع مهند هو لُب الموضوع، وهو ضرب علي العصب الحساس.
في دولة اليوم يا حمد لا شئ غير الدمار، أينما تلتفت دمار. ما زال
الأوباش معارضة وحكومة يتحدثون عن تحرير المناطق.
حررنا المنطقة الفلآنية !!!، يا حكومة الشؤم ويا معارضة السوء، من
قال لكم انها مُحتلة حتي تحرروها ؟، وتحرروها من مَن ؟. كل هذا
العبث وآقع علي رأس المواطن سواء كان في خط النار أو بعيد عن خط
النار، في كِلى الحالتين فهو مكتوي بلهيبها. 25 سنة من الدمار المتواصل
تحتاج لرجال أولآد بلد بالجد، مخلصين متجردين نفوسهم مفعمة بالوطنية
يحبون هذا الوطن ويؤثرونه علي أنفسهم وعلي بريق السُلطة، غير موجودين
في صفوف الحكومة وغير موجودين في صفوف المعارضة وغير موجودين
في صفوف الأحزاب.
حجم الدمار أكبر من جعجعة الحكومة، ودهنسة الأحزاب، وعنترية الحركات،
ويحتاج لأبناء وطن مخلصين لتلآفيه...
| |
|
|
|
|
|
|
|
|
|
Re: ثمّ ماذا بعد الإنقاذ ؟. بلة الغايب سُلطته أقوى من البشير، والإنتخابات مُكاءٌ (Re: Haytham Ghaly)
|
Quote:
لا حولة ولا قوة الا بالله مقابلة راشد دي براها لو حاججو بيها اي مسؤول يوم القيامة .......
اللهم لطفك يا رب |
سلآمات يا إخلاص.
هو مين من المسئولين يخاف الله ويذكر اليوم الآخر ؟.
للأسف هاؤلاء القوم ذكرهم لله والجنّة والنار أصبح نوع من الدعاية،
ومصدر للكسب الرخيص. ليس هنالك ورع ولا دين، وأصبح التعبُد
للظهور أمام الناس بمظهر الموحدين. بأختصار لم تبقى خصلة من
خصال النفاق إلا وقد طُبعت في نفوس هاؤلاء المنافقين.
الأجيال القادمة مصيرها مجهول، مجهول، عليك الله شوفي بوستات
الحرب في البورد، شئ مُحزن والله العظيم !، المعارضة تتحدث وتتبجح
بما تسميه إنتصارات وكذلك الحكومة !، والشعب الغلبان هو الذي يدفع
سعر الرصاصة التي تفجّر رآسه.
مصير البلد أصبح مجهول ومخيف. والله صحي...
| |
|
|
|
|
|
|
|
|
|
Re: ثمّ ماذا بعد الإنقاذ ؟. بلة الغايب سُلطته أقوى من البشير، والإنتخابات مُكاءٌ (Re: معاوية المدير)
|
| Quote: يا معاوية .. ويا حمد .. مالكم علينا من دغش الرحمن ياااااااخ |
عبد العزيز يا عطبرة.
يا اخي في ظل هذا الوضع أجيال كثيرة مهددة بالضياع، والبلد بين رحى الحرب
وبالونات الإنتخابات المتفجرة في سماء الوطن. كدي شوف ناس جبال النوبة في
التيوب الفوق دا، قالوا عايزين ناس المجتمع الدولي يشوفُوُلن بلد يرحلوهن عليها
إذا ما ناس الحكومة والحركات المسلحة تركوهم وشأنهم. تخيّل الناس وصلت إلي
هذا الحد جراء الحرب من أجل السُلطة !. يا اخي النفق مُظلم، مُظلم، مُظلم...
| |
|
|
|
|
|
|
|
|
 Re: ثمّ ماذا بعد الإنقاذ ؟. بلة الغايب سُلطته أقوى من البشير، والإنتخابات مُكاءٌ (Re: معاوية المدير)
|
Quote:
معاوية المدير .. بوست موفق وطريقة سلسة لتقديم جرعة التطعيم الثلاثي (ما تسألوني جرعة التطعيم الثلاثي دي شنو) أها زيها وزي أي تطعيم بنخاف منها لكن هي وقاية من الأمراض
كتر من الجرعات دي وللتذكير اصلاً الناس بقت نساية وقساية
عشان الصورة ما تغيب ولا للحظة من ابصار المبصرين، اصلو الما مبصرين ديلك لو غرغرتهم الإبصار لما أبصروا ولو خلعت مضغات قلوبهم وغسلتها لما لانت فهي اصبحت كالحجارة وأشد قسوة
و واحدين مغيبين عديل تفكيرهم مما يصبحوا لحدما يمسوا ياكلوا شنو ويشتروا شنو وياتو حتة فيها أراضي ممكن تتلقف أو ثروة ممكن تتنهب !
واصل يا ود المدير .. بل سير سير المافي شنو هي قالوها للسايرين في الضلال وقالوا هي لله !
تسلم يا يا معاوية المدير وبنجيك كل شوية شويتين
سلام مربع |
سلآمات يا عاصم.
أغرب ما في الأمر دق الطبول للحرب!. الحرب عمرها لا تصنع وطن، والحرب من أجل ماذا ؟.
