أغنية الروّاسي , رائعة جعفر السقيد مهداة لموهوبي ومحترفي الفيديو كليب

مرحبا Guest
اخر زيارك لك: 06-09-2024, 07:21 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2015م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
02-13-2015, 04:45 PM

أسامة العوض
<aأسامة العوض
تاريخ التسجيل: 03-14-2013
مجموع المشاركات: 2853

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
أغنية الروّاسي , رائعة جعفر السقيد مهداة لموهوبي ومحترفي الفيديو كليب

    03:45 PM Feb, 13 2015
    سودانيز أون لاين
    أسامة العوض - المدينة المنورة
    مكتبتي في سودانيزاونلاين






    بــدّر مــدّر يا رواســـي , نحن بُـعـــاد لَحّـــقـنا القيــفة
    إنت مدبّج ونحن نقاسـي برد امشـير والمـوج والزيفة
    مُركبك الماليها مطارق تمشى تقيف تسرح بي كيفها
    مرة مغارب ومرة مشارق وإنت تخاف الريح وحفيفها
    ساوها زينة وفوقها بيارق , وأنت مدبّج توب وقطيفة
    فيها المات والضاربو الفالق والسالمين فى حالة مخيفة

    كل الناس ترزح في كفّة وإنت و ناسك فوق الدفة
    الدايشين والـ راسهم لفة والشاخصين في المدى للضفة
    ساوْ طبّالك فوقهم ألفة , جوة الموية وريقهم جفّ
    من العطش النُص إتوفى , وباقي النُص الفَضّل جيفة

    ضاقوا المُر والحال استعصى, الشغال واللاحق الحصة
    الواصال للرحم إتقصّ , والهدّاى مو لاقي الفرصة
    الرسّاى سافر ما وصّى , خَلّى محمد وأحمد وحفصة
    الأطفال الـ عِرفوا القصة سَدّت جوّة حلوقهم غُصة
    من الجوع الدم اتمصّ , واصبح كل الحلم رغيـفة

    كل الراكب شاف أحلامو , دون احساس ماتت قدامو
    فَنّ كتابو وكسر اقلامو , لا الوالدين لا جار ما لامو
    ناس الحلة القعدوا وقاموا , أصرّ وألحّ يمشي كلامو
    هزموه اخوانو البي الجوع ناموا, وكم خريج ما لاقي وظيفة

    يا الفكيتها وقلت لها سيري , وعارف إنو الدنيا دميري
    لا فى ضفاف لا شفنا جزيرة لا فى الحيري ولا فى الطيري
    كسرت جناحها وقلت لها طيري واتملكت الكانت ميري
    يا الـ سوّدت الناصع وجيري , إيد الحق صابونة وليفة

    قبلك كم متعلم وقاري , عَكْس الريح فكّولو الصّاري
    مشدوهين متعشي وحاري, ريّسها شلّته والبحاري
    كم سنوات علاّمها البارئ , واقفة و هم شايفنها جاري
    بقينا هلاك والقيف متضّاري لا حُجار لا دوحة وريفة

    حسّك عينك ما تتمادى , وتنسى الراكب عندو إرادة
    الأهوال الشافها وخاضها , كان فى مدرسة ولا عيادة
    شفنا الإيد الكان أجوادة , يا مبتورة و يا شحادة
    وياما رقاب كانت سدّادة , علّمت الله من التعريفة

    يا ريسنا قدُر ودّيرك , فِك الدفّة و أديها غيرك
    أحفظ نفسك ترضي ضميرك وقّف أوعى تواصل سيرك
    كان طاوعتنا شن بيضيرك؟ عرض أكتافك وفك البيرك
    لا هني شكراً وكتّر خيرك, و كل إنسان في الأرض خليفة
                  

02-14-2015, 08:48 PM

أسامة العوض
<aأسامة العوض
تاريخ التسجيل: 03-14-2013
مجموع المشاركات: 2853

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أغنية الروّاسي , رائعة جعفر السقيد مهداة لموهوبي ومحترفي الفيديو كليب (Re: أسامة العوض)


    الأغنية من كلمات الشاعر حاتم حسن الدابي
                  

02-18-2015, 00:45 AM

أسامة العوض
<aأسامة العوض
تاريخ التسجيل: 03-14-2013
مجموع المشاركات: 2853

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أغنية الروّاسي , رائعة جعفر السقيد مهداة لموهوبي ومحترفي الفيديو كليب (Re: أسامة العوض)




    حاتم حسن محمد بخيت الدابي
    * من مواليد 11-7-1961م بمنطقة القرير مركز مروي.
    * تدرج في مراحل التعليم فدرس الإبتدائية والمتوسطة والثانوية (المساق الصناعي) ثم نال دبلوم الناضجين من جامعة السودان للعلوم والتكنولوجيا.
    * متزوج وأب لولدين وثلاث بنات.
    * له العديد من الأعمال الشعرية والغنائية التي تبلغ حوالي الـ300 قصيدة (البعض يؤكد أن قصائده تجاوزت الألف قصيدة).
    *عمل مهندساً بهيئة توفير المياه الريفية بالخرطوم.
    * نُقل إلى منطقة أم كدادة وتجول في كل محافظات دارفور وعمل مع المنظمات التي تعمل في مجال المياه ثم ترك العمل عام 1995م.
    * عمل مع الشركة الصينية للمياه والكهرباء في تقويم مشاريع الإعاشة بنوري والقرير والكلد والغابة .
    * له مشاركات واسعة في المناشط الفنية والثقافية وليالي روابط الطلاب بالجامعات والمعاهد العليا بالعاصمة والولايات.
    * أصدر مجموعته الشعرية الأولى (هموم الناس) عام 1996م.
    * تغنى بأغنياته كبار فناني الطمبور وغيرهم.

                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de