ليتها حرب تحرير، بل هي حرب تدمير، فئتان تتصارعان من أجل السُلطة والرصاص والقذائف
تحصد الأبرياء ليل نهار. الأُسر التي كانت آمنة اليوم تعيش عدم إستقرار وحالآت من الخوف
والهلع، أطفالهم لا يعرفون طعم النوم، والمستقبل يحدده صوت المدافع وقصف الطائرات ونضم
الرصاص الذي يخطئ ويصيب. شتات وضياع وهموم ودموم، ورائحة الموت تعبق في ديار
كانت آمنة قبل أن ينعق فيها غراب الشئوم، والسيدان ينعمان بحياة هادئة مطمئنة في مخادعهما
وثالثهما الترابي باسط ذراعيه بالوسيط، والبشير وإخوانه مشغولين بخِطبة الغيد الحِسان.
بصراحة ليس هنالك ما يشير إلي مستقبل مُستقر لهذا البلد حتي بعد ذهاب شبح الإنقاذ.
دمار،
حرب،
حرب،
حرب !
أَلاَ أَبْلِـغِ الأَحْلاَفَ عَنِّى رِسَالَـةً
وَذُبْيَـانَ هَلْ أَقْسَمْتُمُ كُلَّ مُقْسَـمِ
فَـلاَ تَكْتُمُنَّ اللهَ مَا فِي نُفُوسِكُـمْ
لِيَخْفَـى وَمَهْمَـا يُكْتَمِ اللهُ يَعْلَـمِ
يُؤَخَّـرْ فَيُوضَعْ فِي كِتَابٍ فَيُدَّخَـرْ
لِيَـوْمِ الحِسَـابِ أَوْ يُعَجَّلْ فَيُنْقَـمِ
وَمَا الحَـرْبُ إِلاَّ مَا عَلِمْتُمْ وَذُقْتُـمُ
وَمَا هُـوَ عَنْهَا بِالحَـدِيثِ المُرَجَّـمِ
مَتَـى تَبْعَـثُوهَا تَبْعَـثُوهَا ذَمِيْمَـةً
وَتَضْـرَ إِذَا ضَرَّيْتُمُـوهَا فَتَضْـرَمِ
فَتَعْـرُكُكُمْ عَرْكَ الرَّحَى بِثِفَالِهَـا
وَتَلْقَـحْ كِشَـافاً ثُمَّ تُنْتَجْ فَتُتْئِـمِ
فَتُنْتِـجْ لَكُمْ غِلْمَانَ أَشْأَمَ كُلُّهُـمْ
كَأَحْمَـرِ عَادٍ ثُمَّ تُرْضِـعْ فَتَفْطِـمِ
فَتُغْـلِلْ لَكُمْ مَا لاَ تُغِـلُّ لأَهْلِهَـا
قُـرَىً بِالْعِـرَاقِ مِنْ قَفِيْزٍ وَدِرْهَـمِ.
يَمِينـاً لَنِعْمَ السَّـيِّدَانِ وُجِدْتُمَـا
عَلَى كُلِّ حَالٍ مِنْ سَحِيْلٍ وَمُبْـرَمِ
تَدَارَكْتُـمَا عَبْسًا وَذُبْيَانَ بَعْدَمَـا
تَفَـانَوْا وَدَقُّوا بَيْنَهُمْ عِطْرَ مَنْشَـمِ
وَقَدْ قُلْتُمَا إِنْ نُدْرِكِ السِّلْمَ وَاسِعـاً
بِمَالٍ وَمَعْرُوفٍ مِنَ القَوْلِ نَسْلَـمِ
فَأَصْبَحْتُمَا مِنْهَا عَلَى خَيْرِ مَوْطِـنٍ
بَعِيـدَيْنِ فِيْهَا مِنْ عُقُوقٍ وَمَأْثَـمِ
عَظِيمَيْـنِ فِي عُلْيَا مَعَدٍّ هُدِيْتُمَـا
وَمَنْ يَسْتَبِحْ كَنْزاً مِنَ المَجْدِ يَعْظُـمِ.
بئسَّ السيدان المرغني والصادق، وباسط كفيه بوصيدهما الترابي...
| |
|
|
|
|
|
|
|
|
|
Re: ثمّ ماذا بعد الإنقاذ ؟. بلة الغايب سُلطته أقوى من البشير، والإنتخابات مُكاءٌ (Re: معاوية المدير)
|
Quote:
هل هناك وجه شبهِ ما في مكانِ ما وبصورةِ ما بين
العوقة البشير يا قول بشاشا وود الباوقة الـ......
وهل انت بخير
وهل شجاك غيابي
إني شجِ لغيابك |
ود العالي يا غالي،
المشغوليات حجبتني، وإن شاء الله الآقيك في الزايلة دي.
وجه الشبه يا ود الغالي الناس ديل قايلين الدنيا دي عنقريبا جابر، لكن وحات الله
باكر يِنهتِك وكلهم وررررررر يدقوا الدلجة. كتل النفس التي حرّم الله إلا بالحق
قايلنوا هيّن ؟.
باكر حبل الدنيا القصير دا بيكمل وناس ود الباوقة الليلة تراهم يجادلوا عنهم لكن
يوم الحق هناك يوم واقفين في بابوا يوم يسألكم الله يا الناسين حسابو البيقدر يجادل
عنهم رب العالمين مِنو ؟.
مواطن السودان الغلبان واقع بين سندان الحكومة ومطرقة المعارضة.
قول يا كريم...
| |
|
|
|
|
|
|
| |
معاوية المدير
حمد عبد الغفار عمر
Asim Fageary
فيس بوك
تويتر
انستقرام
يوتيوب
بنتيريست